حملة على النت لمعاقبة هذا المدرس وأمثالة من اللا أدميين

[ابو محمد بن مصطفي]

هل اصبح البحث عن الشهرة ان يتم فعل اي شئ من اجل ذلك حتي لو كان بتعذيب الاطفال

هذا المدرس يعلم جيدا انه يتم تصويره

http://www.youtube.com/watch?v=-LaMSbSaVac

[الغريب]

أنا مش قادر أقول وصف للبني آدم ده

أطفال زي الملائكة يتعاملوا بالشكل ده !!!

أحذيتهم توازي فكر مثل هذا البني آدم

لاحول ولا قوة إلا بالله

[Diab]

متقلقش هو تقريبا راح في داهية

كفاية ان سحنته الكريةم طلعت علي صفحة رصد و كلنا خالد سعيد

اسمه مجدي الشاعر من كفر ابو عيد زفتي الغربية

كان معايا رقم الحضانة اللي هو صاحبها

البيه معاه دبلون صنايع وواخد ترخيص يفتح حضانة شفت المصيبة

تم تعديل 25 مايو 2011 بواسطة Diab

[se_ Elsyed]

أناغيرت العنوان يا ابو محمد ليتفق مع خطورة هذا الموضوع

الكليب إنتشر من أمبارح بطريقة كبيرة جداً . وفي حملات واسعة على النت وخصوصاً موقع كلنا خالد سعيد ... بمعاقبة الحيوان ده اشد عقاب ..

أقسم بالله نفسي يتحول للقضاء العسكري وينضرب كل يوم في السجن زي ما كان بيعمل في الأطفال الأبرياء دول

- أنا مش فرفور أو متخرج من مدارس السيكر كرير ... لكن كنت في مدارس حكومية .. وأنضربنا لما شبعنا ضرب من غير سبب مع إني كنت شاطر ... لكن في إعدادي وثانوي بالذات كان في مدرسين ساديين وبيلطشوا فينا من غير سبب يعني حاجات لا علاقة لها بمستوى طالب أو بتدريس ...

لكن أهو الواحد كان كبير وزي الشحط ويستحمل

لكن بيبيهات في سن اللعب والمرح والتحبيب والترغيب في التعليم يرعبهم كده الحيوان ده ؟

وشوفت بنتين يا عيني سنهم لا يتعدى 5 سنوات بيعيطوا زي البيبي الصغير اللي لسه بيرضع وده متحجر القلب والأحساس والحيوان اللي بيصور عمال يضحك وكأنه بيصور فيلم كوميدي لأسماعيل ياسين .... والأخت أم نقاب واللي المفروض بتحافظ على دينها وقاعده جنب الحيوان وشكلها مبسوطة ومنشكحه من اللي بيحصل ؟

الغريبة إنه كان عمال يلوش في الكل ومش عاتق .. غير واد في الأخر كده قال له شاطر وغصب عنه ما ضربوش !!!

المره الوحيده في حياتي اللي تجرأت وضربت واحده ست ... كانت المُدرسة بتاعت أختي الصغيرة كانت في إعدادي ورجعت من المدرسة معيطه .. عشان الأبلة المتخلفة سألتها سؤال وما عرفتش تجاوب .. راحت سوري خالعه جزمتها وحدفاها بها على طول إيدها ... حلفت لأروح المدرسة تاني يوم وأجيبها من شعرها واضربها في وسط المدرسة على رؤس الأشهاد بنفس الحذاء .. وعملت كده فعلاً وفرجت عليها أُمة لا إله إلا الله ... وقابلت الناظرة وقولت لها حاجه واحدة : إني مع معاقبة أي طالب يُخطيء أو يُهمل ... لكن بالمنطر ده .. دي وحشية ومنتهى الإهانة وحاجات تسبب عقدة للواحد حتى لو كبر وبقى عنده 100 سنة ..

وفي الكليب البشع ده ...هل هذه طريقة تعليم لبيبهات صغيرين ؟

هل إحنا قُمنا بثورة صحيح ضد كل أنواع الظلم ؟

هل هاتفضل عقلية التعليم كده طول العمر حتى بعد الثورة .. وهي بالمناسبة نفس عقلية الشرطة ؟ ..

يعني يا ابيض يا أسود

يعني يا اسود عيشتك وأكره العيال في الدنيا كلها وأخليهم يكرهوا التعليم واللي علموه وأضرب فيهم كأني بأضرب بهيمه .. سوري ده حتى البهائم الناس بتدخل الجنة بسببهم سواء قطط أو كلاب أو عصافير أو ما إلى ذلك

يا إما يقول لك : الطلبة تجرأوا على المدرسين لإن الوزارة منعت الضرب .. فخليها تخرب

وشوفنا حيوان أخر من حوالي سنتين يضرب ولد في إبتدائي مريض وما عملش الواجب يضربه في قلبة بالشلوط يكومه ميت

وأنتشر هنا من فترة ليست بعيده بالسعودية كليب متصور لمدرس في مدرسة سعودية ماسك سلك كهربا غليظ ونازل رزع في طفل في الفصل وكأنه بينتقم منه .. والحكومة إهتمت وشكلهم قبضوا عليه كمان

إيه في إيه ؟

إذا اردنا أن نُصلح التعليم .. فهل هناك إختبارات نفسية من فترة لأخرى تستبعد مثل هؤلاء المرضى الخطيرين على المجتمع هم وأمثالهم في الشرطة والجيش ؟

أقسم بالله العظيم ويمين يحاسبني عليه ربنا ... كان عندنا في إعدادي وثانوي مدرسين ومدرسات مرضى نفسيين 100 % ... ومش شرط يكون متوحش كده .. لأ ده في العكس إنه يكون ضعيف لدرجة العبط والهبل وإن ممكن عيل مفعوص يرزعه على قفاه وهو ولا هنا

أنا شوفت ده بعيني .. بس ما كنتش منهم يعني

ومنهم للأسف .. أسف إني أقول كده .. مدرسات ستات ....

ومش هاكمل تفاصيل عشان عيب

فهل هذا مقبول في التعليم ؟

ماليش دعوة بالكثافة العددية في الفصول .. أصل المدرسين مرتباتهم قليلة ... أصل الميزانية لا تسمح

يبقى لو كده . الأفضل إنكم تقفلوها وترجعوا العيال الكتاتيب وتسرحوا المدرسين ونخليهم يشتغلوا أي حاجه بعيد عن التربية والتعليم .

لإن المُدرس بقى عامل زي سواق التاكسي اللي كل ما تركب مع واحد ياكل دماغك من الشكوى من العيش والعيشة واللي عايشينها ...

وعُمره ما يكلمك عن دخله من الدروس الخصوصية اللي كثيررررر منهم بيعملوا الوفات شهرياً وأصبحوا ولا رجال الأعمال

ومع ذلك يبحث عن 50 ج في إختبارات الكادر .. ودائم الشكوى والتذمر

ويقول لك : على قد فلوسهم

طبعاً شيء مخالف للضمير والإنسانية وحاجه تقرف

[Howayda Ismail]

لا حول ولاقوة الا بالله

اهى الناس اللى زى دى هى اللى بتكره العيال فى المدرسة ويمكن فى التعليم كله بقية عمره

المشكلة الحقيقية ان فى مرحلة الحضانة والابتدائى ممكن تسبب عقد نفسية تلازمه طول العمر

وكثيرا مايتسبب فى حالات تبول لاارادى واحيانا كوابيس من كتر الخوف والرعب من المدرس سواء ضرب او تحرش

اسلم حاجة يتعمل اختبار نفسى للعاملين بالحضانات او مجال التعليم عموما قبل منح الموافقة على انشاء

دور الحضانة او الالتحاق بمهنة التعليم اللى كتير اعتبروها سبوبة او حدفهم التنسيق على كليات التربية ورياض

الاطفال وهم اصلا معندهمش رغبة انه يكون مدرس والنتيجة متخرج قرفان وزهقان من المهنة ويطلع زهقه على العيال

وده بيحصل كتير فى مرحلة ابتدائى

ولابد ايضا يكون فى اشراف دورى على الحضانات تابع للشئون الاجتماعية المسئولة عن منح الرخص

بس الراجل ده مريض نفسى ومحتاج تأهيل بغض النظر كونه اشتغل مدرس او حتى سباك

[mekkawy]

مجموعة من الحيوانات مكانهم الطبيعي صفيحة زبالة أو قفص في حديقة الحيوان

[ابو محمد بن مصطفي]

أناغيرت العنوان يا ابو محمد ليتفق مع خطورة هذا الموضوع

شكرا جزيلا علي التغيير

و بطالب ان العقاب يطول الناس اللي كانت فشتهم عايمة وبيضحكوا علي الملايكة دول وهما بيتعذبوا

لان ده مش تعليم ولو كان بالاسلوب ده المفروض نكتب علي كل مدرسة (المدرسة تهذيب واصلاح)

[se_ Elsyed]

التعرف على هوية ''المدرس الشرس'' صاحب فيديو ضرب الأطفال

شارك

احفظ الخبراطبعأضف تعليق ارسل5/25/2011 12:36:00 PM

بعد تداول مقطع فيديو يظهر مدرس يظهر فيه أحد الأشخاص وهو يضرب تلاميذ في مرحلة الروضة، تم الكشف عن هوية المدرس صاحب المقطع الشهير بـ ''المدرس الشرس'' وهو يضرب 25 طفلا في إحدى الحضانات بعصا خشبية غليظة على مؤخرة الرأس واليدين والقدمين والركبتين، والذي انتشر بكثافة على موقع "يوتيوب" ومواقع التواصل الاجتماعي الأخرى.

والمدرس الذي يظهر في الفيديو يدعى مجدى الشاعر، ويعمل موظفاً بمركز شباب كفر الديب، بحسب تأكيد مجدى عبدالوهاب، مدير إدارة الشؤون الاجتماعية بمركز زفتى في الغربية، وقال: لا أعلم شيئاً عن تجاوزاته التي تناولها الفيديو وسيتم التحقيق فيها على الفور. مضيفاً أن مديرية التضامن الاجتماعي ستقوم بزيارة الحضانة على الفور للتأكد والتحقيق فيما ورد.

شاهد الفيديو

مدرس يضرب الأطفالوأشار مدير الشؤون الاجتماعية إلى أن أي حضانات تتبع مديرية التضامن الاجتماعي تخضع لرقابتها، مشيراً إلى أن العاملين بها هم من موظفي المديرية.

من جهته، قال مصدر مسؤول في مكتب الدكتور أحمد جمال الدين موسى، وزير التربية والتعليم، إن الضرب في المدارس ممنوع ولا يقبل النقاش، وأوضح المصدر أن محاسبة هذا المدرس وغيره تخضع لقانون الإدارة المحلية، وهى من اختصاص مديرية التربية والتعليم بمحافظة الغربية، بينما قال فتحي هراس، مدير التربية والتعليم بالغربية، إن إشراف المديرية يقتصر على مراحل ما بعد الحضانة، ويبدأ من "كى جي 1"، مشيراً إلى أن المديرية لا تختص بهذا الموضوع.

وأشار هراس إلى أن مسؤولية الجريمة التى تم تصويرها في الفيديو تختص بها مديرية التضامن الاجتماعي بمحافظة الغربية والمراكز التابعة لها، قائلاً: "من الممكن أن يتم فتح فصول الحضانة في المدارس الحكومية لكنها تظل خاضعة لإدارة الشؤون الاجتماعية التابعة لمديرية التضامن الاجتماعي".

[ابوهنا]

انا لاقدر الله لو واحد زى ده عمل فى بنتى هنا كده

لن انتظر محامه عسكريه ولا محاكمه مدنيه

هاضرب تليفون للجماعه فى البلد

وهناخده فى شوال

وهنخليه ينسى اليوم اللى اتولد فيه

[fatfouta]

اهو الكلب الحلوف اتفضح عالتليفزيون اهو ويايت بقى بجد تتقدم فيه شكوى او بلاغ ومعاه الفيديو ده توثيق

انا نفسى اعرف مين اللى صور....ده اكيد والله مش طبيعى

العيال بتصرخ وهو شغال ضرب اه يا حيوااااااان

بلدنا بالمصري: تعذيب الأطفال في حضانة بالغربية

ريم ماجد معاها وكيل وزارة الترتبية والتعليم بيقول دى حضانة فى مركز شباب وان وزراة التربية والتعليم مالهاش اى سلطة عليها

اذاى يعنى مالهاش علاقة ؟؟؟؟؟؟؟؟؟؟؟؟؟؟؟؟؟؟؟؟

لا واللى يجنن انهم عيال فى البيبى كلاس اقل من اربع سنين يا حته حلوووووووف

وكيل وزارة التضامن بالغربية معاها عالتليفون بيقول انه الراجل الحيوان ده هو صاحب دار الحضانة ده وهما اصدروا قرار باغلاق الحضانة وانها مهزلة بكل المقاييس

منك لله يا شيخ ترضى على ولادك ينضربوا ذى ماضربت العيال دى

اتفو عليك

http://www.youtube.com/watch?v=mNbrtne9DQ8&feature=related

[fatfouta]

اهم حظولهم الفيديو على صفحة وزارة التضامن عالفيس بوك

وكاتبين عليه انه بلاغ للنائب العام ضد المدرس القذر ده

وزارة التضامن الاجتماعى

[Damo]

</h1>

غلق حضانة "تعذيب الأطفال" بزفتى

القاهرة - بعد انتشار مقطع الفيديو الذي يقوم فيه مدرس بضرب 25 طفلا في الحضانة.. أأصدر سلامة سعد، وكيل وزارة التضامن الاجتماعي، بمركز طنطا محافظة الغربية، قراراً بغلق حضانة ''مجدي الشاعر''، الموظف بمركز شباب كفر الديب، فيما ترددت أنباء عن إصدار مكتب النائب العام قراراً بالتحقيق مع الموظف المذكور، بعد أن انتشر على المواقع الاجتماعية، الفيديو الذي يظهر فيه الموظف وهو يضرب الأطفال بعصا خشبية.

وقال سلامة سعد، وكيل وزارة التضامن الاجتماعي بطنطا، إن المديرية اتخذت الإجراء الإداري بغلق الحضانة، بالإضافة إلى اتخاذ الإجراء الجنائي طبقا لقانون الطفل، المتمثل في تحرير محضر بالواقعة، مؤكدا أن قسم زفتى استدعى "مجدي الشاعر" بالفعل ويتم التحقيق معه.

وأكد وكيل وزارة التضامن الاجتماعي، أنه قابل "الشاعر" في قسم زفتى، وحدثت بينهما مشادة كلامية بسبب إصرار الأخير على أن الضرب هو أفضل وسيلة للتعليم في الوقت الحالي، وأكد أن الأطفال لن يتضرروا من إغلاق الحضانة، قائلا: "لن يتضرر الأطفال ولا أولياء الأمور وقد وعدتهم بأني مسؤول عن توزيع أطفالهم على حضانات أخرى تلتزم بالقانون، وبعد زيارة الحضانة ثبت أن هناك كثيرا من المخالفات التي تستدعي إغلاقها بغير رجعة".

وقال مجدي زيدان مدير إدارة الشؤون الاجتماعية بزفتى، إنه توجه إلى الحضانة المذكورة، على رأس لجنة مشكلة من التفتيش المالي والإداري، والأسرة، والطفل، والرقابة، والمتابعة، ووحدة من إدارة كفر الديب الاجتماعية، مشيراً إلى أن قرار غلق الحضانة صدر وهو موجود فيها لتقصي حقيقة الوضع بها، مؤكداً أن مأمور قسم زفتى سيتوجه على رأس قوة من القسم لتشكيل حراسة على الحضانة المغلقة لحين التحقيق في الواقعة.

من جانبه أرسل المجلس القومي للأمومة والطفولة خطابا للنائب العام يدعوه فيه لفتح التحقيق مع الموظف المتهم ومحاسبته لعدم التزامه بقانون الطفل.

http://www.masrawy.com/News/Egypt/Politics/2011/may/25/teacher_zefta.aspx

<h1 style="margin-top: 0px; margin-right: 0px; margin-bottom: 0px; margin-left: 0px; padding-top: 3px; padding-right: 0px; padding-bottom: 3px; padding-left: 0px; font-size: 22px; line-height: 28px; border-bottom-width: 1px; border-bottom-style: solid; border-bottom-color: rgb(236, 236, 236); clear: both; ">

</h1><h1 style="margin-top: 0px; margin-right: 0px; margin-bottom: 0px; margin-left: 0px; padding-top: 3px; padding-right: 0px; padding-bottom: 3px; padding-left: 0px; font-size: 22px; line-height: 28px; border-bottom-width: 1px; border-bottom-style: solid; border-bottom-color: rgb(236, 236, 236); clear: both; ">

</h1><h1 style="margin-top: 0px; margin-right: 0px; margin-bottom: 0px; margin-left: 0px; padding-top: 3px; padding-right: 0px; padding-bottom: 3px; padding-left: 0px; font-size: 22px; line-height: 28px; border-bottom-width: 1px; border-bottom-style: solid; border-bottom-color: rgb(236, 236, 236); clear: both; ">

[طارق مصرى]

و احد من بقايا النظام السابق النظام البوليسى الشرس الذى لا يفهم غير لغة الضرب

[se_ Elsyed]

إيه الناس دي اللي بقت بتستعذب وتستلذ بالتعذيب ؟؟

مفاجأة.. أولياء أمور الأطفال المعذبين بزفتى يبرئون المدرس

الأربعاء، 25 مايو 2011 - 23:16

الغربية ـ هند عادل

تواصل نيابة مركز زفتى بمحافظة الغربية التحقيقات فى واقعة تعذيب مدرس لأطفال الحضانة، والتى انتشرت على المواقع الإلكترونية.

يجرى أحمد نجيب مدير نيابة زفتى تحقيقات متواصلة منذ 24 ساعة متواصلة فى واقعة اعتداء وتعذيب موظف بالشباب والرياضة ويدعى "مجدى الشاعر" على أطفال بحضانة مركز شباب كفر الديب مركز زفتى، واستمعت النيابة إلى أقول 42 ولى أمر، وكانت المفاجأة أن أقوال عدد كبير من أولياء الأمور أنهم طلبوا من الموظف وصاحب الحضانة تعليم أطفالهم، ولم يتهموا الموظف بالاعتداء على الأطفال بالضرب.

كان المستشار عبد المجيد محمود النائب العام قد قرر البدء فى تحقيقات موسعة فى فيديو التعذيب للأطفال والذى انتشر على بعض المواقع الإلكترونية وبدأت نيابة زفتى منذ الساعة الحادية عشرة من أمس البدء فى تحقيقات موسعة تحت إشراف المستشار مؤمن سالمان المحامى العام لنيابات شرق طنطا الكلية، ولم تستمع النيابة حتى الآن إلى أقوال موظف الشباب والرياضة المتهم فى الواقعة ومازالت التحقيقات مستمرة.

وليكن ...

ده لا يعفيه من العقوبة .. ويا حبذا لو أولياء امورهم كما يتعاقبوا عشان يعرفوا إنهم مخلفين بني ادمين مش حيوانات بتتجلد

[Alattar]

إيه الناس دي اللي بقت بتستعذب وتستلذ بالتعذيب ؟؟

مفاجأة.. أولياء أمور الأطفال المعذبين بزفتى يبرئون المدرس

الأربعاء، 25 مايو 2011 - 23:16

الغربية ـ هند عادل

تواصل نيابة مركز زفتى بمحافظة الغربية التحقيقات فى واقعة تعذيب مدرس لأطفال الحضانة، والتى انتشرت على المواقع الإلكترونية.

يجرى أحمد نجيب مدير نيابة زفتى تحقيقات متواصلة منذ 24 ساعة متواصلة فى واقعة اعتداء وتعذيب موظف بالشباب والرياضة ويدعى "مجدى الشاعر" على أطفال بحضانة مركز شباب كفر الديب مركز زفتى، واستمعت النيابة إلى أقول 42 ولى أمر، وكانت المفاجأة أن أقوال عدد كبير من أولياء الأمور أنهم طلبوا من الموظف وصاحب الحضانة تعليم أطفالهم، ولم يتهموا الموظف بالاعتداء على الأطفال بالضرب.

كان المستشار عبد المجيد محمود النائب العام قد قرر البدء فى تحقيقات موسعة فى فيديو التعذيب للأطفال والذى انتشر على بعض المواقع الإلكترونية وبدأت نيابة زفتى منذ الساعة الحادية عشرة من أمس البدء فى تحقيقات موسعة تحت إشراف المستشار مؤمن سالمان المحامى العام لنيابات شرق طنطا الكلية، ولم تستمع النيابة حتى الآن إلى أقوال موظف الشباب والرياضة المتهم فى الواقعة ومازالت التحقيقات مستمرة.

وليكن ...

ده لا يعفيه من العقوبة .. ويا حبذا لو أولياء امورهم كما يتعاقبوا عشان يعرفوا إنهم مخلفين بني ادمين مش حيوانات بتتجلد

عقدة زفتي هولوم

أهي المشكلة ان ناس زي دي مش عارفة ان اللي بتعمله ده هو اللي جابنا ورا

أنا مقدر انهم ممكن يكونوا ناس قلوبهم طيبة..و الراجل ده جارهم ولا بلدياتهم ومش عاوزين يتسببوا له في أذي..

بس عزائي الوحيد في الموضوع ده..اني ما أعتقدش ان النيابة ان شاء الله ممكن تاخد بكلامهم و تبرئه..لأن الموضوع مش متعلق بتعذيب طفل..الموضوع جريمة في حق نظام التعليم كله

تم تعديل 25 مايو 2011 بواسطة Alattar

[Om Zayd]

السلام عليكم و رحمة الله و بركاته

ما تيجوا نستغل الموضوع ده اننا نتكلم ازاي نقلل من مثل هذه المصائب

يعني مثلا .. أكيد اجراءات الترخيص محتاجة مراجعة.. مش اي واحد يفتح حضانة

الرقابة.. ايه الجهة اللي المفروض المواطن يشتكي لها من مخالفات الحضانات من غير ما يتوهوه في عدم الاختصاص

الاهل.. كثير ممكن يعامل اولاده كده او يعتبر ان هيا دي التربية.. محتاجين توعية

اذا حد شايف نقط تانية محتاجة تتناقش.. يا ريت يضيفها

[se_ Elsyed]

أختي بتتصل بي أمبارح من الدنمارك وهي بتعيط .. بعد ما شافت الكليب بتاع المجرم ده على برنامج العاشرة مساءً وبتقولي إحنا والمصريين وكل اللي شاف المصيبة دي متأثرين جداً

تخيلوا .. إبنها الصغير داخل السنة الجاية أولى إبتدائي . وبقى له 3 سنوات في الحضانة ....

كل اللي اخده لحد دلوقت ... إزاي يعرف يكتب إسمه هو فقط .. مش أسم أبوه او إسمه بالكامل يعني

وكل اللي بيعمله يومياً في المدرسة هو القيام بالرحلات للغابات ... ووضعت لكم أنا كليب المدرسة ناشراه على النت لهم وهو كان فيه وكانوا في تدريب في الغابة ... وبيلعبوا رياضة كل يوم . او يتفرجوا على كارتون فقط

باتكلم انا واحد أصدقائي هنا . مدير مالي .. فبيقول لي أمبارح إنه كان تخصص علمي في ثانوي .. عارف ليه ؟

قلت له : ليه يا معلم ؟

قال لي في إبتدائي كنت باكره الرياضيات وباجيب صفر فيها ... فدخلت أولى إعدادي وفي اول إختبار شهري جبت 10 من 60 !!!!!!!!!

المهم جابني أستاذ الرياضيات وإتكلم معايا بمنتهى الود وعن مشكلتي مع الرياضة وقال لي إنت ذاكر واعمل اللي عليك وتعالى أشرح لك أي حاجه مش فاهمها .

وفوجئت في الشهادة اللي بتتبعت لولي امري إنه عدل الدرجة وبقت 52 من 60 . تخيلوا ؟

بيقول لي من ساعتها .. وانا باكل كتب الرياضة اكل .. ولحد التخرج في ثانوي كانت دي مادتي المفضلة وباجيب فيها الدرجات النهائية

شوفتوا الأسلوب ؟

[se_ Elsyed]

أدخل يا جزمه ده أنت وأمثالك لازم تشوفوا أيام سودا

حبس المدرس المتهم بتعذيب الأطفال بزفتى 4 أيام على ذمة التحقيقات

الخميس، 26 مايو 2011 - 12:08

قرر أحمد نجيب مدير نيابة زفتى، حبس موظف الشباب والرياضة وصاحب الحضانة بقرية كفر الديب 4 أيام على ذمة التحقيقات.

كانت النيابة قد باشرت التحقيقات على مدار 36 ساعة كاملة استمعت خلالها إلى 45 من أولياء أمور الأطفال، الذين تم تعذيبهم داخل الحضانة.

كان النائب العام قد قرر فتح تحقيق عاجل حول قيام موظف بالشباب والرياضة يدعى مجدى الشاعر بضرب وتعذيب الأطفال داخل الحضانة، وصدر قرار من محافظ الغربية بغلقها وتشمعيها بالشمع الأحمر ، وتشكيل لجنة عاجلة من مديرية التضامن لفحص جميع ملفات دور الحضانة الأهلية على مستوى المحافظة وغلق المخالف منها

.

أنا عاوز أشكر النطع اللي كان بيصور وهو منشكح وبيضحك

لإن لولا ما فعله ولا تسرب الكليب من تليفونه .. كان زمان الوحش ده نازل تدبيح في العيال

[aimen]

http://www.youtube.com/watch?v=XdBaxwlRBjw

بلدنا: مظاهرة أهالي زفتى دفاعاً عن المدرس الشرس

اشربوا

[Alattar]

http://www.youtube.com/watch?v=XdBaxwlRBjw

بلدنا: مظاهرة أهالي زفتى دفاعاً عن المدرس الشرس

اشربوا

مش بقوللك...عقدة زفتي هولوم