بإذن الله اتوقعه أسبوع حافل مفترج مليء بالمفاجأت

[جويرية]

صحيح كأن بيدونا هدايا كل يوم بالأخبار دي ، بالظبط هوه نفس اسلوب مبارك لمما كان بيزلنا بدعم العيش

[م تيمور المراغي]

ولو ,,

[جويرية]

و الفيديو ده لعز برضه شكله هدية صغيرة باعتينهالنا

http://www.youtube.com/watch?feature=player_embedded&v=USkhZpFMHjE

صحيح و اللي ماشي جنبه دي البادي جارد بتاعه و لا ايه اصل مش لابس زي الشرطة

[ام سلمي]

صحيح كأن بيدونا هدايا كل يوم بالأخبار دي ، بالظبط هوه نفس اسلوب مبارك لمما كان بيزلنا بدعم العيش

طب وماله يا جويرية ما ده عز الطلب نضغط عليهم طالما بيستجيبوا ويحققوا لنا طلباتنا ، لحد ما نعمل انتخابات علي اخر السنة ويجي رئيس وبرلمان جداد ، مش نقول نفد رصيدكم وعايزين مجلس رئاسي

[se_ Elsyed]

عيببببببببببببب

لا سحر ولا شعوذه

خلاص يا ضنايا فات الكتير ما بقى الا القليل على ثورة الغضب

فطلع لنا من التلاجه كام تُهمه للهوامير عشان نثبت الخلايق

هي تهم حقيقية على فكرة ... بس الناس لو كانت سكتت كانت هاتمشي بلدي وحبي كده وحاجه عائلية على الضيق ونقوم نبوس راس بعض وخلاص

عشان كده بابا نويل العسكري زق وزير العدل والنائب العام أمبارح وعملوا إجتماع مغلق عشان يطلعوا الحاجات الحلوه اللي فوق القفص دي من المخزن ويرضونا لحد يوم الجمعة

واهو

عندك واحد تهمة جديد للإختين الحلوين من دقائق

لنيابة العامة تواجه علاء وجمال مبارك بأدلة اتهام جديدة

الإثنين، 23 مايو 2011 -

------------------------

وأتوقع الزغلول الكبير هايبقى يوم الخميس بالليل بعد العشا .. عشان الدنيا تتقلب لما يتم تحويل مبارك للجنايات بتهمة قتل المتظاهرين ..

ساعتها الناس هاتهمد وبدل ما تطلع تثور على المجلس يوم الجمعة .. لأ .. هايطلعوا يرقصوا من الفرح ويحبوا على راس أبويا الحج طنطاوي ويقولوا له " حجك عليه يابا وأني غلطان من ساسي لراسي وخليك جاعد في الحكم منور الكرسي " ...

على فكرة

لو تم إعلان مبارك بالتهمة دي .. وواحد طسها في وشه من غير تزويق .. اعتقد إنه ممكن يروح فيها

[se_ Elsyed]

قشطه جداً

قبل استئناف الحكم

إحالة مبارك إلي غرفة المشورة

نشر بتاريخ 2011-05-24 الساعة 11:47

القاهرة - الرسالة نت

قالت صحف مصرية أن مدة الحبس الاحتياطي للرئيس المصري المخلوع حسني مبارك تنتهي يوم الجمعة المقبل, وهو الأمر الذي يلزم معه قانونا عرض مبارك علي غرفة المشورة خلال يومين, وسيكون ذلك أمام دائرة محكمة شرم الشيخ.

وعلي جانب آخر, كشف مصدر رقابي عن أن الرئيس السابق كان قد أصدر أوامره لأحد محافظي مطروح السابقين بتخصيص خمسة ملايين متر مربع علي شواطئ الساحل الشمالي, وفي أرقي المواقع بأسعار رمزية لعائلة محمود الجمال والد خديجة زوجة جمال مبارك, وذلك لإقامة مشروعات سياحية عليها.

وقال المصدر :"إن الجهات الرقابية امتنعت عن كتابة التقارير ورفعها إلي الرئيس السابق فور علمهم بأن البيع جري بأمر منه, بعد أن تقدمت خديجة الجمال زوجة جمال مبارك إليه بهذا الطلب, فوافق علي الفور وأصدر أوامره إلي كل الجهات بالتنفيذ.

وأضاف أن جمال مبارك أصدر أوامر بيع البنك المصري ـ الأمريكي الذي كان مملوكا لبنك الإسكندرية بنسبة15%, وأهداه لعائلتي منصور والمغربي, وتم بيعه بمليار جنيه مصري بعد نقل الديون الرديئة إلي محفظة بنك الاستثمار القومي.