بيان رقم 56 : المجلس العسكري يحذر من التحريض ضد قياداته

[ذهبية]

يعنى مش قادرين تصبروا تلات شهور لحد ما مجلس الشعب ياتى و تبدا مصر تختار رئيس لها

الناس اللى عمالة تولع فيها و عايزة فيها فتنة و ضغينة هترتاحوا لو الجيش مشى

هترتاحوا لو مصر انهارت

هترتاحوا و تحسوا طعم الحرية قوى لما مصر تبقى من غير حد يحكمها و الله اعلم ساعاتها مين اللى يحكمها

كفاية بقى نبذ و كفاية بقى انكم تعملوا نفسكم بتحبوا مصر و انت بتموتوا فيها باساليبكم اللى هتودينا زراالشمس لو مشينا وراها

الجيش عايزنة يعمل اية ؟؟

مش كفاية الهم اللى شايلة و هو اساس مش مدرب على دة

مش كتر خيرة بيلم ورانا

اذا كان على البطء او اى عيب اخر موجود ارحم بكتيرررررر قوى من االى ممكن يحصل من غيرة

ياريت تفقوا وتحبوا مصر شوية

و تصبروا تلات شهور

[Ahmed Anwer]

نقلا عن صفحة 6 ابريل علي الفيس بووك

أهداف جمعة إحياء الثورة 27 مايو 2011

بسم الله الرحمن الرحيم

أهداف جمعة إحياء الثورة المصرية 27 مايو 2011

العدالــــــــــة الناجــــــــــزة

1 - سرعة محاكمة الرئيس السابق وعائلته وكل رموز نظامه الساقط, وبخاصة من تم إخلاء سبيلهم مثل عائشة عبد الهادي ومفيد شهاب وإبراهيم كامل, محاكمات عادلة, علنية ومدنية, يُمكن للشعب متابعة تطوراتها.. وألا تقتصر التهم على الكسب غير المشروع, فهناك تهم الأمر والتحريض على قتل المتظاهرين ( المشير طنطاوي في إحتفالية تخريج الدفعة الإستثنائية من طلبة كلية الشرطة, أفاد بأن المجلس العسكري قد رفض بإجماع الآراء إطلاق النار على المتظاهرين, يا تُرى من أصدر إليهم الأمر بإطلاق النار؟؟؟) وغير ذلك من تهم الفساد السياسي, وإهدار المال العام عمداً, غيرها الكثير مما يصل لإتهامات الخيانة العظمى لمصر! وغير مقبول على الإطلاق التعلل بعدم وجود قانون لتجريم الفساد السياسي! فهل كنا ننتظر من الفاسدين مثلاً أن يُشرِّعوا قانون ضد أنفسهم ومصالحهم!!

وقد يكون تشكيل لجنة قضائية - مدنية ومستقلة - تتمتع بصلاحيات ذات صلة تمكنها من التحقيق في جرائم الفساد السياسي أو جرائم قتل المتظاهرين, سبيلاً سريعاً ونزيهاً لتحقيق العدالة في هذا السياق

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

التطهيــــــــــر

2 - التطهير الحقيقي والفعلي لكل الوزرات بدءاً من الوزراء العاجزين عن الإضطلاع بمهامهم في الحكومة الحالية وكذلك تطهير مؤسسات الدولة من الفاسدين والقتلة, بدءاً من وزارة الداخلية, التي ما زال يتحكم فيها لوبي من القيادات الأمنية الموالية للنظام السابق (وسرعة تحديد المتسبيين في قتل المتظاهرين ومحاكتهم بشكل عاجل وعلني) وفي جهاز الأمن الوطني الجديد القديم.. مروراً بالتلفزيون الرسمي , وبعض المحافظين, والجامعات المصرية وغيرها من أجهزة الدولة, وصولاً إلى سفارات مصر في الخارج, لا نستوعب كيف يمثل مصر ما بعد 25 يناير نفس السفراء الذين ضللوا الرأى العام الخارجي وأخفوا الحقائق مثل قتل الثوار عمداً

كما نطالب بحل المجالس المحلية تلك الكيانات التي تمثل البؤر السرطانية المتخمة بعناصر الحزب الوطني المنحل, والذي للعجب ما زال حتى الآن يمارس نشاطه الحزبي, ويكون أعضائه جزء من كل حوار أو لقاء وطني تدعوا له الحكومة!!!

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الوفاء لدماء الشهــــــــــداء

3 - التأكيد على أحقية مصابي ثورة 25 يناير في رعاية الدولة لهم, لا يستقيم الحال برعاية الدولة ودفعها الأموال الطائلة لتوفير رعاية فوق الممتازة لمن ثار عليه الشعب, في الوقت الذي ألقى فيه مصابي الثورة في الشوارع.. كذلك عناية الدولة ورعايتها لأسر شهداء الثورة العظام, الذين فقدوا حياتهم, ليهبونا الحياة, فمنهم الفقراء واليتامى وذوي الحاجة

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الحريــــــــــة

4 - رفع العمل بقانون الطوارىء, طالما لا يُستخدم بشكل مباشر لضبط الفاسدين والقتلة من النظام السابق! أو توقيف والقبض على البلطجية والخارجين على القانون!!

تحرير الإعلام الرسمي

فقد ساءنا كثيراً بعد الثورة خروج الإعلام من دائرة نفاق الرئيس السابق ونظامه, إلى نفاق الثورة والثوار, ثم إلى نفاق المجلس العسكري!! إلى جانب اللجوء لتكميم الأفواه, وقطع أحاديث كل من يرى القائمون على التلفزيون الرسمي أنه ينتقد طريقة إدارة البلاد!! كذلك التجاهل التام لتغطية أخبار والفعاليات التي تقوم بها الجماهير المصرية المطالبة بحقوقها المشروعة الوطنية

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

حماية الوطــــــــــن وشبابــــــــــــه الشريف

5 - رفض الإزدواجية الغريبة, في إستعمال العنف المفرط الذي يصل لحد الإرهاب ضد المتظاهرين السِلميين, كما حدث في ميدان التحرير يومي 9 مارس, و9 أبريل, وأمام السفارة الإسرائيلية, وكذلك المحاكمات العسكرية السريعة الخاطفة للنشطاء المعتقلين.. في الوقت التي عجت فيه شوارع مصر بالبلطجية والخارجين على القانون بلا أى ردع فعل حاسم.. وكذلك التقاعس الأمني المريب كما حدث في أحداث أمبابة وعين شمس, وإنتهاء أحداث أطفيح بلا محاسبة وكأنها كانت حادث قدري بلا فاعل! لذا نطالب بإطلاق سراح فوري لكافة الأبرياء والمظلومين, وإسقاط الأحكام العسكرية (التي صدرت للنفاذ أو مع إيقاف التنفيذ) التي صدرت ضدهم

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

عيـــش.. حريـــة.. كرامة إنسانيـــــة

6 - التأكيد على أن حقوق الشعب المُكتسبة والمستحقة لن يتم التنازل عنها ومنها التظاهر السِلمي المتحضر في سبيل تحقيق التقدم والإزدهار لهذه الأمة.. من أجل بناء دولة جديدة حرة وقوية وكريمة.. عيش, حرية, كرامة إنسانية.. شعار رفعته ثورة 25 يناير إلى السماء, ولن تدوسه الأقدام مرة أخرى, إلا على جثثنا! لا نود أن نضغط الدولة - في الوقت الراهن - بالمطالب المؤجلة لعمال مصر وموظفيها, لكن نريد أن نرى أن الحكومة تأخذ بعين الإعتبار مطالبهم في الحياة الحرة الكريمة! مع بداية وضع الخطط والإستراتيجية التي تكفل القضاء على البطالة والفقر, مجرد بداية ولتستغرق هذه الخطط ما يلزمها من وقت

الإسراع في إتخاذ التدابير اللازمة بكل إخلاص ونزاهة لإستعادة الأموال المصرية المُهربة بالخارج وضم أموال الشعب في الصناديق الخاصة للموازنة العامة للدولة.. مال الشعب لابد أن يعود للشعب

▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀

الجيش والشعب إيد واحــــــــــدة

7 - التأكيد على إعتزازنا بالجيش المصري الباسل, الذي رفض ضباطه وجنوده إطلاق النار على المتظاهرين خلال أحداث الثورة, وتقديرنا للمجلس العسكري, مع التأكيد على حقنا في إنتقاد قرارات المجلس بوصفه مؤسسة الرئاسة الآن, لا بصفته العسكرية.. وكذلك تمسك شباب مصر وشعبها بدورهم بأن يكونوا حماة ً للديموقراطية والحرية, مراقبين للنظام القائم بإنجازاته وإخفاقاته, وأن يكونوا جزءاً من صياغة مستقبل مصر, الذي دفع الكثير من أبناء هذا الوطن رجالاً ونساءاً الدماء كى يروه على أفضل حال

______________________________________________________________________________________________________

مطالب مشروعة في مجملها

تم تعديل 22 مايو 2011 بواسطة Ahmed Anwer

[shawshank]

فيه ملحوظة جانبية يمكن مكانها مش هنا. هي حاجة شايفها مش لطيفة أبدا، مالهاش علاقة ببقاء المجلس العسكري أو رحيله، ولا ليها علاقة قوي بأدائه، لكن يمكن ليها علاقة بثقافة أعضائه. بيانات المجلس الأعلى للقوات المسلحة (اللي بيحكم مصر دلوقتي كسلطة تنفيذية وتشريعية) معلنة على الصفحة "الرسمية" للمجلس على الـ Facebook . ايه ده؟ يعني ايه ده؟! افرض الفيسبوك قفل؟ افرض حصل فيه عطل؟ افرض أي حاجة.

وبعدين هو فيه حاجة اسمها صفحة "رسمية" على الفيسبوك؟ فين الرسمية في كده؟! ده موقع تواصل اجتماعي غير رسمي بالمرة، يعني (كاجوال) جدًا. ده غير إن مقره مش مصر.

وبعدين منين بتقول إنك جيش مستقل وإرادتك مستقلة ولا تقبل إملاءات من حد، وآجي أبص على بياناتك "الرسمية" ألاقيها معلنة حصريًا على الفيسبوك؟ ده الشركات مابتعملش كده.

آجي أدور على البيانات دي على بوابة الحكومة المصرية مثلا، مالاقيش. أدور على موقع رئاسة مجلس الوزراء، مالاقيش. أدور على موقع وزارة الدفاع، مالاقيش. فيبدو أن دور الانترنت، والفيسبوك بالتحديد، في الثورة اتفهم غلط.

فيه فرق بين أفراد بيتواصلوا بشكل غير رسمي لأغراض مختلفة، منها مثلا الإضراب أو الاعتصام أو الثورة، وبين كيان مؤسسي كبير، وكمان موجود في السلطة. لكن يبدو إننا لسه "دولة على ما تـُفرج"!

تم تعديل 23 مايو 2011 بواسطة shawshank

[Damo]

السلام عليكم

أنا لا أؤمن بنزاهة القوات المسلحة.

ولحد وقت قريب جدا كنت متفقة تماما مع مبدأ ثورة 27 مايو.

بس ابتديت اعيد تفكير.

مشعرفة الكلام ده صحيح ولا لأ (وده بقى الطبيعي) لكن لو فعلا في تدخل اجنبي في الموضوع سهل قوي يخرج عن السيطرة.

جهات كتير من مصلحتها خراب مصر ولو في محاولات من دلوقتي يبقى 27 مايو ده مجازفة أكتر مليون مرة من انو يكون محاولة تصليح.

تم تعديل 23 مايو 2011 بواسطة Damo

[Simba]

انا مع الضغط والحشد للمطالب المشروعة زي الافراج عن المعتقلين وعدم محاكمة المدنيين عسكريا وتطهير التلفزيون بقي بجد

لكن الجماعة الواهمين والحالمين بانقلاب عسكري عسكري من داخل المؤسسة نفسها دول يتحطوا في خانة العقول المغيبة

دلوقتي المجلس العسكري وعد بانتخابات برلمانية في شهر 9 ورئاسية في شهر 12

حد عارف اي قيادة تانية ممكن تعمل في الشعب ايه

اتمني ما يكونش فيه اي احتكاك مع القوات المسلحة يوم الجمعة علشان مش هينفع باي وضع خالص

هما دول الامن المركزي هتلعبوا معاهم صلح

[جويرية]

بالظبط نفس اسلوب مبارك الاجندات و الفئة المندسة

الناس اللي بيدافعوا عن المجلس العسكري مش عارفة ليه ، الناس في الشارع بتقول البلد مفيهاش حكومة ، الجيش وظيفته ايه لما مش قادر يجمي البلد ولا يرجع فلوسها

[dongol]

من شباب 6 ابريل للمجلس العسكري ,,

الجدع جدع ,,

و الجبان جبان,,

و احنا يا " جدع ",,

هنمووووووووووووووت في الميدان !!

ما هو اللي مجنني اني نفسي اشوفك مرة في الميدان مش من ورا الكيبورد في التكييف وسايب الناس الغلابة تولع في مصر

[م تيمور المراغي]

من شباب 6 ابريل للمجلس العسكري ,,

الجدع جدع ,,

و الجبان جبان,,

و احنا يا " جدع ",,

هنمووووووووووووووت في الميدان !!

ما هو اللي مجنني اني نفسي اشوفك مرة في الميدان مش من ورا الكيبورد في التكييف وسايب الناس الغلابة تولع في مصر

احمد ربك ان اركيتكت مش في الميدان ,,!

[عنبو]

من شباب 6 ابريل للمجلس العسكري ,,

الجدع جدع ,,

و الجبان جبان,,

و احنا يا " جدع ",,

هنمووووووووووووووت في الميدان !!

ما هو اللي مجنني اني نفسي اشوفك مرة في الميدان مش من ورا الكيبورد في التكييف وسايب الناس الغلابة تولع في مصر

احمد ربك ان اركيتكت مش في الميدان ,,!

صبح صبح ياعم الحج

بوحه الصباح بيصبح على كل اليى فى الميدان التحرير اه مصطفى محمود لاء

واليى راح راح ياعم الحج

________________________________________________________الجد بقى

مش عاجبنى حالة التشكيك اليى شغاله اليومين دول

6 ابريل تشكك فى الاخوان

والاخوان يشككوا فى سته ابريل

وعم عبده البواب بيشك فيا انى شغال مخابرات علشان بلبس نضاره سوده

والسلفيين بيشكوا فى المسيحين

وكل واحد بيشك فى التانى

وكل ده هيؤدى فى النهايه اليى خراب مصر

زمان ايام النظام البائد عليه من الله ما يستحق كان فيه خلاف بين الاخوان والسلفيين بشكل غريب

ودول يشتموا فى دول ودول يردوا على دول وكانت حاجه مقززه بجد

على العموم على مستوى المكان اليى انا عايش فيه حاولت اصالح الناس ببعض علشان خاطر صوره المتدنين

ولا الهوا

وسبحان من جمعهم فى الاخر انا معرفش ايه اليى كان مفرقهم يعنى على العموم

فيها ايه لما نجتمع دلوقتى

فيها ايه لما نسيبنا من حالة التشكيك اليى هتؤدى الى خراب البلد

نختلف مع بعض بس بدون تشكيك ولا تجريح

يعنى انت عاوز تطلع فى ثوره اطلع ياعم انا شايف ان الموضوع مش محتاج ثوره

عادى يعنى بلاش اتهمك انا ان انت عميل وبلاش تتهمنى انا ان انا بيدور على مصالحى

طالما الهدف لكل مننا هو مصلحة مصر انت شايف طريق فيه مصلحة مصر امشى فيه

وانا شايف طريق اخر من حقى امشى فيه

ولكن بالشكل ده صدقونى لا انتوا هتعملوا حاجه ولا هما هيعملوا حاجه

وفى الاخر هنلاقى ان

الثوره يقوم بها الشجعان الابطال ويجنى ثمارها الجبناء

تحياتى

عنبو

[aimen]

مش عاجبنى حالة التشكيك اليى شغاله اليومين دول

6 ابريل تشكك فى الاخوان

والاخوان يشككوا فى سته ابريل

وعم عبده البواب بيشك فيا انى شغال مخابرات علشان بلبس نضاره سوده

والسلفيين بيشكوا فى المسيحين

وكل واحد بيشك فى التانى

وكل ده هيؤدى فى النهايه اليى خراب مصر

زمان ايام النظام البائد عليه من الله ما يستحق كان فيه خلاف بين الاخوان والسلفيين بشكل غريب

ودول يشتموا فى دول ودول يردوا على دول وكانت حاجه مقززه بجد

على العموم على مستوى المكان اليى انا عايش فيه حاولت اصالح الناس ببعض علشان خاطر صوره المتدنين

ولا الهوا

وسبحان من جمعهم فى الاخر انا معرفش ايه اليى كان مفرقهم يعنى على العموم

فيها ايه لما نجتمع دلوقتى

فيها ايه لما نسيبنا من حالة التشكيك اليى هتؤدى الى خراب البلد

نختلف مع بعض بس بدون تشكيك ولا تجريح

يعنى انت عاوز تطلع فى ثوره اطلع ياعم انا شايف ان الموضوع مش محتاج ثوره

عادى يعنى بلاش اتهمك انا ان انت عميل وبلاش تتهمنى انا ان انا بيدور على مصالحى

طالما الهدف لكل مننا هو مصلحة مصر انت شايف طريق فيه مصلحة مصر امشى فيه

وانا شايف طريق اخر من حقى امشى فيه

ولكن بالشكل ده صدقونى لا انتوا هتعملوا حاجه ولا هما هيعملوا حاجه

وفى الاخر هنلاقى ان

الثوره يقوم بها الشجعان الابطال ويجنى ثمارها الجبناء

تحياتى

عنبو

عنبو باشا

رصيدى خلص

بس كلامك يستاهل 15 نقطة خضراء

تم تعديل 23 مايو 2011 بواسطة aimen

[م تيمور المراغي]

المهم نازل ولا مش نازل يا عنبي ,,

[fatfouta]

صح يا عنبو

جزالك الله خير على كلامك

ماهو الثورة تحتاج لرجُلين (رجُل يفهمها ورجُل يقوم بها)

واحنا قومنا بيها لكن الظاهر ان احنا لسه مافهمناهاش قوى يعنى للاسف

[م تيمور المراغي]

والكلام ليكي يا فتفت ,,

نازله ولا مش نازله ,,

[tarek hassan]

http://www.facebook.com/aghlabia?ref=ts&sk=wall

أنا مش نازل يوم 27 مايو وبحترم إرادة الشعب

أما البلطجية أنا بطالب بتطبيق قانون البلطجة عليهم