تنبيه هام مظاهرات يوم 27 مايو سيقوم بها علمانين و ملحدين

[raouf]

مقال جيد يستحق القراءة

منذ عدة ايام خرجت علينا دعوات بالخروج إلى مظاهرات اخرى فى يوم 27 مايو الجارى بدعوى التغيير وقام عدد منهم بإنشاء صفحة على الفيسبوك تدعو لهذه التظاهرة وقاموا بتحديد عدة مطالب وهى :

1 - تشكيل مجلس رئاسى مدنى ثورى لتنفيذ طلبات الثورة كاملة.

2 - تطهير الشرطة من قيادات الفساد واعادة الامن والامان لمصر.

3- تطهير القضاء والنيابات العامة ، لتطبيق العدل ويكون الضامن لتحقيق المطالب الثورية .

4- تطهير المحليات والمحافظين ، للتخلص من بقايا فساد النظام السابق.

5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون.

6- الإفراج عن جميع المعتقلين السياسيين من يوم 25 يناير وما قبلها والافراج عن الضباط الاحرار، ضباط 9 ابريل.

7- محاكمة كل المفسدين وعلى رأسهم الرئيس المخلوع محمد حسنى مبارك.

8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها.

كل هذه المطالب عادلة فى ظاهرها ولكن ما هى الحقيقة من وراء هذه المطالب وما هو الهدف من وراء المظاهرات الآن ؟

بعد احداث ثورة 25 يناير ظن البعض أن مصر ستعيش مرحلة فارقة من حياتها و سوف ترى النور والحرية بعد أن عاشت ثلاثون عاماً تحت حكم الظلم والإستبداد والإستعباد ، ولكن بعد أيام قليلة من هذا الحلم الجميل بدأنا نسمع عن مظاهرات هنا وهناك تضغط على المجلس العسكرى بقوة من اجل تحديد مطالبها الخاصة او الفئوية فى مصانع وشركات وهيئات وأحزاب وكلها مطالب مشروعها ولكن هل هذا وقتها ؟

الإجابة لا لأن الحكومة المؤقتة بقيادة شرف لن تستطيع تحقيق كل هذه المطالب فى هذا الوقت القصير خصوصا وأنه مطالب بإصلاح ما أفسده نظام مبارك خلال ثلاثون عاماً وبالله عليكم هل يستطيع احد منكم إصلاح البلاد فى هذه الفترة الوجيزة وإنجاز كل مطالب الشعب وتحقيق كل مطالبه ؟

إذا فكرنا قليلاً سنجد أن الإجابة على السؤال وحده تحتاج إلى فترة للإجابة فما بالكم ببلد يتعدى شعبه 80 مليون مواطن .

فى ظل كل هذه الامور نطرح السؤال ما هى الحقيقة وراء هذه المظاهرة الآن ؟

لو عدنا قليلاً إلى الوراء وتحديداً بعد عملية الإستفتاء على الدستور رأينا قوة ونفوذ التيارات الإسلامية التى واجهت التيارات العلمانية والنصرانية التى كانت تدعو لحذف المادة الثانية من الدستور والتى تنص على أن الإسلام دين الدولة وأن الإسلام هو المصدر الرئيسي للتشريع ، وبعد نجاح التيارات الإسلامية فى الوقوف أمام التيارات العلمانية بل والتفوق عليها فكان لابد من إشعال الحرب على السلفيين والإخوان عبر وسائل الإعلام والصحافة التى تمولها الأحزاب العلماينة والليبرالية وبعض رجال الأعمال من النصارى وعلى رأسهم ساويرس بتحريض المجلس العسكرى ضد السلفيين ولكن كانت تحقيقات النيابة فى كل حادث تبرئ السلفيين من كل تهمة موجهة إليهم .. ولكن مع كل هذه البروباجندا الإعلامية التى أثيرت حول السلفيين ومحاولات تشويه صورتهم أما العامة والخاصة ظلت التيارات الإسلامية ثابتة بل وزدادت قوة إلى قوتها وزاد عدد مؤيديها .. فماذا يفعل العلمانيون ؟

هنا لابد من إزاحة المجلس العسكرى من الطريق لأنه يقف سد منيع ضد التيارات العلمانية والنصرانية فى محاولة قمع السلفيين الذين تزداد فرص وصولهم للحكم كل يوم بعد أن أثبتوا أنهم براء من كل حملات التشويه المتعمدة من الإعلام العلمانى والليبرالى والنصرانى .

لو لاحظنا أول بند من مطالب المظاهرة سنجد أنهم يطالبون بتشكيل مجلس رئاسى مدنى ثورى لتنفيذ طلبات الثورة كاملة وهذا يعني إزاحة المجلس العسكرى من الطريق وهنا نتسائل من هم المرشحون للقيام بمهام المجلس المدنى ومن الذى يستطيع تنفيذ مطالب الثورة فى هذا الوقت العصيب من عمر الامة ؟ كلنا متفقون على انه لا يمكن لاحد تحقيق كل مطالب الثورة او الشعب فى هذا الوقت الضيق فلماذا إذاً يتم انتخاب مجلس مدنى ثورى ؟ وهل سيسمحون بوجود من يمثل التيارات الاسلامية فى هذا المجلس أم سيتم إقصاء الإسلاميين ؟ .

الهدف هو إقصاء الإسلاميين بأى شكل وبأى ثمن طالما أن المجلس العسكرى لم يتخذ ضدهم اى إجراء فلابد من تشكيل مجلس مدنى ليحقق تلك الأهداف ولكن بعد إقصاء الجيش .

وهنا أوجه كلمة لكل عاقل وشريف كيف يمكن للقوات المسلحة والحكومة المؤقتة ان تقوم بتحقيق كل مطالب الثورة والشعب وهناك من يقوم بمظاهرات واعتصامات فى كل مكان لتحقيق مطالب فئوية أو مطالب خاصة ؟ وكيف يمكنك العمل تحت هذا الضغط الرهيب بإنجاز مطالب للشعب بعد انهيار تام على مدار ثلاثون عاماً ؟

أقول كلمتى الاخيرة لكل مصـرى يحب هذا البلد ويخاف عليه من السقوط احذروا من الذين يحاولون تخريب البلاد تحت دعوى مطالب الثورة والتغيير ولا تخرجوا إلى مظاهرات واعتصامات جديدة واصبروا قليلاً من أجل نهضة البلاد واستقرارها ولنعطى للمسئولين الفرصة للعمل لتحقيق مطالبكم ولا تتعجلوا بطلب الثمار حتى لا تحترق البلاد وبعدها نقول ليتنا لم نفعل .

هذا رأيي الشخصى وأرجو من كل من يريد الهجوم أو النقد أن يتحلى بالصبر والتفكير قبل الرد .

بقلم : احمد توحيد

[raouf]

وده رد عجبنى جدا بردوا

طيب انا عندى استفسار على كام نقطه و محتاج اجابه

1-تشكيل مجلس رئاسى مدنى ثورى لتنفيذ طلبات الثورة كاملة.

طيب فى مثل بيقول ان المركب اللى ليها ريسين تغرق

ثانيا هيتم اختيارهم على اساس ايه من انى حزب و هتكون ايه ديانته رؤيته السياسيه ايه

ثالثا اختيارهم هيبقى ازاى انتخاب ولا كل واحد هيطلع بواحد اللى هيرشح اللى يريحه و اللى هيرشح اللى بيعجبه لبسه

طبعا الستات لازم يكون ليهم دور

2 - تطهير الشرطة من قيادات الفساد واعادة الامن والامان لمصر.

هو اساسا فى شرطه و حتى لو فى هما عارفين يفتحوا بقهم بكلمه

3- تطهير القضاء والنيابات العامة ، لتطبيق العدل ويكون الضامن لتحقيق المطالب الثورية .

طبعا الاعتراض على الناس دى عشان التحقيقات اللى بتم مع الوزراء السابقين و الرئيس المتنحى(عشان الناس متزعلش) و عائلته طيب بفرضيه ان نتايج التحقيقات ادت الى نفس نتائج الطقم القديم هيعملوا ثوره جديده عشان يغيروهم و لو فعلا هما وحشين و عاوزين يطلعوا الناس دى كويسه ازاى الناس دى اتسجنت

- تطهير المحليات والمحافظين ، للتخلص من بقايا فساد النظام السابق.

لو كل واحد فينا بص لنفسه هيلاقى نفسه فاسد بمعنى الناس اللى كانت فرحانه بالثوره و بتقول البلد هتنضف و فجأه اللى بيفيم و اللى مش هامه قانون و و مقضيها بالدراع و اللى بنا مخالف طيب مش كل دا فساد

5- تطهير الاعلام تطهير حقيقى ، فلا تقدم ولا حريات فى بلد اعلامه مسيطر عليه فاسدون.

احب اقول و دا من وجهه نظرى الشخصيه ان الاعلام لازال زى ما هو قبل الثوره زيه بعد الثوره و انا هقولك ازاى

اولا الاعلام ماشى مع الموجه بمعنى ان الموجه الفتره اللى فاتت ضد الرئيس و كل من تعاطف معاه و لو اى حد تكلم بعقلانيه عن الللى بيجرى فى البلد بيتم التعتيم على كلامه و اتهامه انه من اعداء الثوره

استخدام كلمه (غباء) بكثره فى الاعلام من قبل ناس لسه بتحبى فى الحياه السياسيه ادام ناس محنكه سياسيا(مش بقول كله ولكن هل كل من اخطا حتى لو كان بالقصد يطلق عليه لفظ غبى)

6- الإفراج عن جميع المعتقلين السياسيين من يوم 25 يناير وما قبلها والافراج عن الضباط الاحرار، ضباط 9 ابريل.

معنديش مشكله فى النقطه دى

7- محاكمة كل المفسدين وعلى رأسهم الرئيس المخلوع محمد حسنى مبارك.

عمركوا شوفتوا قضيه تافهم فى مصر متهم فيها واحد عادى اتحكم فيها فى ساعتها ولا اخدت وقت فما بالكم بناس من العينه الثقيله زى اللى فى سجن طره و بعدين اذا كان شعار ثوره 25 يناير كان من ضمنه عداله يبقى ازاى منحاكمش الناس دى بعداله و العداله تقتضى جمع جميع الادله حتى تتحقق العداله و دا محتاج وقت

8- استرجاع كل اموال الشعب المنهوبة ، وفى حالة عدم استرجاعها ستتحول المحاكمات الى محاكمات ثورية استثنائية لا رحمة فيها.

دى بقا اكتر نقطه كوميديه لان فى ناس فاكره ان فلوس حسنى مبارك و من معه سواء عائلته او نظامه السابق لما ترجع هتتفرق على الغلابه رغم ان الجميع اجمع ان الفلوس مش كلها هترجع بل نسبه قليله منها ثانيا قانون بنوك سويسرا يقتضى بان يتم التحقيق مع المتهم و اذا ثبتت ادانته يتم ارسال نتائج التحقيق الى سويسرا و بناء عليه يتم اعلان سريه الحسابات و دا ياخدنا الى نقطه تانيه ازاى تم الاعلان عن ثروه حسنى مبارك و عائلته رغم انه لسه متحققش معاه بشكل كامل نقطه غريبه و مريبه

[raouf]

ماورد فى المقال والرد لا يعبر عن رايى الشخصى الذى افضل الاحتفاظ به علشان الناس ماتزعلش منى

الغرض من نقل المقال هو ايضاح بعض الاراء المضادة للدعوة لتجمع يوم 27 مايو

دائما افضل عدم الاستماع الى راى واحد بل الى كل الاراء

يارب نجى مصر واحرسها

اللهم احفظها من ابناءها ام اعدائها فنحن كفيلون بهم

تم تعديل 19 مايو 2011 بواسطة raouf

[tarek hassan]

الله يفتح عليك يا أستاذ رءوف

علمانيون وملحدون خيبهم الله وضل مسعاهم وانقلبوا خاسرين يجرون أذيال الهزيمة والعار

هو سهل إنه يتفرض علينا مجلس رئاسي

جاتكم نيله يا بعده وأنتم مليتم النت

[Ahmed Anwer]

رغم إقتناعي بالتحليل المكتوب

بس الصراحة دي اسوأ الأراء

الأراء اللي مصممة تقسم أي حاجة

لحلال و حرام

و كفار و مسلمين

أنا ضد المجلس الرئاسي و ضد تأجيل الإنتخابات و ضد الدستور أولا

و ضد الإلتفاف علي الديمقراطية

اللي كاتب المقال ده بيشوه صورة الإسلاميين و السلفيين بل المسلمين نفسهم

بعد كده لما نيجي نبني كوبري ، هنروح للشيخ بدلا من نروح للمهندس

و يبقي راي الشيخ هوا اللي سليم

كان يكتفي بإنه يقول رأيه من غير ما يدخل فيه الدين

[م تيمور المراغي]

مادام بيدخل في النوايا وساب ظاهر يبقى لا يستحق القراءة

بعدين انت يا رؤوف اكتر واحد عارف خبايا الجيش ايه وعارف ان الترقي كان للافشل وليس للاصلح جاي وقت الجد وتجيب المقال ده !!!

[raouf]

مادام بيدخل في النوايا وساب ظاهر يبقى لا يستحق القراءة

بعدين انت يا رؤوف اكتر واحد عارف خبايا الجيش ايه وعارف ان الترقي كان للافشل وليس للاصلح جاي وقت الجد وتجيب المقال ده !!!

خلينى انقلك وجهة نظرى يا تيمور

ودى اول مرة اعلنها فى المنتدى

بعد قراءة ومتابعة الاخداث احنا بنلف فى حلقة مفرغة ولن تنتهى وكل اعداءنا هايدفعونا للدوران فى نفس الحلقة المفرغة لاضعاف البلد واقتصادها وتشتييت انتباهنا

اللى بيحصل ده لان البلد مافيهاش حكومة ولا ليها قائد

وماتقوليش الدكتور المخترم عصام شرف وحكومته لان اسمهم حكومة تسيير اعمال يعنى مؤقتة ولا يوجد لها صلاحيات كبيرة

والمجلس العسكرى اعلنها انه لن يستمر فى الحكم واكد على هذا

طيب ازاى نعرف الحقيقة وليس ما ينشر

كل الحقائق هتظهر مع الانتخابات البرلمانية والرئاسية القادمة ساعتها هانعرف فعلا راى الجيش الحقيقى

هيعرف كل حزب او جماعة ثقلها السياسى فى الشارع

فى الاخر هانعرف مين معانا ومين ضدنا وهل فعلا ما تم القيام به ثورة ام انقلاب على النظام ام انقلاب عسكرى

لو الامر بايدى لامرت بان تكون الانتخابات غدا

وهاقولك حاجة ؟

الانفلات الامنى والاعتصامات والاضرابات وتوقف المصانع وغيره وغيره من السلبيات ستستمر ختى الانتخابات الرئاسية

لحد ما يتعرف مين قائد البلد

لذا انا ضد اى حراك الان سواء مظاهرات او اعتصامات او غيره

الان فترة الاعداد والترتيب لبناء البيت

واقترح على شباب 6 ابريل اللى باحبهم الا يضيعوا وقتهم فى قضايا خاسرة بل يحب عليهم ترتيب اوضعاهم سواء بالانضمام لاحزاب او تثبيت اقدامهم فى الشارع حتى يكون لهم تمثيل برلمانى على الاقل لان ما يقومون به تشتييت لجهودهم

[Ahmed Anwer]

الله ينور عليك يا أ / رؤوف ،،

فعلا و الله إحنا شعب عظيم و واعي و فاهم

مش هينضحك علينا و يتحط عيشة علي أم الخير

و الحمد لله معظم الشعب و قوي الثورة فاهمة و واعية إنها مناورات سياسية أكتر من اي شئ آخر

بيتم فيها استغلال غضب الناس من حكم مبارك و رغبتهم في محاكمته

لأهداف آخري تماما

بس برده حفاظا علي الثورة و مادام موصلناش لنقطة الخلاف ،،

نكمل مع بعض لحد ما الحقيقة تظهر واضحة

تم تعديل 19 مايو 2011 بواسطة Ahmed Anwer

[Simba]

لا تتهم أحد بالسوء أنت اسوء مما تعتقد

انيس منصور

[م تيمور المراغي]

هربت من سؤالي يا رؤوف بس خلليني اشكرك الاول على اهتمامك بالشباب ,,

وخلليني اوضح انهم مش عاوزين مكاسب سياسية من نضالهم زي حزب او تمثيل برلماني عايزين حد مناسب هو اللي يحكم البلد والسلام ,,

خليني اكرر سؤالي ,,

انت شايف ان المجلس العسكري يمتلك الكفائة اللازمة لادارة البلاد منفردا وتحقيق مطالب الثورة !

[raouf]

هربت من سؤالي يا رؤوف بس خلليني اشكرك الاول على اهتمامك بالشباب ,,

وخلليني اوضح انهم مش عاوزين مكاسب سياسية من نضالهم زي حزب او تمثيل برلماني عايزين حد مناسب هو اللي يحكم البلد والسلام ,,

خليني اكرر سؤالي ,,

انت شايف ان المجلس العسكري يمتلك الكفائة اللازمة لادارة البلاد منفردا وتحقيق مطالب الثورة !

بالطبع لا يا تيمور والمجلس العسكرى نفسه اعترف بكده

دول ناس عسكرين شغلتهم القتال والدفاع عن البلد

بس واكرر هم افضل من يقوم بهذا الدور الن ولفترة مؤقتة مددتها 3 شهور

يعنى صبرنا 30 سنة نصبر 3 شهور مش هايجرى حاجة

وبعدين محاكمات النظام القديم سيبوها تتاجل مهم مرميين فى السجن بالعكس اتمنى عدم صدور اى احكام الان بل انتظار البرلمان الجديد والرئيس الجديد هو اللى ياخد حقنا

هاقولك حاجة كمان يا تيمور خد بصة على ليبيا واليمن وتونس

مهما كان اختلافنا مع المحلس العسكرى فى بعض التاخير والقرارات ولكن يظل ماقام به دور عظيم وتاريخى يستحق مننا كل الاجلال والاحترام والتقدير

وواجبنا الحفاظ على هذا التقدير لجد النهاية

[م تيمور المراغي]

ده على افتراض ان ال 3 شهور دي حيبقى الوضع على ماهو عليه ,,

مش حيكون كل واحد من اللي بالك فيهم ستف ورقه وجهز شنطته ولا اخد اخلاء سبيل او سنتين حبس وخلصت الليلة يا عمدة ,,

[raouf]

ده على افتراض ان ال 3 شهور دي حيبقى الوضع على ماهو عليه ,,

مش حيكون كل واحد من اللي بالك فيهم ستف ورقه وجهز شنطته ولا اخد اخلاء سبيل او سنتين حبس وخلصت الليلة يا عمدة ,,

ده على اساس انهم مارتبوش فى ال3 شهور اللى فاتو ؟

يا تيمور اللى زى دول مرتبين ورقهم وجاهزين فى كل وقت واسال فتحى سرور وزكريا عزمى

اللى بيقع هم الاغبياء بس

هابشرك كمان مهما كان الحرامى ذكى هايترك اثر وده اللى حصل فى زكريا عزمى نسى يخبى حتتين من اللى سرقهم

[abaomar]

السلام عليكم

اخى العزيز رؤوف

مقال محترم و تحليل راقى واعى للوضع

المطالب اكثر ما يقال عنها كلمه حق يراد بها باطل

ساويرس و شيعته مع العلمانيين و الليبراليين اكثر من احترقوا بنار الحسره من مفاجأه

الاستفتاء التى كشفت حجمهم و حجم الوهم الذى يعيشون فيه

يريدون مجلس رئاسى من ثلاثه احدهم مسيحى و الاخر عسكرى ظانين انهم ذلك سيقفون امام رغبه

الشعب العارمه فى حكمهم بالشريعه الاسلاميه و هذا ما سيحدث بإذن الله رغم انوفهم جميعا

محاولتهم البائسه فى تأجيل الانتخابات البرلمانيه ثم الرئاسيه ظنا انهم بذلك يكسبون وقت

و ممكن التلاعب بالدستور وفق اهوائهم ستضيع ادراج الرياح و فى النهايه الله غالب على أمره

و سينفقونها ثم تكون عيهم حسره ثم سيُغلَبون .

[Ahmed Anwer]

ده على افتراض ان ال 3 شهور دي حيبقى الوضع على ماهو عليه ,,

مش حيكون كل واحد من اللي بالك فيهم ستف ورقه وجهز شنطته ولا اخد اخلاء سبيل او سنتين حبس وخلصت الليلة يا عمدة ,,

ده على اساس انهم مارتبوش فى ال3 شهور اللى فاتو ؟

يا تيمور اللى زى دول مرتبين ورقهم وجاهزين فى كل وقت واسال فتحى سرور وزكريا عزمى

اللى بيقع هم الاغبياء بس

هابشرك كمان مهما كان الحرامى ذكى هايترك اثر وده اللى حصل فى زكريا عزمى نسى يخبى حتتين من اللى سرقهم

كان فيه كلمة لعادل أمام في فيلم طيور الظلام ،،

(( إحنا ناس غلطنا بالقانون ))

بس علي الأقل مش هيقدروا يهربوا من مصر

المجلس العسكري مش هيسمح إنه شكله يبقي زبالة للدرجة دي

و في نفس الوقت ،، الضغط مش خطر

علي الأقل لو في نية عفو ،، يتراجعوا

و لو مجرد بتواجهم مشاكل قانونية ،، ينجزوا و يسرعوا و يشتغلوا أكثر

[raouf]

الله ينور عليك يا أ / رؤوف ،،

فعلا و الله إحنا شعب عظيم و واعي و فاهم

مش هينضحك علينا و يتحط عيشة علي أم الخير

و الحمد لله معظم الشعب و قوي الثورة فاهمة و واعية إنها مناورات سياسية أكتر من اي شئ آخر

بيتم فيها استغلال غضب الناس من حكم مبارك و رغبتهم في محاكمته

لأهداف آخري تماما

بس برده حفاظا علي الثورة و مادام موصلناش لنقطة الخلاف ،،

نكمل مع بعض لحد ما الحقيقة تظهر واضحة

بالظبط كده يا استاذ احمد وبالش تقولى استاذ قول رؤف بس كلنا هنا اخوة واصدقاء

[raouf]

السلام عليكم

اخى العزيز رؤوف

مقال محترم و تحليل راقى واعى للوضع

المطالب اكثر ما يقال عنها كلمه حق يراد بها باطل

ساويرس و شيعته مع العلمانيين و الليبراليين اكثر من احترقوا بنار الحسره من مفاجأه

الاستفتاء التى كشفت حجمهم و حجم الوهم الذى يعيشون فيه

يريدون مجلس رئاسى من ثلاثه احدهم مسيحى و الاخر عسكرى ظانين انهم ذلك سيقفون امام رغبه

الشعب العارمه فى حكمهم بالشريعه الاسلاميه و هذا ما سيحدث بإذن الله رغم انوفهم جميعا

محاولتهم البائسه فى تأجيل الانتخابات البرلمانيه ثم الرئاسيه ظنا انهم بذلك يكسبون وقت

و ممكن التلاعب بالدستور وفق اهوائهم ستضيع ادراج الرياح و فى النهايه الله غالب على أمره

و سينفقونها ثم تكون عيهم حسره ثم سيُغلَبون .

بصرف النظر عن الاسماء يا ابو عمر

كل التيارات باستثناء الاخوان متخوفين من نتيجة الاستفتاء

وللاسف معظمهم غلب المصالح الشخصية على مصالح البلد حتى يفوزوا ببعض مقاعد البرلمان

[abaomar]

بصرف النظر عن الاسماء يا ابو عمر

كل التيارات باستثناء الاخوان متخوفين من نتيجة الاستفتاء

وللاسف معظمهم غلب المصالح الشخصية على مصالح البلد حتى يفوزوا ببعض مقاعد البرلمان

السلام عليكم

ليتها تقف عند بعض مقاعد البرلمان يا رؤوف

المشكله عند حزب .. لا ..هو ..الإسلام .. نعم يا رؤوف

هم يريدونها ..لا دينيه .. و ليس مدنيه كما يكذبون و يدعون و يحرفون

الليبراليون و الملحدين كما تفضلت فى نقلك بلإضافه الى ساويرس و شيعته موقفهم

ضد دين الدوله الرسمى و الذى يدين به ما يقارب من 95% من الشعب

و هو اكثر ما يقف حجر عثره امام طموحاتهم جهلا من البعض و سوء نيه من البعض الاخر

فضلا عن كره و عداء البعض الاخر بشكل واضح ومباشر لدين الاسلام

و لكن هم واهمون فالمارد خرج من القمقم و حاجز الخوف و الارهاب زال و انطلق العلماء

بين الناس و قد لمست ذلك بنفسى اثناء إجازتى الاخيره و متابعه بسيطه لمحمد

حسان و نشأت احمد و محمد عبد المقصود و فوزى السعيد و غيرهم ترى مدى إقبال الناس على منهج

الاسلام الوسطى الذى حرمت منه الناس لعقود و الحمد لله على فضله .

تم تعديل 19 مايو 2011 بواسطة abaomar

[ابراهيم عبد العزيز]

هنا لابد من إزاحة المجلس العسكرى من الطريق لأنه يقف سد منيع ضد التيارات العلمانية والنصرانية فى محاولة قمع السلفيين الذين تزداد فرص وصولهم للحكم كل يوم بعد أن أثبتوا أنهم براء من كل حملات التشويه المتعمدة من الإعلام العلمانى والليبرالى والنصرانى .

الهدف هو إقصاء الإسلاميين بأى شكل وبأى ثمن طالما أن المجلس العسكرى لم يتخذ ضدهم اى إجراء فلابد من تشكيل مجلس مدنى ليحقق تلك الأهداف ولكن بعد إقصاء الجيش .

أعتقد أن الواقع يثبت عكس العبارتين السابقتين اللتان اقتبستهما من المقالة

فالمجلس العسكرى صرح تصريحا شهيرا وقال فيما معناه (( أنه لن يسمح بأن تتحول مصر لدولة دينية وأنه لن يكون فى مصر خامنئى أخر ))

اذن الكلام الوارد فى المقالة من أن الليبرالين والعلمانين هم وراء تظاهرة يوم 27 مايو وذلك لأنهم يرون المجلس العسكرى لا يقمع السلفين وأن الاسلامين اقتربوا للحكم أعتقد انه غير دقيق

[raouf]

هنا لابد من إزاحة المجلس العسكرى من الطريق لأنه يقف سد منيع ضد التيارات العلمانية والنصرانية فى محاولة قمع السلفيين الذين تزداد فرص وصولهم للحكم كل يوم بعد أن أثبتوا أنهم براء من كل حملات التشويه المتعمدة من الإعلام العلمانى والليبرالى والنصرانى .

الهدف هو إقصاء الإسلاميين بأى شكل وبأى ثمن طالما أن المجلس العسكرى لم يتخذ ضدهم اى إجراء فلابد من تشكيل مجلس مدنى ليحقق تلك الأهداف ولكن بعد إقصاء الجيش .

أعتقد أن الواقع يثبت عكس العبارتين السابقتين اللتان اقتبستهما من المقالة

فالمجلس العسكرى صرح تصريحا شهيرا وقال فيما معناه (( أنه لن يسمح بأن تتحول مصر لدولة دينية وأنه لن يكون فى مصر خامنئى أخر ))

اذن الكلام الوارد فى المقالة من أن الليبرالين والعلمانين هم وراء تظاهرة يوم 27 مايو وذلك لأنهم يرون المجلس العسكرى لا يقمع السلفين وأن الاسلامين اقتربوا للحكم أعتقد انه غير دقيق

عزيزى المقصود بالدولة الدينية هى ان يحكم رجال الدين مثل ايران مثلا التى تعتمد على الامامة حتى ان المرشد بتاعهم سلتطته وقوته اقوى من رئيس الدولة

بلجيكا والنمسا وعدة دول يحكمها احزاب كاثوليكية وبروتستانتية ومجدش فتح بقه بس الاساقفة لا يتدخلون فى الحكم

فقط ممكن يكون الحزب ذو مرجعية او او يدعوا الى تطبيق مذهب مبنى على الدين وده اللى بيحصل

الاحزاب الكاثوليكية كمثال تطالب بان يكون الانجيل هو مصدر التشريع وان اى قانون يجب ان يكون مبنى على الانجيل

وده مسبب لهم اختلاف مع الليبراليين لامطالبتهم بحرية الاجهاض والزنا كمثال

ليس معنى كلامى انى اوافق على حزب اسلامى او قبطى مثلا

فلنترك الامر للصندوق

يجب ان نتعلم جميعا معنى كلمة ديموقراطية والتى ضحى الشهداء بدماءهم حتى نفوز فقط بالديموقراطية

يا شباب ارضوا بجكم الصندوق

وارجو ان تتحدوا معى ضد من يحاول ان يولى نفسه وصى على الناس سواء اسلاميون او اقباط او مايطلقون على نفسهم مثقفين

الشخص الامى له صوت مثل الحائز على جائزة نوبل فى العلوم كل منا له صوت وياريت ماحدش يقول الناس مش عمستعدة او فاهمة للديموقراطية