خبر هاااااااااام لكل من لديه قطعة أرض قرعة في اكتوبر

[ramy basha]

تم إستثناء مدينة 6أكتوبر وزايد والقاهرة الجديدة من طرح الآراضي ، وهذا ليس له سوي معني واحد فقط ان الاسعار هترتفع في المدن دي بالتحديد واللي معاه ارض نصيحة يحافظ عليها ومايفرطش فيها لان اللي جاي بيقول ان المدن دي قفلت علي كده وخصوصا ان الراجل بيتكلم عن فترة 3 سنوات قادمه يعني الاراضي هتكون اتسلمت واتبنت والاسعار اتغيرت تماماوبعدين كلنا لاحظنا ان الفترة اللي فاتت دي كان التجار بيلموا اراضي اكتوبر بهدوء وبيحاولوا يوقعوا اسعارها علشان يلموا اكبر قدر ممكن من القطع لأنهم عارفين ان اكتوبر من المدن اللي تم إستثنائها من طرح الاراضي وبالتالي اسعارها هاتعلي وخصوصا ان فيها مناطق كتير علي وش تسليم وكمان الموضوع جاي مع بداية الصيف وشراء العقارات بينشط فيه وعلي فكرة اللي متابع كان الموضوع واضح جدا تلاقي اراضي بإعلانات وهمية بأسعار اقل 10 او 15 الف علشان تاخد السوق لتحت شوية بشوية لحد مايلموا اكبر قدر ممكن قبل مايصدر القرار ويتعرف ولما تيجي تتصل كمشتري عادي تلاقي الرد ان البائع طالب ازيد او الاصيل مش هايبيع او انك هاتشيل العملة كاملة ويكون مبالغ فيها طبعا او اي سبب والموضوع ده اتكرر بشكل ملفت ،

لكن الجانب الجيد في الموضوع انه هايتم طرح اراضي بدون قرعة او تخصيص

...... ودي وجهة نظري وأرجوا اللي عنده أي وجهة نظر يقولها ونفيد بعض فياريت الآقي مشاركات

وده رابط الموضوع

http://www.almasry-a...27&IssueID=2139

[ramy basha]

توصيل المرافق إلي 2000 قطعة أرض بأكتوبر

كتبت – مايسة السلكاوي :

إنتهت هيئة المجتمعات العمرانية الجديدة من توصيل المرافق إلي نحو 2000 قطعة أرض من أرآضي القرعة والتي كان قد تم حجزها منذ عام 2007م ، بمدينة 6 أكتوبر . وأرجع المهندس محمد نبيه رئيس جهاز مدينة 6 أكتوبر أسباب تأخر تسليم الأراضي لعدم إستكمال تنفيذ أعمال المرافق لها والتي يصل إجماليها إلي 4 الآف قطعة .

* نشر الخبر اليوم الجمعة 20/5/2011م في جريدة الأهرام صفحة الدولة .

مبروووووووووووك لملاك اراضي قرعة الشماليات وجميع المشترين فيها

[EgyFan]

انا مش عارف فين الشفافيه... يعنى ليه الجهاز ميكتبش على موقعه ارقام الأراضى زميعاد التسليم ولا هيعملها مفاجأه؟ هههههه حاجه غريبه جدا. ياجماعه دى اراضى بمئات الألوف ولسه مطلوب تتبنى بمئات الألوف برضه وفجأه هيسلموا الناس بدون اخطار مسبق ويبدأوا العد التنازلى للثلاث سنين!!!!!!!!!!!!!!!!!!!!!!

[ام طارق]

صباح الخير

عندى استفسار هل الاراضى اللى هتتسلم دى شامله المنطقه (أ) طريق الفيوم ولو لا حد عنده فكره عن معاد تسلمها

[ramy basha]

والله يا جماعة انا سألت الجهاز مرتين مرة رد عليا موظف قالي التسليم في شهر 6 إن شاء الله والمرة التانية رد عليا موظف غيره قالي التسليم علي أواخر السنة فقلتله يعني علي شهر كام تقريبا قالي شهر 12 ،،، طيب بالله عليكم أصدق مين وخصوصا إني مقيم خارج مصر ومافيش وسيلة تانية نتأكد بيها غير التليفون وبعدين لما هما هايأخروا التسليم كام شهر ليه بيعلنوا انهم خلصوا المرافق بجد ناس متعبة وانا مش فاهم ليه مافيش وضوح انا سألت واحد صاحبي مقيم في اكتوبر قالي انا شوفت الاراضي متقسمة مترفقة وجاهزة ، وبعدين كلنا قرينا الخبر المنشور علي الاهرام بخصوص الانتهاء من الترفيق يبقي اللي مش قادر افهمة ليه مفيش اعلان واضح علي الموقع العقيم لهيئة المجتمعات االعمرانية يوضح مواعيد التسليم علشان الناس تبقي علي نور ونرتاح ولا هو النظام راح وسابلنا الغباء والتخلف والبيروقراطية زي ماهما والمشكلة اللي ماحدش قادر يفهمها في مصر هو ان المغتربين المصريين هما تقريبا الفئة الوحيدة الجادة وناوية تبني وتعمر الاراضي دي لكن لا حياة لمن تنادي من المسؤلين .