استثناء مدينة 6اكتوبر والشيخ زايد والقاهرة الجديدة من طرح الآراضي

[ramy basha]

وهذا ليس له سوي معني واحد فقط ان الاسعار هترتفع في المدن دي بالتحديد واللي معاه ارض نصيحة يحافظ عليها ومايفرطش فيها لان اللي جاي بيقول ان المدن دي قفلت علي كده وخصوصا ان الراجل بيتكلم عن فترة 3 سنوات قادمه يعني الاراضي هتكون اتسلمت واتبنت والاسعار اتغيرت تماماوبعدين كلنا لاحظنا ان الفترة اللي فاتت دي كان التجار بيلموا اراضي اكتوبر بهدوء وبيحاولوا يوقعوا اسعارها علشان يلموا اكبر قدر ممكن من القطع لأنهم عارفين ان اكتوبر من المدن اللي تم إستثنائها من طرح الاراضي وبالتالي اسعارها هاتعلي وخصوصا ان فيها مناطق كتير علي وش تسليم وكمان الموضوع جاي مع بداية الصيف وشراء العقارات بينشط فيه وعلي فكرة اللي متابع كان الموضوع واضح جدا تلاقي اراضي بإعلانات وهمية بأسعار اقل 10 او 15 الف علشان تاخد السوق لتحت شوية بشوية لحد مايلموا اكبر قدر ممكن قبل مايصدر القرار ويتعرف ولما تيجي تتصل كمشتري عادي تلاقي الرد ان البائع طالب ازيد او الاصيل مش هايبيع او انك هاتشيل العملة كاملة ويكون مبالغ فيها طبعا او اي سبب والموضوع ده اتكرر بشكل ملفت ،

لكن الجانب الجيد في الموضوع انه هايتم طرح اراضي بدون قرعة او تخصيص

...... ودي وجهة نظري وأرجوا اللي عنده أي وجهة نظر يقولها ونفيد بعض فياريت الآقي مشاركات

وده رابط الموضوع

http://www.almasry-alyoum.com/article2.aspx?ArticleID=297227&IssueID=2139

تم تعديل 18 مايو 2011 بواسطة ramy basha

[ramy basha]

عايزين مشاركات وردود واختلافات في وجهات النظر ليسفتيد الجميع اين المشاركات ؟؟؟؟؟؟؟؟؟؟؟؟؟

[EgyFan]

بس مكتوب ان السبب مشكلة المياه ودى حاجه اخطر ده بلإضافه ان اصلا اسعار اكتوبر قليله جدا بالمقارنه بالقاهره الجديده. احب اضيف ان تم اتخاذ قرار بنقل العشوائيات كلها زى الدويقه وكده الى اكتوبر وحتى لو كان النقل ده لأطراف اكتوبر فبالتأكيد هيأثر عليها. سؤال اخير بأه التوسعات الشماليه افضل ولا المنطقه المحصوره بين طريق الواحات والفيوم لو حد عنده رأى؟

تم تعديل 23 مايو 2011 بواسطة EgyFan

[عطر الجنة]

الاستثناء جاء فى اكتوبر لانها ستواجه مشكلة مياة بسبب عدم انتهاء احد المحطات التى تمدها بالمياة بسبب الثورة و للانتهاء من المحطة فى يونيو 2012

اما القاهرة الجديدة فعندها نفس المشكلة لكن ارضها خصصت فقط للاستثمار

و تم منع اليناء فيهما خلال فترة الصيف الا فى حالة شراء عربات ماء للبناء

تحباتى

تم تعديل 23 مايو 2011 بواسطة عطر الجنة

[ramy basha]

بس مكتوب ان السبب مشكلة المياه ودى حاجه اخطر ده بلإضافه ان اصلا اسعار اكتوبر قليله جدا بالمقارنه بالقاهره الجديده. احب اضيف ان تم اتخاذ قرار بنقل العشوائيات كلها زى الدويقه وكده الى اكتوبر وحتى لو كان النقل ده لأطراف اكتوبر فبالتأكيد هيأثر عليها. سؤال اخير بأه التوسعات الشماليه افضل ولا المنطقه المحصوره بين طريق الواحات والفيوم لو حد عنده رأى؟

طبعا التوسعات الشمالية أفضل لآنها منطقة اسكان فاخر وحدودها من الشمال والغرب كمبوند جراند هايتس ودي مدينة متكاملة فيلات فقط بتبنيها شركة مصري كويتيه وميعاد التسليم 2014

ثانيا منطقة التوسعات الشمالية منطقة متكاملة الخدمات يعني لما تكتمل هايبقي اللي عايش فيها مش محتاج يخرج منها وموقعها لا يقارن الا بالمناطق السياحية بأكتوبر والشيخ زايد لان جوها هايكون انقي جو في اكتوبر علشان فوقها الحزام الاخضر اما المناطق الجنوبية فاهتتأثر بالمنطقة الصناعية لأن الرياح في مصر شمالية غربية وده هايؤدي لأن نسبة التلوث في المستقبل هاتكون اعلي في المناطق الجنوبية عنها في المناطق الشمالية

ثالثا المنطقة أ ، ب تعتبر خارج اكتوبر اصلا لأنها بين طريق الواحات وطريق الفيوم بعد ماتعدي الاهرامات بكام كيلوا وبتكون لسه ماصولتش اكتوبر خالص أما التوسعات الشمالية فهي فوق منطقة البشاير والحي الحادي عشر يعني داخل تقسيم مدينة 6 اكتوبر وده واضح من الخريطة ومن جوجل ايرث يمكن التأكد من ذلك جيدا

أما مشكلة المياه فهي مشكلة مؤقته والسبب فيها التأخير في الانتهاء من محطة المياه الجديدة المغذية ل أكتوبر والشيخ زايد

بالمناسبة عايز اقول حاجة بخصوص القاهرة الجديدة هي فعلا غالية لكن كمان تأخد جائزة مدينة الاشباح لأنها فاضية تماما ومافيهاش اي تواجد سكاني غير في منطاق العمارات القديمة اللي اتسكنت من زمان والناس فيها بتشتكي من كثرة السرقة في عز الظهر للبيوت والفلل اللي اصحابها مش موجودين ودي اخطر من اي مشكلة تانية بالاضافة لاشتراكها مع اكتوبر في مشكلة المياه

نقطة اخيرة بقي وهي ان اكتوبر قريبة جدا من محافظات الدلتا بحكم قربها من الطريق الدائري وقريبة جدا من اسكندرية لانها علي اول الصحراوي وده هايخلي الشبر فيها له تمن وهي مستقبل الاستثمار العقاري الفترة القادمة