كلنا خالد سعيد في17يناير: اللي عايز ثورة بيحرق البلد

[abdulmuttaleb]

في السابع من يناير 2011م وتحديدا في الثانية وتسع وعشرين دقيقة ظهرا، كانت ستيتوس صفحة كلنا خالد سعيد على الفيسبوك كالآتي:

"

اللي بيطالب بثورة سهل جدا حضرتك اعمل صفحة بتقول إنك عايز ثورة واحرق البلد .. لكن هنا احنا هنفضل نعمل اللي بيمليه علينا ضميرنا وهنعترض من غير عنف.

ولو انت شايف اللي بتعمله مالوش فايدة تبقى غلطان لأن من ساعة ما بدأنا والحمد لله بنغير في ناس كتير واتسببنا إن قضية خالد بقت رأي عام واللي قتلوه بيتحاكموا بدل ما كان هيتقال عليه منتحر. كفاية اننا بقينا منبر بيظهر الحقيقة اللي بيحاولوا يخبوها

"

http://1.bp.blogspot.com/-H2nu5-z_A_g/TcnfS0tO-aI/AAAAAAAAAE4/TRwJr4ZuaWM/s400/7th+Jan+Facebook+Status+Post.PNG

كيف تطورت صفحة كلنا خالد سعيد وتغيرت معالمها ما بين البوست أعلاه، وما بين البوست أدناه في الخامس عشر من يناير2011م في العاشرة وسبع عشرة دقيقة صباحا، وصولا إلى الحادي عشر من فبراير؟

http://4.bp.blogspot.com/-CaVU6MFwlps/TcLD6_a7K7I/AAAAAAAAAC0/fjI7XQ8Ext0/s400/Mubarak+Ghonim+Google.jpg

تحليل متكامل لصفحة كلنا خالد سعيد قبيل، وأثناء الأحداث، وصولا لقرار تسلم المجلس الأعلى للقوات المسلحة إدارة شؤون البلاد، انتظروا الهدية في الأسبوع القادم.

تم تعديل 17 مايو 2011 بواسطة abdulmuttaleb

[م تيمور المراغي]

وائل غنيم من ساعة ماطلع من المعتقل 7 فبراير وهو جايب جااااز ههههه :happy:

خليكوا مع الثوار الحقيقيين اللي كانوا بيواجهوا كلاب الدولة بوشوش مكشوفة وصدور عارية مش اللي مستخبيين ورا اسماء مستعارة وقابضين 14 مليون جنيه من بيع ذكريات الثورة !

باي باي غنوووومه ,,

[Ahmed Anwer]

وائل غنيم من ساعة ماطلع من المعتقل 7 فبراير وهو جايب جااااز ههههه :happy:

خليكوا مع الثوار الحقيقيين اللي كانوا بيواجهوا كلاب الدولة بوشوش مكشوفة وصدور عارية مش اللي مستخبيين ورا اسماء مستعارة وقابضين 14 مليون جنيه من بيع ذكريات الثورة !

باي باي غنوووومه ,,

لأ معلهشي ،،،

وائل غنيم يكفيه شرف إنه أول من دعي للثورة و فكر فيها

و الشعب و أنتم أنضميت ليه ،،

ثانيا الاربعتاشر مليون أعلن إنه هيتبرع بيهم لشهداء و مصابي الثورة بالكامل ،،

كفاية مزايدات علي وطنية الناس لو سمحت

[abdulmuttaleb]

وائل غنيم من ساعة ماطلع من المعتقل 7 فبراير وهو جايب جااااز ههههه :happy:

خليكوا مع الثوار الحقيقيين اللي كانوا بيواجهوا كلاب الدولة بوشوش مكشوفة وصدور عارية مش اللي مستخبيين ورا اسماء مستعارة وقابضين 14 مليون جنيه من بيع ذكريات الثورة !

باي باي غنوووومه ,,

الكلام أعلاه اللي في الموضوع كله قبل 7 فبراير وقبل اعتقال م.وائل غنيم أصلا يا سيدي.

وعلى ما اتصور هو قال إن حقوق نشر كتابه سيتبرع بها أو نصفها مش فاكر لجمعيات خيرية في مصر لأسر الشهداء.

أما الثوار الحقيقيين فعلى رأسهم الجيش المصري في رأيي بدليل البوست ده اللي أنا ناقل فيه ما قاله عمرو أديب في إبريل 2010م واللي أكيد في رأيي لم يمر مرور الكرام على مختلف أجهزة الدولة - على الأقل الجيش والمخابرات:

http://notegpresident.blogspot.com/2011/04/wafd-amr-adeeb-6-april-protests.html

تحياتي وتشرفت بمرورك.

[Ahmed Anwer]

أ / عبد المطلب ،،

بالأمانة و شهادة حق ،،

وائل غنيم فعلا فعلا أنضف واحد من الناس اللي بيدعوا إنهم بيمثلوا الثورة

(( علي فكرة هوا الوحيد اللي بيقول إنه مبيمثلشي الثورة و بينكر ذاته رغم إنه ده حق تالت و متلت ))

و أثناء الثورة ليه برده ليه دور عظيم ، ممكن تقراه في مذكرات الشاعر عبد الرحمن يوسف

و حتي هذه اللحظة مازال عاقل منطقي التفكبر ، وطني حقيقي ، ديمقراطي

ربنا يحميه و ميتغيرشي

[Ahmed Anwer]

فيه نقطة تانية هامة جدا يا أ / عبد المطلب

7 يناير مكنتشي ثورة تونس خلصت !!!

بعد ثورة تونس ما نجحت ،، الرؤية تغيرت تماما

ثورة تونس اللي فجرت الحلم ، و انا فاكر كويس جدا لأني كنت متابع جروبه من قبل الثورة بفترة طويلة

و لو تفتكر الصورة الشهيرة بتاعت ايد عليها علم تونس و عليها رسمة صحوة و وايد عليها علم مصر و عليها صورة ودن