ثورة الغضب المصريه الثانيه 27 مايو

[جويرية]

شغل الناس العاقلين بقى ,,

على المشير ان يدعوا الرموز الوطنية وممثلي القوى السياسية الفاعلة على الساحة في مصر ,,

يدعوهم الى لقاء موسع يتباحث فيه الجميع ,,

يستمر عدة ايام وتصدر في ختامه توصيات وافية تحدد بالتفصيل آلية التحرك في المرحلة المقبلة حتى انتهاء التشريعية والرئاسية - باليوم والساعه

وقبلها يتم الاستجابة بالكامل لجميع مطالب الثورة التي لا يختلف على شرعيتها على ارض مصر اثنان ,,

وقتها فقط نقدر نقول ان الثورة قد حققت كل اهدافها التي ضحت من اجلها ,,

وحتنعم كل مصر بالهدوء والراحة والاستقرار ,,

اللهم قد بلغت ,, اللهم فاشهد ,,

انا مش متوقعة خير من المشير ده ابدا ، ولا اتوقع اي خير من كل مسئولين النظام السابق ، هوه طنطاوي ده مش عايز يرتاح ده عنده 76 سنة مفروض كفاياه كدة ، بس هوه زي رئيسه بيتبت في الكرسي ان شالله علي رقاب كل الناس

[doctor ayman]

انا مش عارف انتو ليه بتتهموا المجلس العسكري و المشير طنطاوي بانه متبت في الكرسي

بصراحه كلام عجيب جدا اذا كان الراجل قال من اول يوم ان المجلس هيسلم البلد بعد الانتخابات

والموضوع كله اقل من خمس شهور

مش قادرين تصبروا خمس شهور

بدل ماتضيعوا وقتكم في المظاهرات والاعتصامات والزحف لغزه

اتعلموا من الاخوان اللي شغالين علي قدم وساق

عملوا حزب وبدؤا يعملوا الدعايه والمؤتمرات لمجلس الشعب من دلوقتي

وبعدين بعد كام شهر هتيجي الانتخابات ومش هيكون حد استعد ليها غير الاخوان فقط

مفيش حد متحمس لموضوع الثوره الثانيه غير الحنجوريه ومجموعه صغيره من النخبه

ياباشمهندس تيمور ماتضيعوش وقتكم ووقت البلد واستعدوا احسن لانتخابات مجلس الشعب

قبل ان تصحوا من النوم فتجد الاخوان والسلفين حصلوا علي 99% من مقاعد مجلس الشعب

[أبوعمار]

قبل ان تصحوا من النوم فتجد الاخوان والسلفين حصلوا علي 99% من مقاعد مجلس الشعب

ياااااااااااااااااه....أستغفر الله العظيم

وساعتها هانعلن الجهاد لتطهير مجلس الشعب من اليهود المغتصبين؟؟؟؟؟؟؟؟؟؟؟؟؟

أممكن تشرح لي وجهة نظرك وسبب خوفك من الإخوان والسلفيين؟ يعني عملوا ايه وحش قوي للدرجة دي؟؟؟؟

وعلى فكرة أنا لا سلفي ولا اخواني بس جملتك وقفتني وحبيت أفهم

[Ahmed Anwer]

فاهمينكم ،،

http://www.youtube.com/watch?v=RIaN0qPZlqM&feature=player_embedded

[جويرية]

أحد الصفحات على الفيس بوك يدعى أصحابها أنهم سلفيين تتهم من يدعو لمظاهرة 27 مايو بالكفر

[جويرية]

الاقباط يشاركون في جمعة الغضب الثانية 27 مايو

أقباط ماسبيرو يفضون اعتصامهم ويشاركون في «جمعة الغضب الثانية»

أقباط الاسكندرية يفضون اعتصامهم ويشاركون فى جمعة 27 مايو

[ام سلمي]

اللي بيحصل ده مش صح ، يعني مش كان الافضل نتفق كلنا علي مجموعة مطالب ننزل بيها التحرير ويبقي العدد كذا مليون ، بدل ما تتحط مطالب فردية زي المجلس الرئاسي اللي الكل مش عايزه ومش حنتفق علي اسامي وتصفصف المليونية علي الاف وتضيع باقي المطالب هباء، والكل يبقي خسران وممكن الشرطة العسكرية تتعرض لهم ونرجع نقول افرجوا عن المعتقلين وندور في حلقات مفرغة

شيلوا مطلب المجلس الرئاسي وخلوا المطالب اللي الكل اتفق عليها علشان الكل ينزلوا المظاهرة ونبقي قوة كبيرة

في كمان مطالب مش واقعية او مش واضحة يعني مطلب محاسبة الفاسدين ، طب المجلس العسكري قال انه ما بيتدخلش في القضاء ، ثم انهم فعلا بيتحاسبوا بس القضاء حباله طويلة يعني المجلس العسكري حيعمل ايه؟ يحولهم محاكم عسكرية ومش مهم الفلوس ؟ ايه الحل حطوا حلول محددة مش مطالب عايمة واللا نبقي بنحط للمجلس العسكري العقدة في المنشار

برضه تطهير القضاء مطلب عايم ، يعني نشيل كل القضاة نقعدهم في البيت ، كان ممكن تجتمع القوي الوطنية بالمحامين وتعمل لستة بأسماء القضاة اللي ما يختلفش عليهم اتنين من امثال قنصوة ونطالب المجلس بتكوين لجنة قضائية من القضاة دول و هما دول اللي يتولوا محاسبة النظام السابق وممكن يتفرغوا للقضايا دي بس علشان تخلص بسرعة

او نحدد لستة تانية زي اللي المحامين حطوها امبارح بأسامي القضاة اللي سكتوا علي التزوير في عهد مبارك ونطالب ان دول ما يمسكوش قضايا النظام السابق وعلي رأسهم عبد السلام جمعة

اقصد يبقي في مطالب محددة مش تطهير القضاء تطهير الشرطة تطهير الفساد

تم تعديل 22 مايو 2011 بواسطة ام سلمي

[الغريب]

المشكلة فعلا أن هذه المرة ليس هناك توحد على المطالب

نعم هناك إشتراك في بعض المطالب لكن هناك أيضا إختلاف على مطالب أخرى

هذا الخلاف لو تسبب في عدم خروج البعض لميدان التحرير، فهذه مشكلة لسببين :

1- تعالي نبرة التخوين بين التيارات المختلفة.

2- هذا الإختلاف من شأنه دعم موقف أخطاء المجلس العسكري لأنه ظهر كأن هناك من يسانده.

أما لو خرج الجميع إلى ميدان التحرير كلا على مطلبه ، فالخوف من إشتباكات بين التيارات المختلفة ، وهذه ستكون الصورة الأشد ظلمة في تاريخ الثورة ، وبخاصة أنه وارد جدا تواجد من يمكنه أن يزكي روح الخلاف وينفخ في النار بين وجهات النظر المختلفة ..

ربنا يتم علينا ثورتنا بخير

[محمد عبدالعزيز]

بالنسبة لمطلب المجلس الرئاسى, هناك فعلاً خلاف كبير عليه, وهناك أيضاً مناقشات واتطلاعات رأى كثيرة تدور حوله, وأعتقد إنه سوف يتم التغاضى عنه من قبل المطالبين به للحرص على وحدة الصف.

بالنسبة لمحاكمة الفاسدين والفلوس, من الممكن أن تتم المحاكمات الخاصة باﻷموال أمام القضاء المدنى, وأن تتم محاكمات قتل المتظاهرين أمام القضاء العسكرى, هذا رأى مطروح الآن.

[ام سلمي]

http://www.youtube.com/watch?v=W6eU7g8Ek60

ده تعليق نوارة نجم علي الفيديو ، بتقول ما حدش يجيب سيرة مجلس رئاسي ، شيلوا المطلب ده علشان الناس تنزل المظاهرة

تحديث:

مش انا اللي عاملة الفيديو ده، ده واحد اخده مني في الميدان لما لقاني عمالة اصوت واعيط لما عرفت ان جمال مبارك اتحفظ معاه التحقيق

بس كل واحد فينا بقى يعمل فيديو زي ده يقول ليه نازل يوم 27، يقول رأيه بمنتهى الحرية، واياك يفتح سيرة المجلس الرئاسي، مش عايزين حد يمسك علينا غلطة

تم تعديل 22 مايو 2011 بواسطة ام سلمي

[ام سلمي]

رأي العوا في ثورة 27 مايو وفي المجلس الرئاسي

ورفض العوا المشاركة فى ثورة 27 مايو المقبل، لافتا إلى أن الشعب يحتاج لوقفة مع النفس لإعادة خسائر الاقتصاد، مشيرا إلى أن الغضب الدائم لا يولد إلا نارًا تحرق الزمان والمكان، كما رفض بشدة وجود حزب شيعى داخل مصر، مؤكدا أن مصر لا يصلح إلا أن يحكمها إسلامى.

وأضاف أن الدعوة إلى مجلس رئاسى هو دعوة لتفريغ الثورة من محتواها، لأنها ستأتى بديكتاتور جديد، مشيرًا إلى أنه ضد المجلس الرئاسى أو رئيس مؤقت، مطالبا بضرورة أن يستمر المجلس الأعلى للقوات المسلحة فى حكمه للبلاد لحين إجراء انتخابات برلمانية ورئاسية.

اليوم السابع

تم تعديل 22 مايو 2011 بواسطة ام سلمي

[ابراهيم عبد العزيز]

http://www.youtube.com/watch?v=NRWJHxGOXDE

هو فى الحقيقة كلام أسماء محفوظ يجب ان يؤخذ فى الاعتبار

وكثير من كلامها صحيح واتفق معها فيه تماما

واتفق معها إنه لن يحمى احدا الثورة إلا شعب مصر ( والمجلس العسكرى يندرج تحت شعب مصر وليس كيان منفصل عنه )

[ابراهيم عبد العزيز]

وهناك نقطة اود الاشارة اليها :

ما تم عرضه من مطالب يوم 27 مايو كلها مطالب لا يختلف عليها اثنان فى مصر

ولكن على الداعين لهذا اليوم حذف المطلب الخاص بتشكيل مجلس رئاسى , حيث انه مطلب مختلف عليه بين اوساط الشعب المصرى ولا نبالغ اذ قلنا أنه يوجد انقسام بين الشعب فى هذا المطلب .

وكان من اهم أسباب نجاح ثورة 25 يناير هو الاتفاق على مجموعة مطالب توحد معها الشعب المصرى عن بكرة أبيه فحدث التوحد الذى كان له أكبر الأثر فى النجاح

لذا أرى انه من الذكاء الاتفاق على مجموعة مطالب تضمن الحصول على دعم وتأييد غالبية الشعب المصرى ومن ثم يتم احداث الزخم المطلوب ليوم 27 مايو والنجاح فى تحقيق باقى مطالبها بعد حذف مطلب تشكيل مجلس رئاسى

[Diab]

عارفين مين ده :unsure:

ده أمل دنقل صاحب رائعة لا تصالح

الله يرحمه لو شفته تفتكره م الفواعليه

ماتقولش ابدا انه شاعر

قصدي من الكلام ده ان كل واحد فينا ممكن بحكم ع التاني

من شكله

من لبسه زي الناس اللي اتريقت علي الشيخ حافظ سلامة عشان الطربوش

ومشافوش تحت الملابس دي كهل بحيوية وعقل شاب

معلش انا لا اتكلم عن الحمقي والمغفلين دول مكانهم كتب النوادر

وعلي فكرة ده مش اقصاء ولا حجر ع الرأي

ده حجمهم الطبيعي

طالوت وجالوت

نسبة 77 %

نسبة 23 %

كله واحد بيحاول يلبس رداء طالوت و بيظن ان الأخر هو جالوت

ال 23 % هما هم 6 أبريل وشباب الأخوان

مطالبهم مشروعة وأعلنوها

طيب المشكلة فين

المشكلة في اللي ماسك في رجليهم من المنتفعين زي ساويرس ورفعت السعيد و وووو

عاوزين ايه

عاوزين دستور جديد

طيب وايه يعني

لا دول بالمرة بيطالبوا بالغاء المادة التانية

المادة التانية

طيب 6 أبريل عاوزة كدة

أظن لا

طيب نعمل ايه في ولاد .............. اللي لازقين في رجلينا وبيسوؤا سمعتنا

سؤال بلا اجابة

؟؟؟؟؟؟؟؟؟؟؟؟؟؟

ال 77 %

أخوان والسلفيين واغلب الشعب المصري اللي عاوز صحيح دستور جديد اللي يضمن انه ميلغيش المادة التانية

يبقي مفيش حل غير دعم الاخوان لانه هو الوحيد اللي يضمن كدة

طيب المطلب عادل برضه

المشكلة فين

المشكلة في فلول الحزب الوطني اللي بتتمسح في الاغلبية لانه ديدينها

نسبة ال 23 % عاوزة تجنب الدين bsh:)

مين قال ان احنا عاوزين نجنب الدين :blink:

ماهو ساويرس معاكم اهوا

من الناحية التانية

نسبة ال 77 % مش عاوزة تبطل طريقتها اللي فاتت في استخدام اي طريقة للوصوب للحكم

مين قال و الاخوان والحزب الوطني في مركب واحدة اهو

وتفضل المشكلة والتخوين والحجة في

الأتب

اللي في ضهر كل نسبة

نسبة ال 77 % " اتبها الحزب الوطني

نسبة ال 23 % ساويرس والعلمانيين

ويضيع الشعب المصري في النص والجيش مبسوط ومستربع ومأنتخ

ونخلي السعودية تصرف علينا

نفسي في حاجة

نبطل النموذج الغربي في التخوين اللي كل همه هو احتلال بلاد العرب والمسلمين بحجج مختلفة

نفسنا حد يقول ان احنا بنستخدم اجندات يابانية

حتي بصوا

اليابانيون يحولون ملاعب كرة السلة إلي صفوف دراسية

لأستدراك ما فاتهم أثناء الزلزال وتسونامي

نفسي نبقي زي الناس دي + الإسلام = bv:-

تم تعديل 23 مايو 2011 بواسطة Diab

[جويرية]

مجرم خطير سبق الحكم عليه في العديد من قضايا البلطجه وهو من الأثرياء وكان الذراع الأيمن الذي يستخدمه العادلي في العمليات القذرة وأعرفه شخصيا من خلال عملي بمباحث القاهرة وسبق أعتقاله في قضايا سلاح وبلطجه وهو من منطقة السبتيه

يتزعم حاليا مجموعه من 850 مجرم خطر جدا وأنضم لهم مجموعه مسلحه من الأفارقة المسلحين لأحداث تدمير في مصر وأعتداء علي الثوار والمتظاهرين

وسوف أبلغ السفارة المصرية بكافة المعلومات بشكل رسمي باكر عن طريق الخارجية الأمريكية بتلك المعلومات وسأحملهم المسئولية الكاملة عن اي أعمال بلطجه أو تكرار لموقعة الجمل وسوف أخطر جهات دولية أخري للعلم بالمخطط الأجرامي وبالأسماء والأماكن ومن يمولهم وقد أنكشف لنا المخطط حالا من مصادرنا الموثوق بها

وأحذر المشير طنطاوي والمجلس العسكري من انتهاج هذا الطريق الذي سيكون نهايه قاسية لهم علي يد الشعب المصري

وهذه الأخبار صارت مؤكده تماما وموثوق بها مائه بالمائه

وأطالب شباب الثورة بالأستعداد التام وتكوين لجان الأمن في جميع الأماكن من باكر

كما أطالب أي قناة فضائية محترمه الأتصال بي فورا لأن موقعة الجمل ستتكرر وعلي أسوا

عمر عفيفي

.

معلومات خطيرة عن مخطط أجرامي جديد ضد مصر ووصول بعض المرتزقه الأفارقة المسلحين لينضموا لمجموعات مجرم شديد الخطورة

[م تيمور المراغي]

[Falcon Crest]

شباب 6 ابريل حقائق مهمة

مهندس تيمور الفيديو ده هديه لحضرتك

تم تعديل 23 مايو 2011 بواسطة Falcon Crest

[abaomar]

السلام عليكم

الاخوه الكرام جزاكم الله خيرا

.

على أخر الزمن جماعه كذبه ابريل هما اللى قاموا بالثوره

احنا اللى جينالك و قولنالك ...و اكلناك و شربناك و علمناك ...إيه الاستعلاء ده ؟؟؟!!!! من انتم ؟

..مش نازلين ضد الجيش ؟

كلمه كاذبه مضلله

انت عندما تتحدى إداره الجيش التى تحكم البلد فى تلك الظروف الصعبه الان ماذا تريد بذلك ؟

ليس إلا الانقلاب على تلك الاداره التى تمثل الشرعيه الحاليه و التى ويا للعجب تدعم الانتقال السلمى للسلطه

و اعلنت ذلك بوضوح ووضعت جدول زمنى ..فاى عقل فى الالتفاف على كل ذلك

خوفا من صعود الاسلام الى سده الحكم ؟؟.... هو قادم رغم انوفكم

إحساسا بمدى ضعفكم و هامشيتكم فى الحياه السياسيه ..مشكلتكم انتم و عليكم حلها

ليتكم يا حزب ..لا .. إنشغلتم بالاعداد الجدى و الحقيقى لبرنامج يلقى قبولا لدى الناس

و لكنكم شغلتم انفسكم بالنيل من السلفيين و لما فشلتم صعدتم المواجهه مع من يحمى التحول الديمقراطى الان

و يدعم إجراء الانتخابات التى ترعبكم نتائجها خصوصا بعد الاستفتاء السابق

تهاجمون الجيش ممثلا فى قياداته و تغضون الطرف عن كل ما تحقق خلال تلك الفتره البسيطه

ناسين و متناسين كيف كنا و اين اصبحنا فى زمان و مكان من الصعوبه بمكان اتخاذ اجراءات كتلك

علما بانه لا ينسب احد العصمه الى قيادات الجيش و لكن من الكياسه و الحكمه وضع الامور فى نصابها

و عدم افتعال مواجهه مع قياده الجيش منعا لحدوث ما نخشاه ..و يريده الخبثاء.. باستمرار الجيش و الغاء الاتخابات القادمه

و العبث بالدستور وفق اهوائهم و لكن هيهاااااااااات .

و لنتذكر انه كان من الاحلام ان يتحقق جزء و لو بسيط مما نراه اليوم و يكفى ان العادلى فقط على اعتاب حبل المشنقه

..

إتقوا الله فى مصر و اعلموا انكم محاسبون على كل ما تقولون و تفعلون

[hanzmolar]

شباب 6 ابريل حقائق مهمة

مهندس تيمور الفيديو ده هديه لحضرتك

انا مش عارف ليه احنا مبنعرفش نتكلم مع بعض ولا نقنع بعض. كلنا شايفيين ان احنا بس اللى صح والباقى كله غلط و مش بس كدا لا بنخون بعض وبنتهم بعض بالعماله. لو شايف ان الأخر مش صح حاول تقنعه حاول تفهمه لو مقتنع بالنزول أنزل و قول مطالبك ايه المشكلة؟ لو شايف النزول غلط متنزلش ايه المشكله؟

سؤال\ هيه ايه مصلحة امريكا أن مبارك يسيب الحكم؟ ده سؤال بجد. أنا عايز أفهم. المفروض أن مبارك كان أكبر حليف لهم فى الشرق الأوسط . دا على حد علمى

ملحوظة: لو حد شاف الأستاذ tarek hassan يبلغه انى كتبت مشاركة جديدة علشان يحط النقطة الحمرا اللى بيهدينى بيها كل ما أكتب.

تم تعديل 23 مايو 2011 بواسطة hanzmolar

[م تيمور المراغي]

السلام عليكم

الاخوه الكرام جزاكم الله خيرا

.

على أخر الزمن جماعه كذبه ابريل هما اللى قاموا بالثوره

احنا اللى جينالك و قولنالك ...و اكلناك و شربناك و علمناك ...إيه الاستعلاء ده ؟؟؟!!!! من انتم ؟

..مش نازلين ضد الجيش ؟

كلمه كاذبه مضلله

انت عندما تتحدى إداره الجيش التى تحكم البلد فى تلك الظروف الصعبه الان ماذا تريد بذلك ؟

ليس إلا الانقلاب على تلك الاداره التى تمثل الشرعيه الحاليه و التى ويا للعجب تدعم الانتقال السلمى للسلطه

و اعلنت ذلك بوضوح ووضعت جدول زمنى ..فاى عقل فى الالتفاف على كل ذلك

خوفا من صعود الاسلام الى سده الحكم ؟؟.... هو قادم رغم انوفكم

إحساسا بمدى ضعفكم و هامشيتكم فى الحياه السياسيه ..مشكلتكم انتم و عليكم حلها

ليتكم يا حزب ..لا .. إنشغلتم بالاعداد الجدى و الحقيقى لبرنامج يلقى قبولا لدى الناس

و لكنكم شغلتم انفسكم بالنيل من السلفيين و لما فشلتم صعدتم المواجهه مع من يحمى التحول الديمقراطى الان

و يدعم إجراء الانتخابات التى ترعبكم نتائجها خصوصا بعد الاستفتاء السابق

تهاجمون الجيش ممثلا فى قياداته و تغضون الطرف عن كل ما تحقق خلال تلك الفتره البسيطه

ناسين و متناسين كيف كنا و اين اصبحنا فى زمان و مكان من الصعوبه بمكان اتخاذ اجراءات كتلك

علما بانه لا ينسب احد العصمه الى قيادات الجيش و لكن من الكياسه و الحكمه وضع الامور فى نصابها

و عدم افتعال مواجهه مع قياده الجيش منعا لحدوث ما نخشاه ..و يريده الخبثاء.. باستمرار الجيش و الغاء الاتخابات القادمه

و العبث بالدستور وفق اهوائهم و لكن هيهاااااااااات .

و لنتذكر انه كان من الاحلام ان يتحقق جزء و لو بسيط مما نراه اليوم و يكفى ان العادلى فقط على اعتاب حبل المشنقه

..

إتقوا الله فى مصر و اعلموا انكم محاسبون على كل ما تقولون و تفعلون

انتم ايش فهمكم في السياسة والنضال ,,!

الثورة ليها رجالها اللي يحافظوا عليها ويحققوا مطالبها ,,

خليكوا في كاميليا وعبير وسوسن ,,