تحذير لأهالي الرياض..انتظروني عفريتا أسفلتيا جديدا

[Alattar]

الف مبروك

الله يبارك فيك يا أبو آدم..هبقي أعدي عليك بأه ان شاء الله آخدك...بس انت اللي تسوق

[Alattar]

الف الف مليون مبرووووووووووووووك مسييه / اطار

وعقبااااااااال العربيه الجديده واكون اول واحد يقول مبروك.

اسمع انا غيرت عربيتى الاسبوع اللى فات من دايو 2005 الى شفرليه اوبترا 2011

كان عليها عرض خمس الاف اقل ، قلت فرصه الواحد يتبشرق ورحت مطلع اللى تحت البلاطه

فووول دُبشن اقصد فل اوبشن ، واخترت اللون فضى علشان عاكس للشمس وبيقلل الحراره

الراجل صاحب المعرض فى الدقى مدوخنى ولسه ما جبش ورقها علشان ارخصها فى المرور

حلال عليك ياعم ورخص انت ، والله ما تغلى ، علشان انت حد بجد يستاهل كل خير وابن حلاااال.

الله يبارك فيك يا عم طائر..وربنا يكرمك

و مبروك علي العربية الجديدة..ولو الراجل بس بتاع المعرض رخم عليك تاني..ابقي اديني رنة بس..و أنا هصلي العصر و أجيب الرجالة و أجيله

و علي فكره..الحوادث دي أنا معرفش عنها حاجة..و الغلط مش مني..ده من التريللا اللي ورايا

[Alattar]

الف مبروك يا جميل

عموما داله من اسهل المدارس بالرياض و اختبار القيادة بها تاااااااافه اطلع اعمل يوترن و اركن

و القصة كلها فى العسكرى حسب مزاجة و عموما فى عسكرى شاب هناك اسمه بجاد ابن حلال مصفى بينجح مش زى

التانيين احتمال يكون ده اللى ركبت معاه

نسيت اقولك خد بالك يا جميل مش اول ما تشطح تنطح انت خدت 3 اسابيع فى داله يعنى جديد فى السواقة

انت شايف الرياض السواقة فيها صعبة يعنى متفكرش نفسك بقيت شوماخر و احدة واحدة و خد بالك من الترلات

و زناقاتها .

بس لما تقرر تفحط بلغنى علشان نعمل دويتو سوا :P

الله يبارك فيك يا طارق..أنا بصراحة معرفش اسم العسكري اللي كان راكب جنبي..بس علي فكره..أغلبهم بينجح

هو بس بيبقي عاوز يشوف انت مركز..و بتدي اشارات مع أي لفة و خلاص علي كده

و بالنسبة للرياض .. ربنا يستر..بس الطرق هنا أنضف من مصر شوية..و ده اللي مخليني حتي لما بسوق هنا ببقي مستريح الي حد ما شوية

وبالنسبة للتفحيط..شوية كده ان شاء الله و هتلاقي الأسفلت مولع في كل حتة..و حظر التجوال اتفرض هنا في الرياض..استني بس عليا شوية

[Alattar]

الف مبروك يا عطار وسامحني جيت متاخر ,,

و عقبال المرسيدس يا حبيبي ان شاء الله ,,

احكيلك على تجربتي مع الرخصة ,,

اول ماجيت الرياض كنت على كفالة الامير طلال بن عبد العزيز آل سعود ابو الوليد

المهم الدائرة ادوني عربية من غير مايكون معايا رخصه ولا حتى ورق للعربية نفسها

و اسالهم طيب لو حد وقفني قالولي ابقى كلمنا واحنا نتصرف المهم

حبيت اشتري حاجه من محل فنزلت وركنت العربية صف تاني فاكر نفسي في مصر ,,

لقيت عرية دورية ماسك الميكروفون وعمال ينده :

وين راعي اللومينا ,,

واخوك ولا فاهم حرف يعني ايه راعي !

المهم الراجل قلبه وجعه وانا قلت ايه الدوشة اللي البوليس بيعملها في البلد دي !!

بعد كام قرن كده خرجت من المحل لقيت عربية البوليس قافلة السكه عليا والراجل واقف زنهار قدام عربيتي مستحلف

انا بكل روح مصريه سلمت عليه وقلت له ( صباح الخير معلش اتاخرت عليك ) وواخد نفسي وماشي لقيته وقف قدام الشباك بيقول لي

- انت جاي من مصر جديد

- ايوه بقالي اسبوعين ,, عرفت ازاي !

- هات الرخصة

- ما معايش

- هات ورق العربية

- كان على عيني :happy:

- !!

- :happy:

- طب انزل من العربية

المهم نزلت ووريته الاقامة وحكيتله القصة

- تحب اكلم لك حد من الدايرة هما قالولي كده

- لا خلاص بس لاتركن صف تاني

- يا عم استنى بس خليني اتصل بيهم والنبي :happy:

هههههه :happy:

الله يبارك فيك يا تيمو...لأ ..مرسيدس ايه بأه..أنا هبعت أجيب نصر 128 من مصر ان شاء الله..وبالمرة نشجع الصناعة الوطنية..مع اني معرفش المصنع ده لسه شغال ولا اتقفل أساسا

و بعدين حد ما يعرفش يعني ايه راعي؟؟

طبعا ياعم الوسايط عاملة شغل..أنا ابن خالي برضه هنا شغال في بن لادن...أول ما جه..كانوا مديينله ورقة كده ماشي بيها علي ما الاقامة تخلص

و كان بيقوللي ان فيه ناس معاه في الشغل بيسوقوا من غير رخص..بلطجة زي حالاتك كده

[Alattar]

الف مبروك وربنا يكفيك شر السواقه

بس اياك وساهر او بمعنى اصح سارق زى ما بيسموه السعوديين

الله يبارك فيك يا مصطفي..وبالنسبة لساهر..ربنا يستر..أنا سمعت انهم ربطوا هنا تأشيرة الخروج بالمخالفات المرورية...يعني لا قدر الله لو فيه مخالفة علي أي حد..مش هيعرف يخرج من السعودية الا لما يسددها

[لماضة مصرية جدا]

الف الف مليون مبرووووووووووووووك مسييه / اطار

:lol:

:lol:

:lol:

حلوة اوي يا استاذنا طائر الاسم دوت

انا طبعا قريته "إطار"...ده علي اعتبار اني لا متعلمة لغات و لا بطيخ خالص...و عيني حدفت علي الصورة الرمزية و قولت فعلا "إطار الدريكسيون" -_-

و قبل ما استاذنا "اطار" يمسكني من ياقة القميص و يطردني برات التوبيك...(حقك الصراحة يعني)

هو انا كنت داخلة

اتفرج علي صور العربيات و كدهوت

و كمان اقول لحضرتك ...منكن تغير اسم التوبيك...ما هو مش معقول....كل يوم نلاقي "عفريت اسفلتي" علي بانر المحاورات :D

انا بقترح نسميه

اوعي السررررررررررررررريع

و فوتكم بعافية

محدش يزقني...احسن اتكعبل اقع علي وشي

انا طالعة لوحدي

صباحكم.....سرررررررررررريع...(وش اي سلحفة واقعة علي ضهرها :lol:

[mustafagamiel]

الف مبروك يا عطار وسامحني جيت متاخر ,,

و عقبال المرسيدس يا حبيبي ان شاء الله ,,

احكيلك على تجربتي مع الرخصة ,,

اول ماجيت الرياض كنت على كفالة الامير طلال بن عبد العزيز آل سعود ابو الوليد

المهم الدائرة ادوني عربية من غير مايكون معايا رخصه ولا حتى ورق للعربية نفسها

و اسالهم طيب لو حد وقفني قالولي ابقى كلمنا واحنا نتصرف المهم

حبيت اشتري حاجه من محل فنزلت وركنت العربية صف تاني فاكر نفسي في مصر ,,

لقيت عرية دورية ماسك الميكروفون وعمال ينده :

وين راعي اللومينا ,,

واخوك ولا فاهم حرف يعني ايه راعي !

المهم الراجل قلبه وجعه وانا قلت ايه الدوشة اللي البوليس بيعملها في البلد دي !!

بعد كام قرن كده خرجت من المحل لقيت عربية البوليس قافلة السكه عليا والراجل واقف زنهار قدام عربيتي مستحلف

انا بكل روح مصريه سلمت عليه وقلت له ( صباح الخير معلش اتاخرت عليك ) وواخد نفسي وماشي لقيته وقف قدام الشباك بيقول لي

- انت جاي من مصر جديد

- ايوه بقالي اسبوعين ,, عرفت ازاي !

- هات الرخصة

- ما معايش

- هات ورق العربية

- كان على عيني :happy:

- !!

- :happy:

- طب انزل من العربية

المهم نزلت ووريته الاقامة وحكيتله القصة

- تحب اكلم لك حد من الدايرة هما قالولي كده

- لا خلاص بس لاتركن صف تاني

- يا عم استنى بس خليني اتصل بيهم والنبي :happy:

هههههه :happy:

دمك زي العسل والله ياتيمور