ثورة الغضب المصريه الثانيه 27 مايو

[م تيمور المراغي]

اسحب كلامي اللي قلته

ان المجلس الرئاسي المدني المرتقب ,,

سيحرم اي تيار من المشاركة في اختيار افراده ,,

او التصويت وحتى الترشح لعضويته ,,

ده اعتذار واجب ,,,

[ابوهنا]

كما توقعت ,,

طيب يا ابو عمر ,,

مادام المحاكمات بتاخد سنين على قولتك ,,

ليه النشطاء كان بيطسهم المجلس العسكري احكام فوريره !!

و مجند الامن المركزي اللي اخد اعدام ,,

بقى سايبين الحمار وبتتشطروا على البردعة !

بس خلليني افكرك بحاجة ,,

لو ما اعلنتوش بوضوح انكم حتنزلوا مع الشباب 27 مايو

اوعى تيجوا في يوم وتقولوا نحن من دعى اليه ,,

والمجلس الرئاسي اللي حنجيبه وانتم ما ضحيتوش و ما تعبتوش فيه

ماتطالبوش بعد كده يكون ليكم ممثل فيه ,,

الاختيار فقط حيكون

للحر المنتصر

وضح الكلام !

ايه ياباشا قاعد حضرتك واباعمر تقسموا التركه

لو ماخرجتوش يبقى مش هيكون ليكم ممثل فى المجلس الرئاسى انت حضرتك يا باشمهندس اركتشت خلاص لاغيت باقى الناس من دماغكم

يعنى المجلس الرئاسى هيجلس مايسمى 6 ابريل ومايسمى ائتلاف الثوره مع الاخوان والنصارى وتختاروا مع نفسكم

امال راى الناس فين

طيب انا لا انتمى ليكم ولا الاخوان ولا النصارى وناس كتير مثلى يبقى مالناش رأى

المصيبه انكم عايزين تنيموا الناس وتقسموا المجلس الرئاسى بس للاسف انتم مختلفين سواء ابريل واو ائتلاف الثوره او الاخوان

وفى الاخر هتلفوا وتلفوا وترجعولنا احنا المواطنين العاديين علشان نحكم بينكم فى صناديق الانتخابات

حتى لو اتفقتم واخترتم مجلس رئاسى دون الرجوع الينا يبقى بئس الديمقراطيه

وطظ فيكم كلكم

تم تعديل 23 مايو 2011 بواسطة ابوهنا

[ام سلمي]

اتقسمناواختلفنا واللي كان كان

استفتاء كلنا خالد سعيد

30الف حيروحوا

42 الف مش حيروحوا

10 الاف مش عارفين يحددوا

https://www.facebook.com/home.php?sk=question&id=200956876620851&qa_ref=qd

اهم11 مطلب (شارك فيها 40 الف لحد دلوقتي ) مافيش فيها مجلس رئاسي

تم تعديل 23 مايو 2011 بواسطة ام سلمي

[Ahmed Anwer]

HamdeenSabahy حمدين صباحي

انتخابات برلمانية ثم دستور جديد فانتخابات الرئاسة .. احتراما لنتائج الاستفتاء وارادة الشعب المصرى واستجابة لمتطلبات المرحلة الانتقالية

حمدين الصباحي نقلا عن تويتر

[ssmaly]

عزيزى اركتكت

انا من الناس المؤيديين للاستمرار الثورة حتى التخلص من القوى الخفية والمعلنة التى تحكم مصر بنفس طريقة مبارك

واتابع الكثير من ماتكتبه

ولكن انا اجدك محتدا على الجبهة الأخرى من معارضى رأيك بطريقة تفرق ولا تجمع

نحن الان نريد تجميع كل المصريين تحت لواء واحد مع اختلاف توجهاتنا

يجب ان ننسى مصالحنا الشخصية (مصالح من نتمى اليه من تفكير او حزب)

المفروض ان لا نهاجم احد بشخصه او او نشكك احد فى صدق نوياه (والكلام موجه الى جميع الأطراف)

ويجب ان نفكر ونعرف كيف تم خداع الشعب المصرى بهذا الاستفتاء الذى ضيع الكثير من الوقت واعطى الفرص الكثيرة لكل الفاسدين حتى يرتبوا اوراقهم وتم الهاءنا فيه وفى متابعة الحديث عن حجم الأموال المنهوبة ولم يتحقق اى من العدالة فى محاكمة المتهمين فى اتهامات جنائيةمثل قتل واصابة الثوار وتعذيب الكثير منهم اثناء الثورة او سياسية مثل التزوير فى الأنتخابات مثلا والشىء الذى يجب ان تعرفوه ان الجهاز الكسب الغير مشروع مهمته الاولى والأخيره هى ارجاع الاموال لذا عندما تنازلت سوزان مبارك تم الافراج عنها معنى ان كل المتهمين حتى الان لم يوجه اليهم الا اتهامات الكسب الغير مشروع ان كلهم سوف يخرجون براءة بعد دفع جزء من ماسلبوه

انا شايف ان نظام مبارك مازال يحكم لذالك انا نازل يوم 27 مايو

[Ahmed Anwer]

مقال للسيناريست و المخرج محمد دياب

من أبناء الثورة المستقلين

محمد دياب يكتب : ضد ثوره الغضب ''التانيه'' و مع مليونيه في نفس اليوم

هتلاقي خلاف كبير في اسباب كل واحد ناوي ينزل الجمعه 27 مايو2011.. هتلاقي اسباب يتحمل مسؤليتها المجلس العسكري زي المحاكمات العسكريه للنشطاء و عدم محاكمه الفاسدين بقانون الفساد السياسي و الاكتفاء بالكسب غير المشروع و انتهاءً بالاحساس العام لعدم القناعه بجديه محاكمه الرئيس و اولاده و زوجته

انا كنت محظوظ انه يكون لي نظره قريبه علي الموضوع ... قعدت مع المجلس العسكري اكتر من مره ... و علي قد ما كانت نظرتي ليهم فيها شك قبل ما اقابلهم حتي اني كنت من أوائل اللي انتقدوا اداره المجلس العسكري لبعض الامور، الا اني بعد مقابلتهم و سماع وجهه نظرهم و ظروف اداره البلاد في الوقت الصعب ده، تفهمت كثيراً بعض هذه القرارات و تفهمت ايضاً ان الاخطاء اللي بتحصل و ساعات بتثير الشكوك بتبقي معظمها سوء إداره و الناس معذورين في الحته دي، بيعملوا شغلانه مش شغلتهم في اصعب ظرف في تاريخ البلد.... بس اللي اتأكدت منه تماماً ان الناس دي وطنيه، و وطنيه جداً

النقطه دي مهمه جداً لما نيجي نتكلم علي المجلس العسكري ... في فرق لما انتقدهم، و بصراحه هما يستاهلوا النقد بكميه القرارات الملخبطه و فكره جس النبض بغشوميه شديده ... في حد يجس النبض يقوم في يومين يصدر قرارات بالافراج عن فتحي سرور، و زكريا عزمي ، سوزان مبارك و يسرب خبر ان مبارك هيعتذر!!!!!! في اليومين دول بس تضاعف المشككين في المجلس العسكري عن اي وقت قبل كده

للأسف المجلس مسؤل عن اهتزاز الثقه بينه و بين الناس كل شويه، تباطؤ في قراراته اللي غالباً مبتجيش الا بضغط، و إنكار لتجاوزات في حق ناشطين و مدنيين يفسر في النهايه علي انه كذب و يقلل مساحه الثقه اكتر، مع ان حل مواضيع التجاوزات دي هو الاعتراف بيها و توضيح انها تجاوزات فرديه، و عدم خبره في التعامل مع المدنيين و ليست تجاوزات منهجيه.

لكن لأننا عاطفيين و ناس كتير مننا يا يمين، يا شمال، مفيش في النص، بدأت اسمع ناس و خاصه ثوار بيحملوا الجيش مشكله كل حاجه بنمر بيها في الفتره الانتقاليه ... و هو إسلوب هايل للهروب نفسياً من الانتقادات اللي بيتهمها البعض للثوار بالمسؤليه عن الفوضي، فأسهل حاجه نفسياً الاقي شماعه جديده.

المشاكل اللي بتحصل و الانفلات الامني و المشكله الاقتصاديه اللي بنواجهها و هتزيد و احنا مصّرين ان قمه الوطنيه انكارها .. هي تمن رخيص لحريتنا و استثمار لمستقبل ولادنا ... مش كنت بتشتغل طول عمرك عشان تجوز الواد و البت و تجيبلهم شقه، اعتبر الفتره دي تحويش لمستقبلهم

و مره تانيه المشاكل دي مسؤليه النظام القديم لوحده، و حلها مستحيل هيكون كن فيكون، و حط نفسك مكان المجلس العسكري لثواني ... و قولي نحل المشكله الامنيه ازاي؟ ... بالحزم ... طب الشرطه ملهاش قوه و مهدوده، يبقي مفيش غير الجيش للي ميعرفش يتعامل مع الناس و بيطبق معاهم الاسلوب العسكري اللي مينفعش مع المدنيين، زي اللي حصل يوم السفاره الاسرائيليه ... طب لو ساب الدنيا خالص هنتبصط؟؟؟؟ لأ بنتهمه بالتراخي و التساهل و التسيب

بالتأكيد مش بقول ان مفيش حلول غير دي، بس بقول ان الموقف صعب و الجيش في موقف لا يحسد عليه ، الف حمد و شكر ليك يا رب ان محدش فينا في موقفهم

سمعت حد بيقول انا نازل عشان مش حاسس بتغيير، مصر زي ما هيه قبل الثوره و بعدها ... طب ايه علاقه الجيش بالموضوع ده!!! ... احنا شلنا النظام انما اللي الناس بقالها تلاتين سنه بتتعلمه من اخلاق و سلوكيات غلط عاوز ثوره اخلاقيه و سلوكيه هتاخد وقت طويل و مينفعش احمل حد في السلطه مسؤليتها

بالنسبه ليا شايف ان النزول يوم الجمعه الجايه ممكن يبقي مفيد و ممكن يبقي مضر ... لو النزول هيكون لأسباب و مطالب متفقين عليها يبقي ننزل ... انما لما الاسباب و المطالب تكون مش متفق عليه و مش منطقيه زي و احد كاتب احد المطالب ان الجيش يبقي بالانتخاب!!!! ده اي كلام ... للي مدخلش جيش، الجيش قايم علي الالتزام بالاوامر، و مفيش جيش في العالم كله بالانتخاب لأن دي فكره عبثيه تهد فكره الجيش نفسها

في فرق بين النزول لتأكيد المطالب و بين ناس نازله و بينها و بين الجيش تار ... اسم اليوم نفسه انا معترض عليه تماماً ... ثوره الغضب التانيه ، تذكرنا فوراً بثوره الغضب الاولي و هو اكتر يوم حصل فيه مواجهات و إستشهد فيه شهداء،... فيه حاجه اسمها الربط الذهني ... في شباب مجرد ما هيسمعوا الاسم ده هيبقوا نازلين و المواجهات في دماغهم و العدو الجديد مين؟؟؟؟ .... الجيش

سوء اداره الجيش لبعض الملفات ميخليهوش عدونا ... الساده اللي حاطين الجيش في دماغهم و معظمهم علي تويتر، علي فكره احنا مش من مصلحتنا إضعاف الجيش احنا مصلحتنا تحييده و ضمان انه ينفذ مطالب الثوره، و حتي لو فكرت براجماتياً فمصلحتنا هي الحفاظ علي الجيش كقوه تضمن الحفاظ علي مدنيه الدوله

سؤال مهم هنا ... هو لو إحنا بالضغط بتاع كل جمعه و من غير مواجهات بتتحقق كل مطالبنا، يبقي فيه داعي إننا نصعد لدرجه ان مصري تاني ممكن يفقد حياته؟؟؟؟؟؟؟؟؟؟؟؟؟؟؟؟؟؟؟؟؟

اذا كنا إتأكدنا ميه في الميه إن الجيش هيسلم السلطه، و الانتخابات كمان تلات شهور، يبقي لسه في داعي ان إسره جديده تتحرم من إبنها؟؟؟؟؟؟؟؟؟؟؟؟

يعني ننزل ولا مننزلش؟؟

انزل لو حاطط في دماغك انك بتأكد علي مطالب، زي محاكمه رؤس الفساد ، منع المحاكمات العسكريه للناشطين، محاكمه قتله المتظاهرين ... انما لو نازل و في دماغك ان يوم الجمعه الجاي هيبقي يوم المواجهه مع الجيش فأرجوك راجع نفسك

و بصراحه انا شخصياً لو اسم اليوم متغيرش لحاجه تانيه غير الاسم اللي بيوحي بالمواجهه ده و قد يتسبب في ضحايا بدون أي داعي فمؤكد إني لن اشارك

اللهم بلغت اللهم فأشهد

[م تيمور المراغي]

بتبقي معظمها سوء إداره و الناس معذورين في الحته دي، بيعملوا شغلانه مش شغلتهم في اصعب ظرف في تاريخ البلد.... بس اللي اتأكدت منه تماماً ان الناس دي وطنيه، و وطنيه جداً

بس ,,

اربط على دي يا انور ,,

مادام مش عارفين يديروها ومش شغلانتهم ,,

يبقى مالهمش غير حل من اتنين ,,

1 - ياخدوا رأي النخبة السياسية والرموز الوطنية للبلد احنا مش اقل وطنية منهم ,,

2 - يتركوا السياسية وادارة شئون الدولة لاهلها واقصد هنا مجلس رئاسي مدني يتفق عليه كافة القوى السياسية الفاعلة ( بالاجماع )

[tarek hassan]

رصد |الاسكندرية| دعت جماعة الاخوان المسلمين لعمل أكبر حائط بشري بطول كورنيش الاسكندرية غدا الثلاثاء 24 مايو

===============

من أجل الحفاظ على مكتسبات الثورة .. من أجل إكتمال الثورة ... من أجل دماء الشهداء

...من أجل :

=======

1- سرعة محاكمة الرئيس وعائلته ورموز الفساد وقتلة الشهداء

2- عزل يحي الجمل لمعاداته للديمقراطية وعدم احترام ارادة الشعب ونتيجة الاستفتاء

3- رفض اعتذار الحكام الفاسدين مقابل حفنة من الدولارات

4- عزل رموز الفاسدة وعدم تعيينها مرة اخرى فى مناصب سيادية وان يكون المحافظين بالانتخاب

5- عزل عصام سالم محافظ الإسكندرية ( عضو لجنة الأحزاب الفاسدة ) واحد رموز الحزب الوطني ومستشاريه الثلاثة

6- رفض الفتنة الطائفية ومقاومة مثيريها مع تطبيق سيادة القانون

7- عزل قيادات أمن الدولة السابق التى أهانت الشعب وعذبته ومحاكمتهم وعدم تعيينهم فى جاهز الأمن الوطني

8- قيام الشرطة بتحمل مسئوليتها كاملة للقضاء على الانفلات الامنى والحفاظ على كرامة الشعب ومحاسبة المتقاعسين

9- مقاومة أداوت إذلال الشعب (استخدام البلطجي – أزمة الوقود – التهديد بإفلاس مصر – الفتنة الطائفية –التدخل الخارجي )

10- نطالب الجيش بالرحيل فى الوقت الذي وعد به الشعب

11- رفض تأجيل الانتخابات

12- انتخاب الرئيس في الموعد المحدد ورفض المجلس الرئاسي

تم تعديل 23 مايو 2011 بواسطة tarek hassan

[م تيمور المراغي]

والله ياطارق انت غريب اوي ,,

امال بتهاجمنا ليه بس مادام بتعلن عن وقفة الاخوان في الاسكندرية

!!!

وفين الثائر الحق اللي يسيب الثورة في نصها وجري على يبني الامجاد !

وفين عدم التظاهر ضد المجلس العسكري !

وكل كلامك نسيته اول مالقيت بيان الاخوان !!

خليك موضوعي وصاحب مبدأ

[م تيمور المراغي]

http://www.youtube.com/watch?v=MEgVxnkGDyI&feature=player_embedded#at=148

[طبيبة بالخارج]

في بعض النقاط بفكر فيها و اجابتها متهيألي تحدد هل اوافق على يوم الغضب الثاني ام لا

1- لو ان الجيش فعلا فاسد و لازم نخاف منه، لماذا لم يحمي نظام مبارك ؟

2- لماذا لا ننتظر انتخابات حقيقية و نتقبل منذ الآن ما ستأتي به حتى لو جابت فلول حزب وطني سابق طالما هي انتخابات حرة غير مزورة؟

3- لماذا نخون المجلس العسكري و نؤمن بمجلس مدني برضه زيه زي المجلس العسكري غير منتخب و الأصعب لا نعرف من سيكون فيه؟

4- ليه فجأة الأخوان بقوا وحشين قوي؟ هل هم أيضا من فلول النظام؟ و لا عشان من النظام البائد؟

يا جماعة كلمة التطهير استخدمت من قبل في ثورة 23 يولية و طبعا كلنا عارفين النتيجة السوداء لسياسة التطهير دي

و ايه المقصود من كلمة تطهير؟ هل محاكمات فساد أم نفي خارج البلاد أم ماذا؟

اللخبطة دي حتأخر ما تنادي به فكرة يوم الغضب الثاني و هو عمل انتخابات نزيهة لحكم مدني

متهيألي بعد ما يجي رئيس منتخب يبقى نحاسبه على طلبات الثورة و تحقيقها و انتم قلتوها المجلس العسكري غير متخصص لحكم البلد يبقى نحاسبه هو ليه؟

تم تعديل 24 مايو 2011 بواسطة طبيبة بالخارج

[طبيبة بالخارج]

و بعدين لازم نسأل نفسنا هل المسئولين في النظام السابق كانوا فاسدين عشان مبارك سمحلهم بس بالفساد و لا عشان هم شخصيات مريضة و وجدت فرصة للسرقة

يعني فيه مصريين للأسف فاسدين بطبعهم و بلاش نتخيل ان الثورة ممكن تمنع امثال هؤلاء من محاولة سرقة البلد من تاني بس تحت نظام آخر مش اسمه مبارك

أهم حاجة ان رأس الحكم يكون شخص امين على البلد عشان يكون فيه شبه ضامن لمنع امثال هؤلاء من الظهور مرة اخرى بس تحت اسماء اخرى

على رأي دكتور رئيس جامعة سابق "الكرسي ده ابن ....... بيغير النفوس" و كان بيتكلم عن نفسه

[ام سلمي]

مقال للسيناريست و المخرج محمد دياب

من أبناء الثورة المستقلين

محمد دياب يكتب : ضد ثوره الغضب ''التانيه'' و مع مليونيه في نفس اليوم

انا كنت محظوظ انه يكون لي نظره قريبه علي الموضوع ... قعدت مع المجلس العسكري اكتر من مره ... و علي قد ما كانت نظرتي ليهم فيها شك قبل ما اقابلهم حتي اني كنت من أوائل اللي انتقدوا اداره المجلس العسكري لبعض الامور، الا اني بعد مقابلتهم و سماع وجهه نظرهم و ظروف اداره البلاد في الوقت الصعب ده، تفهمت كثيراً بعض هذه القرارات و تفهمت ايضاً ان الاخطاء اللي بتحصل و ساعات بتثير الشكوك بتبقي معظمها سوء إداره و الناس معذورين في الحته دي، بيعملوا شغلانه مش شغلتهم في اصعب ظرف في تاريخ البلد.... بس اللي اتأكدت منه تماماً ان الناس دي وطنيه، و وطنيه جداً

النقطة دي مهمة جدا ، معظم اللي بيتعاملوا عن قرب مع المجلس العسكري بيقروا ان هما مش متواطئين، ولو ليهم اخطاء مش حنلاقي حد من غير اخطاء، حتي الدكتور عصام شرف اللي شباب الثورة اختاروه بنفسهم برضه ليه اخطاء ، واهه ناس كتير بدأوا يقولوا نشيل عصام شرف ، مش ممكن حنقعد نشيل المجلس العسكري ورئيس الوزرا والوزرا علشان فترة انتقالية ، طالما اتأكدنا ان مافيش تواطؤ وانهم ناس مخلصين خلاص نعدي الاخطاء التانية مؤقتا ، ونأكد بس علي سرعة المحاكمات للنظام السابق

[abaomar]

في بعض النقاط بفكر فيها و اجابتها متهيألي تحدد هل اوافق على يوم الغضب الثاني ام لا

1- لو ان الجيش فعلا فاسد و لازم نخاف منه، لماذا لم يحمي نظام مبارك ؟

2- لماذا لا ننتظر انتخابات حقيقية و نتقبل منذ الآن ما ستأتي به حتى لو جابت فلول حزب وطني سابق طالما هي انتخابات حرة غير مزورة؟

3- لماذا نخون المجلس العسكري و نؤمن بمجلس مدني برضه زيه زي المجلس العسكري غير منتخب و الأصعب لا نعرف من سيكون فيه؟

4- ليه فجأة الأخوان بقوا وحشين قوي؟ هل هم أيضا من فلول النظام؟ و لا عشان من النظام البائد؟

السلام عليكم

الفاضله طبيبه بالخارج

خير الكلام ما قل و دل

احسنتى الاختصار و البيان و اسمحى لى ارد بنفس الترتيب

1-الجيش الان يحمى التحول الديمقراطى و يصر على عمل الانتخابات البرلمانيه و الرئاسيه فى موعدها و هذا

ما يرعب المفلسين اللذين ليس لهم قاعده او ارضيه فى صفوف المواطنين

2- هم لا يريدون الانتخابات لانها هى القاضيه بالنسبه لهم و ستمحيهم تماما من الوجود و سيصبحون ذكرى تندثر بمرور الوقت

لانهم يعلمون تماما حجمهم و يعلمون تماما بعد ما خاضوا تجربه الاستفتاء من هو الاقوى و موجود على الساحه .

3- استبدال المجلس العسكرى بالمدنى لتفويت فرصه الانتخابات القادمه ووضع اسماء بعينها فى المجلس الرئاسى

احدهم مسيحى ظنا منهم انهم سينالون شيئا و هم واهمون

4- ليس الاخوان فى حد ذاتهم و لكن التيار الاسلامى برمته و لتتذكرى الحمله المحمومه منذ شهر لتشويه السلفيين

بعد ما رائ الجميع مدى تأثيرهم و نفوذهم و حب الناس و ميلهم لهم .

.

الشئ الملفت للنظر يا طبيبتنا الكريمه

ان ادعياء الديمقراطيه و الليبراليه اول من لحسوا كلامهم و شعاراتهم عندما خاضوا التجربه الحقيقيه

هم كانوا يتمسحون فى نظام مبارك الذى كان يدعمهم لمحاربه الاسلام و اهله و مقابل ذلك كان يلقىلهم ببعض الفتات ليبقيهم تحت السيطره و عاشوا فى الوهم سنين و ظنوا ان لهم حجم ووجود بسبب الكذب و التضليل الاعلامى خصوصا لذلك كانت

الصدمه مروعه و المفاجأه كبيره مع سقوط مبارك و نتيجه الاستفتاء .

رغم كل ذلك نقول لهم ما زلتم اخواننا و لكم علينا حق الاحتواء و التوجيه حتى لو ادى الامر لاستخدام

الحزم لمنعكم من ايذاء انفسكم و غيركم فهذه اعلى درجات المسئوليه و نحن (سلفيي مصر ) لها .

تم تعديل 24 مايو 2011 بواسطة abaomar

[ام سلمي]

اللي حينزل يوم 27 يخللي باله مش عايزين مشاكل واعتقالات

رصد | مصر | حذر قيادي باللجنة التنسيقية لجماهير الثورة ممن وصفهم بفئات ضالة تستهدف إحداث وقيعة بين الجيش والشعب خلال المسيرة المليونية المقرر أن تنظمها القوى السياسية يوم الجمعة المقبل في ميدان التحرير للإعراب عن غضبها تجاه محاولات القفز على الثورة ومكتسباتها عبر مشاركتها في جلسات الحوار الوطني.

وقال الدكتور عصام النظامي عضو اللجنة التنسيقية لجماهير الثورة لوكالة أنباء الشرق الأوسط اليوم الاثنين إن معلومات توافرت بوجود نوايا لدى بعض الأشخاص لاستخدام العنف بهدف استفزاز القوات المسلحة للرد عليها، مما يخلق حالة من الفوضى الشديدة يقع خلالها ضحايا بالمئات، ويدفع بعض القوى الخارجية للتدخل في الشئون المصرية

[abaomar]

طب ما احنا جبنا حكومة تكنوقراط ودلوقتي مش عاجبانا،

السلام عليكم

و الله يا ام سلمى لو استوردتى حكومه من الخارج برضه مش ها تعجب

المطلوب تنحيه التيار الدينى تحت اى مسمى و بأى طريقه

كلما اقتربت الانتخابات التى يصر المجلس العسكرى على إجرائها و يحميها ازدادت الشراسه

ووتيره الهجوم على المجلس العسكرى لتشويهه رغم انه ..و يا للعجب .. يدعم التحول الديمقراطى

و لكنهم لا يريدون ذلك بل ان المجلس الرئاسى لو جاء بثلاثه من المشهود لهم مدنيا و ليس منهم

من يريدونه بالاسم فسوف يرفضونه ايضا و يشغبون على الجميع

منذ ثلاث شهور كان الهجوم على الاخوان بعد ذلك كان الهجوم على السلفيين

و اليوم الهجوم على المجلس لعسكرى و غدا الهجوم على الشعب الذى اختار و هكذا

لن تسلمى من أذاهم هؤلاء الذين ما استثمروا و لو حتى ربع طاقاتهم للعمل الحقيقى

و بناء شعبيه او قاعده و الاستعداد للعمل الحزبى الحقيقى

و لكن لأنهم مفلسون و يعلمون مقدما النتائج يهاجمون و يشوشون و لكن هيهااااااااااااااااات .

تم تعديل 24 مايو 2011 بواسطة abaomar

[م تيمور المراغي]

يا ابا عمر

قد زدت واستزدت !

وارغيت وازبدت !!

ومالنا في الخلاص من محيص ( هو مين محيص ده ) !! :happy:

لا بجد بقول لك ,,

لو اجلنا مطلبنا بشان المجلس الرئاسي ,,

هل سنتفق معا على باقي المبادئ !

( خللي بالك اخوان الاسكندرية نزلوا بيان امبرح بنفس مبادئنا عدا الرئاسي )

يعني ركز قبل ماترد

اديني غششتك آهو :happy:

[م تيمور المراغي]

كلناا هننزل التحرير يوم الجمعه 27 مايو و مش هنمشي غير لما مطالبنا تتنفذ

...

العدالــــــــــة الناجــــــــــزة

1 - سرعة محاكمة الرئيس السابق وعائلته وكل رموز نظامه الساقط, وبخاصة من تم إخلاء سبيلهم مثل عائشة عبد الهادي ومفيد شهاب وإبراهيم كامل, محاكمات عادلة, علنية ومدنية, يُمكن للشعب متابعة تطوراتها.. وألا تقتصر التهم على الكسب غير المشروع, فهناك تهم الأمر والتحريض على قتل المتظاهرين ( المشير طنطاوي في إحتفالية تخريج الدفعة الإستثنائية من طلبة كلية الشرطة, أفاد بأن المجلس العسكري قد رفض بإجماع الآراء إطلاق النار على المتظاهرين, يا تُرى من أصدر إليهم الأمر بإطلاق النار؟؟؟) وغير ذلك من تهم الفساد السياسي, وإهدار المال العام عمداً, غيرها الكثير مما يصل لإتهامات الخيانة العظمى لمصر!

وقد يكون تشكيل لجنة قضائية مدنية ومستقلة تتمتع بصلاحيات ذات صلة تمكنها من التحقيق في جرائم الفساد السياسي أو جرائم قتل المتظاهرين, سبيلاً سريعاً ونزيهاً لتحقيق العدالة في هذا السياق

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

التطهيــــــــــر

2 - التطهير الحقيقي والفعلي لكل الوزرات بدءاً من الوزراء العاجزين عن الإضطلاع بمهامهم في الحكومة الحالية وكذلك تطهير مؤسسات الدولة من الفاسدين والقتلة, بدءاً من وزارة الداخلية, التي ما زال يتحكم فيها لوبي من القيادات الأمنية الموالية للنظام السابق (وسرعة تحديد المتسبيين في قتل المتظاهرين ومحاكتهم بشكل عاجل وعلني) وفي جهاز الأمن الوطني الجديد القديم.. مروراً بالتلفزيون الرسمي , والجامعات المصرية وغيرها من أجهزة الدولة, وصولاً إلى سفارات مصر في الخارج, لا نستوعب كيف يمثل مصر ما بعد 25 يناير نفس السفراء الذين ضللوا الرأى العام الخارجي وأخفوا الحقائق مثل قتل الثوار عمداً

كما نطالب بحل المجالس المحلية تلك الكيانات التي تمثل البؤر السرطانية المتخمة بعناصر الحزب الوطني المنحل, والذي للعجب ما زال حتى الآن يمارس نشاطه الحزبي, ويكون أعضائه جزء من كل حوار أو لقاء وطني تدعوا له الحكومة!!!

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الوفاء لدماء الشهــــــــــداء

3 - التأكيد على أحقية مصابي ثورة 25 يناير في رعاية الدولة لهم, لا يستقيم الحال برعاية الدولة ودفعها الأموال الطائلة لتوفير رعاية فوق الممتازة لمن ثار عليه الشعب, في الوقت الذي ألقى فيه مصابي الثورة في الشوارع.. كذلك عناية الدولة ورعايتها لأسر شهداء الثورة العظام, الذين فقدوا حياتهم, ليهبونا الحياة, فمنهم الفقراء واليتامى وذوي الحاجة

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الحريــــــــــة

4 - رفع العمل بقانون الطوارىء, طالما لا يُستخدم بشكل مباشر لضبط الفاسدين والقتلة من النظام السابق! أو توقيف والقبض على البلطجية والخارجين على القانون!!

تحرير الإعلام الرسمي

فقد ساءنا كثيراً بعد الثورة خروج الإعلام من دائرة نفاق الرئيس السابق ونظامه, إلى نفاق الثورة والثوار, ثم إلى نفاق المجلس العسكري!! إلى جانب اللجوء لتكميم الأفواه, وقطع أحاديث كل من يرى القائمون على التلفزيون الرسمي أنه ينتقد طريقة إدارة البلاد!! كذلك التجاهل التام لتغطية أخبار والفعاليات التي تقوم بها الجماهير المصرية المطالبة بحقوقها المشروعة الوطنية

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

حماية الوطــــــــــن

5 - رفض الإزدواجية الغريبة, في إستعمال العنف المفرط الذي يصل لحد الإرهاب ضد المتظاهرين السِلميين, كما حدث في ميدان التحرير يومي 9 مارس, و9 أبريل, وأمام السفارة الإسرائيلية, وكذلك المحاكمات العسكرية السريعة الخاطفة للنشطاء المعتقلين.. في الوقت التي عجت فيه شوارع مصر بالبلطجية والخارجين على القانون بلا أى ردع فعل حاسم.. وكذلك التقاعس الأمني المريب كما حدث في أحداث أمبابة وعين شمس, وإنتهاء أحداث أطفيح بلا محاسبة وكأنها كانت حادث قدري بلا فاعل! لذا نطالب بإطلاق سراح فوري لكافة الأبرياء والمظلومين, وإسقاط الأحكام العسكرية (التي صدرت للنفاذ أو مع إيقاف التنفيذ) التي صدرت ضدهم

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

عيـــش.. حريـــة.. كرامة إنسانيـــــة

6 - التأكيد على أن حقوق الشعب المُكتسبة والمستحقة لن يتم التنازل عنها ومنها التظاهر السِلمي المتحضر في سبيل تحقيق التقدم والإزدهار لهذه الأمة.. من أجل بناء دولة جديدة حرة وقوية وكريمة.. عيش, حرية, كرامة إنسانية.. شعار رفعته ثورة 25 يناير إلى السماء, ولن تدوسه الأقدام مرة أخرى, إلا على جثثنا

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الجيش والشعب إيد واحــــــــــدة

7 - التأكيد على حبنا العميق للجيش المصري الباسل, الذي رفض ضباطه وجنوده إطلاق النار على المتظاهرين خلال أحداث الثورة, و التأكيد على حقنا في إنتقاد قرارات المجلس العسكري بوصفه مؤسسة الرئاسة الآن, لا بصفته العسكرية.. وكذلك تمسك شباب مصر وشعبها بدورهم بأن يكونوا حماة ً للديموقراطية والحرية, مراقبين للنظام القائم بإنجازاته وإخفاقاته, وأن يكونوا جزءاً من صياغة مستقبل مصر, الذي دفع الكثير من أبناء هذا الوطن رجالاً ونساءاً الدماء كى يروه على أفضل حال

[abaomar]

آخر الكلام ,,

كل ما يهمنا ,,

مطالبنا لازم ينفذها المجلس العسكرى ,,

او يتخلى عنها لمجلس رئاسى مدنى ,,

المهم فى النهايه تحقيق المطالب ,,

السلام عليكم

اخى الحبيب ارش

عندما تحاور لا تفرض رأيك و دع مجال للرأى الاخر لربما يكون اصوب .

ليس من الحكمه ابدا الكلام على طريقه ..أخر الكلام ..و لازم ينفذها ..من انتم حتى تتكلمون بتلك الطريقه ؟؟

ثم اننا اتفقنا على ان نتنازل عن موضوع المجلس الرئاسي و لننظر فى ما تلاه .

ليس من الكياسه وضع المطالب بهذا الشكل التعجيزى للوصول لنفس الغرض ..البعيد عن انوف البعض .. فى تنحيه التيار الاسلامى

.

العداله الناجزه

من اختلف عليها او فاوض او تهاون

نحن يا ارش عانينا سنين طوال من التلاعب بالقانون و القفز فوقه لماذا نمارس ذلك الان

القانون و القضاء له اصول و المتهم اى كان له كل الحق فى الدفاع عن نفسه و القضاء ايضا يجب ان يأخذ فرصته

فى التحضير و الاخذ و الرد و تجميع الادله فى وقت عصيب كهذا اختلطت الاوراق فيه و انظر اليوم الى الواقع

تجد النظام القديم كله فى السجن و ابتدأت الاحكام تظهر تدريجيا و الخناق يضيق حولهم بدء من العادلى

و جرانه و الحبل على الجرار و كل ذلك فى اقل من شهرين فما الداعى لهذا الاستعجال المريب خصوصا

ان مبادئ الديمقراطيه و الليبراليه العدل و اعطاء المتهم كل الحق فى الدفع عن نفسه حتى يكون الحكم

النهائى الصادر بحقه عادلا يعكس حقيقه الدوله و النظام ..

اما بخصوص من ذكرتهم فلا اظن انهم سينجون من المحاكمه و إن اطلق سراحهم الان فالامر ليس جهجهونى و على السماع

او الشبهات هناك قانون و نظام يحكم الامر كله يا ارش و اظن ان الضغط

الشعبى الذى تمثل فى موضوع عدم العفو عن مبارك قد اتى اكله و الايام القادمه ستحمل الكثير مما يريح الناس .

.

التطهير

اوافقك عليه و ابصم بالعشرين كمان

لكن ايضا ليس من العقل و لا العمليه بتاتا انه فى يوم و ليله ان ازيل نظام فاسد بجره قلم

مستحيل يا ارش خصوصا لو علمنا مثلا ان المحليات بها مئات الالوف و هناك منظومات يجب التعامل معها بالتدريج مثل الجامعه

مثلا التى لم يكن من الحكمه اطلاقا اخذ اى خطوه اثناء العام الدراسى .

و اؤيدك انه فى نفس الوقت هناك قرارات كان يمكن اتخاذها بشكل سريع لحل مواقف اخرى كثيره

و لتتذكر يا ارش ان المجلس العسكرى الذى يحكم الان لا خبره لديه فى القياده المدنيه و هم مقرون بذلك

و لم يتصدروا كاسلافهم فى يوليو لتولى زمام ما يجهلونه فاغرقوا البلد فى ما نعانيه حتى اليوم

و اعلنوا مرارا و تكرارا انهم يريدون تسليم السلطه لمدنيين و فى اقرب فرصه فلماذا هذا الالحاح المريب تحت مسمى طلبات

التى يؤيدها كل عاقل محب للبلد و لكن للاسف ليست هى المراد و الكل يفهم ذلك .

و لكن ارجع و اقول لا انا و لا ارش على علم بكل الخفايا و الخبايا و التوازنات

و على رأى المثل اللى إيده فى الميه ..بتتبل أكيد . :P

تم تعديل 24 مايو 2011 بواسطة abaomar

[م تيمور المراغي]

اتفقنا يا بو عمر ,,

يبقى نأجل مطلب المجلس الرئاسي ,,

ونتفق على مادونه من مطالب ,,

اديني كونفيرم عشان اكمل ,,