افتحوا التليفزيون...بيان عاجل من الدكتورعصام شرف

[fatfouta]

الصفحة الرسمية لرئاسة مجلس الوزراء المصرى

عاجل: رئيس الوزراء د.عصام شرف سيلقي بيان هام للشعب المصري بعد قليل علي الهواء

22 minutes ago · Like ·

تم تعديل 25 مايو 2011 بواسطة fatfouta

[se_ Elsyed]

هو بيان عاجل ولا تلخيص لإجتماع مجلس الوزرا النهاردة اللي كان بيعتمد الموازنة العام للدولة ؟

[pink rose]

على انهي قناة يا فاطمة انا فتحت الاولى عليها الاذان بتاع العشا

و المصرية عليها كورة

[ام سلمي]

انا قريت في رصد من شوية عن البيان ده

رصد | مصر | شرف يلقى خطاباً لتوضيح رؤية الحكومة لما يسمى "جمعة الغضب"

يوجه الدكتور عصام شرف رئيس مجلس الوزراء كلمة إلى الشعب المصرى ، يتناول فيها الموقف الراهن على الساحة الداخلية، ورؤية الحكومة لما يسمى "بجمعة الغضب"، التى دعت إليها بعض القوى السياسية بعد غد.

وقال الدكتور أحمد السمان المستشار الإعلامى لرئيس الوزراء إنه لم يتقرر بعد ما إذا كان سيتم إذاعة كلمة شرف اليوم أم غدا.

يذكر أن شرف سيتوجه غدا إلى باريس للمشاركة فى قمة الثمانى.#RNN

[fatfouta]

الغريبة ان التليفزيون المصرى لسه حتى معملش تنويه

[fatfouta]

هو بيان عاجل ولا تلخيص لإجتماع مجلس الوزرا النهاردة اللي كان بيعتمد الموازنة العام للدولة ؟

لا يا سى السيد ملامح الموازنة العامة ونتائج الاجتماع موجود على الصفحة الرسمية لرئاسة الوزارء فى خبر تانى خالص

هنا

ملامح الموازنة العامة.....الاجتماع الثانى عشر لمجلس الوزراء

[tarek hassan]

يا أستاذة فتفوتة أنتي هتجيبي الغلط على التلفزيون وأنتم خلتونا نجري عليه ومستنيين من ساعتها على الفاضي

دا بيذكرني بأيام حسني مبارك لما كانوا بيقولوا بعد قليل ونقعد نستنى لآخر الليل

عموما الوقت اللي ضاع في الانتظار دا على حساب مين

عند حضرتك علشان قولتي حاااالا

ولا على التليفزيون علشان لم ينوه

ههههههههههههه

على العموم شكرا لحضرتك

تم تعديل 25 مايو 2011 بواسطة tarek hassan

[fatfouta]

يا أستاذة فتفوتة أنتي هتجيبي الغلط على التلفزيون وأنتم خلتونا نجري عليه ومستنيين من ساعتها على الفاضي

دا بيذكرني بأيام حسني مبارك لما كانوا بيقولوا بعد قليل ونقعد نستنى لآخر الليل

عموما الوقت اللي ضاع في الانتظار دا على حساب مين

عند حضرتك علشان قولتي حاااالا

ولا على التليفزيون علشان لم ينوه

ههههههههههههه

على العموم شكرا

عدلتها يا استاذ طارق ماهما اللى كاتبين بعد قليل

وانا اللى افتكرت انهم اتغيروا ومش ذى لما كانوا بيقولوا ايام مبارك بعد قليل ويطلع لنا فى نص الليل؟؟؟

مافيش فايدة

[pink rose]

بعد النشرة هايتم اذاعة كلمة دكتور شرف

[fatfouta]

قالوا فى النشرة انهم هيذيعوا حديث للدكتور عصام شرف بعد النشرة ((فى نشرة الساعة التاسعة))

تم تعديل 25 مايو 2011 بواسطة fatfouta

[عادل أبو عمر]

انا قريت في رصد من شوية عن البيان ده

رصد | مصر | شرف يلقى خطاباً لتوضيح رؤية الحكومة لما يسمى "جمعة الغضب"

يوجه الدكتور عصام شرف رئيس مجلس الوزراء كلمة إلى الشعب المصرى ، يتناول فيها الموقف الراهن على الساحة الداخلية، ورؤية الحكومة لما يسمى "بجمعة الغضب"، التى دعت إليها بعض القوى السياسية بعد غد.

وقال الدكتور أحمد السمان المستشار الإعلامى لرئيس الوزراء إنه لم يتقرر بعد ما إذا كان سيتم إذاعة كلمة شرف اليوم أم غدا.

يذكر أن شرف سيتوجه غدا إلى باريس للمشاركة فى قمة الثمانى.#RNN

ويسافر ليه و هو أصلا عمال يسافر كتير كدة ليه و إيه يقابل أحمد زويل دلوقتي هو ده وقته .. هذا وقت الثورة.. ثورة ثورة ثورة ..

مايقعد يتبط هو والتمانين مليون في ميدان التحرير ويغضبوا يوم الجمعة و يطالبوا بانسحاب قوات الجيش من الأراضي المصرية إلى حدود ما قبل 25 يناير.

دكتور شرف .. ربنا يكون في عونك والله ..

[fatfouta]

الجزء اللى جه من البيان او من كلمة عصام شرف كان بيتكلم عن تجميد الضريبة العقارية وعن اصلاحات هتتعمل

مش متوقعة حاجة جديدة بصراحة

[fatfouta]

عالمصرية شغال اهو

ده طلع البيان الاسبوعى يا ولاااد

[fatfouta]

طب حد فهم حاجة من البيان

فيه جديد ؟؟؟ بصراحة مش شايفة جديد وكمان ده طلع البيان الاسبوعى على كلام التليفزيون المصرى

انا احبطت بصراحة وكمان الدكتور عصام شرف مسافر قبل يوم الجمعة

[عصام أبوالفتح]

أهى عاجل وبعد قليل دى عايزة ثورة بجد .. التطبيق المصرى لعاجل ان الخبر جه النهارده ومجاش امبارح .. وبعد قليل يعنى المهم قبل ما تناموا هاتشفوه .. او من مش هاتناموا غير لما تشفوه !!! :protest:

[pink rose]

التليفزيون اصلا لا قال عاجل و لا حتى نوه عن ان في بيان غير معتاد

العيب على رصد الليقالت بيان عاجل و حسينا من الخبر ان في شئ غير عادي

و كلنا اتخضينا و جرينا على التليفزيون