مبارك يطلب العفو ويعتذر للشعب المصرى

[fatfouta]

صحيفة عن "مصادر رسمية": مبارك سيعتذر من المصريين ويطلب العفو

ذكرت صحيفة الشروق المصرية المستقلة معلومات مفادها ان الرئيس المصري السابق حسني مبارك سيعتذر من المصريين وسيطلب العفو بعد ثلاثة اشهر من تنحيه.

ونقلت الصحيفة عن مصادر مصرية وعربية رسمية في تقرير تنشره الثلاثاء 17-5-2011 أن مبارك "يعد خطابا سيتم بثه صوتيا عبر قنوات مصرية وعربية يقدم فيه مبارك عن نفسه وعن اسرته خاصة حرمه سوزان ثابت اعتذارا عما يكون قد بدر منه من اساءة لابناء الوطن".

وسيعتذر مبارك ايضا عن "اي سوء تصرف نجم عن نصيحة بعض المستشارين او معلومات خاطئة تم رفعها" اليه.

والرئيس السابق وزوجته سوزان هما قيد الحبس الاحتياطي في مستشفى شرم الشيخ بعد تعرضهما لمشاكل في القلب خلال استجوابهما بتهم فساد وكسب غير مشروع.

واضافت الصحيفة ان مبارك مستعد للتنازل عن ممتلكاته موضحة ان "خطاب الرئيس وتنازله عما يمتلكه من اموال سيكون الهدف منه التقدم من المجلس الاعلى للقوات المسلحة بطلب لكي ينظر في العفو عن الرئيس وقرينته".

وقال مصدر عسكري للشروق ان "هناك جهات كثيرة بعضها مصرية وبعضها عربية تتوسط لاتمام هذا الامر في اطار صياغة قانونية مقبولة".

وتعهدت سوزان مبارك الاثنين ان تسلم الى الدولة المصرية اموالها الموجودة في مصرفين والفيلا التي تملكها في منطقة مصر الجديدة في القاهرة.

http://www.alarabiya.net/articles/2011/05/17/149376.html

[fatfouta]

[capitshino]

مين من الزملاء ممكن يسامحة ومين مش هيوافق

ممكن حد يعمل لنا استفتاء على الموضوع ده ؟

[fatfouta]

فى استطلاع للرأى قام به موقع "اليوم السابع" الإليكترونى بعنوان "هل توافق على العفو عن مبارك وأسرته فى مقابل رد الأموال والممتلكات المنهوبة؟" صوتت نسبة 50.8% من قراء اليوم السابع "بنعم" وأنهم موافقون على العفو عن الرئيس السابق مبارك، وزوجته سوزان ثابت وأبنائه جمال وعلاء، وزوجتيهما، مقابل رد جميع الأموال التى نهبوهما من الشعب المصرى خلال فترة حكم مبارك.

بينما صوتت نسبة 48.58% من القراء بـ"لا" وهى نسبة أقل من النصف بقليل، ويؤكدون بذلك على عدم موافقتهم على إعفاء الرئيس المخلوع وأسرته من العقاب مقابل رد الأموال.

بينما لم تهتم نسبة 0.62% من القراء بالتصويت.

وتعنى نتيجة هذا الاستطلاع أن الشعب المصرى مقسوم نصفين بين استرداد حقه، وأمواله المسلوبة، وبين العقاب الذى يجب أن ينزل بالحاكم الظالم الذى لم يراع حق شعبه كى يكون عبرة لمن يأتى خلفه.

كما تؤكد النتيجة أيضا على أن هذا الشعب العظيم لديه قدرة عجيبة على التسامح والغفران، ونسيان الإساءة، وهو ما يؤهله إلى أن يرقى إلى مصاف الدول الكبرى، ويتجاوز الأزمة وينهى المحنة بسلام.

[ozoozo]

بسم الله الرحمن الرحيم الاجابه هي تييييييت

[Om Zayd]

بس دي لازم يرجعوا فيها للي لهم حق عنده .. حق مباشر مش بس افساد البلد

مزايا الصفقة ان الناس بسرعة تحس بنصر ما .. الفلوس رجعت و كسر صلفهم و غرورهم و أثبتنا ان لا أحد فوق القانون- لان التسوية ستتم في إطار قانوني

العيوب.. ممكن تفتح الباب لانقسام جديدفي الشارع و ليس لدينا بعد الدولة القوية التي تحتوي مثل هذا الانقسام

شخصيا هستنى تفاصيل اكثر قبل ما اكون رأي

تم تعديل 16 مايو 2011 بواسطة Om Zayd

[م تيمور المراغي]

الل حيدي المجرم ده عفو حنحطه جنبه

[capitshino]

كما تؤكد النتيجة أيضا على أن هذا الشعب العظيم لديه قدرة عجيبة على التسامح والغفران، ونسيان الإساءة، وهو ما يؤهله إلى أن يرقى إلى مصاف الدول الكبرى،

قصدهم وهو ده اللى جايبنا لورا .

[م تيمور المراغي]

ملامح الصفقة كده بانت ,,

[ابوهنا]

الل حيدي المجرم ده عفو حنحطه جنبه

انتم مين؟؟؟؟؟؟؟؟؟؟؟؟؟؟؟؟

[ابوهنا]

لو دول الخليج هدفع زى مابيقولوا

يعنى كل دوله تدفع لها مليار

عندك الامارات والكويت والسعوديه يعنى حسبة 3 مليار

وهو ومراته ممكن يدفعوا على الاقل سبعه مليار

يبقى عشره مليار

انا موافق بشده

القضيه ليست قضيه تشفى وبس

القضيه مصلحة البلد فين

[م تيمور المراغي]

الل حيدي المجرم ده عفو حنحطه جنبه

انتم مين؟؟؟؟؟؟؟؟؟؟؟؟؟؟؟؟

الثوار اللي خلعوه هو واهله واللي يتشدد له ,,

[م تيمور المراغي]

لو دول الخليج هدفع زى مابيقولوا

يعنى كل دوله تدفع لها مليار

عندك الامارات والكويت والسعوديه يعنى حسبة 3 مليار

وهو ومراته ممكن يدفعوا على الاقل سبعه مليار

يبقى عشره مليار

انا موافق بشده

القضيه ليست قضيه تشفى وبس

القضيه مصلحة البلد فين

المبادئ بقت تباع بالفلوس !!

طيب دم اخوك سعره كام !!

[ابوهنا]

لو دول الخليج هدفع زى مابيقولوا

يعنى كل دوله تدفع لها مليار

عندك الامارات والكويت والسعوديه يعنى حسبة 3 مليار

وهو ومراته ممكن يدفعوا على الاقل سبعه مليار

يبقى عشره مليار

انا موافق بشده

القضيه ليست قضيه تشفى وبس

القضيه مصلحة البلد فين

المبادئ بقت تباع بالفلوس !!

طيب دم اخوك سعره كام !!

ياباشا حضرتك وبتوع مايسمى 6 ابريل اصحاب الاظافر الناعمه

مش فارقه معاكم كام مليار لانكم ماشاء الله مش محتاجين

معظم بتوع مايسمى 6 ابريل عايشين فى المهندسين او المعادى

العشره مليار ديه ممكن توفر ابوبة بوتاجاز

ممكن تجيب سولار للناس اللى مش عارفه تشغل عربياتها ومش عارفه تروى ارضها

فى رايك الناس ديه تموت علشان اسماء محفوظ تفضل تكتب مقالات

ارحمونا الله يخليكم

[شرف الدين]

فلنتابع قراءة الأخبار العجيبة التي تأتي من هنا وهناك ...

أنا شخصيا اعتقد أن الموت أهون ألف مرة على رجل مثل مبارك من أن يقول أنه أخذ شيئا من أملاك الوطن - إن كان قد أخذ شيئا حقا - ... أو أنه مستعد لرد ما أخذه مقابل العفو عنه.

أما مسألة اعتذاره عن أي أخطاء وقع فيها أثناء حكمه ... فهذه مسألة طبيعية جدا .. ولا يوجد فيها ما يشينه ... رجل يعتذر عن أي خطأ وقع فيه خلال فترة 30 عاما من الحكم .. تصرف جيد بل من رجل كان حاكما سابقا.

الأفضل في جميع الأحوال أن ننتظر حتى تنتهي التحقيقات ... فإن ثبت بعدها أنه مدان .. ننتقل للخطوة الثانية .. وهي مسألة العفو أو عدمه...

بالمناسبة ... أقول للعضو / تيمور

من أنتم ... من أنتم

--------------------------

أخيرا .. ما رأيكم في هذا الخبر

مصدر: مبارك سيقضي بقية حياته في مستشفى شرم

تم تعديل 16 مايو 2011 بواسطة شرف الدين

[fatfouta]

لو عليا انا شخصيا وقرارى بايدى لوحدى هوافق بشرط انه يدينا فلوسنا عشان نبنى بلدنا بيها من جديد وكمان بحكم سنه الكبير هو ومراته

لكن للاسف فيه شهداء ودمهم واهاليهم اللى مش هايسكتوا وهيطالبوا بحق ولادهم ومش شهداء فى الثورة بس لا ده فيه ضحايا كتير ماتوا فى عهده نتيجة للظلم

وهنرجع نقول تانى طب ضحايا العبارة و قطارات الصعيد ومرضى الكبد الوبائى والسرطانات اللى ملت البلد

و.....و....و.....

بجد بجد وبمنتهى الصراحة انا لو عن نفسى انا هسامح ومع الف سلامة........ لكن هنقول ايه لشهدائنا وللناس اللى اتطلمت فى عهده وعاوزين يشوفوا عدل ربنا فيه؟؟؟؟؟؟

[م تيمور المراغي]

من غير كتر كلام وحكي المصاطب بتاع مبارك وشلة الانس ده ,,

الرئيس الجاي لمصر حيكون ان شاء الله راجل ,,

ومش حيسمح بالدلع والمسخره وحقكوا عليا وشغل العيال ده ,,

والكل يا حلوين حيتحاسب حيتحاسب ,,

حتتغربل البلد من فوقها لتحتها

وقتها الحقيقة حتبان وحنعرف مين عمل ايه وعمله مع مين ,,

[rewsha]

البني ادم ده ايه ......(اقصد مبارك طبعا)

دايما بيتفنن في تقسيم الشعب لنصفين بعد كل خطاب يقوله

وعلشان كده انا باطالب باعدامه ..مش بالعفو عنه

هوه لو راجل وله كلمه كنت وافقت على اننا نسترد الفلوس ونعفوا عنه

ومتاْكده ان اهالي الشهداء يهمهم مصلحة مصر اولا واخير

لكن مبارك غلب الشيطان نفسه

فاكرين النكته دي ؟

بعد تزوير الانتخابات وبيع الشركات وتوزيع الاراضي ,استدعى مبارك الشيطان .وقال له انا عاوز اعمل في الشعب المصري حركه تطلع من نافوخهم...ابليس,طب هات ودنك...وز وز ...وز...مبارك :لا يا ابليس عملناها في الخصخصه .عاوز حاجه اشد من كده .

ابليس :طب هات ودنك..وز...وز...وز...

مبارك:لا لا دي العادلي عملها في الانتخابات اللي فاتت.

تعالى اقول انا هانعمل ايه.,,وش ...وش...وش

راح ابليس قايل له (يا راجل حرام عليك)

ثم ان انا ايه اللي يضمن لي انه هايرجع كل اللي اخده

هل ؟ بالمنطق كده ...هايسيب كل الفلوس ..ويعيش بعد كده بمعاش الحكومه ؟؟؟؟

لو حد مقتنع ان مبارك ممكن يعيش بمعاش الحكومه .يبقى ساعتها اوافق انه يتنازل عن الفلوس ونعفوا عنه

لكن اللي اتعود على العز واكل الوز ..ماينفعش ياكل عدس و اُرز

[م تيمور المراغي]

ياباشا حضرتك وبتوع مايسمى 6 ابريل اصحاب الاظافر الناعمه

مش فارقه معاكم كام مليار لانكم ماشاء الله مش محتاجين

معظم بتوع مايسمى 6 ابريل عايشين فى المهندسين او المعادى

العشره مليار ديه ممكن توفر ابوبة بوتاجاز

ممكن تجيب سولار للناس اللى مش عارفه تشغل عربياتها ومش عارفه تروى ارضها

فى رايك الناس ديه تموت علشان اسماء محفوظ تفضل تكتب مقالات

ارحمونا الله يخليكم

اسماء محفوظ واللي بتقول عليهم ما يسمى مابيبيعوش نفسهم ولا مبادئهم بكنوز الدنيا ,,

يا خسارة المبادئ ,,

[rewsha]

بسم الله الرحمن الرحيم الاجابه هي تييييييت

هههههههههههه

دايما سابقني بخطوه

اخدتها من على لساني