ثورة الغضب المصريه الثانيه 27 مايو

[tarek hassan]

السلام عليكم و رحمة الله و بركاته

مع اني مفهمتش حضرتك تقصد ايه بكلمة "اتجاه" عمر طاهر

بس اللي انا مقتنعة بيه

ان اي شخص بيقول فكرة اقتنع بيها و تخاطب عقلي....عقلي يرحب بيها بغض النظر عن مين قالها و قالها في انهي "اتجاه"

و دي وجهة نظر

وعليكم السلام ورحمة الله وبركاته

أحب دائما الحوارات المكتملة لا الحوارات المقطوعة وحواراتي معك أحيانا لا أنال فيها شرف الرد علي كلامي

فأنا مثلا أحتلف معك في إعجابك بكلام عمر طاهر واختلف معك في أن مقاله عقلاني وأختلف معك في أنه يفكر ويأتي بجديد من نتاج فكره فما معنى مثلا نقلك عنه

ستكون فارقا معنا جميعا وسننحاز بالفطرة لديكتاتورية الإرادة الشعبية

ما المقصود ؟

وما هي النظرية الفكرية العقلية في هذا الكلام ؟

وما الذي تتفقين معه فيها ؟

هذه هي بداية حواري

تم تعديل 26 مايو 2011 بواسطة tarek hassan

[لماضة مصرية جدا]

السلام عليكم و رحمة الله و بركاته

مع اني مفهمتش حضرتك تقصد ايه بكلمة "اتجاه" عمر طاهر

بس اللي انا مقتنعة بيه

ان اي شخص بيقول فكرة اقتنع بيها و تخاطب عقلي....عقلي يرحب بيها بغض النظر عن مين قالها و قالها في انهي "اتجاه"

و دي وجهة نظر

وعليكم السلام ورحمة الله وبركاته

أحب دائما الحوارات المكتملة لا الحوارات المقطوعة وحواراتي معك أحيانا لا أنال فيها شرف الرد علي كلامي

عفوا....انا ماخدتش بالي ان كان فيه حوار مبتور و انا لم ارد فيه علي حضرتك....لو سمحت الفت نظري..في انهي توبيك...و اذا كان فقطعا لم اقم بها عن قصد

فأنا مثلا أحتلف معك في إعجابك بكلام عمر طاهر واختلف معك في أن مقاله عقلاني وأختلف معك في أنه يفكر ويأتي بجديد من نتاج فكره فما معنى مثلا نقلك عنه

ستكون فارقا معنا جميعا وسننحاز بالفطرة لديكتاتورية الإرادة الشعبية

ما المقصود ؟

وما هي النظرية الفكرية العقلية في هذا الكلام ؟

وما الذي تتفقين معه فيها ؟

هذه هي بداية حواري

السلام عليكم و رحمة الله و بركاته

استاذي الفاضل

شكرا لاختلاف حضرتك معي

بس انا مطلبتش من حضرتك تتفق....الامر ببساطة اني حطيت ما انا مقتنعة بيه....و كون ان حضرتك تختلف مع ما اراه يبقي لك مني كل الاحترام....و مش هحاول افرض رايي و لا قناعتي علي حضرتك

"سننحاز بالفطرة لديكتاتورية الارادة الشعبية"

معناها ببساطة ان القرار سيصبح في النهاية للاغلبية....سيصبح في النهاية لصوت الشعب و اللي حتي لو حصل و كان علي غير قناعاتنا فهنا يمكن تصنيفه و انه "ديكتاتورية" و حينئذ سيتم الانحياز لها لانها تمثل صوت الشعب أي الاغلبية و هذا يكفي لتسود

و هذا ما اتفق معه للغاية

اما فيما يتعلق بنقد حضرتك لكتابات عمر طاهر

فممكن حضرتك تفتح توبيك مخصوص و تتناول طريقة كتابته و افكاره و اذا كان يفكر او لا او ياتي بجديد ام لا...و ساشارك به قطعا و اتعلم منك....بل لنخطو خطوة للامام و نشرك عمر طاهر نفسه في دائرة الحوار عن طريق مراسلته عن طريق الايميل...لاننا جزء من قرائه ممن يتفقون او يختلفون حول ما يكتب

و في انتظار بقية حوارك استاذي

[م تيمور المراغي]

[مسافر]

رأي أعجبني

ليه مش هننزل يوم 27 مايو؟ بالتفصيل المُمل

1- لأن الأصوات العالية التي ظهرت في الإعلام تروج ان اليوم اسمه ثورة غضب ثانية! ثورة ضد مييين؟ ضد الجيش ! الجيش اللي حمى الثورة من اول يوم واجبر مبارك على التنحي عاملين ثورة عشان نشيله وتبقى البلد هيصة اكتر ما هي هيصة .

2- لأن الأصوات العالية التي ظهرت في الإعلام بتقول ان شعار الثورة التانية دي هو ( دستور جديد ) قبل الإنتخابات !! وادي اللينك – اللي محدش كذبه

http://j.mp/m3NxB4

مع ان الشعب بالفعل صوت ان الدستور تعمله لجنة منتخبة يختارها اعضاء مجلس الشعب المنتخبين – لييييه؟ عشان ميجيش واحد يفرض علينا دستور وهوية علمانية واحنا هوية بلدنا اسلامية . لكن البرادعي بيه والقوى الوطنية ال بيقول عليهم مش بيحترموا الديمقراطية ولا نتيجة الاستفتاء وعاوزين يمشونا على مزاجهم ويلبسوا الشعب دستور تفصيل .

3- لأن الأصوات العالية اللي ظهرت في الإعلام وبتقول عن نفسها قوى الثورة اعلنت ان المظاهرة بتاعة يوم 27 مايو دي معمولة عشان نعمل مجلس رئاسي معين ونشيل الجيش !!! مجلس رئاسي معين لييييه؟ عشان البرادعي والناس اللي ملهاش شعبية تلحق تحكملها كام يوم قبل الديمقراطية لأن لو فيه ديمقرطاية مش هيشوفوا الكرسي – يعني مصالح وكله بيغني على ليلاه---- طيب ومين هما القوى الثورية اللي قالوا مجلس رئاسي دول؟؟

شباب الثورة بالمحافظات، الجبهة الشعبية الثورية، حركة 6 أبريل، تكتل محافظات الجمهورية لدعم الثورة، شباب الجمعية الوطنية للتغيير، اتحاد شباب الثورة، شباب حملة البرادعي، اتحاد المناطق الشعبية، اتحاد الطلاب الديمقراطي، اللجان الشعبية بالمحافظات، ائتلاف ضباط لكن شرفاء، حركة الائتلاف المصري، مجلس أمناء الثورة بالإسكندرية، حركه ثوار ماسبيرو، الكتلة الليبرالية، اللجنة الشعبية للدستور المصري

اسماء كتير صح؟ يمكن مش مصدقني – خد اللينك اللي بيدعوا فيه لمجلس رئاسي

http://j.mp/lWQ2nd

4- شادي الغزالي حرب احد اعضاء ائتلاف شباب الثورة ظهر مع منى الشازلي يوم الأحد وقال مطالب يوم 27 مايو هي دستور جديد ومجلس رئاسي !!

ممكن حد يقول شادي بيمثل نفسه والائتلاف ماقالش في مطالبه مجلس رئاسي ودستور !!! لكن هارجعك للتاريخ – فاكرين قبل الاستفتاء ؟ ائتلاف شباب الثورة كان من بين الداعين لرفض التعديلات بل والمطالبة بمجلس رئاسي ودستور جديد اولا --- شوف بنفسك اللينك

http://j.mp/mgWPff

طيب والكلام ده معناه ايه؟ معناه انهم بيلعبوا بينا وفاكرين الشعب داقق عصافير وهيصدق اللف والدوران – كل القوى اللي وريتهالك دي عاوزة مجلس رئاسي ودستور جديد – وعلى فكرة دي نفس القوى اللي قالت لا في الاستفتاء وكانت دي طلباتهم برضو !

5- عاوز تتاكد اكتر – دول حتى عملوا صفحة على فيس بوك وسموها "ثورة الغضب الثانية" وهدفها الأساسي مجلس رئاسي وااادي اللينك

http://j.mp/lCgLXc

6- لسه برضو شاكك مش كده ؟

طيب شوف مين كمان بيطالب بمجلس رئاسي ونازل عشانه – ائتلاف شباب ماسبيرو ( الأقباط) اللي اعتصموا ف الشارع وشتموا الجيش وشتموا علماء الإسلام وقالوا عاوزين حماية دولية – مش مصدق – شوف بنفسك الفيديو :

طيب ليه ما نوافقش على طلباتهم بمجلس رئاسي ودستور؟

الاجابة في اللينك ده – شوفه بعدين

http://j.mp/mpdCjq

طيب نعمل ايه – مش ممكن اروح عشان المطالب المشروعة التانية اللي مرفوعة واللي كلنا عاوزينها – زي تطهير الإعلام ومحاكمة الفاسدين بسرعة وعدم محاكمة المدنيين عسكريا والانتهاكات وشيل الطود الراسخ ( يحيي الجمل ) الخ ...

الاجابة: لو رحت حيحصل الاتي

اولا- هيستغل وجودك ويسوق اعلاميا على ان ثورة الغضب الثانية ناجحة وتضغط لمجلس رئاسي حتى لو سعادتك مطالبتش بكده !! شغل اعلام واحنا عارفينه.

ثانيا – كان نفسنا كلنا نروح ونعمل مليونية للضغط لتنفيذ مطالب متوافق عليها من كل الشعب لكن المعلن والغالب ان المطلب الرئيسي هو مجلس رئاسي ودستور قبل الانتخابات !! يعني هيستغلوك عشان يلوا دراع الشعب والجيش . كل القوى اللي وريتهالك دي قالت كده – ومفيش حملة تكذيب واحدة طلعت تقول للناس انزلوا مفيش حاجة اسمها مجلس رئاسي ودستور الاول !!

ثالثا – عدم التوافق ده معناه ان حتى لو بعض الثوار راحوا وماكنش من مطالبهم مجلس رئاسي واخرين بيطالبوا بيه – ممكن يتخانقوا تلقائيا وندور نضرب ف بعض ونشمت فينا مبارك .

رابعا – ليه تشارك في حاجة مش واضحة من اساسه – الجيش كده كده ماشي بعد الانتخابات واللي مقدرناش نعمله دلوقتي نعمله بحكومتنا اللي انتخبناها ! وبقليل من الضغط يمكن تنفيذ باقي المطالب المشروعة المتوافق عليها – لكن نشيل الجيش وتصبح البلد هيصة

ونرجع نبقى زي اليمن ولبيبيا يبقى ده اسمه بالفلاحي ( بطر )

منقول

[م تيمور المراغي]

الجيش سحب ايده من الميدان

وسايبنا نواجه البلطجية وفلول الوطني وبقايا امن الدولة لوحدنا ,,

لو سيبتونا حيستفردوا كلهم بينا و حيبهدلونا ,,

ده غير ان الشرطة العسكرية حرفيا بتلم 6 ابريل من الشوارع و حوالي 13-15 شاب قدام النيابة العسكرية دلوقتي ( انتم عارفين ان اركيتكت مش مروج اشاعات الكلام ده حقيقي )

ياشعب مصر ,,

دم شباب الثورة في رقابيكم ,,

[fatfouta]

وزارة الآثار تعلن إغلاق المتحف المصري الجمعة

[مسافر]

الجيش سحب ايده من الميدان

وسايبنا نواجه البلطجية وفلول الوطني وبقايا امن الدولة لوحدنا ,,

لو سيبتونا حيستفردوا كلهم بينا و حيبهدلونا ,,

ده غير ان الشرطة العسكرية حرفيا بتلم 6 ابريل من الشوارع و حوالي 13-15 شاب قدام النيابة العسكرية دلوقتي ( انتم عارفين ان اركيتكت مش مروج اشاعات الكلام ده حقيقي )

ياشعب مصر ,,

دم شباب الثورة في رقابيكم ,,

الاخ العزيز ارتكت

تسمع لخبرتنا انسحب

اتخاذ المواقف الخطأ في الوقت الخطأ

مظاهرات السلفيين من اجل كاميليا

مظاهرات السفارة الاسرائيلية

الذهاب لمعبلر رفح

مظاهرات 27 مايو

كل الامور السابقة دي خطأ ومش وقتها

الحل الان الغاء مظاهرات غدا

[الدكتورة أم أحمد]

انتم تعبتوني ,,

احنا متوحدين على نفس المبادئ وانتم داخلين تعترضوا لمجرد الاعتراض وخلاص ,,

المجلس العسكري مابيجيش غير بالضغط المتواصل والتصعيد ,,

احالة مبارك لمحكمة الجنايات لم تتم الا بسبب الدعوه للمليونية ,,

حرام عليكم بقينا بنحارب في جبهتين ,,

جبهة الجيش اللي الشرطة العسكرية اعتقلت زميلنا ابراهيم عابد في زهراء مدينه نصر وهو بيوزع منشورات ليوم 27

فاكرين نفسهم ايام جمال عبد الناصر ,,

وجبهة حزب كفاية كده ادوا المجلس فرصة وهما فرحانين بيكم فرحة لا توصف وزمانهم بيندموا على قرار احالة مبارك بعد كلامكم المثبط ده,,

اللي مش ناوي ينزل ويتظاهر اليوم ده هو حر وله كل التقدير كمان ,,

انما ما تبقاش لابترحم ولا بتخللي رحمة ربنا تنزل ,,

وهل يستطيع كائنا من كان على منع رحمة ربنا من النزول

!!!!!!!!!!!!!!

[tarek hassan]

السلام عليكم و رحمة الله و بركاته

استاذي الفاضل

شكرا لاختلاف حضرتك معي

بس انا مطلبتش من حضرتك تتفق....الامر ببساطة اني حطيت ما انا مقتنعة بيه....و كون ان حضرتك تختلف مع ما اراه يبقي لك مني كل الاحترام....و مش هحاول افرض رايي و لا قناعتي علي حضرتك

"سننحاز بالفطرة لديكتاتورية الارادة الشعبية"

معناها ببساطة ان القرار سيصبح في النهاية للاغلبية....سيصبح في النهاية لصوت الشعب و اللي حتي لو حصل و كان علي غير قناعاتنا فهنا يمكن تصنيفه و انه "ديكتاتورية" و حينئذ سيتم الانحياز لها لانها تمثل صوت الشعب أي الاغلبية و هذا يكفي لتسود

و هذا ما اتفق معه للغاية

و في انتظار بقية حوارك استاذي

وعليكم السلام ورحمة الله وبركاته

آسف لتأخري في الرد

الجملة أعلاه فيها تناقض بين بالنسبة لي في ألفاظها وبالتالي هي لا تحمل معنى واضح

- انحياز فطري للديكتاتورية ....

- أي فطرة هذه ؟

- الإرادة الشعبية ديكتاتورية .....

أين الديمقراطية إذن ؟

ما هذا ؟

عقلي لا يقبل هذا الكلام وأعتبره تخريف

هل هناك تعريفات جديدة عنده لكل من

الفطرة

الديكاتورية

الديمقراطية

اما فيما يتعلق بنقد حضرتك لكتابات عمر طاهر

فممكن حضرتك تفتح توبيك مخصوص و تتناول طريقة كتابته و افكاره و اذا كان يفكر او لا او ياتي بجديد ام لا...و ساشارك به قطعا و اتعلم منك....بل لنخطو خطوة للامام و نشرك عمر طاهر نفسه في دائرة الحوار عن طريق مراسلته عن طريق الايميل...لاننا جزء من قرائه ممن يتفقون او يختلفون حول ما يكتب

و في انتظار بقية حوارك استاذي

وعليه لا أعتبر أن الرجل يحمل فكرا جيدا يمكن مناقشته

مع كل الاحترام والتقدير لحضرتك

تم تعديل 26 مايو 2011 بواسطة tarek hassan

[الدكتورة أم أحمد]

معتصمي ماسبيروا يشاركون في جمعة الغضب الثانية

[quot]يشارك نصارى مصر غدا فى جمعة الغضب الثانية ، وذلك لاجبار المجلس العسكرى على تنفيذ طلباتهم ، وأهمها إعتقال بعض رموز التيارات الإسلامية ، وبناء كنائس وأديرة تزيد كثيرا عن احتياجات النصارى واعدادهم. يذكر أن قيادات النصارى كانو المحرضين الاوائل على جمعة الغضب ، فالقمص متياس نصر والقس فلوباتير جميل قائدى الاعتصام الأخير لنصارى ماسبيرو قاما بتعليق الاعتصام ، ومطالبة النصارى المعتصمين بالعودة إلى ميدان التحرير يوم جمعة الغضب الثانية .

أما موقف الكنيسة الرسمى ، فجاء مؤيدا لجمعة الغضب ولكن بطريق غير مباشر ، حيث نفى مصدر كنسى صدور تعليمات من الكنيسة بمنع مشاركة الأقباط غداً فى جمعة الغضب الثانية، مؤكداً أن البابا شنودة الثالث فى رحلته العلاجية بأمريكا لم يصدر أى بيانات أو تعليمات بشأن منع أو نزول الأقباط لميدان التحرير.

وقال المصدر، إن الكنيسة لا تتدخل فى الشئون السياسية أو المشاركة العامة فيما يتعلق بحرية أبنائها فى اختيار قراراتهم طبقاً لمشاركتهم وانتماءاتهم السياسية، مشيراً إلى أن الكنيسة لن تكرر ما حدث فى 25 يناير عندما أوصت بعدم خروج الأقباط، وأن الوضع الآن تغير ولكل قبطى حق اختيار الفصيل السياسى الذى يمثله.

[الدكتورة أم أحمد]

موقف الجبهة السلفية من "الثورة الثانية" يوم الجمعة 27/5/2011م

الحمد لله والصلاة والسلام على رسول الله وآله ومن والاه؛ وبعد:

فإن الجبهة السلفية بمصر ترفض المشاركة في مظاهرات يوم الجمعة القادمة بتاريخ 27/5/2011م والتي دعت إليها بعض الفئات والقوى السياسية فيما يعرف بـ "الثورة الثانية" والتي هي في حقيقتها ـ ومن وجهة نظرنا ـ انقلاب على مكتسبات ثورة 25 يناير؛ كما تدعو الجبهة عموم المسلمين إلى مقاطعة هذه المظاهرات المشبوهة وتؤكد على ما يلي:

أولاً: إن القوى الداعية لمظاهرات يوم الجمعة 27/5/ 2011م هي نفس القوى التي قادت المصادمات المؤسفة أمام سفارة العدو الصهيوني يوم الأحد 15/5/2011م والتي اضطرت قوات الجيش والشرطة إلى التعامل بعنف مع المتظاهرين؛ وهي نفسها التي قامت ـ منفردة ـ بالدخول في مواجهات ضد الجيش بدعوى إقالة المشير طنطاوي والمجلس العسكري يوم الجمعة 9/4/2011م؛ مما أدى إلى إراقة الدماء وتشويه وجه الثورة المصرية الجميل؛ كما أن المطالبة بإطلاق سراح الضباط الذين تسببوا في تلك الأحداث تجاوز للقوانين المعمول بها في البلاد والأولى أن تكون المطالبة بمحاكمتهم محاكمة علنية عادلة وبإشراف حقوقي وقضائي يتسم بالشفافية والنزاهة.

ثانياً: تتذرع القوى الداعية إلى هذه التظاهرات بمطالب مشروعة؛ مثل: تطهير الشرطة ومحاكمة "ضباط أمن الدولة" سابقاً ـ "الأمن الوطني" ـ حالياً؛ و المطالبة بحل المحليات ووضع آلية لاختيار المحافظين وتنقية الجهاز القضائي وإقصاء رموز الفساد من الأجهزة الإعلامية الرسمية من بقايا نظام مبارك وكذلك محاكمة الرئيس المخلوع وزمرته الفاسدة؛ وغيرها مما لا غبار عليه, إلا أنها تستخدم تلكم المطالب كغطاء لتمرير مطالب أخرى مشبوهة تقفز على خيار الأمة.

ثالثاً: تؤكد الجبهة على أهمية المحاكمة الجادة والقصاص العادل من مبارك وأسرته وأعوانه ورموز نظامه؛ ولكن الدعوة إلى المحاكمات الصورية والعسكرية ـ التي تقودها القوى السياسية آنفة الذكر ـ هي دعوة خطيرة تجر البلاد إلى شريعة الغاب والانتقام؛ علماً أن رموز الجبهة وأفرادها كانوا من أكثر الناس بلاء وظلماً في عهد مبارك.

رابعاً: نؤكد على دعمنا المشروط لحكومة الدكتور عصام شرف وكذلك للمجلس العسكري والمشير طنطاوي لانحيازهم لخيار الشعب وتأكيدهم الدائم على تسليم السلطة للمدنيين في ظل انتخابات حرة ونزيهة؛ وذلك بشرط الإيفاء بالتزاماتهم تجاه الأمة وعدم استهداف فئات معينة من الشعب المصري وتقديمهم كبشاً للفداء أو عقد صفقات من أي نوع مع رموز الفساد سابقاً أو لاحقاً.

خامساً: ترفض الجبهة السلفية ـ رغم بعض السلبيات ـ الدعوة لعزل المشير طنطاوي والمجلس العسكري في الظروف الراهنة و استبدالهم بـ ـ مجلس رئاسي ـ يمثل اتجاهاً محدوداً؛ ولا ندري من سيعين أفراده وكيف؟ ؛ إذ هي مقدمة لإدخال البلاد في حالة من الفوضى والفراغ السياسي والعسكري والأمني كما نرفض أن تقوم فئة محدودة لا تمثل عموم الشعب المصري ـ صاحب الثورة ـ بوضع دستور جديد قبل انتخابات مجلسي الشعب والشورى وتعيين هيئة تأسيسية منهما لصياغته في التفاف مفضوح على خيار هذا الشعب الذي أقر التعديلات الدستورية الماضية في أول استفتاء نزيه يتم في مصر.

سادساً: نؤكد التمسك بالاستفتاء الذي دعت إليه كافة قوي الشعب والذي يعتبر مرجعية قانونية وقد اكتسب به الجيش مشروعيته وبالتالي نرفض أي محاولة التفاف حول نتائجه؛ فحكومة الدكتور شرف هي حكومة تسيير أعمال وليس من صلاحياتها تعديل أو تطوير نتائج الاستفتاء لان هذا يعتبر أول فشل للثورة التي قامت علي مبدأ احترام إرادة الشعب وسيذكرهم التاريخ ـ إن فعلوا ـ بأنهم أول حكومة التفت علي إرادة الأمة إرضاء لحفنة من الناس ونحن ننزه الدكتور شرف عن هذا المنزلق الخطير.

سابعاً: تعلن الجبهة السلفية أن الطريق مازالت طويلة لتحقيق مكتسبات الثورة وتنفيذ مطالبها المشروعة كما تعلن استعدادها لتقدم الصفوف لاستكمال مسيرتها بعيداً عن المطالب الفئوية الموجهة كالمجلس الرئاسي وفرض دستور لا ترتضيه الغالبية من المصريين؛ كما نمد أيدينا للجميع للعمل معاً في مسيرة العدل والحرية.

فضيلة الشيخ محمد عبد المقصود

فضيلة الشيخ فوزي السعيد

فضيلة الشيخ حسن أبو الأشبال

فضيلة الشيخ ممدوح جابر

والله يقول الحق وهو يهدي السبيل

[أبوعمار]

انتم تعبتوني ,,

احنا متوحدين على نفس المبادئ وانتم داخلين تعترضوا لمجرد الاعتراض وخلاص ,,

المجلس العسكري مابيجيش غير بالضغط المتواصل والتصعيد ,,

احالة مبارك لمحكمة الجنايات لم تتم الا بسبب الدعوه للمليونية ,,

حرام عليكم بقينا بنحارب في جبهتين ,,

جبهة الجيش اللي الشرطة العسكرية اعتقلت زميلنا ابراهيم عابد في زهراء مدينه نصر وهو بيوزع منشورات ليوم 27

فاكرين نفسهم ايام جمال عبد الناصر ,,

وجبهة حزب كفاية كده ادوا المجلس فرصة وهما فرحانين بيكم فرحة لا توصف وزمانهم بيندموا على قرار احالة مبارك بعد كلامكم المثبط ده,,

اللي مش ناوي ينزل ويتظاهر اليوم ده هو حر وله كل التقدير كمان ,,

انما ما تبقاش لابترحم ولا بتخللي رحمة ربنا تنزل ,,

وهل يستطيع كائنا من كان على منع رحمة ربنا من النزول

!!!!!!!!!!!!!!

نخليها " لابيرحم .... ولاعايز رحمة ربنا تنزل"

يارب مطالب المتظاهرين تتحقق

ومطالب الناس اللي عايزبن البلد تهدى تتحقق

كلنا محتاجين نرجع للاستقرار

حتى اللي نازلين التحرير ....عايزين يحسوا بالتغيير

الصبر جميل

[eslam elmasre]

العشرة مليون اللي نزلوا في المظاهرات نزلوا ليس حبا في 6 ابريل او كفاية او الاخوان

نزلوا كرها في مبارك وفي فساده ومن غيرهم ماكنش مبارك سقط ولو الحركات دي لوحدها كان النظام تمكن من قمعها وابادتها لكنه لا يستطيع قمع عشرة مليون

غدا سيعرف الجميع حجمه وسيعرف ماذا يريد المواطن البسيط الذي سيحسم اي انتخابات قادمة ومن يريد ان يكسب اي انتخابات فعليه ان يتقرب من هؤلاء لا ان يتعالي عليهم

مطالب 6 ابريل الان ليس لها معنى لان الثورة وضعت اوزارها علي هذا الوضع وهي انتقال مقاليد الحكم للجيش او للمجلس الرئاسي العسكري وكان لهم ان يعترضوا علي ذلك يوم ان تنحى مبارك لكنهم ارتضوا بذلك الامر وعليه فطلباتهم الان ليس لها الا معني واحد وهي انفصالهم عن رغبات الشعب وعملهم في وادي اخر وحب الظهور دون النظر لمصلحة البلاد العليا

غدا سنعرف الحجم الحقيقي للحركات الثورية

[ابوهنا]

اسمعوا العضو التنفيذى لما يسمى ائتلاف الثوره بيقول ايه عن الاستفتاء

http://youtu.be/sIaHZGt6i0w

يعنى نخلص من ديكتاوريه مبارك هندخل فى ديكتاتوريه مايسمون انفسهم المثقفون

الذين يصفونا نحن ابناء الوطن بالجهله والخونه

[Alshiekh]

رأي هادئ غير متشنج ، يعرف معنى كلمة ديمقراطية

لماذا لانعرف غير لغة الاتهامات فقط مع من يخالفنا الرأي أو الرؤية؟

البرادعي للإخوان: لا تشككوا في الثوار

صرح د.محمد البرادعي المرشح المحتمل للرئاسة، بأن التظاهر السلمي حق أصيل ومشروع لكل مصرى للتعبير عن رأيه وسماع مطالبه.

وأكد - على حسابه الخاص على موقع تويتر - إنه لايجوز المزايدة على وطنية الخارجين غدا "لجمعة الغضب الثانية" أو التشكيك فى نواياهم.

جاء ذلك ردا على تصريحات الإخوان وآخرين يرفضون "جمعة الغضب الثانية" ويعتبرونها "جمعة الوقيعة مع الجيش".

وانقسم الشارع المصري والقوى السياسية ما بين مؤيد ومعارض لدعوة حركات شبابية وأحزاب سياسية على الموقع الاجتماعي الشهير "الفيسبوك" إلى تظاهرات حاشدة الجمعة 27-5-2011 بالقاهرة وجميع محافظات مصر، في إطار ما أطلقوا عليه اسم "ثورة الغضب المصرية الثانية".

وفيما أيد تلك الدعوة ٢١ من الحركات والأحزاب والقوى السياسية والثورية، رفض 12 ائتلافا – من بينهم الإخوان المسلمون والجماعة الإسلامية- المشاركة في جمعة الغضب الثانية ، وأسموها "جمعة الوقيعة" بين الشعب والجيش؛ الذي حمى الثورة وحافظ عليها من محاولات فلول النظام السابق للإطاحة بمكتسباتها.

[fatfouta]

رصد | عاجل | البرادعى يعلن أشتراكه غدا فى مظاهرات الجمعة

[عصام أبوالفتح]

الموقف العاقل الان من اى حركة سياسية تحترم هذا الشعب والمجلس العسكرى :

هو اعلان عدم النزول غداً وارسال بيان واضح بذلك للاعلام يطالب بمحاكمة مبارك واعوانه بشفافية ووضوح وسرعة خلال الاسبوع القادم او تستأنف محاكمته شعبياً فى الميدان يوم الجمعة القادم

من سينزل غداً بصرف النظر عن براءة اهدافه او قذارتها .. ينتحر سياسياً ويقضى على مستقبله مع الشعب

تم تعديل 26 مايو 2011 بواسطة عصام أبوالفتح

[fatfouta]

أربعة أحزاب تؤكد نهاية تظاهرات الجمعة في السادسة مساءا

[م تيمور المراغي]

نداء وتوضيح:

تامين ميدان التحرير مسؤولية جميع المشاركين والقوات المسلحة

بناء علي ماتررد في الساعات الماضية، من تحمل حركة 6 أبريل وحدها مسؤولية تأمين الميدان غدا في جمعة "إحياء الثورة"، فإن الحركة تعلن مايلي:

1- تأمين الميدان منذ بداية الثورة لم يتحمله أي فصيل بمفردة إنما هي عملية تضامنية يشارك فيها جميع الشباب داخل الميدان.

2-تهيب الحركة بالقوات المسلحة بأداء دورها في تأمين منشأت الوطن، والمشاركة في حماية المتظاهرين سواء أثناء المسيرات أو في ميدان التحرير تأدية للواجب المفروض عليهم منذ تحملهم مسؤولية حماية الثورة.

3-تهيب الحركة بوزارة الداخلية، القيام بدورها بتسيير الحركة المرورية خارج ميدان التحرير والميادين المختلفة في كل المحافظات، حفاظا علي وطننا العزيز وتسييرا لكل مصالح المواطنين المصريين.

ونداء لكل الشباب والناشطين المصريين والتيارات المشاركة، بأهمية المشاركة في تأمين ميدان التحرير، متضامنين معا وسويا

شباب 6 أبريل

[capitshino]

كنت بره مع صحابى ولسه راجع

الناس قلقانة جدا من اللى هيحصل بكرة لدرجة ان بعضهم سحب فلوسه من البنوك

وانا راجع عديت على ماسبيرو .. لا فى جيش ولا شرطة وابوابه مغلقة ! منظر غريب شوى بالنسبة لى

الواحد قلقان فعلا من بكرة .