تحذير لأهالي الرياض..انتظروني عفريتا أسفلتيا جديدا

[Alattar]

أيها المحاوراتيون الكرام..لقد قررت بهذه المناسبة السعيدة..تغيير صورتي الرمزية لتعبر عن وضعي الحالي

النهاردة ولله الحمد..و بعد معاناة أكثر من شهر في مدرسة دلة و المرور..طلعت رخصة السواقة..بطلوع الروح

دخلت الأول المدرسة..و قعدت فيها تلات أسابيع..و بعدين اتحددلي ميعاد الاختبار يوم الأحد اللي فات ده

و رحت الامتحان..و امتحنت إشارات علي الكمبيوتر و نجحت الحمد لله..وجيت لإمتحان السواقة..ركبت العربية..و جنبي عسكري المرور

و حصللي ما يشبه فقدان الذاكرة..نسيت كل حاجة اتعلمتها في حياتي

ولا ربطت الحزام..ولا عدلت الكرسي..و كنت لازق الدركسيون..الأخ اللي كان سايق قبلي كان رفيع شوية..و كان مطلع الكرسي لقدام أوي..و رغم كده ولا جه علي بالي أساسا اني أعدل الكرسي..طبعا بالاضافة الي بعض الكوارث الأخري..زي مثلا ان العربية فصلت مني ييجي تلات مرات..و دي طبعا كارثة..و كويس ان الراجل ما شمتمنيش..

!!مهم..حددولي معاد للإعادة النهاردة..رحت..و أنا حاسس ان بيني و بين الحزام ده تار بايت..إزاي نسيته المرة اللي فاتت

دخلت العربية جنب عسكري تاني غير بتاع المرة اللي فاتت..و عدلت الكرسي..و طلعت..و هو يقوللي..يمين..اعمل يوتيرن..و كمان يو تيرن..و كمان يوترين..و في وسط ما أنا سايق افتكرت..اني ما ربط الحزام تاني

طبعا كان هيجرالي حاجة و أنا سايق..وقلت أنا شكلي ساقط ساقط لا محالة..

!!!!ي زاد الطين بله..لقيت العسكري بيقوللي..انت لازم تتعلم بره تاني..و لازم تعيد الاختبار ده تاني

قلتله ليه ايه اللي حصل مني غلط؟؟..قاللي ركز في السواقة و ما تكلمنيش..قلتله هو ايه اللي ما أكلمكش..مانا جبت آخري بأه..قاللي قلتلك ركز في الطريق..و ما تسألنيش علي أي حاجة

وفي الآخر خلاني أدخل المدرسة و أركن جوه..لأني كنت آخر واحد سقت..

و بعد شوية..لقيتهم بيندهوا اسمي مع الناجحين و بيدولي الملف بتاعي..

مش عارف هو الراجل كان بيهزر..ولا كان بيشوفني هسيب الطرق و هكلمه..و ايه بالظبط؟؟

بس المهم..انه و لله الحمد و المنة..نجحني في الآخر..و ان شاء الله انتظروني عفريتا أسفلتيا جديدا

و اللي عنده عيال بأه بيلعبوا في الشارع و التراب و كدهون..يلمهم بأه..عشان جالهم اللي ما بيرحمش

[مروان]

الف مبروك

من التجارب التي لاتنسى في حياتنا تجربة الرخصة

فكرتني بنفسي لما نسيت انزل فرامل اليد

وقعدت اديها بنزين والعربية تكركر وتزعق وتعترض بس على مين يابا

دعست بنزين لما العسكري قالي انزل

وفي المرة التانية مصدقتش نفسي لما العربية طلعت وجبت التني واخدت يمين واديت اشارة ووقفت بهدوووووووووووء رغم انه نادرا ما يحدث

الف مبروك مرة ثانية وعبال المصرية

[aimen]

:partytime:

'طيب بالمناسبة الفظيعه دى ما تعملنا باربيكيو كده

وحاجات من بتاعه الحفلات دى

الف مبروك وعقبال ما تشترى الدبابة

[Howayda Ismail]

مبروك يااستاذ مصطفى

ده وش عبد الرحمن عليك ( حضر له هدية بقى بس مامته الاول بلاش كروتة ههههه )

ثانيا قدم السبت خلى العيال تلعب براحتها عشان عبده بعد كده حجريك وراه فى الشارع

[se_ Elsyed]

الف الف مبروك يا عطار ... ياااااااااه فرحت لك قوي والله

وبمناسبة نزولك أرض المعركة إسمح لي أهديك كام لوحة سروالية .. رسمتهم عالسريع للتعبير عن الحالة

- التوحفه الأولانية سميتها " الهروب م المجهول على شط الترعة وأنا مالي ياما "

- اللوحة التانية .. سميتها " هاربه على جسر الخشب "

ودي بتعبر عن واحده سمعت الخبر وقررت تهرب وتزقل نفسها في الترعة برضوا

تخيل إنها كانت عروسه في ليلة زفافها ؟

- اللوحة التالتة دي مش لوحه . لكنها فيلم .. وكان إسمه " الهروب من العطار "

وبيحكي عن أهل قرية كانوا يعيشون في وئام وسلام ووحده وطنية الهلا حاضن الصليب .. والكبير بيشفط الصغير والضعيف بيستهبل على القوي ... ولم يشق صفهم ويكسر عصا تجمعهم إلا يوم إنتشار خبر صباح يوم ... أبيض ... قال فيه الداعي : ياهل البلد .. ياهل البلد ... أبويا العطار خد رخصة سواقة الحلزونة ... إهربوا بجدلكوا يابلد ما فيهاش راجل "

وبالفعل .. هجر أهل القرية قريتهم .. والفلاحين مزارعهم .. والعجائز عجائزهم وكدهوت وبقى العطار يمشي ويمرح بكرولته البيضاء في القرية بمفردة

------

وكان مشهد النهاية بأن تم إلقاء القبض على العطار . والزج به في سجن الحائر لقضاء عقوبة " بيسوق فيها "

[Alattar]

الف مبروك

من التجارب التي لاتنسى في حياتنا تجربة الرخصة

فكرتني بنفسي لما نسيت انزل فرامل اليد

وقعدت اديها بنزين والعربية تكركر وتزعق وتعترض بس على مين يابا

دعست بنزين لما العسكري قالي انزل

وفي المرة التانية مصدقتش نفسي لما العربية طلعت وجبت التني واخدت يمين واديت اشارة ووقفت بهدوووووووووووء رغم انه نادرا ما يحدث

الف مبروك مرة ثانية وعبال المصرية

يادس فرامل اليد..دي حصلتلي في عربية واحد صاحبي..

الله يبارك فيك يا فندم..و ان شاء الله الرخصة المصرية دي لما أنزل بأه ان شاء الله

[Alattar]

:partytime:

'طيب بالمناسبة الفظيعه دى ما تعملنا باربيكيو كده

وحاجات من بتاعه الحفلات دى

الف مبروك وعقبال ما تشترى الدبابة

عم أيمن..حمد الله علي سلامتك يا عم..انت كنت مختفي فين؟

الله يبارك فيك..و ان شاء الله الباربيكيو علي أخونا سين سين..هو اللي اكتشفني..وعلمني يعني ايه باربيكيو

[Alattar]

مبروك يااستاذ مصطفى

ده وش عبد الرحمن عليك ( حضر له هدية بقى بس مامته الاول بلاش كروتة ههههه )

ثانيا قدم السبت خلى العيال تلعب براحتها عشان عبده بعد كده حجريك وراه فى الشارع

الله يبارك فيكي يا مدام هند..و طبعا ده وش عبد الرحمن..مع اني لسه ما شفتوش

وبالنسبة للهدية..أجيب بس العربية ان شاء الله..و ما أعتقدش اني هيبقي معايا فلوس آكل حتي..مش أجيب هدايا كمان

بالنسة للعيال..أنا ما قلتش ما حدش يلعب..بس ياخدوا بالهم يعني..يعني يلعبوا مثلا لما يعرفوا اني نايم..أو مش خارج النهاردة..لكن غير كده..أنا مش مسئول

[Alattar]

الف الف مبروك يا عطار ... ياااااااااه فرحت لك قوي والله

وبمناسبة نزولك أرض المعركة إسمح لي أهديك كام لوحة سروالية .. رسمتهم عالسريع للتعبير عن الحالة

- التوحفه الأولانية سميتها " الهروب م المجهول على شط الترعة وأنا مالي ياما "

- اللوحة التانية .. سميتها " هاربه على جسر الخشب "

ودي بتعبر عن واحده سمعت الخبر وقررت تهرب وتزقل نفسها في الترعة برضوا

تخيل إنها كانت عروسه في ليلة زفافها ؟

- اللوحة التالتة دي مش لوحه . لكنها فيلم .. وكان إسمه " الهروب من العطار "

وبيحكي عن أهل قرية كانوا يعيشون في وئام وسلام ووحده وطنية الهلا حاضن الصليب .. والكبير بيشفط الصغير والضعيف بيستهبل على القوي ... ولم يشق صفهم ويكسر عصا تجمعهم إلا يوم إنتشار خبر صباح يوم ... أبيض ... قال فيه الداعي : ياهل البلد .. ياهل البلد ... أبويا العطار خد رخصة سواقة الحلزونة ... إهربوا بجدلكوا يابلد ما فيهاش راجل "

وبالفعل .. هجر أهل القرية قريتهم .. والفلاحين مزارعهم .. والعجائز عجائزهم وكدهوت وبقى العطار يمشي ويمرح بكرولته البيضاء في القرية بمفردة

------

وكان مشهد النهاية بأن تم إلقاء القبض على العطار . والزج به في سجن الحائر لقضاء عقوبة " بيسوق فيها "

الله يبارك فيك يا عمو سين..لأ..ما هو واضح أوي انك فرحتلي..

ايه السمعة دي..و من قبل ما نسوق كمان؟؟..طب خليني بس أجرب شوية..و بعدين نجرب

فكرتني بكفيلي الأولاني في القصيم..لما كنت لسه شغال هناك و كان يه واحد معانا بيعلمني السواقة..و كنت ضايع..كان بيعملني في ميدان واسع كده ورا الشركة

كفيلي لما عرف اني بتعلم هناك..سماه...ميدان الشهداء..و خلاص ثبتنا الاسم و ما بقيناش نقول عليه غير كده

و علي فكره..الناس اللي فوق دي أنا ولا أعرف عنهم حاجة..لأني لسه ما جبتش عربية أساسا..شوف انت بأه مين اللي معاه رخصة بقاله ييجي خمستاشر سنة هنا..وكان لسه بيجددها من كام شهر

ماأعرفش غيرك انت و أيمن..و الباشمهندس عصام أبو الفتح..انتوا اللي معاكوا رخص من زمان..أنا لسه هبدأ ان شاء الله

بالنسبة للعروسة اللي بتهرب دي..مش عارف لسه شكلها مش غريب عليا..تقريبا دي كانت طالعة من الكوافير و أنا بسوق في بنها..و مش عارف ليه لقيتها مرة واحدة بتجري مني..مع اني ما عملتلهاش حاجة

[لماضة مصرية جدا]

السلام عليكم و رحمة الله و بركاته

هو انا شفت الصورة بتاعت الست رمزية في توبيك البنزينة و قولت ايه ده استاذ العطار راح الملاهي او ناوي و لا ايه

و بدل ما اسيب نفسي لكل الافكار المدمرة ديت

ركبت اول توك توك و جيت عشان ابراك و اهني و ازغرط و اعمل شوية حاجات فوق بعضيها

و طبعا طبعا لازم اسال

هو فين البوفيه

ع هامش الوليمة الافتراضية ديت

طب اللي بيسوق من غير رخصة هتديله ايه؟؟؟؟

[mustafagamiel]

طيب ماينفعش تقول لنا خط سيرك فين وبتطلع امتى وبتختفي اصدي بتروح امتى يادرش

علشان بسي نكون عندنا Reaction الطبيعي لما نكون مشين فيه

ونكون ديما لسانا رطب بذكر الله

وياريت لون السيارة وبقيت الليلة

علشان بسي اكون مستعد

مبارك يادرش

[Alattar]

السلام عليكم و رحمة الله و بركاته

هو انا شفت الصورة بتاعت الست رمزية في توبيك البنزينة و قولت ايه ده استاذ العطار راح الملاهي او ناوي و لا ايه

و بدل ما اسيب نفسي لكل الافكار المدمرة ديت

ركبت اول توك توك و جيت عشان ابراك و اهني و ازغرط و اعمل شوية حاجات فوق بعضيها

و طبعا طبعا لازم اسال

هو فين البوفيه

ع هامش الوليمة الافتراضية ديت

طب اللي بيسوق من غير رخصة هتديله ايه؟؟؟؟

بالنوسبة لموضوع البوفيه...فإن شاء الله كلكوا معزومين عندي..بس لما أقف علي رجلي ..و أشد حيلي شوية ان شاء الله

بالنسبة للي بيسوق من غير رخصة..فده أنا مش هديله حاجة..لكن لو وقف في لجنة..هما ان شاء الله اللي هيدولوا...

اوعي تفكري انك تطلعي رخصة عندكوا في الامارات..أحسن أنا سمعت تقريبا ان فيه ناس والله أعلم بتقعد في المدرسة ييجي ست شهور..و ما بتطلعش في الرخصة كمان

أنا مش عارف ايه ده؟؟..ده انا لو كنت في الامارات بأه علي كده..ما كنتش هفكر حتي اني أركب ليموزين..مش أطلع رخصة كمان

[Alattar]

طيب ماينفعش تقول لنا خط سيرك فين وبتطلع امتى وبتختفي اصدي بتروح امتى يادرش

علشان بسي نكون عندنا Reaction الطبيعي لما نكون مشين فيه

ونكون ديما لسانا رطب بذكر الله

وياريت لون السيارة وبقيت الليلة

علشان بسي اكون مستعد

مبارك يادرش

شفت بأه يا عم مصطفي فايدة وجودة أمثالي..و سواقتهم للعربيات؟؟

أولا..زي ما نت قلت..تجعل لسانك دائما رطب لا يتوقف عن ذكر الله..و نطق الشهادتين..

ثانيا..التخلص من الكثافة السكانية..

و ممكن انت تتوقع الباقي بأه..

الله يبارك فيك يا عم مصطفي..وان شاء الله جدول أعمالي هنزله في النشرة الجوية..عشان ما حدش يقول ما كنتش أعرف

زي ما بيقولوا فيه رعد و برق و أمطار و رياح ما حدش يخرج من البيت..هحاول اني أخليهم يحطوا بند جديد خاص بيا

[لماضة مصرية جدا]

السلام عليكم و رحمة الله و بركاته

هو انا شفت الصورة بتاعت الست رمزية في توبيك البنزينة و قولت ايه ده استاذ العطار راح الملاهي او ناوي و لا ايه

و بدل ما اسيب نفسي لكل الافكار المدمرة ديت

ركبت اول توك توك و جيت عشان ابراك و اهني و ازغرط و اعمل شوية حاجات فوق بعضيها

و طبعا طبعا لازم اسال

هو فين البوفيه

ع هامش الوليمة الافتراضية ديت

طب اللي بيسوق من غير رخصة هتديله ايه؟؟؟؟

بالنوسبة لموضوع البوفيه...فإن شاء الله كلكوا معزومين عندي..بس لما أقف علي رجلي ..و أشد حيلي شوية ان شاء الله

بالنسبة للي بيسوق من غير رخصة..فده أنا مش هديله حاجة..لكن لو وقف في لجنة..هما ان شاء الله اللي هيدولوا...

اوعي تفكري انك تطلعي رخصة عندكوا في الامارات..أحسن أنا سمعت تقريبا ان فيه ناس والله أعلم بتقعد في المدرسة ييجي ست شهور..و ما بتطلعش في الرخصة كمان

أنا مش عارف ايه ده؟؟..ده انا لو كنت في الامارات بأه علي كده..ما كنتش هفكر حتي اني أركب ليموزين..مش أطلع رخصة كمان

يا استاذي العطار

ليموزين ايه بس

و عربيات ايه

و رخصة ايه

يااااااااااااااربي

مافيش حد بيفكر بره الصندوء و علي علي حافة الصندوء :lol:

انا يا فندم و بلافخر

بسوق

و في دولة الامارات الحبيبة...(حد يسمعنا الناااااااااااشيد)

بس بسوق عجل كل يوم جمعة من خمسة لستة...ع الكورنيش

هذا و بالله التوفيق

كان معكم لماضة.....مشروع عجلاتي باذن الله :lol:

[أمل حياتي]

مبروك عزيزي Alattar

احلى شي في الدنيا قيادة السياره

مع اغنيه رومانسيه

[Simba]

مبروك عليك يا عطار

هما دول البنهاوية ولا بلاش

لا حزام ولا دريسكون يهم انا اول مرة في الامتحان طلعت للشرطي فوق الرصيف وتاني مرة بعد ما قالي خلاص اطلع علي البوابة بدل ما اطلع لقدام رجعت لورا

[Alattar]

مبروك عزيزي Alattar

احلى شي في الدنيا قيادة السياره

مع اغنيه رومانسيه

الله يبارك فيكي يافندم..ولو اني ماليش في موضوع الأغاني ده

بس نمشيها أي حاجة..اذاعة الشرق الأوسط حتي

[Alattar]

مبروك عليك يا عطار

هما دول البنهاوية ولا بلاش

لا حزام ولا دريسكون يهم انا اول مرة في الامتحان طلعت للشرطي فوق الرصيف وتاني مرة بعد ما قالي خلاص اطلع علي البوابة بدل ما اطلع لقدام رجعت لورا

الله يبارك فيك يا حوس

شفت البلطجة بتاعتنا؟؟..

بس بصراحة فوق الرصيف دي صعبة أوي..ده كويس انه مسك أعصابه معاك

و تاني مرة دي غريبة شوية..بس الأغرب بأه انك ما قلتش تالت مرة عملت ايه؟؟..ولا انت نجت في المرة اللي رجعت فيها لورا دي؟؟..ههههههههههه

[Om Zayd]

مبروووووك .. الف مبروك

و ... ربنا يستر

:closedeyes:

مكنتش اعرف ان الرخصة في السعودية صعبة

بحسبها في انجلترا بس

[Alattar]

مبروووووك .. الف مبروك

و ... ربنا يستر

:closedeyes:

مكنتش اعرف ان الرخصة في السعودية صعبة

بحسبها في انجلترا بس

الله يبارك فيكي يا أم زيد..وبعدين ايه ربنا يستر دي؟؟

هو مافيش حد عنده ثقة فيا خالص كده؟؟..ايه السمعة السيئة دي..أمال لما نسوق ان شاء الله بجد هنطلع في الجرايد بأه ولا ايه؟

هي الرخصة بصراحة مش صعبة أوي ولا حاجة..علي حسب الممتحن..و المكان..

يعني المدرسة اللي أنا رحتها في منطقة اسمها السلي..مشهورة جدا بأنها من أسهل الأماكن اللي ممكن تطلع منها الرخصة..

بس أسمع عن منطاق تانية زي الطائف و مكة..بيقولوا الموضوع فيها صعب شويةعن هنا

الرياض متهيألي كانت صعية جدا أيام زمان..و دي بأه اللي يفيدك فيها..أخونا سين سين..أو أخونا أسد..أو الباشمهندس عصام أبو الفتح..دول تقريبا اللي موجودين هنا من زمان شوية