يعني ايه حزب...و ائتلاف ....و جبهة!!!

[لماضة مصرية جدا]

السلام عليكم و رحمة الله و بركاته

انا فعلا عايزة افهم...اكسبوا فيا ثواب

يعني ايه حزب؟

إزاي بيتشكل؟

دلوقتي كام حزب موجود في مصر؟

ايه الاختلافات بينهم...طب ايه التقارب؟

طب ايه الفرق بين الحزب و الائتلاف؟

طب ايه الفرق بين الائتلاف و الجبهة....انا أخر حاجة اعرفها ان الجبهة دي بتاعت الحرب اللي هي مع اسرائيل لكن بلاقي فيه حاجة اسمها جبهات تانية جوه مصر ذات نفسيها

طب هل الجبهات و الائتلافات ديت ليها دور غير تعبئة الجماهير مثلا؟

طب الجبهات دي ليه و الائتلافات متنصهرشي في حزب واحد...هما مش كلهم عشان مصر و كلهم بيحاربو الفساد؟

طب ازاي الائتلاف بيتكون و برضه الجبهة...يعني هل ليهم قانون مثلا زي مثلا الناس اللي بتحب تشتغل في العمل المدني و بتعمل جمعيات اهلية؟؟؟

معلشي طولت عليكم في الاسئلة

بس فعلا عايزة افهم لاني مبقتشي عارفة مين رايح لفين

و شكرا مقدما علي سعة صدوركم

اقتراح علي هامش التساؤلات

هل مثلا لو عندنا حد من الاعضاء في المحاورات مشترك في حزب معين ممكن ببساطة يعرض لينا اهم توجهات الحزب دوت من وجهة نظره و نعمل مناظرة فكرية كده في المحاورات و بكده ع الاقل نعمل حلقة توعوية تنويرية

شكرا جزيلا

[ابراهيم عبد العزيز]

ليس انتى فقط يا اخت لماضة من تشعرين بعدم وضوح الامور لكى , أعتقد ان غالبية الشعب المصرى هكذا , وهذه واحدة من التركة الموروثة من النظام السابق الذى تعمد تغييب الشعب عن الحياه السياسية وعدم تدريبه على ممارستها , فأصبح الكثير وانا منهم جاهلا سياسيا, كما أنه ملحوظ أن كثرة ترديد المسميات والكلام البراق بدون تنفيذ على الأرض جعل الكلام يفقد معناه وقيمته