اشترى سيارة ولا اشحن سيارتى من مصر

[Clinical chemist]

عايز اشرككم معاى فى موضوع بفكر فيه

أنا لسه واصل السعودية من كام شهر وطبعا انتم عارفين الجو هنا فى الصيف عامل ....لازم سيارة

بس انا عندى سيارة جديدة فى مصر (النترا) ولسة بدفع اقساطها فمش عارف ايه احسن وضع:

1- اشحن السيارة من مصر واخليها فى السعوديه على طول لحد ما انزل نهائى مع استكمال اقساطها وانا هنا؟ وما تكلفة الشحن وكافة المصاريف فى هذة الحالة؟ وهل مسموح اصلا بخروج السيارة من مصر فى حالة وجود اقساط عليها؟ وكيف يتم تجديد الرخصة وخاصة فى حالة حلول موعد الفحص كل سنتين؟

2- اشترى سيارة جديدة بالتقسيط على 4 سنوات مثلا. وفى هذة الحالة ماهى افضل سيارة من حيث الجودة وقلة التكاليف وأهم شىء أقل خسارة وقت البيع بعد 4 سنوات

3- اشترى سيارة مستعملة نظيفة وخلاص

أنا كترت فى الكلام معليش بس بفكر معاكم

[AbkaReno]

السلام عليكم

بخصوص العربيه الي في مصر متفكرش تدخلها هنا لاسباب كتير والتكلفه اكتر

هبعتلك رق شركه بتستآجر سيارات جديده بعقد سنوي افضلك وطبعا هتلاقي العربيه بعد ما تنزل مصر نهائي تكون عندك

لو هتشتري جديد فا النظام هنا ايجار بينتهي بالتمليك وتقدر تنزلها مصر عادي جدا بس بتدفع 2500 ريال تقريبا علشان الورق يكمل

بخصوص نوع العربيه فنصحك ب تويوتا تويوتا تويوتاا

قطع غيار متوفره العربيه من الاخر ماشاء الله عليها لو هتجيب كامري مثلا 2011

عندك اختيارات كتير بس حسب احتياجاتك يعني خارج الرياض ولا بتسافر كتير

والكرولا برضه كويسه

شوف الموقع واحسب التكاليف براحتك وحسب مقدرتك

لو عايز مستعمل رخيص يبقا فكر في الفورد والهيونداي والتيواتا

ابعد عن الفرنساوي ملوش قطع غيار

[Clinical chemist]

استاذ عبقرينو.....شكرا

انت جبت من الآخر

[aboueyad alex]

عبقرينو باشا فى انتظار موقع شركة السيارات للبحث

وشاكرين مجهودك

[AbkaReno]

اسف نسيت الموقع

http://www.uis.com.sa/calculator_ar.aspx

على فكره انا عارف معرض بيقسسط مستعمل للمقيمين بسعر يعتبر كويس بداية 500 ريال شهريا

لو عايزه ابعتلك رقمه

[alikhedr]

اسف نسيت الموقع

http://www.uis.com.sa/calculator_ar.aspx

على فكره انا عارف معرض بيقسسط مستعمل للمقيمين بسعر يعتبر كويس بداية 500 ريال شهريا

لو عايزه ابعتلك رقمه

استاذ عبقرينو انا محتاج رقم المعرض ده ضرورى لو سمحت

[Blue]

اخ عبقرينو لو سمحت بعض النفاصيل بخصوص

المعرض اللي بيقسط ب 500 ريال ف الشهر

يعني ممكن العربيه تبقي ف حدود كام ووضعها ايه ؟؟ وهقسط علي سنه ولا اتنين ؟؟

جزاك الله كل خير