المطلوب من كل المصريين الان

[raouf]

ده بيان مطبوع يتم توزيعه من ناس فعلا بتحب مصر

ناس مش عايزة تبقى اعضاء فى مجلس شعب

ناس مش عايزة شهرة

ناس فعلا فعلا بتحب مصر

ده نص البيان اللى بيرسم دورنا الحقيقى والمطلوب مننا كلنا بصرف النظر عن ديننا

بصرف النظر عن توجهاتنا

بصرف النظر عن ميولنا السياسية

لانى متاكد ان كلنا بنحب مصر

اليكم نص المطبوعة وياريت كلنا ننشرها لاهلنا وجيراننا

احفظ مصر

احفظ مصر هو ندائنا لكل انسان في مصر انه يحافظ علي مصر

كل المطلوب منك انك تبعت الرسالة دي لكل اللي تعرفهم

او تطبعها و توزعها علي كل معارف ك وجيرانك

– اصحابك - اهلك - الناس اللي ماشيين في الشارع

خليها معاك في عربيتك

قول لكل الناس

أرجوكم حافظو علي مصر

1- شراء المنتجات المصرية

2- حافظ على الموارد بكل اشكالها ( مياة- كهرباء – وقود) قدر المستطاع (منزل- عمل )

3- حاول تساعد الفقراء عشان متحصلش ثورة جياع انت المتضرر منها

4- رجاء التحكم فى أعصابك والسيطرة على نفسك أثناء الغضب وقل لنفسك أننا فى أمس الحاجة لكل جهد لنبنى بلدنا ونساعد بعضنا

5- أن أخطأت اعتذر بلطف وأن اخطأ أحد فى حقك وأعتذر لك رجاء أقبل اعتذاره . تخيل نفسك وأنت تقود سيارتك واضطرتك الظروف لتكسر على المجاور لك ثم أعتذرت له مباشرة. أعتقد أيا كان غضبه سوف يقبل الاعتذار

6- غير في نفسك و خليك ايجابي وانشر الأمل فى نفوس من حولك وحاول أن تقنع السلبيين و المتشائمين أن الغد أفضل باذن الله تعالى لنا وللأجيال القادمة . هذا وقت بناء و عمل

7- متسافرش السنة دي بره مصر بغرض الفسحه (مش مهم من سنه) و اعزم قرايبك في أي بلد يزوروا مصر

8- حاول تستثمر فلوسك في بنوك مصريه

9- ان كان لديك فكرة جديدة رجاء اضافتها وأعادة ارسالها لأكبر عدد من الأهل والأصدقاء

الدور دلوقتي علينا كلم كل الناس و ادعهوهم يبدأوا من دلوقتى

امضاء

مصريين بيحبوا بلدهم

تم تعديل 19 مايو 2011 بواسطة raouf

[rewsha]

جازاك الله خير يا استاذ/رؤوف على نشر البيان ده

وياريت فعلا كل واحد فينا ينفذه

وينشره

واللي عنده فكره سواء نفذها او يحب يطرحها للمناقشه والتنفيذ ياريت يكتبها

انا والله عماله انشر موضوع زميل لينا هنا بصراحه مش متذكره اسمه :wub:

لكن كان قال عل فكرة ان شباب القريه عندهم بيجمعوا اسهم الواحد ب100 ويشتروا (لا مؤاخذه) عجل ويدبحوه ويبيعوا كيلوا اللحمه ب 40 جنيه .هلشان يجبروا الجزارين انهم مايغلوش اللحمه

زوج اختي نفذ فكره عندهم برضو هاكتبها هنا يمكن حد يحب ينفذها

بيقول : اهل البلد عندهم اتفقوا ان كل شقه تدفع 10 جنيه في الشهر .

علشان يجمعوا مبلغ محترم

واختاروا 15 شاب من شباب المنطقه .علشان يعملوا كغفر (غفير) يعني ويبقى لهم راتب كويس وكل واحد من ال15 كتبوا اسمه ومنطقته او الشارع اللي هايقف فيه وبلغوا بالاسماء دي مركز الشرطه اللي همه تابعيين ليه .وجابوا تصريح او موافقه .

بحيث يبقى معروف لقسم الشرطه مين واقف فين .

ولو في ظابط معدي وله حاجه يبقى عارف اسماء الشباب دول

ياريت اللي يقدر ينفذ الفكره دي في منطقته ...ينفذها

انا كمان عندي فكره

ممكن كل مجموعة شباب يتفقوا مع بعض ويعملوا زي شركة نظافه عل قدهم كده

بحيث يجمعوا من كل شقه مبلغ صغير ويلموا همه (القمامه) وياخدوها ...لو حتى على عربيه كارو ويحرقوها بعيد .

او كل اهالي منطقه يجمعوا ويشتروا باسكيت قمامه كبير يوضع عل راْس كل شارع .

الافكار كتير .ونتمن ان مصر تتغير فعلا

[tarek hassan]

أهم حاجة يا جماعة إننا نجهد كل محاولة للعبث بأمن مصر والنيل من قضائها أو جيشها أو الرجوع بها للوراء أو السير بها نحو المجهول وعدم الشرعية

صحيح كلامكم محترم بس درء المفسدة مقدم على جلب المصلحة بارك الله فيكم

[masraweya]

مبادرة جميلة.. نضيف عليها

مهم فعلا زي ما قال tarek hassan

منبقاش سلبيين.. نوعي اللي حوالينا

مبادرة "أمير مجروح" .. لمواجهة استغلال التجار و الجزارين

rewsha الشباب يحموا مناطقهم و ينضفوا حواليهم

-بس بلاش حكاية حرق الزبالة-

لو هنسافر اجازة.. نقضيها في اي مكان في مصر.. عايزين نزود السياحة الداخلية

يا ريت لو ينفع نتشارك في عربياتنا.. كل مجموعة طريقها واحد او قريب من بعضه يتفقوا كل يوم يستخدموا عربية واحد منهم

يا ريت نوفر فلوس الدروس الخصوصية

-و ان كان الوقت متاخر على الدعوة دي .. بس ملحوقة السنة الجاية

أفكار كمان

مستنيين

[ابو محمود]

الله ينور عليك يا رؤوف يا أخويا دة الكلام الصح ياريت كل واحد فينا يقوم بطبع البيان وتوزيعة

تحيا مصر .. وعاشت مصر لكل ابناءها

[raouf]

شكرا ليكم كلكم ولردودكم واقتراحتكم المشجعة

يالله شدوا الهمة معايا نوزع البيان على اهلنا وجيرانا

واللى يقدر يطبعه يبقى فى ميزان جسناته