العالم دي بتضحك علينا

[الشامي]

بصراحه وبدون مقدمات انا حاسس ان العالم دي بتضحك علينا ولا في ثوره ولا في اي حاجه وتعالوا معايه نفكر مع بعض بهدوء

اولا بعد الثوره قالو هنعدل الدستور

وبعدين عدلوا الدستور وبعد كده استفتاء على التعديل وفي الآخر برضه عملوه اللي هما عايزين يعملوه

طيب لو فرضنا ان الشعب قال فعلا نعم طيب ليه نزلوا دستور من عندهم تاني بعد الاستفتاء يبقى كان ايه لزمة الاستفتاء ده اصلا ولو عايزين ياخدوا راي الشعب ليه ماخدوش رايه في كل المواد مره واحده - ده موضوع

الموضوع اللي بعديه

يحق للمصريين العاملين بالخارج حق التصويت وبعدين بعد فتره يعلنوا لا يحق للمصريين المقيمين بالخارج حق التصويت - ده كمان موضوع

موضوع آخر حبس رموز الفساد وايداعهم بالسجن ونقرأ في الجرائد على الأملاك والملايين اللي سرقوها وبعدين يتم ايداعهم سجن طره وبعد كده قرروا يخرجوهم واحد واحد بيعملونا على اننا اطفال - فاكرين لما يكون في طفلين متخنقين مع بعض ويجي ولي الأمر ياخد طفل على جنب ويخبيه عن الطفل الأول الغضبان ويضرب ايده ببعضها كأنه ضرب الطفل المعتدي قلم علشان الطفل الغضبان يسمع صوت الطرقعه ويشفي غليله - ده اللي بيعملوه معانا دلوقتي - عشان متزعلش ياشعب

احنا خدنا رموز الفسادة حطناهم في السجن - اهدى بقى ياشعب - وبعدين من غير ما نحس يخرجوا واحد واحد قال ايه كفالة 100 الف و200 الف يعني ايه - ايه المبالغ دي مقابل الملايين اللي عندهم بيضحكوا علينا

وبعدين نيجي لموضوع جديد - حسني مبارك في المستشفى عيان ماله قلبه واجعه شويه ماشي هنقول ده كان رئيس سابق وبرضه ليه احترامه

وبعد كده نسمع موجة العفو وكلام فارغ - عفو ايه اللي بتتكلموا عليه واحد زل شعبه 30 سنه عيشهم في فقر وجهل وشتت الشعب في بلاد الله من مشرقها الى مغربها وبعدين يقلك عفو - واحد كان سبب في مرض الشعب باكمله من سرطان الى كبد الى كلى وبعدين يقلك عفو - واحد امر بضرب الشعب النار - وبعدين يقلك عفو - طيب ودم الناس اللي ماتت دي راح فين - مش بقلكم ناس بتضحك علينا

برضه سوزان مراته قال ايه برضه موضوع القلب هو هو نفس الموضوع عشان متروحش السجن والله العظيم العالم

دي بتضحك على الشعب وقال ايه سوزان ثابت اتنزلت عن املاكها - تيجي تشوف ايه هيه الاملاك اللي اتنزلت عنها - تلاقي 24 مليون بتوع الجمعيات الخيرية وفيلا اصلا بتاعة الدوله وبعدين اخلاء سبيلها وافراج وخلصت الليله يامعلم وسلملي على الترماي

مش بقلكم الناس دي بتضحك علنيا

ولا في ثوره ولا احزنون كله كلام هجايس

والغاز بيتصدر لأسرائيل وكله ماشي

وشويه شويه هيسربوهم واحد واحد خارج السجن وترجع ريمه لعادتها القديمه

شعب طالع عين اهلة ومطحون وشوية حرامية بيسرقوا في البلد هيضلعوا من السجن تاني عشان يكملوا سرقه وسلملي على الثورة

وشويه شويه مسيبين على الشعب شوية بلضجيه ليه بقى عشان الشعب يطلب من الشرطه ان تستعمل القوه وتضرب الناس تاني وتبهدل الناس تاني وهما اصلا اللي مسيبين البلضجيه على الناس علشان الناس تطلب من الشرطه ان تستعمل القوه مره اخرى

والله العظيم كله ضحك على الذقون وكلهم بيضحكوا علينا وشكله كده عمي عصام شرف عجبه الكرسي وموانس معاهم

مش بقلكم عالم بتضحك علينا

مش قلتلكم " عالم بتضحك علينا " السلام عليكم

[mustafagamiel]

للاسف الشديد

مش هقدر اقول غير اني معاك فيما قولته

للاسف عوام الناس الان بيلعنوا في الثورة والاي عملوا الثورة والسبب مش الاي عملوا الثورة السبب في جذور الفساد

الاي لسه موجودة الى الان

مبارك شكله كان متعدد الاوجه راح مبارك جيه بداله مئات مبارك

للاسف الشديد مش هينفع غير بمليوينات تاني

عصام شرف لازم يفوق من الاي بيحصل ده ولازم ياخد موقف لان كلنا متأكدين ان الراجل ده نضيف ومحترم

ربنا يسترها

[Simba]

واضح خالص ان فيه مخطط احباط للسكوت عن الفساد

[dongol]

قلناها و هنفضل نقلها تاني

الثورة لم تغير النظام كما يروج الناس بتوع أبريل

ولكن النظام تغير من داخلة بفعل الضغط الشعبي

يعني النظام هو هو بس الاشخاص اللي اتحرقت بس غيروها

و مع ذلك انا مع استمرار الجيش في الحكم الا ان يتم انتخاب رئيس مدني و عودة الحياة الطبيعية

[عطر الجنة]

يا جماعة الفساد مستشرى حتى الدرجة الرابعة

اى لو مدير ادارة مطلق ليه العنان ليسرق فاكيد الناس الاقل هى كمان حتسرق ولو اعترض حيتبلغ عنه

و هكذا كل واحد يسرق يترك من حوله لتامين نفسه

اللى تقدم للمحاكمة الرموز فقط اى اول درجة الفساد باقى 3 درجات الاخرى ودول عددهم هائل صعب احصائه

و الناس المحبوسة لابد ان فيه ناس بتحميهم من خارج اسوار السجن لانهم لو اتكلموا فاكثر من 10 % من الشعب حتكون خلف الاسوار

فلقد كنا فى عهد السرقة المنظمة

فى كل الثورات بيتم القبض على رموز النظام و الطبقة الحاكمة و محاكمتها على كل شئ فى حياتهم

لكن نحن لا نبدا اى محاكمة الان الا بعد تقديم اى بلاغ ضد اى انسان

لذا لو لم يتم تقديم البلاغ فسيظل اى رمز فساد قابع فى منزله هانئ بما سرقه

[ابراهيم عبد العزيز]

فى الحقيقة هناك مؤشرات لأوضاع غير مرضية

بصراحة نشعر ان كل ما تم منذ نجاح الثورة هو اشياء صحيح انها مهمة ولكنها ليست تغيرات جذرية تليق بثورة ضخمة

اى ثورة حدثت فى تاريخ العالم بعد نجاحها يتم تطبيق افكارها وتوجهاتها والطريقة التى تراها لادارة الامور اما فى حالة الثورة المصرية تعالوا لنرى مطالب الثورة الباقية والغير محققة حتى الان :

المجلس رئاسى تم رفضه

حل المجالس المحلية لم يتم حتى الان

تعين المحافظين تمت بنفس نظام الكوتة الذى كان يتم التعين به سابقا ( مثل تخصيص محافظ قبطى لقنا مثلا ) وغلب عليه تعين رجال الشرطة وليس المدنين

رؤساء الجامعات مازالوا فى اماكنهم يمارسون نفس اسلوب التعليم الذى أرجع مصر للوارء مئة عام

محاسبة كل فاسد لم تتم بمجرد انتهاء الثورة ولكن تمت نتيجة لضغوط قوية من الشعب والان نرى قرارات افراج تصدر الواحد تلو الاخرى

نرى كل يوم اشاعات عن عرض تصالح مقدم من احد المسئولين السابقين والموجودين فى السجن حاليا ثم نرى تكذيب لها, كما لو كان الموضوع جس نبض واختبار لمدى قابلية الشعب لموضوع العفو والتصالح ( وخلاص نقفل عن الماضى )

لم نرى حتى الأن بناء مؤسسات جديدة للدولة تضمن ثبوت مصر على طريق الديموقراطية وتضمن عدم انجراف مصر مرة اخرى للديكتاتورية , فبالله عليكم ما الذى يمنع أى رئيس قادم فى المستقبل ان يعيد نفس الكرة ونفس اسلوب ادارة الدولة كما لو كانت ملكية شخصية ؟؟ الضامن الوحيد هو وجود وبناء مؤسسات دولة قوية تقف بالمرصاد لأى رئيس الدولة فى حالة ظهور نية لديه للانحراف بمصر عن مسارها

ما الخطوات التى تم اتخاذها فى سبيل الحفاظ على موارد مصر الطبيية فى المستقبل ومنع اهدارها وتبدديها مع الرئيس القادم كما حدث مع الغاز الطبيعى سابقا

ما الخطوات التى تم اتخاذها لمنع اندماج مؤسسات الدولة مع الحزب الحاكم فى المستقبل كما لو كانوا وحدة واحدة كما حدث فى العهد السابق

ما الخطوات التى تم اتخاذها لضمان ان الرئيس القادم سيتصرف طبقا لمؤشرات الراى العام لشعبه وليس طبقا لما يريد هو

يا سادة مقياس نجاح أى ثورة فى العالم هو مدى ما اتخذته من اجراءات وسبل لمنع تكرار اسباب قيامها مرة اخرى فى المستقبل

اما ان نقوم بثورة ولم يحدث أى شىء من هذا كله فتاكد تماما أنك فى المستقبل ولو طال ستعود الأامور فى مصر كما السابق بمجرد فقط ان يطمئن الشعب قليلا وينصرف لمعيشته ويعود الجيش لثكناته وهذا الطبيعى فالجيش لن يستمر طول العمر فى الشارع وبالتالى بعد انصراف المواطن وانصراف الجيش تعود ريمة لعادتها القديمة