هوم ألون..الجزء الرابع

[لماضة مصرية جدا]

السلام عليكم و رحمة الله و بركاته

هو التوبيك دوت رجالي و لا ايه...(وش اي عيل رخم اوي)

هو منكن اسال سؤال آد النملة

كلكم ما شاء الله اتكلمتم عن "هوم الون" الجزء الشابع عشر

و كتبتوا عن ازمة الكانز بتاعت البيبسي...(شايفاها يا استاذي العطار ع فكرة)...و عن أزمة الاكل...و عن ازمة الغسيل و توضيب البيت....(ايه برنامج لكي يا سيدتي دوت)

بس ليه مافيش اي حد من حضراتكم قال بعلو صوته

انا مفتقد......الصخب اللذيذ

اينعم هو صخب....بس اكيد مفتقدينه

اينعم اوقات كتير ممكن تحن لحياة العزوبية....بس فيه "نكد" لطيف كدهوت لازم تفتقده

ان كان فيه حد مشاركك كل تفاصيل حياتك في الغربة...ابتداء من هناكل ايه النهاردة....و مرورا ب هات الريموت بقي عايزة اشوف المسلسل و نهاية انا عايزة انزل مصر ماما وحشتني

انتو ليه بتكابروا انكم تقولوا لموداماتكم....انكم مفتقدينهم يعني

مفتقدين مساحة الصخب...المشاركة....و حتي لو اعتبرناها مجازا النكد

مفتقدين مساحة الحكاوي....و الرغي....و ان حد يشيل همك....او اوقات كتير حد انت تشيل همه

ممكن بقي كل عازبنجي "بارت تيمر" جه التوبيك هنا هوت ينفضل دلوقتي قدامي حالا و يرفع سماعة التليفون و يقول لشريكة حياته ووليفة غربته

"مفتقدك...يا ماي بارتنر"...(الكلمة ديت معناها يا مهجة قلبي من الاعماق من جوه بس بالعنجليزي)

ربنا يجمعكم يا رب بنصكم الحلو...و نلاقي عنوان التوبيك اتغير من هوم الون

الي جعلوني مجرما

لا قصدي

يبقي بيت العز يا بيتنا....علي بابك عنبتنا....(وش زكي رستم و هو بيغني و ينشز :lol: )

[لماضة مصرية جدا]

علشان اشرب سيجاره (سيجاره...فيها حاجه ديه ..مجرد سيجاره) يبقى لازم ادخل المطبخ واقفل الباب وافتح الشباك واشغل الشفاط

بس اعتقاد من الصعب ان يجتمع الحريه مع الزوجه فى وقت واحد

:lol:

:lol:

:lol:

و هنا تحضرني المقولة بتاعت الفيلسوف الكولامبوري الله يفك حبسه

الزواج تاديب و تهذيب و اصلاح...و احيانا اصلاح بتبقي اصلاااااااااااع :lol: :lol: