ولاد الذينَ ... علموني تربية أسماك الزينة

[جويرية]

عندي سؤال اتمني لو تكرمتم و تجاوبوني عليه

انا رحت مطعمين سمك و بيبقي فيهم احواض لسمك الزينة ، بس السمك كان شكله زعلان جدا و حزين و حاسة ان شوية و حيعيطوا ، انا زعلت عليهم جدا و خدت ترابيزة جنبهم و شوية و كنت حعيط معاهم

وخدت بالي ان السمك بيفتح بقه جامد كأنه بيتاوب

انا شفت ده في مطعم و بعدين لما لقيت الكلام ده اتكرر برضو في المطعم التاني ، قلت لا مش ممكن اسكت علي كدة و رحت لموظف في المطعم وخدت رقم المهندس الزراعي المسئول عن حوض السمك

مش عارفة السمك زعلان ليه ممكن من الحبسة ، انا برضو ضد حبس الحيوانات ، و يمكن هوه عارف انه في مطعم سمك ، و ان هوه عايش في مذبحة

ارجوكم اللي يعرف معلومة يقولي عشان انقذ الاسماك المسكينة دي

أنواع كتير من السمك بتفتح وتقفل بقها بإستمرار كجزء من عملية التنفس.

السمك مخة ميجبش خالص كل البؤس اللي حضرتك متخيلاه ده. يدوب كل اللي يفهمه أنا في الميه أنا عندي أكل. أي حاجة اعمق من كده تبقى معجزة...بالذات سمك الزينة.

لا هو حاسس بحبسة ولا حاسس بمدبحة ولا أي حاجة مندي خالص يا مدام جويرية.

لا بس انا متأكدة اني شفتهم زعلانين ، يعني شكلهم زي البنأدم لما يكون مكشر ،

يمكن عشان المساحة اللي عايشين فيها صغيرة ، ما هوه برضو البيئة اللي عايشين فيها مش هيا بيئتهم الطبيعية

وهوه السمك بيخاف من الانسان ولا بيحبه ، عشان كل اللي في المطعم بيروحوا يتصوروا جنب السمك ، و يمكن السمك زهقوا من كتر الناس اللي بيتروح تتصور جنبهم

تم تعديل 20 يونيو 2011 بواسطة جويرية