تحذير لأهالي الرياض..انتظروني عفريتا أسفلتيا جديدا

[rewsha]

طيب ماينفعش تقول لنا خط سيرك فين وبتطلع امتى وبتختفي اصدي بتروح امتى يادرش

علشان بسي نكون عندنا Reaction الطبيعي لما نكون مشين فيه

ونكون ديما لسانا رطب بذكر الله

وياريت لون السيارة وبقيت الليلة

علشان بسي اكون مستعد

مبارك يادرش

مبارك ...رجع تاني؟؟؟؟؟!!!!!! :blink:

[rewsha]

الف مروك يا استاذ/مصطفى

انا شوفتهم كاتبين كده .

واحتياطي برضه

الف مبروك يااستاذ/عطار

وعقال ماتجيب الهامر .

علشان تسوق وانت مغمض

[Alattar]

الف مروك يا استاذ/مصطفى

انا شوفتهم كاتبين كده .

واحتياطي برضه

الف مبروك يااستاذ/عطار

وعقال ماتجيب الهامر .

علشان تسوق وانت مغمض

الله يبارك فيكي يا أم سما

لأ..هامر ايه دلوقتي..احنا عاوزين حاجة علي قدنا كده..شكلي هبعت أجيب حتة فيات 128 من مصر..فقري فقري يعني

[ozoozo]

عطار خلي بالك

اللعب في المناخير اثناء القياده من اهم اسباب الحوادث

[engmido]

مبارك ...رجع تاني؟؟؟؟؟!!!!!! :blink:

ده مرض وكلنا هنخف منه بس مع الوقت....ههههه

----

الف مبروك يا عطار

[Alattar]

عطار خلي بالك

اللعب في المناخير اثناء القياده من اهم اسباب الحوادث

يا سيدي علي النصايح..مش تقوللي الهاتف المحمول و حزام الأمان و الكلام الفاضي اللي مش جايب همه ده

[Alattar]

مبارك ...رجع تاني؟؟؟؟؟!!!!!! :blink:

ده مرض وكلنا هنخف منه بس مع الوقت....ههههه

----

الف مبروك يا عطار

الله يبارك فيك يا ميدور..و ان شاء الله هحتاجك لما آجي أطلعها من مصر..ابقي ظبطني بأه يا ريس

[AbkaReno]

خلاص كده ضمنا الغدا في الرومانسيه يا استاذنا

والف مبروك وعقبال كل الي مش معاهم رخصه

[Alattar]

خلاص كده ضمنا الغدا في الرومانسيه يا استاذنا

والف مبروك وعقبال كل الي مش معاهم رخصه

يا سلام..ده انتوا تؤمروا..

الله يبارك فيك .. و ان شاء الله كل اللي مش معاهم رخصة..و بيفكروا يطلعوها يحطوا قصة كفاحي قدام عينيهم..و هما ان شاء الله هينجحوا فيها من أول مرة

[Damo]

ألف مبروك

أنا ليا ذكريات كتييييره مع السواقة

بغض النظر عن إني مش بسوق

في الرياض:

مرة كنا أنا ومامتي وأختي مستنيين بابايا في العربية وكنا راكنين صف تاني.

صدف ان صاحب العربية الوحيدة المزنوقة جه

مامتي قررت متسيبش الراجل مستني

راحت هوب نطت على كرسي التاني....ظبطت المراية...وراحت راجعه لورا

وبالمرة استنت الراجل لما فاق و مشي وراحت ركنه مكانه

بابايا جه ومخدش باله إن العربية اتحركت إلا لما فطسنا على روحنا من الضحك وقولناله

مش هرغي كتير ده في مغامرااااات حول العالم

ألف مبروك مرة تانية

تم تعديل 22 مايو 2011 بواسطة Damo

[amgadibrahim]

ألف مبروووووووووك يا أستاذ عطار

وخلي العربية علينا حاجة بسيطة كده تتدرب فيها

ومفيش بين الاخوات حساب

[Alattar]

ألف مبروك

أنا ليا ذكريات كتييييره مع السواقة

بغض النظر عن إني مش بسوق

في الرياض:

مرة كنا أنا ومامتي وأختي مستنيين بابايا في العربية وكنا راكنين صف تاني.

صدف ان صاحب العربية الوحيدة المزنوقة جه

مامتي قررت متسيبش الراجل مستني

راحت هوب نطت على كرسي التاني....ظبطت المراية...وراحت راجعه لورا

وبالمرة استنت الراجل لما فاق و مشي وراحت ركنه مكانه

بابايا جه ومخدش باله إن العربية اتحركت إلا لما فطسنا على روحنا من الضحك وقولناله

مش هرغي كتير ده في مغامرااااات حول العالم

ألف مبروك مرة تانية

الله يبارك فيكي يا دامو

الموقف بتاع العربية المزنوقة ده حصل معايا أكتر من مرة فعلا قبل كده...أبقي راكب مع واحد صاحبي..وينزل يشتري حاجة..وألاقي واحد جاي يزمرلي عشان أوسعله..بس بصراحة عمري ما غامرت و حاولت أرجعها بنفسي..لأني ما كانش ليا في السواقة ساعتها أساسا

واضح ان والدتك كانت بتسوق في مصر قبل ما تسافروا..لأن لو حد ما بيعرفش يسوق ما أعتقدش انه هيعرف يحرك العربية..فضلا عن انه يركن كمان..و الركنة دي تعتبر عقدة المتعليمن حديثا أمثالي..ممكن آخدلي ييجي ربع ساعة لو بركن في حتة رخمة شوية أو بين عربيتين

[Alattar]

ألف مبروووووووووك يا أستاذ عطار

وخلي العربية علينا حاجة بسيطة كده تتدرب فيها

ومفيش بين الاخوات حساب

الله يبارك فيك يا أمجد..و متشكرين علي العربية

دي ليكزز دي؟؟..هي تفرق عن ال 128 شوية صغيرين فعلا..بس هنعرف نسوقها ان شاء الله

أنا لو عندي عربية زي دي..ما أعتقدش اني هسوقها في الشارع..أو بمعني أصح..مش هنزلها الشارع أساسا أحسن تتوسخ ياعم ولا حاجة

[amgadibrahim]

ألف مبروووووووووك يا أستاذ عطار

وخلي العربية علينا حاجة بسيطة كده تتدرب فيها

ومفيش بين الاخوات حساب

الله يبارك فيك يا أمجد..و متشكرين علي العربية

دي ليكزز دي؟؟..هي تفرق عن ال 128 شوية صغيرين فعلا..بس هنعرف نسوقها ان شاء الله

أنا لو عندي عربية زي دي..ما أعتقدش اني هسوقها في الشارع..أو بمعني أصح..مش هنزلها الشارع أساسا أحسن تتوسخ ياعم ولا حاجة

يا راجل ده أنا لو عندي العربية دي مش هنزل منها أساسا وهغير عنواني عليها وأي حد عايزني يبقى ييجي يقابلني فيها

[capitshino]

الف مبروك

[باهى الطائر الحزين]

الف الف مليون مبرووووووووووووووك مسييه / اطار

وعقبااااااااال العربيه الجديده واكون اول واحد يقول مبروك.

اسمع انا غيرت عربيتى الاسبوع اللى فات من دايو 2005 الى شفرليه اوبترا 2011

كان عليها عرض خمس الاف اقل ، قلت فرصه الواحد يتبشرق ورحت مطلع اللى تحت البلاطه

فووول دُبشن اقصد فل اوبشن ، واخترت اللون فضى علشان عاكس للشمس وبيقلل الحراره

الراجل صاحب المعرض فى الدقى مدوخنى ولسه ما جبش ورقها علشان ارخصها فى المرور

حلال عليك ياعم ورخص انت ، والله ما تغلى ، علشان انت حد بجد يستاهل كل خير وابن حلاااال.

لاء مافيش حاجه ، ده العطار بس مولع فى الاسفلت

ودى الحاله المروريه فى مصر الان ، بس علشان تعرف ان العزومه ماكنتش جدعنه منى ده زهق من السواقه فى مصر

[طارق مصرى]

الف مبروك يا جميل

عموما داله من اسهل المدارس بالرياض و اختبار القيادة بها تاااااااافه اطلع اعمل يوترن و اركن

و القصة كلها فى العسكرى حسب مزاجة و عموما فى عسكرى شاب هناك اسمه بجاد ابن حلال مصفى بينجح مش زى

التانيين احتمال يكون ده اللى ركبت معاه

[طارق مصرى]

نسيت اقولك خد بالك يا جميل مش اول ما تشطح تنطح انت خدت 3 اسابيع فى داله يعنى جديد فى السواقة

انت شايف الرياض السواقة فيها صعبة يعنى متفكرش نفسك بقيت شوماخر و احدة واحدة و خد بالك من الترلات

و زناقاتها .

بس لما تقرر تفحط بلغنى علشان نعمل دويتو سوا :P

[م تيمور المراغي]

الف مبروك يا عطار وسامحني جيت متاخر ,,

و عقبال المرسيدس يا حبيبي ان شاء الله ,,

احكيلك على تجربتي مع الرخصة ,,

اول ماجيت الرياض كنت على كفالة الامير طلال بن عبد العزيز آل سعود ابو الوليد

المهم الدائرة ادوني عربية من غير مايكون معايا رخصه ولا حتى ورق للعربية نفسها

و اسالهم طيب لو حد وقفني قالولي ابقى كلمنا واحنا نتصرف المهم

حبيت اشتري حاجه من محل فنزلت وركنت العربية صف تاني فاكر نفسي في مصر ,,

لقيت عرية دورية ماسك الميكروفون وعمال ينده :

وين راعي اللومينا ,,

واخوك ولا فاهم حرف يعني ايه راعي !

المهم الراجل قلبه وجعه وانا قلت ايه الدوشة اللي البوليس بيعملها في البلد دي !!

بعد كام قرن كده خرجت من المحل لقيت عربية البوليس قافلة السكه عليا والراجل واقف زنهار قدام عربيتي مستحلف

انا بكل روح مصريه سلمت عليه وقلت له ( صباح الخير معلش اتاخرت عليك ) وواخد نفسي وماشي لقيته وقف قدام الشباك بيقول لي

- انت جاي من مصر جديد

- ايوه بقالي اسبوعين ,, عرفت ازاي !

- هات الرخصة

- ما معايش

- هات ورق العربية

- كان على عيني :happy:

- !!

- :happy:

- طب انزل من العربية

المهم نزلت ووريته الاقامة وحكيتله القصة

- تحب اكلم لك حد من الدايرة هما قالولي كده

- لا خلاص بس لاتركن صف تاني

- يا عم استنى بس خليني اتصل بيهم والنبي :happy:

هههههه :happy:

[مصطفى يونس]

الف مبروك وربنا يكفيك شر السواقه

بس اياك وساهر او بمعنى اصح سارق زى ما بيسموه السعوديين

تم تعديل 24 مايو 2011 بواسطة مصطفى يونس