مبارك يطلب العفو ويعتذر للشعب المصرى

[Simba]

طبعا انا مش مصدق استفتاء اليوم السابع ده لان دي اخر ناس تعرف الامانة والنزاهة

بس الموضوع طول وباخ اوي وفيه حاجات كتير جدا بقت وحشة بعد الثورة

اخبار كلها احباط في احباط وطبعا النتيجة الناس تتلهي علي عينها وتسكت عن الفساد وندفع عجلة الاقتصاد حتي لو بحمير تعبانة

واحد زي بتاع كلية الاعلام ده انا معرفش حاجة عنه بس الكل مش طايقه وعليه مشاكل كتيرة ليه لحد دلوقتي ما اتشالش من مكانه

التلفزيون المصري عايز يطلع بجد معاش مبكر ويتوفر الفلوس اللي بتتصرف عليه علي الفاضي

قناة التحرير رغم انها بتضم اسماء لامعة لكن الوكسة ان فيها نوار نجم اللي كل كلامها ابن كذا وميتن ام كذا واحتراما للمحاورات مش هنقل الفاظها ازاي بعد الثورة ازااااااااااااي دي تبقي مذيعة

كمان الشباب تايه لسه عايش في روح الثورة وبس طول ما هو شايف اللي عايزه ما اتحققش وكل ما شوية ينزلوا الشارع مش اقل من عشرين واحد يتحاكموا عسكريا ويضيع مستقبلهم وبرضه مفيش فايدة فيهم

الاولي انهم يناضلوا في اختيار مرشحين للبرلمان يمثلوهم ولا يتجمعوا في حزب لان الشارع خلاص متقسم لعشرين اتجاه

شفت النهاردة فيديو فظيع عصبني جدا ومش هنقله هنا علشان ما سخنش الدنيا اكتر ما هي سخنة

الله يسامحك يا مبارك

تعبتنا وانت موجود وتعبتنا وانت متنحي

تم تعديل 17 مايو 2011 بواسطة سمبا

[الغريب]

أرحمونا مرة وخلونا نشوف دولة القانون

عفو أيه وصلح أيه بس ؟؟

"لو أن فاطمة بنت محمد سرقت لأقام محمد عليها الحد" عليه الصلاة والسلام

[wahed_masry]

السلام عليكم

هتلنى ما قرأت رغم أننى توقعته فى إحدى مداخلاتى أمس الأول بعنوان احذروا الخداع

والأن يجب النظر بشئ من العمق اليسيط

أولا

كونه يتنازل هو وزوجته عن حوالى 140+20 مليون بالأضافة إلى فيلا فى مصر الجديدة وقصر فى شرم الشيخ وهو ما جاء فى تحقيقات الكسب غير المشروع هو فى الحقيقة كلام فارغ

لم ؟ لأن التحقيقات فيما قرأت تدعى أنه ليس له أي أموال أو عقارات فى أى مكان خارج مصر وهو ما يتناقض مع الوفد السويسرى و أقوال الأتحاد الأوروبى و الولايات المتحدة أولأ ومع التقارير التى أذيعت عن أن فساده بدأ مسجلا فى صفقة الطائرات الفرنسية لليبيا سنة 1971 وأيضا مع المنطق السليم

ثانيأ

ماذا عن علاء وجمال؟ هل تشير التحقيقات أيضا إلى أنهما على الحميد المجيد؟

ثالثأ

ما سبق كان بخصوص السرقة والفساد المالى فماذت عن الفساد والأفساد الأدارى بتولية أفراد العصابة فى لعبة الكراسى الموسيقية؟

رابعا (وهو الأهم )

أظن أن الشخص الوحيد الذى يمكنه أن يتنازل عن دم الشهداء هو ذويهم (أمهاتهم وأباؤهم و ابناؤهم ) ولا يملك كائنا من كان أن يصدر قرارا بالتنازل عن هذا الحق سواهم....

وبعد ذلك

إذا فرضنا حل كل هذه المتناقضات

فإلى أين يذهب؟ وما هى الضمانات أن تركه (وربما بعض أفراد عصابته )طلقاء أنهم لن يفعلو أي شئ؟

وأخيرا ، لقد جرت العادة التاريخية أنه عند قيام الثورات (منذ الثورة الفرنسية) أن الثائرين ينكلون فور قيام الثورة بكل خصومهم أما بالقتل أو النفى أو فى أقل الحالات السجن مدى الحياة

فكيف أننا لا نفعل ذلك؟ ألننا أكثر وعيا من كل هؤلاء السابقين؟

مجرد إضافة للدلالة على ما ذكرت فى أولا

http://elbadil.net/%d8%a8%d9%84%d8%a7%d8%ba-%d9%8a%d8%aa%d9%87%d9%85-%d9%85%d8%a8%d8%a7%d8%b1%d9%83-%d9%88%d8%b3%d9%88%d8%b2%d8%a7%d9%86-%d9%88%d8%a7%d9%84%d8%b4%d8%b1%d9%8a%d9%81-%d8%a8%d8%a7%d9%84%d8%a7%d8%b3%d8%aa/

جريدة البديل

بلاغ يتهم مبارك وسوزان والشريف بالاستيلاء على مليار و420 مليون جنيه من تبرعات زلزال 1992

تحياتى

تم تعديل 17 مايو 2011 بواسطة wahed_masry

[Alattar]

كان صفوان بن أمية رضي الله عنه نائمٌ في مسجد رسول الله -صلى الله عليه وسلم-على رداءه فجاء سارق فسرق رداء صفوان من تحته؛ فرفعه صفوان إلى رسول الله فقال: " اقطعوا يده " . قال: يا رسول الله أعلى ثلاثة دراهم تقطعه إني وهبته له قال: " هلا قبل أن تأتيني به "

و قال ابن باز رحمه الله تعالي في تعليقه علي هذا الحديث

"" إذا بلغت الحدود السلطان فلعن الله الشافع والمشفع"

[shiko]

...عفو ايه ؟؟

عفو أمتى عفو ؟؟

كَلاَّ إِذَا بَلَغَتْ التَّرَاقِيَ

وَقِيلَ مَنْ رَاقٍ

وَظَنَّ أَنَّهُ الْفِرَاقُ

الوقت ده ينفع فيه عفو؟؟

طب العفو ده موش لازم ييجى من 85 مليون واحد اللى عايشين فى مصر ...

ولا هما العشرة اللى عاوزين العفو ده يجبوا حقوق الملايين

طب والناس اللى ماتت تعفوا ازاى ؟؟

ومين يصفح عن لحم اهلينا اللى فى العبارة ....اللى كله السمك ....

لو فى واحد عاوز يصفح ويعفوا ....يعفوا عن نفسه ...لكن لحم ودم الناس اللى داب فى البحر واتحرق فى القطر لأ...

واللى عاوز يعفو ....يعفو عن حقه فقط ...يروح ويوطى على ايد مبارك ويبوسها ويقوله عفونا عنك

ولا مشيئة له ولا دخل له فى حقوق الاخرين

وبعدين بخديعة تلك التصريحات المباركية بنيه اظهار الشعب المصرى ...شعب بيدور على فلوس والسلام ....

واسفة واعتذر مليون مرة للتشبيه

حرامى موش عارف يجتاز سور السجن ....

علشان

الكلاب رملهم عظمة بطلوا نبيح

وكشف فى المستور ....

وعدا هو ...

وعجبى

تم تعديل 17 مايو 2011 بواسطة shiko

[mekkawy]

كل اللي ممكن أقوله إن الناس اللي ممكن تعفو عن المجرم ده .. دول بني آدمين - و اسف للبني آدمين - ربنا وضع على عيونهم غشاوة و انعدمت لديهم الرؤية و انعدم لديهم الاحساس بالغير .. اخس على دول مصريين و خسارة فيهم اسم مصر

[عنبو]

اولاً ده مش اسمه عفو لان العفو بيكون عند المقدره واحنا مش مقتدرين

ده اسمه ابتزاز رسمى

تحياتى

عنبو

[لونا]

"و لكم في القصاص حياة يا أولي الألباب لعلكم تتقون"

[rewsha]

اولاً ده مش اسمه عفو لان العفو بيكون عند المقدره واحنا مش مقتدرين

ده اسمه ابتزاز رسمى

تحياتى

عنبو

. bv:-

[التونسى]

العفو شيمه عظيمه .. لكن مع مبارك جريمه

رغم ذلك انا بحترم من يطالب بالعفو عنه.. من منطلق عاطفى وإنسانى بحت .. احنا بشر برده .. لكن العفو الحقيقى لازم يكون من ضحايا النظام وعائلاتهم .. انا عن نفسى لا املك العفو عنه .. رغم ان سياسات حكوماته كانت السبب فى هجرتى من البلد .. لكنى ممكن اسامح فى ده .. لكن لو ليا اخ شهيد مثلا صعب جدا أعفو عنه

[ذهبية]

واضح ان المجلس العسكرى محطوط فى موقف صعب

بدا الاتجاة فى الاعلام فى مووضع العفو دة من فترة قصيرة

دى بلونة اختبار علشان يشفوا الشعب راية اية ؟؟؟

لانهم مش عارفين ياخدوا موقف حاسم فى المووضع دة بدليل الميوعة و الحجج الى كل يوم بنسمعها مخدر لاعصاب المصريين ايش انة عندة القلب

ا حالتة النفسية الى تعبانة الى مانع الاكل

و هكذا الى ان ظهر الاتجاة دة كبلونة اختبار

راى فى مووضع العفو

هو علشان كان اكبر راس فى الدولة يبقى مايتحاسب و يدفع تمن اخطائة

هو علشان محدش كان يقدر يقولة انت غلط يبقى محدش يقدر يحاسبة

للاسف مبارك كان فى ايدة الف فرصة و فرصة علشان يصلح من نفسة

وعلشان يعمل نفسة بطل فى التاريخ

وعلشان يقفل مسيرتة بطريقة محترمة

لكن للاسف هو و مراتة و ابنة اللى قضواعلية

اية ذنب الشعب

هو يغلطوا فى الاول وفى الاخر و المطلوب من الشعب هو اللى يكون كبير و عاقل و يسامح

[wahed_masry]

وإمعانا فى الابتزاز

هذا الخطاب أنوقع أن يذاع من "العربية"

أما عن مفردات العفو

فأنا أتوقع أن يأتى من يقول بأن العفو يكون شامل لكل أفراد العصابة إذ أن المعاملة تكون بالمثل

أتذكر من كان يقول بأن المحاكمة العادلة يمكننا أن نحتج بها أمام دول العالم لإعادة الأموال المنهوبة

كيف وقد أكد النائب العام أن المذكور لا يمتلك شيئأ بالخارج لا هو ولا أسرته

الخطأ الرئيسى الذى وقع فيه الثائرون هو عدم حذوهم حذو الثورات كلها غبر التاريخ بإعدام رأس الأفعى

والأن ... البقية فى حياتكم فى الثورة

ربنا يحعلها أخر الأحزان

تحياتى

تم تعديل 17 مايو 2011 بواسطة wahed_masry

[amgadibrahim]

بعيدا عن الرغبة في الإنتقام والتشفي

وأيضا مبتعدا عن التعاطف الأعمى اللي بيمتاز به المصريين

لو هذه المقايضة فعلا صحيحة يبقى لازم نختار الأفضل للبلد مش اللي هيشفي غليلنا أو يرضي عواطفنا

الموضوع مش موضوع تنازل عن كرامة أو بيع دم أو بيع للمصرين

البلد الآن في آشد الحاجة لملايين ومليارات علشان تقف تاني من جديد بدل ما تقع أكتر وأكتر

أنا أرى الآتي

أولا: مفيش حاجة اسمها هرجع اللي خدته ويرجع كام مليون وهما دول كل اللي عندي

لأ..... احنا اللي نحد المبلغ المطلوب استرداده لخزانة الدولة وليكن مابين 20-40 مليار دولار

هذا المبلغ ممكن يفرق كتير جدا في البلد ويصلح حاجات كتير ويضعنا على بداية الطريق

وهو سيكون مطالب بدفع المبلغ كتعويض ويجيبه من أي مكان من البنوك اللي برة ....أو يلمه من حبايبه من الدول الأخرى

أو من تحت الأرض

ثانيا : يتم تحديد اقامته هو وزوجته

ثالثا: مصادرة آي مبالغ أو ممتلكات أخرى تظهر له في آي وقت وتهديده بالمحاكمة اذا حدث ذلك

والله ده رأي خاص بي أكيد مش هيعجب البعض بس أنا جنبت كل أحاسيس الغل والرغبة في الانتقام على جنب وبدور على مصلحة البلد وابنائها

وبعدين الراجل ده هيموت قبل ما يتحبس ولا هنشوف منه مليم .....ساعتها هنبقى استريحنا وفرحنا وراحت كل فلوس البلد اللي اتنهبت وولا هيرجع جنيه واحد

يا ريت نفكر في مصلحة البلد وإن كل وقت بيكون له احتياجاته واولوياته قبل رغبة الانتقام والتشفي

وعلى فكرة ده مش تعاطف منى مع مبارك وزوجته نهائيا لإننا كلنا تضررنا بفترة حكم مبارك بدرجات متفاوتة

وهم الآن في آشد كرب بكل اللي حصلهم ولولادهم واللي راح منهم واللي أصبحوا فيه

[wahed_masry]

<font size="6">

<font color="#48d1cc">

ولله كلام معقول ولكن

هل ممكن نحدد مبلغ الفدية بما يتناسب مع ما سرقه وليس على طريقة "إيش ياخد الريح من البلاط"

احنا بنتكلم عن كام

ولكن بكم تعوض أم فقدت ابنها فى التحرير أو فى أمن الدولة؟؟

أنا أرى أن يتم حل

قضية السرقة هكذا على ألا يمتد مثل هذا العفو إلى غيره من باقى أفراد العصابة (خصوصأ أبتائه)

أما موضوع الأوامر بقتل المتظاهرين فيظل فى المحكمة

مجرد رأي

تحياتى

</font>

</font>

تم تعديل 17 مايو 2011 بواسطة wahed_masry

[hOuSsAm]

اقولكوا اقل ضرر من اضرار العفو ده

اننا هتبقى كرامتنا فى الارض

واحد بيعذبنا ويطلع عنينا وبعدين يشترينا بفلوسنا

مش عارف ليه الموضوع ده فكرنى بفيلم الارض

ترضى مثلا تبقى شغال عند رجل اعمال وابنه يديك بالقلم على قفاك ويجى ابوه يزودلك مرتبك ويقولك معلهش سامحه اصل ميعرفكش وادى يا سيدى 200 جنيه زيادة فى المرتب لكفائتك

اى خزى وعار هذا

--------------

وستكرر اللعبةوياتى بعده رجل اخر ينهب ويفسد ويسرق ويقتل

ثم يطلب العفو يدقع نص الفلوس اللى سرقها

--------------

الان موقف حاسم لدى الشعب اما ان يختار الكرامة وان يختار الفلوس اللى هى اصلا بتاعته

[rewsha]

بعيدا عن الرغبة في الإنتقام والتشفي

وأيضا مبتعدا عن التعاطف الأعمى اللي بيمتاز به المصريين

لو هذه المقايضة فعلا صحيحة يبقى لازم نختار الأفضل للبلد مش اللي هيشفي غليلنا أو يرضي عواطفنا

الموضوع مش موضوع تنازل عن كرامة أو بيع دم أو بيع للمصرين

البلد الآن في آشد الحاجة لملايين ومليارات علشان تقف تاني من جديد بدل ما تقع أكتر وأكتر

أنا أرى الآتي

أولا: مفيش حاجة اسمها هرجع اللي خدته ويرجع كام مليون وهما دول كل اللي عندي

لأ..... احنا اللي نحد المبلغ المطلوب استرداده لخزانة الدولة وليكن مابين 20-40 مليار دولار

هذا المبلغ ممكن يفرق كتير جدا في البلد ويصلح حاجات كتير ويضعنا على بداية الطريق

وهو سيكون مطالب بدفع المبلغ كتعويض ويجيبه من أي مكان من البنوك اللي برة ....أو يلمه من حبايبه من الدول الأخرى

أو من تحت الأرض

ثانيا : يتم تحديد اقامته هو وزوجته

ثالثا: مصادرة آي مبالغ أو ممتلكات أخرى تظهر له في آي وقت وتهديده بالمحاكمة اذا حدث ذلك

والله ده رأي خاص بي أكيد مش هيعجب البعض بس أنا جنبت كل أحاسيس الغل والرغبة في الانتقام على جنب وبدور على مصلحة البلد وابنائها

وبعدين الراجل ده هيموت قبل ما يتحبس ولا هنشوف منه مليم .....ساعتها هنبقى استريحنا وفرحنا وراحت كل فلوس البلد اللي اتنهبت وولا هيرجع جنيه واحد

يا ريت نفكر في مصلحة البلد وإن كل وقت بيكون له احتياجاته واولوياته قبل رغبة الانتقام والتشفي

وعلى فكرة ده مش تعاطف منى مع مبارك وزوجته نهائيا لإننا كلنا تضررنا بفترة حكم مبارك بدرجات متفاوتة

وهم الآن في آشد كرب بكل اللي حصلهم ولولادهم واللي راح منهم واللي أصبحوا فيه

انا موافقك في الراْي

س عاوزه اقوا ان مبارك بيعقد نفس صفقة احمد عز لكن بخُبث

احمد عز حدد المبلغ وقال خدوا مليار ونص وسيبوني

لكن مبارك اتخابث وقال هاتنازل عن كل اللي عندي وسيبوني

ولما هانيجي نشوف اللي عنده ...هانلاقيه كله على بعضه مش جايب مليار واحد حتى

لكن الاسم ..انه ماحددش المبلغ وقال خدوا اللي معايا كله

وفعلا كل الباقيين هايعملوا زيه .خدوا اللي معانا وسيبونا

اما عن مقتل المتظاهرين والشهداء ..فلم احظى بشرف ان يكون لي اقارب منهم .والوحيد اللي له الحق في القرار ده ..هوه اهاليهم فقط

على فكره

انا باحب القهوه مظبوطه ...علشان لما توزعوا قهوه على روح الثوره

[shiko]

احنا نقتل جمال ونحرق علاء ونسحل سوزان ونغرق أحفاده فى عبارة، ونعتذرله لو قبل اعتذارنا هنقبل اعتذاره

[محمد عبدالعزيز]

كان نفسى أكتب حاجة

بس بجد محبط جداً من اللى بيحصل ده, وماليش نفس أكتب أى حاجة.

أنا بس حبيت أقول إنى عن نفسى رافض العفو ده ولو حتى حموت من الجوع, واللى متمسك قوى بمبادئ الإسلام فى العفو والكلام ده, يتذكر إن عقيدة المسلم بتقول إن رزقك وأجلك بأمر الله وحده, يعنى مش مبارك هو اللى حينقذنا بفلوسه المسروقة كلها لو ربنا أراد موتنا, ومش حيقدر يموتنا مهما عمل لو عمرنا لسه فيه ثانية واحدة.

[abaomar]

مادام وصلنا للعك ده و الريحة فاحت وبانت يبقى مافيش غير المطالبة بمجلس رئاسي مدني يشد الناس دي ويحقق مطالب الثورة اللي اذناب النظام البائد بيحاولوا يرهبوا الشعب ويلتفوا حوالين مطالبهم من تاني ,,

وبقول لحزب الكنبة بقى انشفوا شوية كده طمعتوهم فينا

السلام عليكم

كده لبتها بانت يا أرش

كل الهيصه اللى معموله بعد انتخابات 19 مارس و نتيجه الاستفتاء المخيبه للامال بالنسبه لحزب ..لا .. و على رأسه

شله ساويرس و عمرو موسى و عمرو خالد و احمد حلمى و زوجته منى زكى ...

مجلس رئاسى يدير البلد لحد ما الاحزاب الكرتونيه و الحركات الهلاميه من عينه كذبه 6ابريل ما تتدبر حالها و تدور لها على طريقه تضرب بيها الانتخابات اللى اكتسحها التيار الاسلامى قبل بدايتها سواء كان اخوان او سلفيين او من مثلهم

الذين يمثلون الاغلبيه الساحقه فى البلد و ظهرت قوتهم و ثقلهم على حقيقتها بنسبه 78% .

لكن للاسف يا ارش فسينفقونها ثم تكون حسره عليهم ثم يُغلَبون

اخويا ارش

العلمانيون بكافه طوائفهم ليبراليين او اشتراكيين .. ليس لهم وجود او قاعده فى هذا البلد سوى فى الاعلام المتحيز فقط

اما على المستوى الشعبى و لدى غالبيه اطياف الشعب وجودهم هلامى و وهمى و لا يسمعون عنه الا فى طنطنه الاعلام

اما على ارض الواقع لو جئت الى احد عوام الناس و قلت تعالى يا علمانى فسينظر اليك شذرا و يقول

اهو إنت اللى علمانى إنت و اللى جابوك و لو كان مؤدبا اكثر سيقول لك ..علمانى ..ترضى حد يقول عليك كده ..!!

.موافقك على ضروره محاكمه مبارك محاكمه عادله شأنه شأن اى مصرى اخر

و فلوسه هاترجع ها ترجع .

تم تعديل 17 مايو 2011 بواسطة abaomar

[MZohairy]

حتفضل شايل من الليبراليين و العلمانيين كتير كده يابو عمر؟؟ :unsure:

يا أخي يابخت من قدر و عفي و لكم دينكم و لي دين

تعايش مع الآخر كإنسان و ليس كمعتقد

ستريح و تستريح و الله

الأهم من كده جبت من انهي كنترول ان الوحشين دول مالهومش قاعده في الشعب؟ bsh:)

ارتجع يابو عمر بقى و بطل ظلم و تنبؤات باطله لجل اللي خلقك

اورفوار bnd5::