مجله مصريه هادفه

[MuslimaEgyptian]

بدايه.. حاسه انى هلاقى الأخ شريف عبد الوهاب هيطلع ويقولى إنى حطيت الموضوع ده فى الباب الغلط :) إن شاء الله أكون قد وفقت هذه المره tot::

المهم يا إخوانى، إننى أبحث عن مجله مصريه محترمه...متنوعه فى مضمونها، اى سياسيه وإجتماعيه ودينيه ومزيج بين مواضيع جاده وأخرى خفيفه، وبها أستطيع أن أكون على صله بآخر الأخبار فى مصر والمجتمع عاما وياه لو هادفه...

أصل بصراحه كانت فيه واحده ..يعنى ..ولكن بدأت تحط إعلانات بيره على الغلاف md2: ده غير النميمه عن شؤون خاصه لبعض الناس فى المجتمع المصرى وترويج لإشاعات وكده :)

وعلشان نسهل الموضوع، بلاش نضع روز اليوسف من ضمن الإختيارات :)

هل لطلبى وجود..؟ :)

[MuslimaEgyptian]

وممكن برضه نشيل النجوم والكواكب والموعد من ضمن الإختيارات..

ليه كده أغلب المجلات عن حياه "الفنانين" وأخبارهم!!!

مدلول مش كويس tot::

تم تعديل 11 سبتمبر 2004 بواسطة MuslimaEgyptian

[فــيــروز]

مجلة الشباب مش بطاله ومشتركين فيها من سنوات ..

بس مش عارفه هل هى التى تقصديها بموضوع اعلانات البيره ام انها مجله اخرى !!

على العموم مجلة الشباب جيده بشكل عام وان كان مستواها الآن اقل عن ذى قبل لكن اشعر انها تتحدث عن موضوعات حديثه و تتابع اهتمامات الشباب بشكل جيد .. كما انها تهتم بنقل النماذج الشابه المشرفه ..

تم تعديل 11 سبتمبر 2004 بواسطة فــيــروز

[bentmasria]

ازيكم يا جماعة

انا على فكرة قابلتنى مجلة لطيفة جدا واظن انها البرعم اللى بتدوروا عليه اسمها كلمتنا محررينها شباب صحيح اغلبها اعلانات بس لازم عشان تغطى مصاريف الطباعة بس موضوعاتها ثرية وقيمة كفاية انها بتعرض للشباب نماذج مشرفة وقدوة بيفتقدوها من زمان غير الابواب الثابتة والقيمة مع ابواب خفيفة وظريفة بدون اسفاف

حاولوا تشوفوها

ولو ما عجبتكمش عندى اقتراح تانى

نرجع لسلسلة الهلال القديمة فاكرينها

حتى الهزل فيها كان محترم بدون اشارات او تلميحات او عصفورات

الطلب عزيز وغالى والمطلوب صعب بس ممكن تحقيقه طول ما لسه بنحلم بيه

بنت مصرية art:)

[hamo90]

المجلة الوحيدة الي أقدر أرشحها لحضرتك للاسف مش مصرية هي كويتية وهي مجلة العربي وهي مجلة أدبية ثقافية علمية سياسية

وفعلا الواحد بيحس معها بمتعة القراءة

hamo

تم تعديل 12 سبتمبر 2004 بواسطة hamo90

[thepoet]

أعزائي . . .

هذه مشاركتي الأولى في المنتدى . . .

و على فكرة . . . لا يوجد في مصر عير مجلة محترمة واحدة : " وجهات نظر "

و هي شهرية , و سعرها مرتفع شوية . . . (10 جنيه ) :D

أما الذي تطلبه الأخت . . . فللأسف غير موجود . . .

يعني بالبلدي كده . . . ما فيش جرايد أو مجلات محترمة في مصر ، و كمان

ما فيش صحفيين محترميين في مصر . . . إلا في النادر ، و النادر - كما قال

علماء الشريعة - لا حكم له . gsm::

[مصرى]

المجلة الوحيدة الي أقدر أرشحها لحضرتك للاسف مش مصرية هي كويتية وهي مجلة العربي  وهي مجلة أدبية ثقافية علمية سياسية

وفعلا الواحد بيحس معها بمتعة القراءة

hamo

ـ مجلة العربى الكويتية أسسها الصحفيون المصريون .. ورأس تحريرها المصريان د. أحمد زكى ثم د. أحمد بهاء الدين رحمهما الله منذ تأسيسها عام 1958 حتى عام 1982

ومن الصعب وصف هذه المجلة بأنها "سياسية"

العربى الكويتية

ـ تراجعت مكانة الإعلام المصرى بفضل السياسات وليس الامكانيات .. ولازال الصحفيون المصريون ـ كأفراد ـ يديرون جزء كبير من الصحافة العربية

ـ أرشح مجلة "الأهرام العربى" التى تصدر عن مؤسسة الأهرا م كأفضل مجلة مصرية أسبوعية الآن

الأهرام العربى

- وجهات نظر .. مجلة راقية كذلك ولكنها شهرية وتصدر عن مؤسسة مستقلة فى مصر ..

وجهات نظر

- السياسة الدولية .. مجلة تصدر عن مؤسسة الأهرام ربع سنوية

السياسة الدولية

ومن مؤسسة الأهرام أيضا توجد إصدارات جيدة مثل مجلة "نصف الدنيا" أو مجلة الشباب ..

هذا فيما يخص المجلات السياسية والاجتماعية .. وتوجد اصدارات جيدة فى المجلات المتخصصة فى الكمبيوتر والسيارات والديكور .. الخ