القوات المسحلة لن نتواجد باماكن المظاهرات

[tarek hassan]

القوات المسحلة لن نتواجد باماكن المظاهرات

http://www.facebook.com/photo.php?fb...type=1&theater

مش هي مظاهرات سلمية عايزين جيش ليه .... مع نفسكم .... ضربة معلم ياجيش مصر العظيم

تم تعديل 26 مايو 2011 بواسطة tarek hassan

[الغريب]

المشكلة أن القوات المسلحة لو قالت هنعمل نفسنا سجادة والثوار يدوسو علينا بردو مش هيعجب

صفحة خالد سعيد كل يوم تزيد في نظري بسبب مواقفها الرائعة ومواقف صاحبها الأروع

وائل غنيم لسه عامل تويت على تويتر بيقول فيه :

Ghonim Wael Ghonim

باحس إن فيه ناس في تويتر بتنقد من أجل النقد. يعني لو بيان 58 كان قال هنتواجد بكثافة في الميدان هل كان هيتم الترحيب بالقرار؟ #May27

هناك نزيف في إنحصار الرأي العام عن تأييد وقفة غدا 27 مايو ، أرجو إن الشباب ينتبهو له ، وربنا يوفقهم في وقفتهم وتعدي بخير

[tarek hassan]

خطة الـ .......... لتوريط الجيش إن شاء الله هتفشل

لم يعد هناك حجة والحمد لله عين العقل مفيش حجة وهذا التصرف الممتاز صفعة على قفا البلطجية والناس هي اللي المفروض تتصدى ليهم

بيان محترم من جيش محترم لا يريد أن يطلق رصاصة واحدة حتى على بلطجي

تم تعديل 26 مايو 2011 بواسطة tarek hassan

[mustafagamiel]

الحمد لله

كده الكل اخد حظره والمواضيع اصبحت مكشوفة

اسأل الله ان تعدي الجمعة على خير

[Ahmed Anwer]

مش هيعجب !!!

و هيعتبروه دعوة صريحة اللي عايز يروح يضرب المتظاهرين يضربهم

و هيقولوا لو الجيش مأمنش البلد يبقي لزمته ايه ؟؟

سايبين الناس تأمن نفسها بنفسها ؟؟

المطلوب إن الجيش يكون موجود و يضربوه و يشتموه و ميردش إطلاقا

و لو حصل احتكاكات

و الجيش ماتدخلشي هيقولوا مالهوش لازمة غير إنه يدافع عن سفارة إسرائيل

و لو اتدخل هيقولوا الجيش بيقمع المتظاهرون و يستخدم العنف

[الغريب]

أسمحولي أنقل تعليقات الشاب الذي أحترمه (وائل غنيم) وموقفه من أحداث غدا :

Wael Ghonim:

الثورة حصلت لأن الأغلبية الصامتة بعضها اتحرك وشارك في الثورة والأغلبية وقفت موقف الحياد والأقلية عارضتها. لو النسب دي اتغيرت نخسر كتير!

----------------------------------

أي ثورة شعبية بتنجح أو تفشل بناء على موقف الأغلبية الصامتة منها، السخرية من الأغلبية الصامتة مش صح لأن مصر مكانش فيها 10 مليون ناشط سياسي.

[tarek hassan]

مش هيعجب !!!

و هيعتبروه دعوة صريحة اللي عايز يروح يضرب المتظاهرين يضربهم

و هيقولوا لو الجيش مأمنش البلد يبقي لزمته ايه ؟؟

سايبين الناس تأمن نفسها بنفسها ؟؟

المطلوب إن الجيش يكون موجود و يضربوه و يشتموه و ميردش إطلاقا

و لو حصل احتكاكات

و الجيش ماتدخلشي هيقولوا مالهوش لازمة غير إنه يدافع عن سفارة إسرائيل

و لو اتدخل هيقولوا الجيش بيقمع المتظاهرون و يستخدم العنف

ليه ياعم أحمد هم مش قالوا الجيش مش مكانه هنا ولازم يعود لثكناته فالمفروض لو عندهم دم يسكتوا

وبعدين هي مظاهرة قالوا عنها سلمية ودا حقهم في التظاهر السلمي عايزين الجيش ليه

على العموم ملاحظاتك مهمة وحقيقية

تم تعديل 26 مايو 2011 بواسطة tarek hassan

[ozoozo]

لااشعر بالأطمئنان

اشعر برائحه الدم وموقعه جمل اخري

يارب احمي اهلنا من المتظاهرين والجيش

[zika]

قرار جيد جدا عشان ما يحصلش اي مصادمات

بس في كلمة برضو واقفة في زوري و عايز اقولها بخصوص الجزء اللي في البيان بيقول : " و ان حمايتها للثورة منذ انطلاقها كان ايمانا منها بهذا المبدأ " !!!

الحقيقة ان اللي حمى الثورة بعد ربنا هو الثوار نفسهم سواء في معركتهم مع الشرطة او مع البلطجية بعد كدة في موقعة الجمل

و في كلا الموقعتين ماكنش للجيش دور يذكر و لو حتى برصاصة في الهوا

[الغريب]

الحقيقة ان اللي حمى الثورة بعد ربنا هو الثوار نفسهم سواء في معركتهم مع الشرطة او مع البلطجية بعد كدة في موقعة الجمل

و في كلا الموقعتين ماكنش للجيش دور يذكر و لو حتى برصاصة في الهوا

حماية الثورة من الجيش نفسه أمر لاينبغي التغافل عنه

ولك في سوريا واليمن وليبيا خير دليل

[محمد عبدالعزيز]

الناس اللى نازلين بكره مصريين وبيعبروا عن رأيهم, ولو حصل لهم حاجة ذنبهم فى رقبة كل واحد شجع إنه يتم التنكيل بهم حتى ولومختلف معاهم فى الرأى.

وأنا متأكد إن لو حصل لهم حاجة وسكتنا على كده, حيبقى الكل خسران ونقول أكلنا يوم أكل الثور الأبيض.

حسبى الله ونعم الوكيل.

[ozoozo]

انباء عن عدد كبير من البلطجية يثيرون الرعب بتقاطع شارع شريف وعادلي واطلاق تعيرة نارية من رجال الشرطة ومطاردات عنيفة بالشوارع الجانبية مما يثير رعب اهالي المنطقة ويتسبب في اغلاق المحلات والعمارات. والبلطجية يتجهون لميدان التحرير والمنطقة المحيطة به،،

جيل التغيير الفيس بوك

[pink rose]

ما حدش مسؤول عن حد كل واحد يتحمل نتيجة اختياره

كل واحد عقله في راسه يعرف خلاصه

[محمد عبدالعزيز]

ما حدش مسؤول عن حد كل واحد يتحمل نتيجة اختياره

كل واحد عقله في راسه يعرف خلاصه

تمام كده

"فَاللَّهُ خَيْرٌ حَافِظًا وَهُوَ أَرْحَمُ الرَّاحِمِينَ"

[fatfouta]

اتنين من قيادات المجلس العسكرى مع الدكتور عمرو خالد عالفضائية المصرية حالااا

اسمعوهم

[eslam elmasre]

لا طبعا

مش معني ان الناس دي نازلة تتظاهر ان الجيش يتركهم بدون ان يحميهم ودول مهما كان ناس عزل من السلاح وبيعبروا عن مطالبهم

نعم اختلف معهم في اسباب تخروجهم للمظاهرات وكمان وقتها مش مناسب لكن هذا لا يجعلني اتغاضى عن الاهتمام بحمايتهم

اذا كان الجيش مش هايحميهم امال مين اللي هايحميهم ولا دي دعوة لهم لكي يسلحوا انفسهم

هل الجيش يريد احداث ضرر لهم او يود الخلاص منهم او يود ان تحدث مجزرة مروعة كما حدثت من قبل في موقعة الجمل

اتمني ان يعيد الجيش النظر في هذا القرار قبل ان تحدث الكارثة

[Alshiekh]

السلام عليكم

أقول رأيي فى الموضوع وأجري ورزقي على الله

في أي عزبة ، لما بيكون في مولد والا فرح كبير او اي تجمعات كبيرة ، بيكون العمدة وشيخ الغفر مسئولين عن تأمين المكان علشان الحرامية والعيال امتشردة والصيع والبلطجية مايضايقوش الناس.

وأرى أن الجيش يرتكب خطئا كبيرا بتصريحه بأنه لن يتواجد لتأمين المظاهرات وبالطبع سيتبعه في ذلك وزير الداخلية ورجاله الذين أعلنوا انهم لن ينزلوا إلا بصحبة رجال الجيش.

وأرى أن تصرف المجلس العسكرى ينم عن إما عدم تقدير للموقف أو تآمر لغرض فى نفس يعقوب.

فى اى دولة محترمة تقوم جهات الأمن بمجرد علمها بتنظيم مظاهرات باتخاذ اجراءات التأمين ، أولا بالتواصل مع المنظمين للمظاهرات لتحديد المكان أو الأماكن ، وموعدها حتى تكون على اهبة الايتعداد لأي أمر طارئ ، ببساطة لأن أمن المتظاهر ليس مسئولية شخصية ، بل هو مسئولية الدولة فى الأساس

[pink rose]

السلام عليكم

أقول رأيي فى الموضوع وأجري ورزقي على الله

في أي عزبة ، لما بيكون في مولد والا فرح كبير او اي تجمعات كبيرة ، بيكون العمدة وشيخ الغفر مسئولين عن تأمين المكان علشان الحرامية والعيال امتشردة والصيع والبلطجية مايضايقوش الناس.

وأرى أن الجيش يرتكب خطئا كبيرا بتصريحه بأنه لن يتواجد لتأمين المظاهرات وبالطبع سيتبعه في ذلك وزير الداخلية ورجاله الذين أعلنوا انهم لن ينزلوا إلا بصحبة رجال الجيش.

وأرى أن تصرف المجلس العسكرى ينم عن إما عدم تقدير للموقف أو تآمر لغرض فى نفس يعقوب.

فى اى دولة محترمة تقوم جهات الأمن بمجرد علمها بتنظيم مظاهرات باتخاذ اجراءات التأمين ، أولا بالتواصل مع المنظمين للمظاهرات لتحديد المكان أو الأماكن ، وموعدها حتى تكون على اهبة الايتعداد لأي أمر طارئ ، ببساطة لأن أمن المتظاهر ليس مسئولية شخصية ، بل هو مسئولية الدولة فى الأساس

دا رأيي حضرتك في موضوع حضرتك فتحته حق التظاهر و اعمال الشغب

فى دول العالم يتم التقدم بطلب التظاهر للإدارة المحلية ، ويكون ذلك قبلها بوقت كاف ، ويحدد مكان التظاهر ، ويحدد العدد المتوقع للإشتراك فى التظاهرة ،

وبناء على كل المعلومات التي يقدمها منظمو التظاهرة يتم ابلاغ الجهات المسئولة عن تأمين مسار التظاهرة ، ومكان النهاية التى سيجتمع بها المتظاهرون ، ويتم تجهيز الحواجز التي تفصلهم عن نهر الطريق .

وفي الموعد المحدد لانتهاء التظاهرة يتم الإنصراف في هدوء وبدون مشاكل او خسائر.

هل دا حصل عندنا عشان نلوم الجيش دلوقتي في اللي هايحصل بكرة؟

هل تقدم الناس بطلب رسمي للتظاهر و لا الحكاية كلها بقت جهجهوني

هل حضرتك لما الجيش يسمع و يعرف و كلنا عارفين ان في ناس نازلين عشان بس يتصيدوا للجيش اي حاجه

فضل موجود يتحرشوا بيه لو رد يبقى بيموت الثوار و تويتات هاتتعمل في ثواني

لو قال مش هانكون موجودين في مكان التظاهر منعا للحتكاك يبقى الجيش بيستهبل و سايب الناس

هو احنا مش هانخلص من حدوتة حجا و حماره دي؟

اللي نازل بكرة عارف هو ممكن يواجه ايه من جمعات سابقة حصل فيها مشاكل

يبقى ايه الحل الاسلم عدم النزول للمظاهرة دي عشان يتعرف مين بقى اللي نازل يحرض على الجيش و يتعرف الناس اللي غرضهم هدم الدولة

دا رأيي بصراحة و مش حابة اي حد يقول لو حد حصله حاجه دمه في رقبتكم معلش لو لا قدر الله حد حصله حاجه دمه في رقبة اللي دعا للنزول وسط الاحداث اللي حاصلة دلوقتي

[Alshiekh]

السلام عليكم

أقول رأيي فى الموضوع وأجري ورزقي على الله

في أي عزبة ، لما بيكون في مولد والا فرح كبير او اي تجمعات كبيرة ، بيكون العمدة وشيخ الغفر مسئولين عن تأمين المكان علشان الحرامية والعيال امتشردة والصيع والبلطجية مايضايقوش الناس.

وأرى أن الجيش يرتكب خطئا كبيرا بتصريحه بأنه لن يتواجد لتأمين المظاهرات وبالطبع سيتبعه في ذلك وزير الداخلية ورجاله الذين أعلنوا انهم لن ينزلوا إلا بصحبة رجال الجيش.

وأرى أن تصرف المجلس العسكرى ينم عن إما عدم تقدير للموقف أو تآمر لغرض فى نفس يعقوب.

فى اى دولة محترمة تقوم جهات الأمن بمجرد علمها بتنظيم مظاهرات باتخاذ اجراءات التأمين ، أولا بالتواصل مع المنظمين للمظاهرات لتحديد المكان أو الأماكن ، وموعدها حتى تكون على اهبة الايتعداد لأي أمر طارئ ، ببساطة لأن أمن المتظاهر ليس مسئولية شخصية ، بل هو مسئولية الدولة فى الأساس

دا رأيي حضرتك في موضوع حضرتك فتحته حق التظاهر و اعمال الشغب

فى دول العالم يتم التقدم بطلب التظاهر للإدارة المحلية ، ويكون ذلك قبلها بوقت كاف ، ويحدد مكان التظاهر ، ويحدد العدد المتوقع للإشتراك فى التظاهرة ،

وبناء على كل المعلومات التي يقدمها منظمو التظاهرة يتم ابلاغ الجهات المسئولة عن تأمين مسار التظاهرة ، ومكان النهاية التى سيجتمع بها المتظاهرون ، ويتم تجهيز الحواجز التي تفصلهم عن نهر الطريق .

وفي الموعد المحدد لانتهاء التظاهرة يتم الإنصراف في هدوء وبدون مشاكل او خسائر.

هل دا حصل عندنا عشان نلوم الجيش دلوقتي في اللي هايحصل بكرة؟

هل تقدم الناس بطلب رسمي للتظاهر و لا الحكاية كلها بقت جهجهوني

هل حضرتك لما الجيش يسمع و يعرف و كلنا عارفين ان في ناس نازلين عشان بس يتصيدوا للجيش اي حاجه

فضل موجود يتحرشوا بيه لو رد يبقى بيموت الثوار و تويتات هاتتعمل في ثواني

لو قال مش هانكون موجودين في مكان التظاهر منعا للحتكاك يبقى الجيش بيستهبل و سايب الناس

هو احنا مش هانخلص من حدوتة حجا و حماره دي؟

اللي نازل بكرة عارف هو ممكن يواجه ايه من جمعات سابقة حصل فيها مشاكل

يبقى ايه الحل الاسلم عدم النزول للمظاهرة دي عشان يتعرف مين بقى اللي نازل يحرض على الجيش و يتعرف الناس اللي غرضهم هدم الدولة

دا رأيي بصراحة و مش حابة اي حد يقول لو حد حصله حاجه دمه في رقبتكم معلش لو لا قدر الله حد حصله حاجه دمه في رقبة اللي دعا للنزول وسط الاحداث اللي حاصلة دلوقتي

وهل رأيتي أي تناقض فيما قلته عن مسئولية الأمن عن تأمين التظاهرة؟

وهل الدعوة للتظاهر كانت سرية؟ أم علنية ويعلم بها الجيش والداخلية وبناء على علمهم قرروا انهم لن يقوموا بالتأمين وانهم يثقوا في ان المتظاهرين سيقومون بتأمين أنفسهم طبقا للبيان رقم 58 ؟

سواء كنا مع او ضد التظاهر فيجب ان تتخذ الإجراءات السليمة وان تقوم كل جهة بمباشرة مهامها.

[عادل أبو عمر]

مداخلة سابقة

المجلس العسكري مكانه الصحيح هو الثكنات فليعد اليها وكفاه بطأا وتخبطا ورسائل sms واعتذارات كل يوم ,,

وقفته مع الثورة اللي بيمن علينا بيها دي كانت بعد ما ( الشعب ) قال كلمته ونزل الشارع و استقتل عشان ينولها وقد كان ,,

ترى ما هو موقف الثورة لو لزم هذا الجيش ثكناته أو تباطأ في النزول وقت أن تركت الشرطة مكانها ؟؟؟؟

المجلس العسكري لم يمن على احد .. بالعكس المجلس العسكري فعل كثيرا و لم يتحدث بانجازته بل دائما ما يذكر أنها ثورة الشعب ..

في حين هناك فعلا من يمن على الشعب بأنه صاحب الثورة ولولاه ما كانت الثورة ... مع إنها لم تنجح إلا بفضل الله ثم تكاتف هذا الشعب

خلاص بلاها شرطة و بلاها جيش و بلاها انتخابات السنة دي و بلاها محافظين و بلاها كل من خدم في النظام السابق بما فيهم العاملين بالحكومة

ممكن حد يقولنا من سيكون المسئول عن مصر لو قرر المجلس العسكري يوم 27 مايو الرجوع لثكناته

الإجابة جاهزة : مجلس رئاسي ..

هيبقى رئاسي على مين

هذا المجلس العسكري و الجيش الذي نتهمه الان بالتواطؤ مع النظام القديم ... و نريد تركيعه و طرده إلى ثكناته

ممكن نتوقع نسبة ولائه للمجلس الرئاسي القادم تكون كام في المية ...

ولا طرة فيه مكان للجيش كله

ربنا يوفقكم لما في الخير مصر

في رأيي قرار القوات المسلحة خطأ

لكن في نفس الوقت مطلوب الإنصاف في التحليل

ليه نحاسب الجيش عن الخطأ و لا نحاسب المتسبب في الوصول لهذه المرحلة الخطيرة في ظل وجود خطر كبير على مصريين لا قدر الله ،

لكن في كل الأحوال أنا على يقين إن الشعب صاحب الثورة اللي استعان بالله ووقف مع شباب الثورة بإذن الله لن يسمح بأن يمس طرف مصري غدا إن شاء الله في ميدان التحرير تحت أي مسمى

وهو نفس الشعب اللي رفض جرعات الشحن ضد المجلس العسكري و القوات المسلحة التي يثق بها