ثورة الغضب المصريه الثانيه 27 مايو

[tarek hassan]

ولكنه افتراء على رجل من وجهة نظري جعل الله على يديه الخير لمصر وإنقاذ البلاد والعباد من شر عظيم

انت شايف كده !

اهلا بيك ,,

اللي ميشوفش من الغربال يبقى أعمى صح ولا إيه

ولذلك أنا شايف كده وعلى الأقل أحسن من البراشوت اللي بيصرح النهاردة إنه عايز دستور جديد للبلاد الآن شفت الآن بدون احترام كالعادة لإرادة الشعب وبدون معرفة إن الدستور لازم يكون بجمعية تأسيسية منتخبة من مجلس الشعب وغير كده يبقى إنقلاب على الدولة وتخريبها

[م تيمور المراغي]

ما بحبش امدح اللي في صفي لكن ,,

تسلمي يا جوجو والحمد لله اللي نور بصيرتك ,,

اثبتي يا بنتي

انتي مع الحق ,,

بكره حنرجع انا وانتي لمشاركاتنا دي ونفكرهم ,,

و بقول للكل ,,

اتفرجوا على الكلبيبات دي وسمعوني رايكم ,,

http://www.youtube.com/watch?v=l2gyY3DtWKc

http://www.youtube.com/watch?v=xiRu8bZBXfM

[م تيمور المراغي]

ايه الاخبار في التحرير؟؟؟؟

اون تي في بتقول تجمع مئات

الجزيرة مباشر مصر .. مشفتش حاجة عليها

انا كلمت مصطفى بغدادي ,,

العدد حاليا 20 الف متجمعين في الميدان ,,

مافيش اي تحرشات او تواجد من الشرطة العسكرية فقط ظباط المرور بينظموا الميدان ,,

اي جديد حوافيكم بيه ان شاءا لله ,,

[tarek hassan]

http://www.youtube.c...h?v=xiRu8bZBXfM

حلو قوي المكياج المفضوح اللي لسه معلم على وشه وودانه

مدهناش ليه قفاه بخمس صوابع مكتوب عليها الجيش المصري

الناس مش هتبطل خداع ولؤم ورمي جتت ولا التدريبات لازم تتنفذ بالحرف حتى لو كانت عبيطة ومكشوفة

[التونسى]

لسه جاى من الشارع .. البلد اللى انا فيها عايمه على بحر من الغاز .. ومفيش فيها انبوبه بوتوجاز .. بأى تمن .. حتى الوابور .. مفيش جاز يعمره ..ولسه ياما حنشوف مع الفوضى .. ومع الداعين لها .. اللى كلنا الا قليلا ب ولا حياة لمن تنادى

[م تيمور المراغي]

http://www.youtube.c...h?v=xiRu8bZBXfM

حلو قوي المكياج المفضوح اللي لسه معلم على وشه وودانه

مدهناش ليه قفاه بخمس صوابع مكتوب عليها الجيش المصري

الناس مش هتبطل خداع ولؤم ورمي جتت ولا التدريبات لازم تتنفذ بالحرف حتى لو كانت عبيطة ومكشوفة

ده حقيقي يا طارق ومتوثق واللي عندي افظع بس مش وقته ,,

خلينا نصبر لحد ما نشوف حيستجيب زي عوايده ولا لأ ,,

[عصام أبوالفتح]

يعني اخرتها بقيت مخبر على زمايلك يا عصام ,,

متشكرين

مخبر ؟!! ... انت شايفنى لابس بالطو وخارم جرنان ببص منه .. لا يا محترم .. من 2005 واعضاء المنتدى يشهدوا وانا معادى للاسماء المستعارة وادعوا للحوار بوجوه مشكوفة .. وسبت جماعة الاخوان لانهم تحفظوا على الكلام ده ... انا باصرح واهدد واندد بمزاجى من حادثة العبارة واسمى وصورتى على المنتدى وعامل حسابى ان احد المخبرين يبلغ عنى لاتم مشاريع خاصة اعددتها خصيصا للسجن .. لكن لم انل هذا الشرف

والعلاقة بينا ليست زمالة على ما أعتقد .. اذا كانت هذه ثورة شعب كما سماها الجميع

[tarek hassan]

http://www.youtube.c...h?v=xiRu8bZBXfM

حلو قوي المكياج المفضوح اللي لسه معلم على وشه وودانه

مدهناش ليه قفاه بخمس صوابع مكتوب عليها الجيش المصري

الناس مش هتبطل خداع ولؤم ورمي جتت ولا التدريبات لازم تتنفذ بالحرف حتى لو كانت عبيطة ومكشوفة

ده حقيقي يا طارق ومتوثق واللي عندي افظع بس مش وقته ,,

هل يجري إعداد المزيد من أجل التأليب على الجيش بالباطل

يعني المشير لم يعذب أحدا في عصر الطاغية مبارك جاي يعذب الناس الوقتي

الراجل لم يتورط في فساد أو سرقة قبل الثورة وهيتورط الوقتي بالعافية

راقب ربنا يا تيمور في كل اللي بتقوله لإننا هنتحاسب يوم القيامة وأدعوك للرجوع للصواب والحق والعدل واللي عند ربنا أحسن كتيييير

تم تعديل 20 مايو 2011 بواسطة tarek hassan

[م تيمور المراغي]

الانتهاكات دي موثقة يا طارق بس وقتها مش دلوقتي ,,

وعشان ماتقولش كلمة يجري اعداداها هيا نزلت بالفعل على اليوتيوب وبتواريخ في مارس وابريل الا اذا كنت بتشك ان يوتيوب متواطئه معانا هيا كمان :happy:

وبقول لكل واحد هنا ناوي يبلغ عن زميلته او زميله ,,

اقف قدام المرايه

وشوف لو حتقدر تبص لنفسك ,,

[mustafagamiel]

يعني المشير لم يعذب أحدا في عصر الطاغية مبارك جاي يعذب الناس الوقتي

الراجل لم يتورط في فساد أو سرقة قبل الثورة وهيتورط الوقتي بالعافية

والله يأستاذ طارق للاسف الرجل ضعيف ولايستطيع القيادة هو والاي معاه

لانهم من اختيار الزعيم الكبير حسني مبارك

انا اختلف معك يأستاذ طارق انه مش متورط شوفت فيديو لعمرو أديب بيقول انه ابن المشير "عمر طنطاوي كان له بيزنس مع جيمي"

صعب اوي يأستاذ طارق انه يكون هناك شخص مسؤل في زمن مبارك ولا يظبط نفسه بيزنس يغنيه بعد التقاعد

لكن الاي انا شايف ان المفروض نتغاضى الطرف عما وراء هذا الرجل من اتهامات الى ان تعدي السفينة الى الشاطيء ان شاء الله

وبعدين يتحاسب بعد استقرار الاوضاع

بصراحة الف شكر ليه على موقف الجيش

لكن الاي مضايقني انهم متخازلين شوية وسينين الامور شوية على الغارب

اتمنى الايشارك الاخوان وجميع القوى في الجمعة القادمة

حركة 6 ابريل حادت اوي عن الصواب وانجرفت عن المسار الصحيح كي تظهر في مظهر الزعامة

ربنا ييسر الامور ويبعد عنا الشيطان واصحابه

اللهم امين

[م تيمور المراغي]

كي تظهر في مظهر الزعامة !

طيب والله لو استجاب المجلس وبدأ في محاكمة آل مبارك واعوانه وطرح آلية لمشاركة القوى الوطنية الفاعلة على الساحة في اتخاذ القرار حنوقف الدعوة ل 27 مايو ,,

طبعا خطوة الافرراج عن المعتقلين هو سبق و استجاب ليها خلاص ,,

[عصام أبوالفتح]

الانتهاكات دي موثقة يا طارق بس وقتها مش دلوقتي ,,

وعشان ماتقولش كلمة يجري اعداداها هيا نزلت بالفعل على اليوتيوب وبتواريخ في مارس وابريل الا اذا كنت بتشك ان يوتيوب متواطئه معانا هيا كمان :happy:

وبقول لكل واحد هنا ناوي يبلغ عن زميلته او زميله ,,

اقف قدام المرايه

وشوف لو حتقدر تبص لنفسك ,,

سبحان الله ... انت لا تستطيع ان تواجهنى وترد على كلامى مباشرة .. وفى نفس الوقت تشكك انى لا استطيع مواجهة نفسى فى المرآه .. بكل اسف .. انت واهم يا تيمور

[tarek hassan]

الانتهاكات دي موثقة يا طارق بس وقتها مش دلوقتي ,,

وعشان ماتقولش كلمة يجري اعداداها هيا نزلت بالفعل على اليوتيوب وبتواريخ في مارس وابريل الا اذا كنت بتشك ان يوتيوب متواطئه معانا هيا كمان :happy:

وبقول لكل واحد هنا ناوي يبلغ عن زميلته او زميله ,,

اقف قدام المرايه

وشوف لو حتقدر تبص لنفسك ,,

دا هو دا وقتها لمزيد من الإثارة

يا تيمور لا تتوانى إضرب على الحديد وهو سخن

وبالنسبة للمرايا أظن حركة 6 إبريل هما اللي يتقال لهم الكلام ده وهم اللي لهم فيديوهات مشينة وأخبار مفزعة

وأنا مش معاك إن اللي يبلع عن خائن أو عميل أو كذاب أو متآمر يبقى مخطيء ولكن اللي يترك هؤلاء يعبثون ويعيثون في الأرض فسادا هو المخطيء

وبالنسبة للأستاذ عصام أقوله معلشي تيمور وغلط هههههه

[mustafagamiel]

كي تظهر في مظهر الزعامة !

طيب والله لو استجاب المجلس وبدأ في محاكمة آل مبارك واعوانه وطرح آلية لمشاركة القوى الوطنية الفاعلة على الساحة في اتخاذ القرار حنوقف الدعوة ل 27 مايو ,,

طبعا خطوة الافرراج عن المعتقلين هو سبق و استجاب ليها خلاص ,,

ماهو ده الوتر الاي عيزين نلعب عليه ياباشمهندس

محدش يقدر يسقط شرعية المجلس العسكري الا لو حدث انقلاب عليه

لكن ثورات وحركات ولا الهوا

احنا عيزين نضغط بس لحد ماتتسلم السلطة

الكل عارف ان المجلس العسكري نايم في العسل ومكبر الطاسة والاي بيصحيه فقط هي المليونية وبيشتغل برضه بمزاجه

وبصراحة شكرا ليهم اوي على عدم تهورهم

الان الاي ينفع فقط هو الضغط ليس غير

عيزين نشوف مصر مستقرة شوية ياباشمهندس

ربنا يسترنا من موقف ليبيا وسوريا واليمن

[عصام أبوالفتح]

كي تظهر في مظهر الزعامة !

طيب والله لو استجاب المجلس وبدأ في محاكمة آل مبارك واعوانه وطرح آلية لمشاركة القوى الوطنية الفاعلة على الساحة في اتخاذ القرار حنوقف الدعوة ل 27 مايو ,,

طبعا خطوة الافرراج عن المعتقلين هو سبق و استجاب ليها خلاص ,,

المشاركون فى ثورة الغضب الثانية بمسماها هذا وأياً كان موعدها .. سينتحرون سياسياً .. كما انتحر غلاة السلفيين .. وغلاة الأقباط .. وكل تجمع يهدف لاكتساب نقاط وصنع تاريخ نضالى على حساب مصر

الدرك الأسفل من الأصوات بانتظاركم جميعاً .. ومواقفكم تسجلونها بأنفسكم

[م تيمور المراغي]

كي تظهر في مظهر الزعامة !

طيب والله لو استجاب المجلس وبدأ في محاكمة آل مبارك واعوانه وطرح آلية لمشاركة القوى الوطنية الفاعلة على الساحة في اتخاذ القرار حنوقف الدعوة ل 27 مايو ,,

طبعا خطوة الافرراج عن المعتقلين هو سبق و استجاب ليها خلاص ,,

ماهو ده الوتر الاي عيزين نلعب عليه ياباشمهندس

محدش يقدر يسقط شرعية المجلس العسكري الا لو حدث انقلاب عليه

لكن ثورات وحركات ولا الهوا

احنا عيزين نضغط بس لحد ماتتسلم السلطة

الكل عارف ان المجلس العسكري نايم في العسل ومكبر الطاسة والاي بيصحيه فقط هي المليونية وبيشتغل برضه بمزاجه

وبصراحة شكرا ليهم اوي على عدم تهورهم

الان الاي ينفع فقط هو الضغط ليس غير

عيزين نشوف مصر مستقرة شوية ياباشمهندس

ربنا يسترنا من موقف ليبيا وسوريا واليمن

فيه فرق بين المؤسسة العسكرية وما يمسى حاليا بالمجلس العسكري ,,

الاخير ارتضى ان يقوم حاليا بدور سياسي في مرحلة من احرج المراحل التي مرت على مصر في تاريخها الحديث ,,

وهو امكانياته على قده مالوش اي خبره سياسية ( او بيتظاهر بده ) وبينضغط عليه لكي يسير وامور اخرى مش ده الوقت لذكرها ,,

كنت ضربت مثال امس لطالب الكلية الحربية ,,

ممكن نجيبه نمتحنه في مواد بكالريوس كلية الاقتصاد والعلوم السياسية !!!

والعكس بالعكس ايضا ,,

يعني كل انسان وله مجاله الي يتخصص ويبرع فيه ,,

نقول تاني ,,

مطلبنا ليس اقصاء الجيش او تسريحه ومش معقول يبقى كله عند العرب صابون مداخلات البعض هنا ابتدائي سياسه ,,

مطلبنا هو تسليم السلطة الى مجلس رئاسي مدني ( تتفق عليه ) كل القوى السياسية الفاعلة في مصر اخوان وسلفيين واخزاب وحركات سياسية والتي دعت وقامت بدعم الثورة هما دول اصحابها الحقيقيين ,,

ويبقى المجلس العسكري يؤدي دوره الوطني العظيم في حماية مقدرات الامة كما هو منوط به

الجيش مش مكانه الشارع

في عرف مين ده !!

الجيش مكانه الثكنات ,,

لان تواجده الدائم وسط المدنيين هو مفسدة ايما مفسدة لكلاهما ,,

يارب ما اعيد الكلام هو نفسه مره تانيه ,,

[tarek hassan]

العضو hanzmolar

دخل وأعطانا تقييمات سلبية من غير ما يشارك دون أن يذكر السبب وقد تكرر ذلك منه وعليه أن يوضح السبب ويشارك ويظهر

يا تيمور أنت أكتر واحد عارف إني مش منافق ولا مطيباتي بس مش مشكلة أنا هراعي حالة الفشل الذريع اللي أنت فيها فأنت لم تستطع حشد مجرد 3 أفراد فقط من المنتدى

وجميع الشرفاء لم يقبلوا بدعوتك وليس هذا هو الفشل الأول ولن يكون الأخير تأكد من ذلك

[عنبو]

تيمور حبيبى وزميلى وصديقى المشاغب

بص يا تيمو انا مع مليونات زى ما بدك لحد لما اليى احنا عاوزينه يتنفذ من محاكمة كل الفاسدين ومعاملتهم معاملة مجرم لا سيد قومه

كل ده انا معاك فيه ومعاك ايضاً ان فيه علامات استفهام على تصرفات المجلس العسكرى زى عودة الامن والاستقرار وزى موضوع الاقتصاد

اليى عملوا به كلو للناس فى دماغهم وزى موضوع المصالحه مع مبارك والعفو عن سوزان .........الخ وكل الحاجات دى

وطبعا لو طفل صغير هيفهم ايه اليى بيجرى فى مصر

تمام كده طيب ايه العمل احنا دلوقتى قدمنا طريقين نمشى فيهم وكل واحد له نتائج هتترتب عليه

الحل الاول نفضل نعمل مليونات ونضغط بقوه على المجلس العسكرى علشان ينفذ مطالبنا ونهدد بعصيان مدنى عام ونقول هنروح شرم

ولا هنرح نعتصم امام المستشفى اليى فيه المخلوع وبكده مش هيبقى قدام المجلس العسكرى غير انه يحاكمه ويرميه فى السجن والا البلد

هتولع رسمى لان انا من خلال كلامى مع الناس فى مصر وناس بسيطه قول لما شموا خبر العفو والمصالحه الناس حست انها اهانه بجد ليها

والناس قالت لو هنمووووووووووووووووووووووووووووووووووووووووووووت من الجوع لازم يتاكم ويتسجن زى .........

اذا فالناس خلاص مبقتش بتخاف ولا بقت بتسكت ومش هتسكت والمجلس العسكرى مش بيمشى الا بمليونات يبقى كل شويه نعمل مليونات

علشان يحاكم العصابه والفاسدين اليى لسه موجودين لحد دلوقتى فى مناصبهم

الحل التانى : اننا نعمل مظاهرات نطالب فيها المجلس العسكرى بترك الحكم والعوده اليى ثكناته والمطالبه بتعين مجلس رئاسى منتخب

طبعا الكلام ده ممكن يكون رد فعله حاجه من الاتنين

الحاجه الاولى : ان المجلس العسكرى يوافق انه يجيب مجلس رئاسى من جميع القوى المعارضه وطبعا ده اسمه هبل رسمى ليه

لان قوى المعارضه ولا القوى الوطنيه مهياش اساسا متفقه على ناس معينه يبقى هتضطر تعين اكتر من واحد

وطبعا المركب اليى ليها ريسين بتغرق فمابالك بقى لما يبقوا الاتنين مختلفين ايدلوجيا عن بعض تماما

وطبعا اخوانا المسيحين هيقولوا عاوزين واحد يمثلهم فى المجلس الرئاسى المنتخب

والسلفين عاوزين واحد والاخوان واحد وانتوا واحد وكل دول مختلفين عن بعض يبقى لو حبوا ياخدوا قرار هياخدوه ازاى مينفعش

لازم واحد محايد يحكم فى الفتره دى واحد مش محسوب على اى تيار من دول ومافيش غير المجلس العسكرى هو اليى لا محسوب على السلفيين

ولا الاخوان ولا المسيحين ولا القوى الوطنيه الاخرى لكن بالشكل اليى انت بتتكلم عليه هتبقى فووووووووضى والى جانب كمان ان الجيش

هينسحب تماما من الشوارع اوعى تفتكر الجيش هيفضل فى الشوارع وقابل بقى البلطجيه والفلول و.........الخ

طيب الحاجه التانيه اننا ندخل فى صدام مع الجبش ونبقى زى سوريا وليبيا

وطبعا فى كلتا الحالتين معناهم ضياع مصر رسمى

فكر كده يا تيمور على رواقه فى موضوع المجلس الرئاسى ده ؟ وانت هتوصل الى نفس النتيجه اليى انا وصلت ليها

صدقنى مافيش اصلح من الجيش يحكم فى الفتره دى لانهم مش محسوب على جد من القوى الوطنيه ودى ميزته

لحد لما نعمل انتخابات وكل واحد يتأكد من حجمـــــــــــــــــــــــــــــــــــه الطبيعى

فكر فيها ولو عندك اليه ازاى نختار مجلس رئاسى مدنى فى الوقت الحالى وازاى هيتم اتخاذ القرار بينهم قولوه هنا ونتناقش فيه

تحياتى

عنــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــبو

[eslam elmasre]

''الاغلبية الصامتة'' تؤيد المجلس العسكري أمام المنصة

شارك شارك

''الاغلبية الصامتة'' تؤيد المجلس العسكري أمام المنصة

اضغط للتكبير

العشرات يتظاهرون أمام المنصة لتأييد المجلس العسكرى - مصراوي

اطبع

أضف تعليق

ارسل

5/20/2011 4:37:00 PM

كتب - محمد عبدالوهاب:

ردا علي متظاهري ميدان التحرير المطالبين بتعين مجلس رئاسي مدني، احتشد عقب صلاة الجمعة أمام النصب التذكاري بمدينة نصر، عدد من مؤيدي المجلس العسكري برئاسه المشير محمد حسين طنطاوي.

وابدي المتظاهرون استياءهم من توالي التظاهرات التي تنادي بتعيين مجلس رئاسي مدني مؤكدين "نحن لا نقبل فكره المجلس المدني، ويجب علينا مسانده المجلس العسكري لتخطي المرحله الراهنه بسلام".

وردد المتظاهرون بعض العبارات منها "الشعب يريد عجله الانتاج"، "مش عايزين مجلس رئاسي" .

فيما أوضح عدد من المتظاهرين أن كثرة الوقفات المليونية أدت لانهيار اقتصاد الدولة في أغلب القطاعات، وانفلات أمني غير مسبوق، لم تشهده الاراضي المصرية في تاريخها الحديث، فضلا عن ظهور كيانات وحركات مشبوهه والعمل علي خلق فتنة بين المسلمين والاقباط من ناحية وبين الشعب والجيش من ناحية أخري.

ورفض المتظاهرون وبشده الدعوه لجمعة غضب جديدة يوم 27 مايو الجاري متسائلين: "ما المرجو من المظاهرات المليونية يوم 27 مايو.. وهل يمكن ان تحقق شي سوي مزيدا من الفوضي وتدهور الاوضاع؟!".

يذكر أن الدعوة لتأييد المجلس العسكري هي من تنظيم ائتلاف 19 مارس أو ما يسمي "الأغلبية الصامتة".

ورونا عرض كتافكم

[م تيمور المراغي]

مداخله متعوب عليها يا عنبي ولكن ,,

كلامك ان مافيش في مصر كلها 5 او 7 اشخاص تجمع عليهم كل القوى الوطنية الفاعله على الساحة غير دقيق ,,

خللي بالك كمان اننا مش اشترطنا تسليم السلطة للمجلس الرئاسي بل تاكيدا لحسن النوايا اعلننا اننا ( قد نقبل ) بتفعيل آلية محددة يتم بمقتضاها التشاور في اتخاذ اي قرارات سيادية بين المجلس العسكري و بين ممثلين عن القوى الوطنيه الفاعلة على الساحة وده كان وعد المجلس لينا قبل الاستفتاء على الدستور في اجتماعه بالشباب ,,

المشاركة دي ستؤدي الى تحسن الاداء العام داخل مؤسسات الدولة وتسارع الخطى نحو تحقيق كل مطالب الثورة واللي قضى في سبيلها الشهداء وكل ده حينعكس ايجابا على استقرار الوضع في مصر وزوال حالة الاحتقان التي تسيطر على الشارع الآن نتيجة ضيقه من تباطؤ المجلس العسكري وعدم اتخاذه اي خطوات ملموسة الا بالضغوط ,,

تاني بقول ,,

لو قرر المجلس الاستجابة للمطالب المشروعه لمن دعا ليوم 27 مايو فاننا سنقوم على الفور بالغاء الدعوة والجلوس معا للتشاور من اجل البناء والاستقرار

ان شاء الله ,,

تقبل التحية ,,