جمعة العمل موعدنا الجمعة 3/6/2011

[رضوي]

طبعاً معاكي

احنا فعلا محتاجين جمعات عمل .......... محتاجين نعيد بناء البلد تاني

فكرة رائعة يابنك روز ....... تسلمي ياجميلة

[م تيمور المراغي]

فكرة جميلة يا بينك اشكرك عليها ,,

وياريت يبقى ليها جدول اعمال وححاول اشارك معاكم و احط شوية افكار عفو الخاطر

يعني تبدا مثلا بصلاة فجر مليونيه ,,

بعدين نظافة للشوارع ,,

بعدين راحة لحد صلاة الجمعه ,,

من بعدها تنقسم فرق ,,

مجموعه حتتكلم عن التوعية السياسية ,,

ومجموعه حتقدم شنط فيها سلع تموينية اساسية للمحتاجين ,,

ومجموعه حتتكلم عن الاخلاق بصفة عامة والسلوكيات المتحضرة لمصر بعد الثورة ,,

ومجموعة حتقوم بزراعة بعض الاشجار ومتأكد ان وزارة الزراعه حتدعمكم بالشتلات وبفريق متخصص ,,

وينتهي اليوم بحفل فني يحيه فنانين كبار ,,

دي كانت افكار سريعه قابله طبعا للزيادة والتطوير ,,

ربنا يوفقكم ,,

[pink rose]

فكرة جميلة يا بينك اشكرك عليها ,,

وياريت يبقى ليها جدول اعمال وححاول اشارك معاكم و احط شوية افكار عفو الخاطر

يعني تبدا مثلا بصلاة فجر مليونيه ,,

بعدين نظافة للشوارع ,,

بعدين راحة لحد صلاة الجمعه ,,

من بعدها تنقسم فرق ,,

مجموعه حتتكلم عن التوعية السياسية ,,

ومجموعه حتقدم شنط فيها سلع تموينية اساسية للمحتاجين ,,

ومجموعه حتتكلم عن الاخلاق بصفة عامة والسلوكيات المتحضرة لمصر بعد الثورة ,,

ومجموعة حتقوم بزراعة بعض الاشجار ومتأكد ان وزارة الزراعه حتدعمكم بالشتلات وبفريق متخصص ,,

وينتهي اليوم بحفل فني يحيه فنانين كبار ,,

دي كانت افكار سريعه قابله طبعا للزيادة والتطوير ,,

ربنا يوفقكم ,,

شكرا يا باشمهندس على افكارك

بس يا ريت تكمل جميلك بقى و تقولينا نجيب مين يحي الحفل دا

بس سؤال ازاي نبدأ اليوم بصلاة مليونية للفجر و ننهيه بحفلة غنائية ما تركبش مع بعض

يا باشمهندس تقريبا حضرتك ما قريتش التوبيك كويس

التوبيك بيتكلم عن جمع عمل مش جمعة عمل

عاوزين نفتح المصانع و الشركات يوم الجمعة الناس تشتغل مش هايتجمعوا في ميادين يهتفوا

دا بالنسبة للناس اللي بالفعل عندهم اشغال

اما الشباب اللي مش بيشتغل فا دا عاوزين نستغل طاقته طول الاسبوع

اسبوع للنضافة يتقسم الشباب مجموعات متوزعة على مناطق الجمهورية

يقوموا بحملات نضافة و توعية في نفس الوقت

اسبوع للعشوائيات يروحوا للناس دي جوا مناطقهم بشنط تموينية زي شنط رمضان كده و دا هاتقوم بيه جمعية رسالة و شبابها

و هكذا

الحوار مش يوم جمعة طالعينه رحلة و يروحوا يأنتخوا بعدها خلاص

لا ان شاء الله الموضوع مستمر لحد ما مصر توقف على رجليها

في اليابان يا باشمهندس قسموا استاد الكورة عشان يعوضوا اللي فاتهم من الدراسة بسبب الزلازل و تسونامي

احنا بقى عاوزين نعوض اكتر من 30 سنة خراب

و الحمدلله حزب الوسط بيتناقش مع شباب الحزب للمشاركة في الموضوع دا

بس عموما عجبتني فكرة التشجير جدا باحييك عليها

و يا ريت حضرتك تشاركنا بافكار تانية على رواقة كده اكيد هانستفيد منها ان شاء الله

شكرا لمداخلة حضرتك

[tarek hassan]

أليس من واجبنا الآن أن نقوم بثورة

- على كل الإعلاميين الخونة أمثال عمرو أديب ويسري فودة وغيرهما

- وثورة على قنوات الفتنة الإعلامية والفساد الإعلامي وصحف الفتنة والتدمير والتخريب لمصر

- وتكون على المنقلبين على الجيش وعلى الدولة كلها وتعريض أمنها للخطر

- والثورة على من يريدون التدخل الأجنبي في شئون مصر

- ثورة لإفساد كل المخططات الخائنة للوطن

ما رأيكم في أن نقوم بهذه الثورة وكيف يكون شكلها ؟

لا يجوز أن نترك الجيش وحده في مواجهة هؤلاء الانقلابيين

تم تعديل 26 مايو 2011 بواسطة tarek hassan

[بيبو كندا]

الاستاذة بينك روز

انا لسه فى مصر

و هعمل كل ما يمكن انى اوزع الفكرة دى سلامى

[الدكتورة أم أحمد]

هي دي الأفكار الهايله ماشاء الله ربنا يبارك فيك يا أم مريم

لكن أيه آليات العمل هذه الجمعة

يعني في الوظائف الحكومية أم عمل تطوعي خارج الدوائر الحكومية؟؟؟

شكرا دكتورة ام احمد

بالنسبة للعمل الحكومي لازم موافقة الحكومة على حاجه زي كده طبعا

و انا وصلت الفكرة للاخوة في حزب الوسط و هما هايطرحوها على دكتور شرف

انما حاليا بنتكلم عن اعمال تطوعية و الاعمال الخاصة

و منتظرين منكم مقترحات

أنا شخصيا ضد فتح المصالح الحكومية يوم الجمعة وأعتقد إن هذا صعب

لكن نريد الدعوة لأن يقوم كل موظف بالعمل المنوط به في وقت العمل ويحرص على الإجاده والتميز والابتكار وحسن معاملة الجمهور والإخلاص في النصح لهم

الحقيقة أوليات العمل بالتطوعي بالنسبة لي

إولا :محو الأمية هذه السبة لنا جميعا خاصة أننا أمة ذات حضارة عريقة

والأمية ليست كما نظن في الذين لم يلتحقوا بالمدارس،

لا بل وطلبة وطالبات المدارس حتى الدبلوم ولنا في المسجد نشاط في بدايته في هذا المجال

الأمر الثاني

النظافة أصبحت كثير من الشوارع والتي حتى لا تكنس حتى ومنتظرين وجود رئيس وحكومة هذا غير عدم وجود صناديق والقمامة في كل مكان والحقيقة بفكر في عمل صناديق من العمل التطوعي ويعيق ذلك وجود فقراء ومحتاجين نعطيهم الأولوية

والثالث : مساعدة الفقراء والمعدمين وتفقد أحوالهم وهذه تحتاج إلى مجموعات عمل دائمة في كل منظقة سكنية لها كثافة سكانية معينة والأولية للمناطق الفقيرة ويكون لكل أسرة ملف ويدعمها رجال الأعمال والميسورين وطبعا يختاروا بحيث يكونوا من الثقات في كل منطقة

ويفضل عمل مشاريع صغيرة للأسرة أو إيجاد فرصة عمل بحيث يأتي يوم تستغنى فيه عن المساعده وتساعد غيرها

أقترح عمل مجموعات عمل لها كوادر على الأقل في كل محافظة بالنسبة لكل عمل مقترح ويكون هناك دائما ملف لسقف الأعمال ثم النظر فيما تم إنجازه على أرض الواقع وهكذا

أما مسألة جمعة لكذا وجمعة لكذا وانتهى الأمر فهذا شيء غير مجدي ولا داعي له

[pink rose]

حي على العمل

اظن الحمدلله خلصت جمعة القلق على خير

عاوزين بقى نحط مصر قدام عينيا و نبدأ نفكر ننهض بيها ازاي

يا ريت تشاركونا في جمعة العمل و تشرفونا بافكاركم هناك عشان يكون في تفاعل على الفيس

و طبعا لو حد هنا عنده او يعرف حد عنده مصنع و شركة

يا ريت يقولنا رأيه في فتح المصنع او الشركة يوم الجمعة لمدة 6 ساعات فقط و بالتناوب بين العمال بمعدل جمعة و جمعة و طبعا العمل دا تطوعي بدون اجر

هل ممكن يتم دا على ارض الواقع ؟؟؟

تم تعديل 28 مايو 2011 بواسطة pink rose

[ام سلمي]

سلام عليكم

بينك روز ، انا حطيت اللينك علي الفيس بوك عندي ،بس حابة اقولك ان ما شاء الله شكل الموضوع انتشر لأني بالصدفة لقيت واحدة صاحبتي في مصر حاطة فكرة الموضوع في صفحتها ،و مااعتقدش انها مشتركة في المحاورات ،انا استغربت بصراحة من سرعة انتشار الفكرة ، ما شاء الله دايما محاورات المصرين سباقة

تم تعديل 28 مايو 2011 بواسطة ام سلمي

[ابراهيم عبد العزيز]

بارك الله فيكى اخت بنك روز على موضوعك الهادف

هكذا العمل , يد تبنى وتعمل ويد تراقب الثورة ومسيرتها حتى الوصول بها لبر الامان

ممكن مثلا فى هذا اليوم كما تفضل الاخوة واقترحوا أن تفتح كل المصانع أبوابها للعمل والانتاج ولا نطلب منهم ان يعلموا بدون اجر ويكفى أنهم سيعملون يوم الجمعة واكيد ان عمل يوم كامل اضافى سيكون له تأثير جيد على الانتاج والاقتصاد

[arkan]

ممكن كمان يزيدوا ساعات العمل بمعدل ساعة او 2 يوميا اذا تعذر العمل يوم الجمعة

بس فعلا الناس تشتغل مش تتواجد بس في مكان العمل

[pink rose]

بالنسبة للاقتراح بان العمل يوم الجمعة يبقى باجر مدفوع مش عارفة طب كده هايفرق ايه ما هو كده صاحب الشغل ممكن يقول لأ اليوم واقف بخسارة

و احنا مش عاوزين حد يخسر

عشان كده بنقول كل صاحب مصنع او شركة يطرح الفكرة و يكون العمل تطوعي من العمال يعني اللي عاوز يجي باراته و هو عارف ان اليوم دا ببلاش بس هو بيعمل كده لمصر عشان يزود الانتاج هو دا المطلوب

لكن لو صاحب العمل اجبر الناس ممكن الناس تروح و ما تشتغلش و يبقى يوم زي قلته

عشان كده كمان باقترح يكون اليوم دا مش بكامل العدد و يكون الجمع بالتوال عشان الناس كمان ما تزهقش

يعني العامل ممكن يعدي عليه الدور و يشتغل جمعة اة اتنين في الشهر ما يبقاش مواصل شغله 30 يوم في الشهر و دا ما يرضيش حد

اما لاقتراح اختنا راكان بانهم يزودوا ساعات العمل انا كنت باشتغل و عارفه ان دا صعب جداااا

خصوصا ان الحر داخل دخلة زي الفل غير رمضان اللي كلها شهرين و يجي

فا الجمعة و عدد 6 ساعات و بالتناوب ممكن يكون اقتراح مقبول عند الناس

[rewsha]

انا اقترح بقى ان العمل يوم الجمعه يبقى بنصف الاجر

كخطوه اول .وعلشان الناس ما تكسلش برضو

اصل في ناس كده .

اذاما اخدتش .....ماتديش. :closedeyes:

[pink rose]

اقتراح معقول يا روشة

و يعتبر خطوة اولى

طيب بالنسبة للشباب اللي مش بتشتغل بقى اصلا و عاوزينهم في العمل التطوعي

ايه اقتراحاتكم؟؟؟؟

[rewsha]

ممكم اوجه دعوى للاخوه والاخوات هنا

اي حد ساكن في منطقه فيها شوارع مليلنه قمامه

او عمارات تحتها قمامه

يجمعوا من كل شقه مبلغ رمزي جدا .ويجيبوا حد (بالفلوس مش ببلاش) ينظف القمامه دي

وهاتبقى مره واحده بس

في سيل ان الواحد وهوه ماشي يلاقي الدنيا نظيفه من حواليه

بصراحه في واحده اعرفها هنا.واهي واحده ست مش هانقول راجل

جمعت من كل شقه 5 جنيه (ده في العماره اللي هيه ساكنه فيها)

وجابت ناس نظفوا الشارع اللي بين العماره بتاعتهم واللي جنبها

وكمان جابت شتلات بتاعت زرع وزرعت فيها نعناع وريحان

والدنيا بقت نظيفه وحلوه

كل اللي انا عاةوزاه ان يكون في قائد في كل مكان يقود الحملات دي

لو كل واحد في عمارته

او في الشارع بتاعه .والتاني عمل زيه .الدنيا هاتبقى نظيفه .

[pink rose]

سبحان الله يا روشة

انا بقالي اكتر من اسبوع عمالة افكر في موضوع الزبالة دا

اختي في رابعة سياحة و مشروع التخرج عندهم

السلبيات اللي بتعيق السياحة في اسكندرية

و العيال ما شاء الله عليهم ما صدقوا و نازلين بصور تقرف بصراحة كرهوني في نفسي

من ساعتها و انا عمالة اقلب الحوار في دماغي يمين و شمال و ان شاء الله باحاول اظبط المشروع في دماغي كده على ما العيال دول يخلصوا امتانت و ينزلوا يطبقوا المشروع دا و معاهم اختي طبعا

عاوزة اعمل حملة في اسكندرية

و اسميها

اسكندرية مدينة بلا قمامة

يكون هدف الحملة ان كل شارع في اسكندرية يبقى زي الفل

و الفكرة قريبة من اللي قولتيه كده

الشباب متوزعين طبعا على مناطق اسكندرية كلها و شايفين القرف دا كله و مش عاجبهم

فا بافكر اني اقسمهم مجموعات تعدي على البيوت و تجمع مبلغ من كل شقة

و الشباب دول يتفقوا مع زبالين

و بعربيات نص نقل يركب شابين ثلاتة و معاهم اتنين زبالين و يعدواعلى البيوت في معاد معين و يلموا الزبالة و بعدين ياخدوها يودوها لمقلب الزبالة

او لو في مصانع تدويير زبالة انا بصراحة مش عارفة بس هاسأل في الموضوع دا

المهم اني عاوة اسكندرية تكون اول مدينة مصرية تتخلص من الزبالة

و هانبدأ طبعا الفكرة بالاماكن المعروفةف اسكندرية و بقت متبهدلة جامد

محطة الرمل المنشية الابراهيمية و طبعا الاماكن اللي فيها آثار عندنا و السياح بيجوا يزروها

و تبقى خطوة اولى لانها تشتغل في باقي الاماكن

طبعا دا ان شاء الله هايتم بالتعاون مع دكاترة سياحة و المحافظة و جمعية رسالة اسكندرية

باحلم ان الحملة دي تنجح و نعلن عنها في التليفزيون و الجرايد و حد من السادة بتوع الاعلام يعمل حاجه مفيدة في حياته توحد ربنا و يتبنوا الحملة عشان تعمم في باقي المحافظات

هو لحد دلوقتي حلم بس ان شاء الله هاحاول بكل ما اقدر احققه

و اكيد ان شاء الله هالاقي ناس زيي عندها نفس الحلم دا

و ربنا يسهل ان شاء الله

شهر كده بإذن الله و هاقولكم عملت ايه لانهم عندهم امتحانات دلوقتي

طبعا لو حد هنا عنده اقتراحات يشاركني بيها في الموضوع دا خصوصا اخوان م اسكندرية يبقى جزاهم الله خير

اختنا الفاضلة هند علي

الفاضل ابو محمد

الفاضل اسلام المصري

الفاضل محمد عبد العزيز

و بما انهم في اسكندرية حاليا مش مغتربين زي حالاتي لو انضموا ليا في الفكرة هايبقى انجاز ليها طبعا

تم تعديل 28 مايو 2011 بواسطة pink rose

[ozoozo]

[pink rose]

باشكرك جدا عشان اديتني امل ان في ناس كتير في مصر عاوزة تشتغل بقى

شايفين انهم ضيعوا وقت طويل اوي 5 شهور في مظاهرات و اعتصامات و سايبين اهم حاجه توقف البلد على رجلها

[ozoozo]

بما ننا مغتربين وعايشين بره يبقي يكون دورنا ان احنا ننعش السوق اليوم ده

ازاي

كل واحد فينا في اليوم ده يبعت 10 دولار يعني خمسين جنيه -او قبليها بيومين عشان البنوك قافله -

ويشوف حد محتاج من معارفه -مابدلهوش في ايده لصرفها في نفس اليوم لتنشيط السوق- ممكن يكون محتاج دواء ضغط مثلا او سكر بيستعمله علي طول ولاده محتاجين لبس ان شالله تجيبله رز وزيت وتدهمله ولو تعذر ممكن تديله كاش

طيب لو انت بخيل شويه ومستخسر الخمسين جنيه يبقي علي الاقل حولها في حسابك في مصر وبرضه ده هايساعد

احنا 5 مليون مغترب بفرض الدعوه هاتوصل لمليون بس يعني في اليوم ده هانضخ في السوق 50 مليون جنيه يعني بالنسبه للبياعين اكنه موسم زي وقفه العيد كده

[pink rose]

بما ننا مغتربين وعايشين بره يبقي يكون دورنا ان احنا ننعش السوق اليوم ده

ازاي

كل واحد فينا في اليوم ده يبعت 10 دولار يعني خمسين جنيه -او قبليها بيومين عشان البنوك قافله -

ويشوف حد محتاج من معارفه -مابدلهوش في ايده لصرفها في نفس اليوم لتنشيط السوق- ممكن يكون محتاج دواء ضغط مثلا او سكر بيستعمله علي طول ولاده محتاجين لبس ان شالله تجيبله رز وزيت وتدهمله ولو تعذر ممكن تديله كاش

طيب لو انت بخيل شويه ومستخسر الخمسين جنيه يبقي علي الاقل حولها في حسابك في مصر وبرضه ده هايساعد

احنا 5 مليون مغترب بفرض الدعوه هاتوصل لمليون بس يعني في اليوم ده هانضخ في السوق 50 مليون جنيه يعني بالنسبه للبياعين اكنه موسم زي وقفه العيد كده

انزلي بالترجمة واحدة واحدة كده

يعني انت عاوزنا كمغتربين نبعت فلوس ايا كان المبلغ يعني كل واحد حسب مقدرته و ان اقلها 50 جنيه

نبعتهم قبل يوم الجمعة بحيث يتصرفوا في السوق اليوم دا

انا كده فهمتك صح؟

[ozoozo]

بما ننا مغتربين وعايشين بره يبقي يكون دورنا ان احنا ننعش السوق اليوم ده

ازاي

كل واحد فينا في اليوم ده يبعت 10 دولار يعني خمسين جنيه -او قبليها بيومين عشان البنوك قافله -

ويشوف حد محتاج من معارفه -مابدلهوش في ايده لصرفها في نفس اليوم لتنشيط السوق- ممكن يكون محتاج دواء ضغط مثلا او سكر بيستعمله علي طول ولاده محتاجين لبس ان شالله تجيبله رز وزيت وتدهمله ولو تعذر ممكن تديله كاش

طيب لو انت بخيل شويه ومستخسر الخمسين جنيه يبقي علي الاقل حولها في حسابك في مصر وبرضه ده هايساعد

احنا 5 مليون مغترب بفرض الدعوه هاتوصل لمليون بس يعني في اليوم ده هانضخ في السوق 50 مليون جنيه يعني بالنسبه للبياعين اكنه موسم زي وقفه العيد كده

انزلي بالترجمة واحدة واحدة كده

يعني انت عاوزنا كمغتربين نبعت فلوس ايا كان المبلغ يعني كل واحد حسب مقدرته و ان اقلها 50 جنيه

نبعتهم قبل يوم الجمعة بحيث يتصرفوا في السوق اليوم دا

انا كده فهمتك صح؟

صح

يبقي كده نشطنا البيع والشراء في السوق بخمسين مليون جنيه

ياريت ننشرها علي الفيس بوك وتويتر

تم تعديل 29 مايو 2011 بواسطة ozoozo