هو مبارك لسة فى الحكم و لا مشى ؟؟؟؟؟

[ذهبية]

بجد سؤال كل يوم باسالة لنفسى و انا باتابع الاخبار سواء على النت او فى شريط الاخبار

هو اية مبارك دة مكتوب علينا اصبح و اتمسى بية و باخبارة

لما كان فى الحكم اهو رئيس جمهورية شئنا ام ابينا

حاجة كدة زى حباية الدوا هتاخدها هتاخدها مهما كان طعمها مر

طيب لية الان بقى اخبارة لحظة بلحظة كانة لسة يهمنا او لسة فى الحكم

لا مرة زعلان مرة عندى اكتئاب ابسطوة لا مرة قلبة بيوجعة علاجوة

هو اية دة استهبال و لااية بالضبط لية بيفكرونا بية كل لحظة

هو كل خير عن مصر لازم يلصق فية خبر عن مبارك

خبر النهاردة انة زعلان علشان الشعب مش عايز يعفو عنة

و من يومين مراتة بتتصل بية و تقولة عقابلك ياريس ومن تلات ايام بيبكى و هو بيكلم ولادةةة

انا مالىىىى انا ؟؟؟ شرب اكل لبس كلم تعبان مش تعبان انا مالى

بصراحة مش عايزة اسمع عنة اى خبر غير انة ى فالسجن و اتحاكم

فقط لا غير

ياترى انتم رايكم ايةةةة

احساسكم اية و انتم كل يوم الصبح و باليل تسمعوا اخبارة كانهم بيعرفونا انة مش مشى لا موجود زى الاول

[ssmaly]

انا حاسس ان مبارك بيحكم مصر وكل التصرفات الى بتحصل كأنه لسه موجود

الأعلام لسه بنفس الطريقة وسامى الشريف مثل صفوت الشريف

الجامعات لسه بنفس رؤساء الجامعات وفصلوا 9 طلاب فصل نهائى

الفتن الطائفية زى ماهية ولاحل ولا حساب لاى أحد

امن الدولة لسه موجودين ويتحكموا فى كثير من الأحداث

المحافظين الجدد لو مبارك موجود ماكانش حيعرف يجيب اسوأ منهم

لسه الامن فقط امن لرجال السلطة فقط وليس المواطنين

ولسه معظم قيادات الداخلية المتورطين فى جرائم قتل وتعذيب وجرائم مالية فبل وبعد الثورة

الى بيحصل لمحاسبات لمبارك وعائلته ورجال وخروجهم واحد وراء واحد ممكن يكون مبارك قاعد فى المستشفى ال5 نجوم وعامل زى الماسترو يطلع ده فى الوقت المناسب