هدية رجالي

[pink rose]

عاوزة مساعدتكم و افكاركم في هدية رجالي

هاديكم شوية معلومات ممكن تفيدكم

اولا الهدية عشان جوزي

ثانيا مش محددة مبلغ معين لو لقيت فكرة حلوة و عجباني هاجيبها ايا كان تمنها بس طبعا في حدود المعقول يعني ما حدش يقولي عربية مثلا

ثالثا و انتوا بتقولوا افكاركم شيلوا من ضمن الاقتراحات الاتي

برفانات .... ساعات.....ميداليات .... موبايلات .... محافظ .... ملابس .... شوزات

اظن كده سهلت عليكم الموضوع جدا

تم تعديل 24 مايو 2011 بواسطة pink rose

[ابوهنا]

انا عن نفسى اجمل هديه تجيبلهالى مراتى وهاكون سعيد بيها

انها تجيبلى عروسه

[pink rose]

ما تخلونيش اكتب الرجال يمتنعون عشان افكارهم اللي تخرب البيوت العمرانة دي

[ozoozo]

طبقي خمسميت ريال واكتبي عليها بحبك واديهالو

انا مقتنع جدا ان احسن هديه هي المبالغ الكاش عشان الواحد يجيب اللي هو عاوزه

[rewsha]

عاوزة مساعدتكم و افكاركم في هدية رجالي

هاديكم شوية معلومات ممكن تفيدكم

اولا الهدية عشان جوزي

ثانيا مش محددة مبلغ معين لو لقيت فكرة حلوة و عجباني هاجيبها ايا كان تمنها بس طبعا في حدود المعقول يعني ما حدش يقولي عربية مثلا

ثالثا و انتوا بتقولوا افكاركم شيلوا من ضمن الاقتراحات الاتي

برفانات .... ساعات.....ميداليات .... موبايلات .... محافظ .... ملابس .... شوزات

اظن كده سهلت عليكم الموضوع جدا

طب سيادتك سيبتي ايه ماقولتيش عليه بقى ؟؟؟!!!

انتي فعلا سهلتيها قووووووي

اممممممممممممم............

بصي يا اوختشي ..

ممكن

1-لاب توب ....

2- فرش جديد للعربيه بتاعته

(الرجاله يموتوا في تزويق عربياتهم) عن نفسي ,باحس ان العربيه دي ...بيته التاني

3-خاتم فضه (في رجاله بتحب تلبس خاتم فضه)

وفي ناس بتلبس انسيال او سلسله فضه .......مش عارفه بقى الحاجات دي تناسب زوجك وله لاْ؟

4-ام داليا . .ايه راْيك في دي بقى ؟؟؟؟؟

ماتتخضيش ...قصدي ميداليه فضه .واحيانا ناس بتجيبها ذهب

5- قلم ماركه وشيك مع ولاعه شيك برضو وعلبة سجاير برضوشيك (ده لو هوه مُدخن)

6-بس من غير ضرب لو سمحتوا ........... لوبيشيش (هاتيله واحدشيشه في البيت) ......................

هافكر تاني وارجع لك لو لقيت حاجه

تم تعديل 24 مايو 2011 بواسطة rewsha

[ozoozo]

قلم ماركه زي باركر

وفي قلم كروس بحوالي 200 ريال

بلايستيشن 3 او وي wii

تلفزيون ال سي دي 42 بوصه لزوم الماتشات

واخيرا شبشب بصباع

[se_ Elsyed]

طبقي خمسميت ريال واكتبي عليها بحبك واديهالو

انا مقتنع جدا ان احسن هديه هي المبالغ الكاش عشان الواحد يجيب اللي هو عاوزه

حبيبي يابو أشرف

جبت من الاخر يا ازوز

أنا عن نفسي لو مراتي طبقت الحته ام خمسمية دي وأدتهاني .. هاطير من الفرحه

وأجيب بقى كل اللي نفسي فيه

موز وسفن أب وشندوتشات كفته وكده

دي أمنيتي الشخصية

--------------------------

أما النصيحة

فـــ

كوكتيل ( برفان ... كرافته ... ساعة .. محفظة .. جوزين شربات )

وبكده نكون كسينا أبو مريم لمدة سنة قدام وما حرمناهوش من حاجه

[pink rose]

الصراحة الافكار ما شاء الله نيرة جدا خصوصا اطبق حتة بخمسمية دي

يالهوي

و الله انا في حيرة جامدة

لا له في التدخين و لا في الشيشة ولا البلاي ستيشن ولا الماتشات

فكرة العربية و الفرش الجديد دي فكرة لطيفة يا روشة يا حبيبتي

العربية بتاعتنا كراسيهاا لون سن الفيل و طبعا الكل ممنوعين منعا باتا من الاكل او الشرب في العربية حفاظا على سن الفيل

حد بقى من الاخوة يقولي حوار فرش العربية دا بقى بشكل مفصل هنا في السعودية عشان انا لا افقه فيه اي شئ

[pink rose]

كوكتيل ( برفان ... كرافته ... ساعة .. محفظة .. جوزين شربات )

يا ريت الرجوع لاول مداخلة لان الاشياء المذكورة من ضمن المقترحات الملغية اصلا من الخطة

[Simba]

احلي هدية للراجل

تقولي له يا حبيبي يا نور عيني :wub:

انا قررت اجوزك تاني

شاور لي انت بس علي العروسة وانا اروح اخطبهالك

تم تعديل 24 مايو 2011 بواسطة سمبا

[pink rose]

اللي هايقولي عروسة و يتجوز تاني هانقطه سالب

انا باقول اهو

[ozoozo]

اللي هايقولي عروسة و يتجوز تاني هانقطه سالب

انا باقول اهو

ياستي هما مش عاوزين يجوزوه ولاحاجه

ده هما اللي عايزين حد يجوزهم

بالنسبه للفرش لازم تاخدي العربيه لبتوع الزينه عشان يركبوه او انتي تشتريه في حدود 200 او 300 ريال وهو يركبه وهاتلاقيه عند بتوع زينه السيارات

[ابوهنا]

سيبك من العروسه

بيجامه ستان محترمه وغاليه

[pink rose]

طيب كده تمام عندنا فكرة دلوقتي اللي هي فرش للعربية

نحطها في عين الاعتبار

طيب ايه تاني ممكن كماليات تتجاب للعربية و تكون حاجة حديثة فكرة جديدة

هو العربيات دي عشق بالنسباله

[ozoozo]

GPS بحوالي 600 ريال

[pink rose]

العربية فيها GPS

ها إيه تاني؟؟؟؟؟

[se_ Elsyed]

سيبك من العروسه

بيجامه ستان محترمه وغاليه

ده أنت قديم قوي يا أبو هنا

انا اخر راجل اعرفه كان بيلبس بيجاما .. تقريبا كان في 74 أو 1975 ...

من بعديها طلعت موضة الترنجات .. عبايات .. كدهوت يعني

------------

طيب ايه تاني ممكن كماليات تتجاب للعربية و تكون حاجة حديثة فكرة جديدة

بسم الله الرحمن الرحيم

لو إنتي في الرياض يبقى منطقة " الغُرابي " خلف البريد السعودي بطريق الملك عبد العزيز ... فيها ييجي 100 محل إكسسوارات سيارات ومنها الفرض وتفصيلة على مقاس العربية

[Howayda Ismail]

طبقي خمسميت ريال واكتبي عليها بحبك واديهالو

انا مقتنع جدا ان احسن هديه هي المبالغ الكاش عشان الواحد يجيب اللي هو عاوزه

حبيبي يابو أشرف

جبت من الاخر يا ازوز

أنا عن نفسي لو مراتي طبقت الحته ام خمسمية دي وأدتهاني .. هاطير من الفرحه

وأجيب بقى كل اللي نفسي فيه

موز وسفن أب وشندوتشات كفته وكده

والله امركم عجيب

من دقنه وافتله

اعتقد المدام مش بتشتغل واظن ريمو كمان

يعنى ناخد منكم الفلوس باليمين وندهالكم بالشمال والاسم ايه الجبروت ده ههههههههه

لا ياخويا عن نفسى لو معايش فلوس تخصنى وعاوزة اجيب له هدية اخد منه واشترى له حاجة والاسم فى هدية

كل مايشوفها اقوله مش هى دى اللى انا اشترتها لك

[Howayda Ismail]

عاوزة مساعدتكم و افكاركم في هدية رجالي

هاديكم شوية معلومات ممكن تفيدكم

اولا الهدية عشان جوزي

ثانيا مش محددة مبلغ معين لو لقيت فكرة حلوة و عجباني هاجيبها ايا كان تمنها بس طبعا في حدود المعقول يعني ما حدش يقولي عربية مثلا

ثالثا و انتوا بتقولوا افكاركم شيلوا من ضمن الاقتراحات الاتي

برفانات .... ساعات.....ميداليات .... موبايلات .... محافظ .... ملابس .... شوزات

اظن كده سهلت عليكم الموضوع جدا

انت مش كان نفسك تروحى فسحة دبى بعد البت ريهام مشبطتك

اهى فرصة اعزميه على الرحلة ولما تروحوا دبسيه فى الباقى ههههههههه

اهو منها هدية ومنها تغيروا جو وتحققى امنيتك وتزحلقى على الثلوج فى دبى

[Mr MAGED]

هو انا ماعرفش الميزانية بتاعتك في حدود كام

بس انا هاقولك حاجة تجيبيهاله .. ولو مش هتجبيها عايزك توصي مراتي تجيبهالي

هاتيله I PAD 2، هو في حدود 3000 ريال ( بس من غير ضرب ) bsh:)

ولو جبتيه ومعجبكش جوزك .. انا مستعد اشتريه منك فورا بنص الثمن

أظن مافيش واجب احسن من كده