السلفيين يهددون مدرب فريق غزل المحلة !!!

[Ahmed Anwer]

المصري اليوم زودتها أوووي ،

و مش لاقية حاجة جديدة تلصقها في السلفيين

صلاح الناهى: تهديدات السلفيين وراء استقالتى من المحلة

تمسك صلاح الناهى، المدير الفنى لفريق غزل المحلة، باستقالته من تدريب الفريق، وفشلت محاولات فتوح الصاوى، المشرف العام، عضو مجلس الإدارة، وعبدالرحيم خليل، مدير الكرة، فى إقناعه بالعدول عن قراره والعودة لقيادة الفريق، وقاد أحمد حسن، المدرب العام، تدريبات الفريق.

من جانبه، أكد الناهى تمسكه بالاستقالة بعدما تعرض للتهديد من بعض السلفيين، الذين وجهوا له السباب قبل لقاء فريقه مع مطروح فى الوقت الذى كانت الجماهير فى المدرجات تشجع الفريق بحماس. وأوضح أنهم طالبو بتطهير الجهاز الفنى من أحمد حسن المدرب العام، وأشرف شيحة، مساعد المدرب، ومغاورى مدرب حراس المرمى، عندما حاول الاستفسار منهم عن سبب الهتاف ضد الجهاز، فوجئ باستمرار الهتاف ضد الجهاز وتوجيه الشتائم بشكل أدخل الرعب فى قلبه بعدما رفض الرضوخ لمطالبهم، وأضاف الناهى: قررت الرحيل بعدما تأكدت من صعوبة بقائى فى ظل وجود البلطجية. وأشاد بدور مجلس الإدارة وجماهير المحلة المخلصة ولاعبى الفريق، وقال إن الجميع ساهم فى احتلال الفريق صدارة المجموعة الثالثة برصيد 36 نقطة، حتى بات الأقرب للعودة لدورى الأضواء والشهرة.

http://www.almasryalyoum.com/node/439638

إعلامنا بقه في البتنجان يا جماعة !!!

و أنا من موقعي هذا اطالب السلفيين الأهلاوية بتهديد التوأم حسن عشان الأهلي ياخد الدوري

و السلفيين الزملكاوية يهددوا الخواجة جوزية و ده أسهل بصفته كافر !!!

تم تعديل 17 مايو 2011 بواسطة Ahmed Anwer

[Alattar]

ما شاء الله..السلفيين في مصر بقوا يعلقوا كارت مكتوب عليه .. أنا سلفي

أو بيلبسوا تيشيرتات عليها من ورا..أنا سلفي..و عليها رقم العضو

اتطوروا يا أخي السلفيين عن زمان

دلوقتي أول ما تشوفه تقول علطول..ده سلفي..و الحياة بقي لونها سلفي

لا حول ولا قوة الا بالله

ارمي ورا ضهر يا عم أحمد..المصري اليوم والله من زمان و أنا ما بقرأهاش نهائي..حتي لما واحد هنا مرة جاب خبر منها..ما عرفتش حتي اسم الموقع بتاعها..ولا هي ولا اليوم السائع

اليومين دول بقي عندنا حالة من الهبل الصحفي..أي حد بيكتب أي حاجة..المهم نشتغل و ناكل عيش

[لماضة مصرية جدا]

السلام عليكم و رحمة الله و بركاته

طب انت عارف حضرتك انك بالتوبيك دوت اديت الجورنان اللي بتقول عليه بونط اخضر

عشان ببساطة جدا حضرتك صغت عنوان استنفاري و هتتناولها الاقلام

رايي الشخصي

يا نغير العنوان

يا نفتح توبيك مخصص اسمه "الدعوة السلفية في مصر"....و نكتب فيه كل ما يصنف انه "سلفي" و لازم نفرد ليه باب عن الهجوم الاعلامي

و بكده تكون حضرتك كسبت ارضية نقدر نتنفس عليها تفكير

و دي وجهة نظري المتواضعة

تحياتي و احترامي

[Ahmed Anwer]

مدام لماضة ده عنوان المصري اليوم ،،

(( صلاح الناهى: تهديدات السلفيين وراء استقالتى من المحلة ))

و ده عنواني ،،

(( السلفيين يهددون مدرب فريق غزل المحلة !!! ))

أيه الفرق الكبير بقه ؟؟

[لماضة مصرية جدا]

مدام لماضة ده عنوان المصري اليوم ،،

(( صلاح الناهى: تهديدات السلفيين وراء استقالتى من المحلة ))

و ده عنواني ،،

(( السلفيين يهددون مدرب فريق غزل المحلة !!! ))

أيه الفرق الكبير بقه ؟؟

السلام عليكم و رحمة الله و بركاته

طب انا وجهة نظري الخاصة و ممكن حضرتك يعني متاخدشي بيها مافيش مشكلة

اذا كان الخبر موجود علي صفحة الجرنان بشكل مستفز

هل ده مبرر اني اصيغه او انقله بنس الطريقة

و خاصة انه مش متفق مع قناعة حضرتك اللي استعرضتها

برضه وجهة نظري

حضرتك ايه المقصد من ورا الخبر

هو "فوضي الاعلام"

يبقي دي القضية المحورية اللي نقدر نتحاور فيها

و دي فوض بتمسنا كلنا بكل توجهاتنا

دي وجهة نظري

و لك مني كل التحية و الاحترام

سؤال علي الهامش

مين مدام لماضة :blink: :blink: !!!!

[الدكتورة أم أحمد]

بادعلهم من قلبي إن ربنا يشفيهم ويصرف عنهم الغل والحقد الأسود

قهم ولا شك مقتلون به

فالنار تأكل نفسها إن لم تجد ما تأكله

والحمد لله كلما زاد سواد قلوبهم وكذبهم زاد نجم السلفيين لمعانا

بالله استحرم اشتري هذه الجرائد

أخاف أن أسأل عن المال الذي دفعته فيها

عافانا الله عما ابتلاهم به

[الغريب]

اليوم كان هناك خبر على الجزيرة أن ما يزيد عن 100 شخص من الدعاة وعلماء الأزهر والمثقفين وقعوا على بيان إدانة التوجه الإعلامي التحريضي ضد الإسلاميين والسلفيين على وجه الخصوص

[Sherief AbdelWahab]

قبل قليل وضح الكابتن صلاح الناهي لبرنامج ميديا سبورت على قناة الأهلي في اتصال هاتفي الآتي بعد:

1-من هددوه ليسوا سلفيين ، فالسلفيين والكلام للناهي لا علاقة لهم بكرة القدم وهذا من خبرتي الشخصية صحيح..

2-من هددوه هم مجموعة وصفها هو بالمحسوبة على مدرب "فاشل" سابق بالفريق تتعمد التحريض ضد الفريق حتى وهو يفوز..

3-ترك الناهي النادي بلا رجعة ويتولى الفريق أحمد حسن الذي درب الفريق في موسمه السابق في الممتاز ، وقال الناهي أن أحمد حسن لن يكون بمنأى عن هجوم "الشلة إياها" ..

إلى هنا انتهى توضيح صاحب الشأن صوتياً..

خلص الكلام

[ابراهيم عبد العزيز]

بصراحة موضوع السلفين أصبح موضوعا ممضوغا لا طعم له ولا رائحة

وتكرار حشر اسم السلفين فى كل صغيرة وكبيرة أصبح يلقى بظلال الشك على صحة الاتهامات الكثيرة التى طالتهم منذ ثورة 25 يناير

[طارق مصرى]

اليوم كان هناك خبر على الجزيرة أن ما يزيد عن 100 شخص من الدعاة وعلماء الأزهر والمثقفين وقعوا على بيان إدانة التوجه الإعلامي التحريضي ضد الإسلاميين والسلفيين على وجه الخصوص

كويس انه جه من الازهر بس ياريت يعطوا نسخة منه لعلى جمعة

[Alshiekh]

كويس انه جه من الازهر بس ياريت يعطوا نسخة منه لعلى جمعة

علي جمعة ده بيشتغل ايه؟ بياع سندويتشات؟ والا حاجة ساقعة.

ياريت لما نتكلم على علماء نبقى نديهم حقهم في الإحترام الذى يستحقونه بحكم علمهم وبحكم منصبهم.

فضيلة الدكتور الشيخ علي جمعة له وظيفة رسمية إسمها " مفتي الديار المصرية " وعندما يأتي ذكره يأتي دائما مسبوقا بـ " فضيلة المفتي "

فياريت تراعي ذلك في كتاباتك القادمة.

الإدارة

[الدكتورة أم أحمد]

كويس انه جه من الازهر بس ياريت يعطوا نسخة منه لعلى جمعة

علي جمعة ده بيشتغل ايه؟ بياع سندويتشات؟ والا حاجة ساقعة.

ياريت لما نتكلم على علماء نبقى نديهم حقهم في الإحترام الذى يستحقونه بحكم علمهم وبحكم منصبهم.

فضيلة الدكتور الشيخ علي جمعة له وظيفة رسمية إسمها " مفتي الديار المصرية " وعندما يأتي ذكره يأتي دائما مسبوقا بـ " فضيلة المفتي "

فياريت تراعي ذلك في كتاباتك القادمة.

الإدارة

ياريت والله نحترم جميع مشايخ وعلماء المسلمين وإن اختلفنا معهم لإن غير ذلك أمر مشين لنا كمسلمين

ويكون هذا هو موقف الإدارة مع كل مشايخ وعلماء المسلمين ولا يكون الأمر إنتقائي

وشكرا للإدارة على هذا الموقف النبيل

[tarek hassan]

موقف محترم كالعادة من الأستاذ محمد وطبعا يا دكتورة ما يقصده الأستاذ : محمد هو إعطاء كل ذي قدر قدره وعليه فالجميع متفق مع الأستاذ محمد في قوله

ياريت لما نتكلم على علماء نبقى نديهم حقهم في الإحترام الذى يستحقونه بحكم علمهم وبحكم منصبهم.

تم تعديل 22 مايو 2011 بواسطة tarek hassan