جمال مبارك يقترب من .... الكرسي !

[haivi]

إمتناني العظيم لسرعة ردك على عضواً جديداً قد ذاق الأمرين من التعسف والديكتاتوريه والجهل المعتم كسائر المصريين

أشكرك جداً على ردك

ولم أقصد برأيي أنني أعتمد وأقبل التوريث .

ولكن هل لك أن تفيدني كيف لا ؟

ونحن لا رأياً لنا ولا صوت مسموع ؟

أريد أخي الكريم مثلك بل أكثر أضعاف الأضعاف من المرات أن يقوم الصوت المصري حراً يختار على أوراق الإنتخابات بجرة قلمه ومحض إرادته , ولكن كيف والمرشحين واحداً أحداً وكأنه رب المصريين وإلههم الأوحد !!

سئمت مثلك الإنتظار لفتح الترشيحات لرئاسه الجمهوريه بصوت البالغين والراشدين والكاهلين والسيدات

وهذا الحلم لن يتحقق مادمنا نضع يدينا على وجنتنا صامتين راضين بما قسم الله لنا من حكام !!

كما قام عبد الناصر وكل أصدقائه الثوريين بطرد الملك وقلب نظام الحكم

يجب أن يأتي عبد الناصر وجماعته في أيامنا هذه وقف أمام رئاسه الجمهوريه (مملكه الجمهوريه) ويبدأ في محو الماضي بما كل ما يحمل من جهل وتواكل ...

آديك حتقول عليا متفائل زياده عن اللزوم دلوقتي ههههههههههه

ربنا يرحمنا ويحمينا من كل ديكتاتور رابطنا في ساقيه وبياكل أكلنا وبينام ويشخر وإحنا بنسهر الليالي نلالي ونقول ...

أهي أيام وتعدي ...الله يجحمه زي ما نشفها علينا !!

وكثيراً من الضعف الحسي والنفسي والفيزي

ويسترها ربنا

متقول آمين !!

تحياتي mfb:

[haivi]

DARWEEN

شكرأ لردك المعقول وتحياتي العاطره إليك mfb:

وورد في ردي الأول مفهوم ما قصدت

مع جزيل الشكر

[Blue_Lagoon]

انا مش فاهمة هو فيه ايه؟

الراجل قال مفيش توريث للحكم يبقى مفيش توريث للحكم

لكن احنا ح نلاقى ان الراجل ضحى بعمره و حياته الخاصة و رفض انه يتجوزعلشان محدش ينافسنا فى محبتنا فى قلبه و ضحى بكل حاجة من وقت ولا جهد و لا صحة علشانا احنا نكون سعدا و متهنيين طول ما بابا و اخونا موجودين

وبعدين لما بابا يسيبنا ح نطلع نعييط و نعيط و نقوله متسيبناش انت كمان يا اخونا الكبير

فقوم ايه هو يرفض

قوم ايه احنا نصمم

قوم ايه هو يتنازل و يقبل

وكدا يا حلوين يكون الكلام صحيح و مفيش توريث للحكم

و عجبى

[haivi]

قوم إيه يا بلولاجون قوم إيه !!

قوم بقى الحساد يحسدونا على ديموبتاعتنا

تعرفي يعني إيه ديمو ؟

دي حاجه كده مش حتلاقيها إلا ف الزمخشري

العالم كله بيتكلم عنها وأمريكا نازله شد ودان العرب عشان يطبقوها

ديمو يا شيخه ديمو

ربنا يديمو

آل ديمو قراطيه آل

[Blue_Lagoon]

لا يا هايفى

مش صح

دا احنا عندنا ديمو مش موجودة فى اى مكان فى العالم

طيب شوف امريكا فيها كام رئيس سابق عايشين

وكل رئيس بيتكلف حراسة و معاش و خلافه كام

واحنا هنا بسبب الديمو بتاعتنا بنوفر مصاريف اد ايه

يبقى احنا عندنا احسن ديمو فى الدنيا

وسلم لى على امريكا

[maksoof]

كما قام عبد الناصر وكل أصدقائه الثوريين بطرد الملك وقلب نظام الحكم

يجب أن يأتي عبد الناصر وجماعته في أيامنا هذه وقف أمام رئاسه الجمهوريه (مملكه الجمهوريه) ويبدأ في محو الماضي بما كل ما يحمل من جهل وتواكل ...

يا سيدنا العزيز

عبد الناصر هو اللى إخترع نظام الإستفتاء على شخص واحد يرشحه المجلس الموقر فلو جه عبد الناصر تانى إيه اللى تتوقعه منه؟

و من العجب إن فيه حاجة إسمها الحزب الناصرى بيطالبوا بانتخابات حرة mfb: يعنى لما هما مش عاجبهم نظام الإستفتاء بيسموا نفسهم ناصريين ليه؟

اللهم إلا إذا كانوا عايزين إسرائيل تاخد سيناء مرة تانية فده كمان كان من إنجازاته و إداهلهم مرتين!

آسف لو كنت خرجت عن الموضوع و لكن الغرض هو تذكرة من نسى عن من هو سبب البلاوى الحقيقى.

[haivi]

مقصدي يا سيد مكسوف ومن غير كسوف هو الإنقلاب وإعلاء الصوت بدل ما إحنأ عمالين ناكل ف نفسنا ونقول بصوت واطي وغير مسموع

تسقط كل جكومه هابطه ورجعيه وموديه شعبها للحضيض الأذلي !

وليس حباً في ناصرية الثوره ومن كان (يجعجع )

بالظافر والقاهر (الماكيتين من الكرتون )

والذي قال أيضاً : سأحارب إسرائيل ومن وراء إسرائيل

شكراً يا مكسوف على سرد الرد الواقعي ويا كسوفي mfb:

[ragab2]

فى

البلاد الديموقراطية

يستميت الرئيس ويعمل ألاعيب شيحة لاعادة انتخابه

ومع ذلك يرسب فى كثير من الأحيان

ولكن

فى البلاد المتخلفة بمجرد اشارة أو إيماءة من الحاكم

تسخر جميع أجهزة ومؤسسات الدولة لاعادة ترشيحه

وترشيح من يختاره

وانجاحه فى استفتاءات مزورة بنتيجة 99. 99 %

وغصبا عن الشعب

وافق أم لم يوافق

هذا هو الفرق

[تصحيح]

الاخوة الافاضل

الحرية ( و منها الحرية السياسية ) تؤخذ .. تنتزع .. و لا توهب

مقارنة مصر مع مجتمعات اخري في غير محلها

تلك الشعوب الحرة أخذت حريتها بالكفاح خلال مئات السنين .. بدءا من حرية المرور ( دفع ثمنها التجار ) أ و حرية العمل للخلاص من سيطرة الاقطاعي الذي كان يملك الاض و ما عليها من حيوانات و بشر.. و أخيرا الحرية السياسية ..

هل حاول أو يحاول أو حتي يفكر الشعب المصري في نيل حريته ؟

نحن شعب يجيد الكلام فقط .. شعب كلامنجي .. غير قادر .. غير مستعد .. أن يدفع ثمن حريته ..

لهم الحق أن يفعلوا ( الملاك ) ما يشاءون ..

القطيع يأكل و يتناسل .. من حق مالك القطيع أن يبع و يشتري وقتما شاء

.... المقارنة ظالمة ...

[kotoz9]

أحتجّ على مقطع ( راكن الفيل )

قصدك إيه يا صديقي العزيز ب ( راكن الفيل )

قصدك الهنادوة ( أقصد الهنود ولكن بالعامية )

مش كده يا عزيزي ......

لأ بقى

ده شعبنا العزيز الصبور المهاود ، طلع ألعن من راكبي الأفيال وراكنيها ( إذا صح التعبير )

عارف ليه ؟؟؟؟!!!1

عشان على الأقل بنسمع عندهم عن انتخابات بين أكتر من مرشح ، مع حدوث تداول دائم للسلطة ، حتى ولو خرجت عن عائلة (غاندي ) قائد ثورة الهند السلمية في وجه الغزاة الانجليز....

يعني ( الهنادوة - راكبي الأفيال  ) معندهمش عواطف وتربيطات ولا يامّا ارحميني ، إذا كان الموضوع خاص بسياسة ومستقبل الدولة.....

اللي عايز أقوله ، ان احنا قربنا نبقى مضرب المثل في التخلف والسذاجة وسط الشعوب ، بدليل اننا غلبنا الهنود في بلاوي كتيرة

جايز كلامي ده يزعل ناس من القراء

وانا عايز أقول للي هايزعلوا من كلامي

ان كلامي مش شماتة وسخرية وخلاص ، ده مرارة فوق الوصف مع عجز تام عن ايجاد سبيل لتغيير أوضاع بلدنا المايلة

في النهاية تقبل مني يا عزيزي kotoz احترامي واعتذاري عن احتجاجي هذا

تحياتي وتقديري ...................

للاسف كلامك صحيح بعد ان كانت الهند مثار سخريتنا لجهل شعبها اصبحت الان اكثر تقدما منا ومين عارف يمكن بعد الفترة الخمسة للرئيس مبارك مين حيسبقنا كمان؟يمكن كنيا ولا ملاوى

انا متفق تماما مع تصحيح ان الحصول على الديموقراطية يستلزم التضحية مش الكلام.....لكن ممكن تقول ازاى

مين اصلا فى هذا الشعب المغيب يهتم بالموضوع وكل واحد بيقول انا مالى.....ازاى ؟