حد يعرف طبيب جراحة عامة أطفال شاطر؟؟؟؟

[crossfield]

ابنى الدكتور شخص حالته بإنها فتق إربى يحتاج لجراحة و طلب سونارو السونار قال ان فيه "قيلة مائية" و انا مش عارفة هوده و الا ده والا ايه بالظبط؟؟؟المهم انه فى كل الحالات هيحتاج جراحة..الدكتور قاللى على اسم واحد "منتصرالقطبى" بس و انا باعمل سيرش على اسمه على النت لقيت اسمه جاى فى قضيةسرقة كلية طفلة فى ابوالريش فاتشائمت

لو حد يعرف جراح أطفال شاطريقوللى...و لكم جزيل الشكر مقدماً

[se_ Elsyed]

الف الف سلامه على الأمور يا كروساية

بس نصيحة بقى

في الجراحات بشكل عام .. اللي مش عاجلة في وقتها

لازم الواحد ياخد رأي إتنين أو 3 دكارتة مختلفين

ونتمنى له الشفاء العاجل

[eslam elmasre]

ابنى الدكتور شخص حالته بإنها فتق إربى يحتاج لجراحة و طلب سونارو السونار قال ان فيه "قيلة مائية" و انا مش عارفة هوده و الا ده والا ايه بالظبط؟؟؟المهم انه فى كل الحالات هيحتاج جراحة..الدكتور قاللى على اسم واحد "منتصرالقطبى" بس و انا باعمل سيرش على اسمه على النت لقيت اسمه جاى فى قضيةسرقة كلية طفلة فى ابوالريش فاتشائمت

لو حد يعرف جراح أطفال شاطريقوللى...و لكم جزيل الشكر مقدماً

فيه دكتور اسمه سامح شحاته استاذ جراحة الاطفال والعيوب الخلقية بكلية الطب جامعة الاسكندرية والراجل ده انا مجربة مرتين لان اولادي كانوا بيتولدو مفتأين وعمل لهم العملية وكان سنهم ايام وايدية تتلف في حرير لان الولاد مافيهمش اثر للعملية ولا كأن اتعمل لهم عملية من مهارته ولا يوجد اي اثر للعملية

عيادته في سبورتنج امام بوابة نادي سبورتنج من ناحية شارع ابو قير

رقم تليفونه

0101449045

وربنا الشافي المعافي

[Howayda Ismail]

الف سلامة على ابن حضرتك

من حوالى 10 سنين ابنى كان عمره شهرين وعنده نفس الفتق الاربى وخفت اغامر واعملها فى عيادة خاصة

او دكتور عنده خبرة بفتق الكبار بس اصريت وعملتها فى مستشفى الشاطبى للاطفال الاستاذة الكبار هم اللى بيعملوا

العمليات وبالنسبة لهم شكة دبوس لان خبرتهم كبيرة

فى دكتور جراح اسمه على سلطان على الترام فى سبورتنج ده استاذ كبير فى الجامعة وفى المستشفى كمان

نفس ابنى ده عملت له عملية كانت خطر شوية فى مستشفى القوات المسلحة جراح اكتر من ممتاز اسمه المارادنى

هى تكاليفها اعلى من المستشفيات كلها لكن الغالى فيها رخيص من خبرة الدكاترة والتمريض والنظافة

لو حضرتك فى مصر عليك وعلى المستشفيات العسكرية هى الاحسن دلوقت

و نصيحة بلاش المستشفيات الخاصة الاستثمارية لانها اسم على الفاضى وغرضها الربح وخدمتها مش على اد كده

وربنا يطمنك عليه ان شاء الله

[capitshino]

الف سلامه

[مهندس ابو يوسف]

اخي العزيز

انا ابنى كان عنده فتق اربي وعملت له عملية في مستشفى تبارك للاطفال وراء طيبه مول في عباس العقاد في دكتور شااااااااااااااااااااااااااااااطر جدا اسمه ايهاب الشافعي

هحاول اجيبلك نمرة تليفونه ان شاء الله ادور على روشته عندي

هو بيجي يوم الثلاثاء في مستشفى تبارك للاطفال في عباس العقادانا معرفش اذا كان غير مواعيده والا لا

ميزه المستشفى انها تابعه للنقابه ونظيفه

ربنا معاك ويشفيه ان شاء الله

[مهندس ابو يوسف]

د ايهاب الشافعي

زميل كلية الجراحيين الملكلية ايرلندا

دكتوراه الحراحة العامه وجراحة الاطفال

مدرس جراحة الاطفال كلية طب عين شمس

انسان وعلى خلق وحترم جدا وعقبال تشوف اولادك مثله ان شاء الله

عيادته 31 منشيه البكري - الجبرتي

متفرع من شارع الخليفة المامون

ت العيادة 2599180

محمول العياده 0106308601

محمول شخصي 0122193400

ربنا يشفيه ويشفي كل مريض

[مهندس ابو يوسف]

د ايهاب الشافعي

ممكن تتصل بتبارك في عباس العقاد وتعرف مواعيده

وبصراحه المستشفى فيها كل الامكانيات الخاصه بالاطفال يعنى لو احتاج اشعه في مركز متخصص فيها للاشعة

موضوع ابنى مش بعيد من 4 سنين كان عمره 7 شهور وهو كان وزنه قليل ومحتاج عمليه دقيقه الحمد لله هو بخير وبصحة والحمد لله الان

انا عارف انك في معاناه عشان ابنك ربنا يشفيه ويعافيه بس بجد ان بقولك عن تجربه مع الدكتور ايهاب الشافعي روح له وانت ان شاء الله هتدعي لي

ربنا معاك

تقبل تحياتي

[crossfield]

متشكرة ليكم كلكم بنا يخليكم و يحمى أولادكم

هاشوف الدكتور ايهاب ده يا باشمهندس سيف أنا متشكرة ليك جداً

و شكراً للمحاوراتية الاسكندرانية الجدعان...ربنا يبارك فيكم بس المشكلة انى فى القاهرة و عايزة دكتور يتابع الحالة لو لا قدر الله حصل مضاعفات أو حاجة يبقى قريب

شكرا ليكم جميعاً و ادعوا لعمرو

يا رب اشفيه و اشفى كل مريض

[noureymo]

الف سلامة على ابن حضرتك

انا عملت نفس العملية دي لبنتي من اربع سنين عند دكتور ممتاز اسمع علاء فايز عيادته في روكسي في الشارع الي ورا تويز آر أس وهو بيعمل العمليات في مستشفى عبد القادر فهمي في ارض الجولف

http://www.google.ae/#hl=ar&source=hp&biw=1280&bih=430&q=%D8%AF%D9%83%D8%AA%D9%88%D8%B1+%D8%B9%D9%84%D8%A7%D8%A1+%D9%81%D8%A7%D9%8A%D8%B2&oq=%D8%AF%D9%83%D8%AA%D9%88%D8%B1+%D8%B9%D9%84%D8%A7%D8%A1+%D9%81%D8%A7%D9%8A%D8%B2&aq=0&aqi=g1&aql=&gs_sm=c&gs_upl=1871l7068l0l15l14l0l3l3l2l419l3040l0.2.3.5.1&fp=ce55547cb56a8ee0

ربنا يطمنك ويقوملك ابنك بالسلامة ان شاء الله ويا ريت تطمنينا

[freez]

معارفي سافروا من السعودية مخصوص عند جراح أطفال شاطر في الدقي في القاهرة اسمه د. محمد عبدالباقي فهمي

ردي متأخر حسب تاريخ الموضوع لكن يمكن تكون المعلومة لسه مفيدة

[Guest احمد السيد]

حد يعرف دكتور جراحة اطفال.تخصص احليل علوي شاطر