إخلااااء سبيل زكريا عزمى بكفالة 200 الف جنيه

[fatfouta]

فى شريط اخبار المصرى اليوم عن الاخبار العاجلة

إخلاء سبيل زكريا عزمي بكفالة 200 ألف جنيه على ذمة تحقيقات تضخم ثروته

[Abu Reem]

من كام يوم فتحي سرور يخرج بكفالة ، ودلوقت زكريا عزمي يخرج بكفالة وهيحصلهم بعد شوية احمد عز ، و حبيب العادلي

وبعد كده مش بعيد يطلعوا برا مصر بعد ما يزوروا باسبوراتهم او باي. طريقة اخرى. وحجة الغياب الامني جاهزة للتغطية علي اي فضيحة

وعليه العوض ،،،

شباب الثورة لسه محبوس والمجرمين طلقاء

[ssmaly]

ايه الحكاية شكلهم كلهم حيطلعوا من طرة ويسجنوا الثوار .خبر سىء جدا جدا جدا وربنا يستر فى اللى بعده

[fatfouta]

الخبر فى جريدتى الفجر والوفد

http://elfagr.org/DailyPortal_NewsDetails.aspx?nwsId=8251&secid=1

[mustafagamiel]

لاحول ولاقوة الا بالله

كل يوم اخبار مش كويسة زكريا عزمي يخرج !!!!!

للاسف الشديد كل يوم الثورة بتفقد مكسب من مكاسبها والامور بتسير من سيء الى اسوأ

من تأخر حبسهم خرجوا من اول الناس === ماتفسير ذلك

اشعر ان المجلس العسكري تناسوا او نسيوا بالخطأ المظاهرات المليونية وشعروا بتراخي من الثوار

لابد من الضغط خوفا من فقدان المكاسب اتي اتت بالدم

اتمنى ان الله يصلح الامور ويعين علينا خيارنا

[engmido]

يارب ميكونش خبر صحيح

[capitshino]

طيب والعمل يا جدعان

شكلها كده هنزل التحرير تانى .

[ذهبية]

كتبت الصبح وقولت ان الافراج عن سوزان دى البداية

و فعلا دة الى حصل اخر النهار دلوقتى زكريا عزمى بكرة علاء و جمال و غيرة

معنديش ادنى شك فى وطنية الجيش لكن اللى بيحصل دة تفسيرة غير طبيعى بالمرة

و اعتقد انها البداية لاشياء تانية

و اعتقد اللى جاى مش هيكون كويس ابداا

حاسة بصفقات بتم فى السر

بس ياترى مين المستفيد بدة

[fatfouta]

النيابة تطعن على إخلاء سبيل زكريا عزمي

أعلن المستشار عاصم الجوهري مساعد وزير العدل لشئون جهاز الكسب غير المشروع أنه سيكلف صباح الأربعاء النيابة العامة بالطعن أمام محكمة جنايات القاهرة على الحكم الصادر في وقت سابق الثلاثاء من غرفة المشورة بمحكمة مدينة نصر بإخلاء سبيل الدكتور زكريا عزمي رئيس ديوان رئيس الجمهورية السابق بضمان مالي قدره 200 ألف جنيه .

من جانبه، أوضح المستشار عادل السعيد النائب العام المساعد أن قرار إخلاء سبيل زكريا عزمي جاء من غرفة المشورة بناء على طلب جهاز الكسب غير المشروع بنظر أمر تجديد حبسه ، مؤكدا أنه لا علاقة للنيابة العامة بصدور مثل هذا القرار.

[ذهبية]

هو اية التهريج دة هو الكسب الغير مشروع دى سلطة غير النيابة

هو كل واحد بيعمل اللى على مزاجة و لا اية

مش المفروض يكون فية تنسيق بينهم

ياريت لو حد محامى يفهمنى المعضلة دى

[abdulmuttaleb]

غريبة !!!

هو مش فيه قانون يا جماعة؟!

هو ايه الحكاية!!!!!

الراجل أخلي سبيله بموجب القانون، فلماذا الغضب، أو الهمز واللمز؟!!!!

لو حضراتكم عندكم أدلة يقينية تدين الرجل فبادروا بها للجهات المختصة.

هو احنا كنا بنلوم على عهد ثورة1952م أن الإدانة تتم للأهواء والأحكام تتم للأمور الشخصية، فكيف بنا وقد تغير الحال ولا نزال نحن الذين نصر على الغمز واللمز ورفض القوانين والأحكام القضائية - خصوصا إذا أخذنا في الاعتبار أنّ دهاليز القانون ومصطلحات المحاكمات غائبة عن معظم المواطنين فضلا عن قانونيي الإعلام (الآن على أون تيفي الدكتور حسام عيسى ينسب أحكاما ضد مبارك بناء على صمته رغم أن ألفباء القانون أنه لا ينسب لساكت قول).

وإليكم الخبر التالي:

حيثيات إخلاء سبيل عزمي: لمرضه وكبر سنه.. والقانون لا يعاقبه على «هدايا» رؤساء الدول

http://www.almasryalyoum.com/print/441377

قالت محكمة جنح مستأنف مدينة نصر في حيثيات قرارها بالإفراج عن زكريا عزمي، رئيس ديوان رئيس الجمهورية السابق، على ذمة اتهامه بتضخم الثروة والكسب غير المشروع إن «الهدايا والمكافآت التي كان يتقاضاها عزمي من الملوك ورؤساء الدول لا تندرج تحت بند الكسب غير المشروع ولا يعاقب عليها القانون».

وأضافات أن «إقرارات الذمة المالية التي قدمها المتهم تشير إلى امتلاكه الأصول والعقارات التي توصلت إليها التحقيقات».

وأشارت المحكمة في حيثيات قرارها إلى أنه نظراً لكبر سنه الذي بلغ 72 عاماً بالإضافة إلى مرضه وتناوله العديد من الأدوية التي تؤثر على صحته فقد قررت إخلاء سبيله استناداً إلى نص المادة 210 إجراءات جنائية التي نصت على أن من حق القاضي إخلاء سبيل المتهم مادام لم يهرب خارج البلاد ولن يؤثر إخلاء سبيله على سير التحقيقات.

وكانت غرفة المشورة بمحكمة مستأنف مدينة نصر، قررت إخلاء سبيل زكريا عزمي، رئيس ديوان رئيس الجمهورية السابق، بكفالة مالية 200 ألف جنيه، وصدر القرار برئاسة المستشار محمود أبو رحاب، وأمانة سر معتز الخولي.

[جسار]

لايمكن على الاطلاق ان يقوم الثوار فى بلد ما بثورتهم و بعد ان تهدأ الامور لانجدهم فى كراسى الحكم

وبدلا من ذلك يتولى آخرون القيادة ، منطق معكوس ومقلوب

الثورة لها أهدافها وهى الحرية والعدالة وتطهير البلاد من كل الفاسدين فى النظام البائد

وعلى راسهم الرئيس المخلوع ، لا ان نمضى الوقت فى ملاحقتهم حول أموال نهبوها وسرقوها وهذا حقيقى

وحدث بالفعل ، ولكن الاهم هو محاسبتهم على جرائمهم السياسية فى حق الوطن والشعب المصرى على مدى

العقود الثلاثة الماضية وعلى الفساد والافساد الذى زرعوه فى ضمائر البشر .

ثورة 23 يوليه انشات محكمة أسمتها محكمة الثورة بمرسوم جمهورى وهى التى تولت محاكمة كل القيادات

فى العصر الملكى على جرائمهم .... أى ثورة فى التاريخ لها شرعيتها الخاصة ويمكنها ان تستحدث اشكالا

جديدة لم تكن موجودة من قبل حتى تغطى النقص فى القوانين الحالية

ولاتنسوا ان تلك الطغمة الحاكمة هى نفسها التى قامت منذ سنوات عدة مضت على الغاء كافة القوانين التى

تحاسب الرئيس والوزراء والمسئولين الكبار . اذن فلنخلق نحن نموذجا جديدا نواجه به تلك الامور المستحدثة

والطارئة على مجتمعنا ، ولاننتظر آليات القانون الحالى - لانه لايوجد به ما يمكن الشعب من محاسبة الرئيس

واعوانه على الفساد السياسى - وكذلك لاننتظر جهاز الكسب الغير مشروع لانه وببساطة تم ألغاء قانون من

اين لك هذا قبل موت الرئيس السادات .

[fatfouta]

حيثيات إخلاء سبيل عزمي: لمرضه وكبر سنه.. والقانون لا يعاقبه على «هدايا» رؤساء الدول

قالت محكمة جنح مستأنف مدينة نصر في حيثيات قرارها بالإفراج عن زكريا عزمي، رئيس ديوان رئيس الجمهورية السابق، على ذمة اتهامه بتضخم الثروة والكسب غير المشروع إن «الهدايا والمكافآت التي كان يتقاضاها عزمي من الملوك ورؤساء الدول لا تندرج تحت بند الكسب غير المشروع ولا يعاقب عليها القانون».

وأضافات أن «إقرارات الذمة المالية التي قدمها المتهم تشير إلى امتلاكه الأصول والعقارات التي توصلت إليها التحقيقات».

وأشارت المحكمة في حيثيات قرارها إلى أنه نظراً لكبر سنه الذي بلغ 72 عاماً بالإضافة إلى مرضه وتناوله العديد من الأدوية التي تؤثر على صحته فقد قررت إخلاء سبيله استناداً إلى نص المادة 210 إجراءات جنائية التي نصت على أن من حق القاضي إخلاء سبيل المتهم مادام لم يهرب خارج البلاد ولن يؤثر إخلاء سبيله على سير التحقيقات.

http://www.almasryalyoum.com/node/441377

[ذهبية]

حيثيات إخلاء سبيل عزمي: لمرضه وكبر سنه.. والقانون لا يعاقبه على «هدايا» رؤساء الدول

قالت محكمة جنح مستأنف مدينة نصر في حيثيات قرارها بالإفراج عن زكريا عزمي، رئيس ديوان رئيس الجمهورية السابق، على ذمة اتهامه بتضخم الثروة والكسب غير المشروع إن «الهدايا والمكافآت التي كان يتقاضاها عزمي من الملوك ورؤساء الدول لا تندرج تحت بند الكسب غير المشروع ولا يعاقب عليها القانون».

وأضافات أن «إقرارات الذمة المالية التي قدمها المتهم تشير إلى امتلاكه الأصول والعقارات التي توصلت إليها التحقيقات».

وأشارت المحكمة في حيثيات قرارها إلى أنه نظراً لكبر سنه الذي بلغ 72 عاماً بالإضافة إلى مرضه وتناوله العديد من الأدوية التي تؤثر على صحته فقد قررت إخلاء سبيله استناداً إلى نص المادة 210 إجراءات جنائية التي نصت على أن من حق القاضي إخلاء سبيل المتهم مادام لم يهرب خارج البلاد ولن يؤثر إخلاء سبيله على سير التحقيقات.

http://www.almasryalyoum.com/node/441377

دة على كدة مبارك برىءءءء و احنا ظلمة

الراجل فوق 80 سنة يا حرام

يعنى اول واحد يجوز علية الموضع دة

اذا كان واحد شغال عند الرئيس بياخد هدايا بالعدد و الكمية دى و طلع براءة منها يبقى الريس بجلالة قدرة هياخد كام و طبعا براءة هو كمان

مش هدية

اول مرة اعرف ان السرقة بيتقال عليها هدية

وان المجرم حسب السن

[Howayda Ismail]

من شكل اللى بيحصل فى البلد كده يبقى كلام البشمهندس تيمور صحيح واحنا اضحك علينا

وباين كده قبضوا عليهم لمجرد امتصاص غضب الشعب وتهدئة الراى العام بعد كده يسرسبوهم واحد ورا التانى

من طرة

المصيبة السودا ان قرار العفو لمبارك يكون تمهيد ويرجع نفس النظام يحكمنا تانى واللى مش عجبه يشرب من البحر

[Howayda Ismail]

حيثيات إخلاء سبيل عزمي: لمرضه وكبر سنه..

وهم كانوا شباب وبصحتهم لما سرقونا وفجأة كده كبروا والمرض مسكهم الاهى ربنا يمرضهم بجد ومايشفوا ابدا

طيب كانوا قاعدين فى مناصبهم ليه لحد السن ده وهم مرضى

يعنى لو مكنتش الثورة قامت كانوا حيفضلوا شباب وبصحتهم ويستمروا يمصوا فى دمنا

[fatfouta]

ميدان التحرير من شوية بعد قرار اخلاء سبيل زكروتا

http://www.youtube.com/watch?v=MVDIeWmE4uQ&feature=youtu.be

[عطر الجنة]

اكيد فى حاجة غلط

طيب سوزان ممكن تكون اخدت حاجات بسيطة و ترجعها و لم تكن بالحكم

لكن ها دول اصحاب السلطة الحقيقية يتركوا كده بدون اى عقاب

يا رب انت المنتقم الجبار

[ام سلمي]

هو سواء اخلاء سبيل سرور او زكريا او سوزان او حتي مبارك ،فبالنسبة للكسب غير المشروع يعني سرقة من اموال الدولة بتعتبر جريمة جنائية عقابها لو ثبتت رد الاموال وسجن ، الجزء الجنائي في الجريمة بتحقق فيه النيابة و حسب كلام الجندي التحقيقات دي لسة ما بدئتش ، اما جهاز الكسب غير المشروع اللي كانوا محبوسين علي اساسه ممكن لو ردوا الاموال يخلي سبيلهم ، انما الجريمة الجنائية بتاعة سرقة المال العام لسة حيتحاسبوا عليها لو ثبتت، ده اللي فهمتوا من كلام الجندي ،يعني هما كدة لسة ما خرجوش من تهمة الكسب غير المشروع ، فنصبر ونشوف النيابة حتعمل ايه لما تبدأ تحقيق معاهم ، ولو ان اكيد خروجهم بكفالة تصرف غلط لأن اكيد حيحاولوا يزودوا الفتن ويشعللوا البلد زيادة

ده كلام الجندي

: أكد المستشار محمد عبدالعزيز الجندي، وزير العدل المصري، أنه قد يتم الاكتفاء بتنازل الرئيس السابق حسني مبارك وزوجته عن أموالهما فلا يحاكمان في قضية الكسب غير المشروع، لكن تستمر محاكمة مبارك عن القضايا الجنائية.

ورداً على سؤال بأن مبارك وزوجته يستعدان للتنازل عن الأموال والممتلكات، وهل ذلك يعفيهما من العقوبة أو المحاكمة؟ ، قال الجندي: بالنسبة للكسب غير المشروع فنحن نتكلم عن نوعين من التحقيقات، بالنسبة للتحقيقات الجنائية فهي تخص النيابة العامة، والنائب العام هو صاحب الشأن فيها.

أما ما يتعلق بجهاز الكسب غير المشروع فهو يتعامل مع الناس على أساس إقرار الذمة المالية الذي يعلن فيه الشخص عن ممتلكاته والموارد المالية التي تأتي منها، فإذا كانت متوازنة مع ما عنده من قيمة الأموال فالأمر ينتهي ولا مشكلة.

وتابع الجندي: إذا كانت هناك زيادة غير عادية في الدخل وموارده غير مكشوفة فيسمح له بأن يحاول إثبات مصادر هذه الأموال، فإذا زادت على قدرها وأعلن تنازله عنها، فاللجنة القضائية التي تنظر في الموضوع وليس أنا، إذا وجدت أن الموضوع فقد أهميته وينتهي باسترداد المبالغ كلها، وترى أن في ذلك تعويضاً عن المبالغ التي سُلبت من الدولة أو تم التحصل عليها بطريقة غير مشروعة، فيمكن لها الاكتفاء بذلك، أو أن تحيله أيضاً إلى المحاكمة.

وأضاف أن ما يتعلق بالنيابة العامة ليس فيه رد أموال وإنما محاسبة جنائية يعاقب عليها القانون، وهذا حق المجتمع وليس حق الدولة.

تم تعديل 18 مايو 2011 بواسطة ام سلمي

[Handasah]

انا بجد عاوز اعرف اية اللى بيحصل فى البلد حاجات كثيرة بتتعمل غلط وفى الاخر احنا اللى كنا غلط معقول دة ..........