التجديد لصفوت الشريف 45 يوم أخرى

[se_ Elsyed]

إبن حلال ويستاهل

قررت غرفة المشورة بمحكمة جنح مستأنف مصر الجديدة، مساء الاثنين، برئاسة المستشار أحمد أمين تجديد حبس صفوت الشريف، رئيس مجلس الشورى السابق، لمدة 45 يوما على ذمة التحقيقات التي يجريها جهاز الكسب غير المشروع.

وجاء عرض «الشريف» على المحكمة بعد انتهاء فترة حبسه الاحتياطي المقررة قانونا بمعرفة السلطة المخولة للجهاز والمحددة بـ45 يوما، حيث تم عرض «الشريف» على غرفة المشورة بمحكمة الجنح المستأنفة للنظر في تجديد حبسه من عدمه.

وكان المستشار عاصم الجوهري، مساعد وزير العدل لشؤون جهاز الكسب غير المشروع، قد قرر حبس الشريف لمدة 45 يوما متتالية، بعد أن تلقى عدداً من البلاغات ضده أيدتها تحريات وتقارير الجهات الرقابية، وفي مقدمتها مباحث الأموال العامة وهيئة الرقابة الإدارية، حيث أشارت التحريات والتقارير إلى تضخم ثروة الشريف «بشكل لا يتناسب مع مصادر دخله المشروعة والمقررة قانونا على نحو يمثل كسبا غير مشروع».

كما أوضحت تحقيقات الجهاز أن الشريف «استغل نفوذه وصفته الوظيفية في جني ثروة كبيرة بما لا يتفق مع ما هو مثبت بإقرارات الذمة المالية الخاصة به، وبما يقطع بأن تلك الثروة الضخمة المتمثلة في عقارات فاخرة ومتعددة وأرصدة مصرفية ضخمة جاءت من مصادر غير مشروعة».

[ابراهيم عبد العزيز]

دفاع صفوت الشريف طلب الافراج عنه لاسباب مرضية لانه مصاب بسرطان البروستاتا

والغريب إن كل واحد من المسئولين السابقين يدخل السجن يصيبه المرض !!

واتمنى ان لا نصبح فى يوم من الايام لنجده قد تم الافراج عنه لهذا السبب

[se_ Elsyed]

والله العظيم شيء في منتهى العجب

ده لو على كده كلهم هايخرجوا معززين مكرمين

طب لما هما كده .. ما كانوش بيتقوا الله فينا ليه لما كانوا بيسرقونا من أيام قليلة مش من سنين؟

يعني كلهم كانوا بيبرطعوا من أيام

ولا يسرقني وهو مريض ....

ونرحم مرضه لما يتسجن من غير ما يعتذر أو يرجع اللي سرقه ؟؟؟؟؟؟؟؟؟؟

أنا أبصم بالعشرة إن كلهم لسه عندهم نفس الكِبر والعنجهيه ولسه بياكبروا ومستحيل يعملوا كده

خايف أفترح الجرايد بكره الا إقتراح من فريد الديب بالأفراج عن جمال مبارك لغنه

عمل عملية اللوز وهو صغير

[ابو محمد بن مصطفي]

هي الناس ده المرض ظهر عليها فجأه بعد لما اتعكشوا كلهم في طره

اشي كبد وكلية وقلب وسرطان

هما لما كانوا بيسرقواالحاجات دي مكنتش بتوجعهم

بكره يقولوا ان احمد عز عنده استيبحس وجمال صباع رجله الصغنن بيوجعه وعلاء عنده ايدز

[طارق مصرى]

الف مبروك يا صفصف عقبال ما يجيلك كساح و هشاشة عظام و سعال ديكى وشلل اطفال و جنون البقر

[Ahmed Anwer]

لسه علي الصبح علي الجزيرة مباشر - مصر

واحد بيتكلم و بيقول صفصف لابس لابس و الموضوع وقت مش أكتر

و هيكون تاني واحد بعد العادلي

و الدلائل عليه مثبتة و كتيرة

حفيده الصغير بس عنده اربع فلل

و اولاده ( واحد منهم هاربان في لندن ) عندهم مش عارف عشرين شركة إعلام و دعاية و إعلان

كلهم معتمدين علي الصحف القومية و التليفزيون المصري بدون أي نشاط حقيقي

و طبعا صفصف كان المسئول عن الصحف القومية و التليفزيون

غريبة إنه يبقي أعبط واحد فيهم كده

تم تعديل 24 مايو 2011 بواسطة Ahmed Anwer