القبض على حسين سالم

[amgadibrahim]

اليوم السابع:

القبض على حسين سالم فى إسرائيل

أعلن التلفزيون المصرى منذ قليل أن الإنتربول الدولى ألقى القبض على رجل الأعمال حسين سالم فى إسرائيل .

كان حسين سالم قد غادر القاهرة بتاريخ 3 فبراير الماضى، وأُحيل إلى محكمة الجنايات لارتكابه جرائم الإضرار بمصلحة البلاد وإهدار المال العام، وتمكين الغير من تحقيق منافع مالية، بعد قيامه ببيع وتصدير الغاز المصرى لدولة إسرائيل بسعر متدنى لا يتفق والأسعار العالمية وقت التعاقد وبشروط تعاقد مُجحفة مع الجانب المصري، مما أضر بالمال العام بقيمة الفارق بين السعر الذى تم به بيع الغاز الطبيعى المصرى لإسرائيل والأسعار العالمية السائدة فى ذلك الوقت.

كما وضع الموقع الإلكترونى للشرطة الدولية "الإنتربول" صورة حسن سالم ضمن صور "المطلوبين للعدالة" ونشر الموقع الدولى معلومات شخصية عنه، حيث أشار إلى أن رجل الأعمال الهارب من مواليد سنة 1933، ويبلغ من العمر 77 عاماً، ومطلوب على وجه السرعة من قبل المستشار هشام بدوى، المحامى العام الأول لنيابات أمن الدولة العليا.

تم تعديل 18 مايو 2011 بواسطة amgadibrahim

[amgadibrahim]

ياااااااااااااارب ...............يااااااااااااارب الغالي كمان يشرف

ده هيبقى له فرحة من نوع خاااااااااااص

[Alattar]

معلش يا عم أمجد..نستني يومين كده لما نتأكد من الخبر..أحسن هي العادة اليومين دول بقت كده..أي خبر ينزل..بيبقي حاجة زي التجربة..محتاجة يوم أو يومين لحد ما تبان النتيجة

طبعا لو الخبر صحيح..تبقي مصيبة..اننا كان عندنا واحد اسرائيل نفسها دخلته عندها لحمايته .. بس برضه..لو إسرائيل كانت دخلته عندها عشان تحميه..فمش من السهولة إنها تسيبه كده ببساطة

عشان كده بقوللك نستني يوم أو يومين كده ان شاء الله لما نتأكد من الخبر..

[ozoozo]

طب وابن الصهيونيه ده كان بيعمل ايه في اسرائيل

[Mr MAGED]

الخبر ده بجد فرحني جدا

بس ايه البجاحة دي .. رايح يستخبي في اسرائيل !!!

صحيح .. الطبع غلاب

[amgadibrahim]

الخبر ده بجد فرحني جدا

بس ايه البجاحة دي .. رايح يستخبي في اسرائيل !!!

صحيح .. الطبع غلاب

بالعكس ده طبيعي جدا إنه يروح هناك بعد كل اللي عملهلهم في شرم والغاز وغيره

بس هو مفهمش غدر اليهود كويس اللي أكيد باعوه طمعا في تهدئة الأمور مع الحكومة المصرية في الوقت الحالي

تم تعديل 18 مايو 2011 بواسطة amgadibrahim

[rewsha]

هوه الخبر مصدره ايه ؟

اليوم الساقع ؟

وله التلفزيون المصري؟

وله اليوم الساقع بيقول ان التلفزيون المصري هوه اللي ذاع الخبر ده ؟

__________________________________________________

انا راْيي من راْي العطار .نستنى لحد ما نشوف صحة الخبر

بصراحه انا بقى عندي حاله كده مش عارفه اوصفها

باسمع الخبر من دول مش يبقى ليه اي( ري اْكشن) عندي .وكل ده من حالة عدم الثقه في صحة الاخبار.

[Mr MAGED]

هوه الخبر مصدره ايه ؟

اليوم الساقع ؟

وله التلفزيون المصري؟

وله اليوم الساقع بيقول ان التلفزيون المصري هوه اللي ذاع الخبر ده ؟

__________________________________________________

انا راْيي من راْي العطار .نستنى لحد ما نشوف صحة الخبر

بصراحه انا بقى عندي حاله كده مش عارفه اوصفها

باسمع الخبر من دول مش يبقى ليه اي( ري اْكشن) عندي .وكل ده من حالة عدم الثقه في صحة الاخبار.

يا خوفي للمجلس العسكري يطلع بكرة بيان ينفي فيه الخبر

ما هي بقت موضه خلاص

[rewsha]

بس هو مفهمش غدر اليهود كويس اللي أكيد باعوه طمعا في تهدئة الأمور مع الحكومة المصرية في الوقت الحالي

لسه اقول الخبر لزوجي دلوقتي .

رد عليه بنفس رد حضرتك بالحرف .بس مع اختلاف بسيط .وهوه طمعا في تهدئه الامور مع الشعب المصري

شكل موضوع الزحف ده عامل قلق لاسرائيل

ولو اني طبعا لا اُؤيد الزحف في الوقت الحالي .لكن واضح ان الموضوع عامل لهم قلق

بس لوكده فعلا دول يبقوا جُبناء قووووووي

[amgadibrahim]

طب يا جماعة محدش بيتابع التليفزيون المصري يقولنا إيه الأخبار؟

أعتقد إن خبر زي ده لو اتذاع في التليفزيون يبقى من الصعب يكون متفبرك

[eslam elmasre]

في إسرائيل يقبضوا عليك

اتفوووووووه عليك

اللذين يأكلون الحرام ويبيعون وطنهم ومقدراته ثم يلجأون الي الاعداء لحمايتهم ثم يصطدمون بان من يرتمون في احضانهم يبيعونهم بابخس الاثمان ويسلمونهم عند اول طلب

اللذين يكون ختام حياتهم وعمرهم هو الاهانة والفضيحة لهم ولابنائهم ولاحفادهم بعد اعمال سلب ونهب لم تشبع شهواتهم وحبهم الجم لجمع المال

اللذين باعوا مصر وقبضوا ثمنها مقدما وكانوا يظنون انهم امنوا مكر الله فكان ربك لهم بالمرصاد

اللذين يقبض عليهم بعد ان لجأو الي اسرائيل يجب ان لا تأخذنا بهم شفقة او رحمة واطالب باعدام هذا الرجل بعد ان يسلم لنا كل ما جمعه من اموال حرام

وحتي لو لم يكن الخبر صحيح فلماذا هو هارب حتي الان ومختفي ولماذا لو كان شريف لماذا لا يواجه الجميع وان يثبت انه شريف وهل هو اكرم من سيده وولي نعمته

هذا الرجل الهارب عن يد العدالة والذي جمع المال الحرام يجب ان يقبض عليه وان يطارد كلص وحرامي

بلادى .. بلادى،

لك حبى وفؤادى،

لك حياتى ووجودى،

لك دمى ونفسى،

لك عقلى ولسانى،

لك حبى وحياتى،

فأنت أنت الحياة،

ولا حياة إلا بك،

يا مصر..

تم تعديل 18 مايو 2011 بواسطة eslam elmasre

[rewsha]

طب يا جماعة محدش بيتابع التليفزيون المصري يقولنا إيه الأخبار؟

أعتقد إن خبر زي ده لو اتذاع في التليفزيون يبقى من الصعب يكون متفبرك

مهو علشان كده انا ساْلت وقولت مصدر الخبر ايه .اليوم السابع وله التلفزيون المصري؟

انا دلوقتي بقيت مقاطعه كل الجرائد وباخد الاخبار من التلفزيون بس

[amgadibrahim]

الخبر تاني على موقع مصراوي وبيقول انه اتذاع في برنامج الحياة الآن

http://www.masrawy.com/News/Egypt/Politics/2011/may/19/hussen.aspx

[masraweya]

يا ريت يتم تأكيد الخبر

خطوة مهمة

[amgadibrahim]

من العقد النفسية اللي تركها النظام السابق فينا كلنا

إننا بنصدق الأخبار السيئة على طول ونتنكد بيها ......................وبنخاف نصدق آي خبر حلو ونفرح بيه

[fatfouta]

صباح دريم دينا عبد الرحمن حسين سالم له جواز سفر اسرائيلي واسرائيل تقبل التفاوض على اسعار الغاز الجديدة حلقة 18 05 2011 00

http://www.youtube.com/watch?v=mwAMXV39EO8&feature=player_embedded

[fatfouta]

النشرة شغالة على المصرية والقناة الاولى وماقالوش فيها حاجة لسه

[fatfouta]

الخبر على البى بى سى

مصر: إعادة حبس رئيس ديوان الرئاسة السابق والقبض على حسين سالم في إسرائيل

[raouf]

ايه العالم دى

ديانتها ايه ؟

ولاءهم فين

اقرب المقربين وكاتم اسرار رئيس الجمهورية اسرائيلى ؟

لواء طيار حربى بالجيش المصرى ومعاه جواز اسرائيلى ؟

يا داهية دوقى

فين اقوى جهاز مخابرات فى العالم

فين الناس الوطنيين اللى كانوا فى المخابرات العامة والمخابرات الحربية

ماكنش فيهم راجل يعلن الكلام ده ؟

شكل البلد كانت متحزمة وملفوفة باخطبوط عملاق له دراع فى كل مكان

ده انا خايف بجد ومش هزار يطلع انهم باعو الهرم او اجروه

نفسى اشوف مبارك هيقول ايه وهو كان مقيم عنده فى ال10 سنين الاهيرة وشريك ابنه

ياترى هايقول ما اعرفش برضوا ولا ماجاش فى التليفزيون انه اسرائيلى

يارب ارنا فيهم عجائب قدرتك

اللهم احشرهم مع من احبوا ومن خدموا

[masraweya]

المهم يسلموه لنا

و محاكمة علنية