الزمالك..اتغلب النهاردة...يا مينز

[Alattar]

شيء فعلا يدعوا للإستغراب الشديد...بعد ما الزمالك كان معترض و بشدة علي بعض الحملات اللي طلعت و بتتهم طارق يحيي انه هيفوت الماتش للزمالك

!!!!!النهاردة جمهور الزمالك..بيشتم طارق يحيي بعد ما انهزموا...

طبعا بكده الدوري هيرجع يولع تاني..يلا..خلي الناس تتسلي و تنسي السياسة شوية..و ينسوا كمان الموضوع بتاع 27 مايو ده

هدف المقاصة

http://www.youtube.com/watch?v=3kGCqgqEQyQ&feature=player_embedded

[fatfouta]

الزمالك مش حاسس بالتغيير وعشان كده لازم ينزل بكره التحرير

لانه لسه بيتغلب لغايت دلوقتى والثورة مأثرتش عليه :closedeyes:

[capitshino]

رغم انى باشجع الزمالك

الا انى مبسوط جدا !

[ابو محمد بن مصطفي]

طبعا الجهاز الفني للزمالك حمل اللاعبين المسئولية كاملة عليهم

نفس اللي حصل يوم ماتش الانتاج الحربي مع الاهلي والاسماعيلي مع المقاولون العرب

فتحية لطارق يحي وتحية لاسامة عرابي و محمد رضوان

وده لقطة الاسبوع مانويل جوزية يسخر من طريقة احمد عادل حارس الاهلي

http://www.youtube.com/watch?v=QZgIPcwfMpQ

[Mr MAGED]

والله يا عطار انا كنت باحاول امتنع عن كتابة اي تعليقات تتعلق بالكورة تماشيا مع الاجواء السياسية بالبلد

بس فعلا الزمالك بيجبر الواحد انه لازم يتكلم .. النادي ده فقري بجد

محددين يوم الاحتفال بالمئوية في نفس اليوم اللي متحدد فيه مظاهرة مليونية بالتحرير اللي هيا اليوم وطبعا اتلغي الاحتفال

السنة الوحيدة اللي الاهلي مش قادر يقف علي رجله فيها ... واللي المفروض الزمالك ياخد فيها الدوري وهو مغمض

يحصل اللي بيحصل ده .. لحد امبارح يتغلب من المقاصة .. وكالعادة طبعا هيطلع الاخوان حسن بان فيه مؤامرة من التحكيم

قال يعني الحكم هو اللي خلي كل مهاجمي الزمالك يضيعوا كل الفرص اللي بتجيليهم .. ويلعبوا كأنهم شاربين جاز قبل الماتش

وهو اللي خلاهم ينزلوا المباراة كأنهم فايزين فايزين ... وكأن طارق يحيي وقعلهم انه هيفوت الماتش عشان خاطر عيونهم

وهو لو كان فيه مؤامرة من التحكيم .. مع الاعتراف بوجود أخطاء تحكيمية بس ده علي جميع الفرق مش علي الزمالك بس

وأخرها ركلة الجزاء الغير صحيحة في ماتش الاهلي والحرس .. لو كان فيه مؤامرة كان الاهلي ضيع كل النقاط دي خاصة في الدور الاول

الفرق كان وصل 9 نقاط ... لما الزمالك يفقدهم يكون العيب في الفريق ولا في التحكيم !!!

توقعاتي الخاصة اللي قلتها حتي والزمالك فارق .. ان الدورى هيفضل في بيته ...

لأن الزمالك فريق بيعتمد علي لاعب واحد ... وعلي بلطجة جهازه الفني والاداري

[engmido]

لأن الزمالك فريق بيعتمد علي لاعب واحد ... وعلي بلطجة جهازه الفني والاداري

يا سلاااام هو ده الكلام

[ozoozo]

يا حكام الدورى سيبقى الطفل فى قلبى يعاديكم يقاضيكم .. و يعلن الزمالك بطل الدورى و الاهلى بيرشي اهاليكم .. سيبقى الطفل يعاديكم مفوزناش بالدورى بسببكم فتبت كل ايديكم.. ساكبر تارك لابنى تى شرتاتى و اعلامى .. و يبقى يشجع و يقول الزمالك بطل الدورى و الاهلى المركز التانى =))

:sad:

[Om Zayd]

ليه تظلم الولد؟

:protest: :protest: :protest: :protest:

سيبه يختار بحرية

:closedeyes:

[tarek hassan]

يا حكام الدورى سيبقى الطفل فى قلبى يعاديكم يقاضيكم .. و يعلن الزمالك بطل الدورى و الاهلى بيرشي اهاليكم .. سيبقى الطفل يعاديكم مفوزناش بالدورى بسببكم فتبت كل ايديكم.. ساكبر تارك لابنى تى شرتاتى و اعلامى .. و يبقى يشجع و يقول الزمالك بطل الدورى و الاهلى المركز التانى =))

:sad:

هو دا حال الكورة من يوم ما شفناها

وهو حال الدور الثاني في الدوري المصري

ولا نافع ثورات مع الفساد الرياضي والإعلامي

ضلال في ضلال

قلت أشوف علاء صادق بيقول إيه بين الشوطين لقيته بيلعن الفجور التحكيمي الذي جامل الزمالك في كل شيء إلا أنه اعترف مكرها بضربة جزاء وهدف يراهما الأعمى قبل البصير للزمالك

وقامت قيامة الإعلام ضد طارق يحيى للتفويت للزمالك وتركوا طارق العشري يفوت بالتلاتة ولم يبالوا بطارق حسن الذي نام كمدا وحرنا على ضياع الدوري عن الزمالك حتى وهو في أحسن حالاته

مفيش فايدة

تم تعديل 27 مايو 2011 بواسطة tarek hassan

[Om Zayd]

أ.طارق

الكلام اللي مكتوب فوق ده لازمته اييييييييييييه؟

و ليه الالفاظ دي؟

انا قلت يلغوا الكورة احسن

تعديل:كويس ان المداخلة اتشالت

بجد ضايقتني جدا

تم تعديل 27 مايو 2011 بواسطة Om Zayd

[se_ Elsyed]

حتى لو كنت ناقل المقال اللي أنا اخفيته ...

فهل هذا اسلوب محترم يا طارق ؟

يعني إحنا داخلين في موضوع خفيف وبنهزر وبنتكلم عادي

إيه لازمة الغلط من عينة

فهذا النادي القذر الاحمر

لإن ما سهل تبادل الشتائم بين طرف وأخر والباديء أظلم طبعاً

---------

وكأن الزمالك مقطعها انتصارات

وكأن الزمالك البطولات بتشتكي منه

وكان الزمالك ما اتهزمش كذا مره ؟

وكأن الزمالك المباراة السابقة ما فازش بهدف تسلل لمحمد أمين عُدية اللاعب الجزائري أمام سموحه وأي كفيف شاف إن الهدف تسلل لكن الزملكاوية كانوا وسيظلوا وسيكونوا مغمضي الأعين عن الحق

لكنهم يُحملون كل كوارثهم للفريق الأحمر وللحكام الحُمر

أما هم أنفسهم وناديهم.. فملائكة منزلة من السماء .. لا تُخطيء ولا تنطق عن الهوى ...

!!!!!!!!!!!!!!

---------

أي اهلاوي بيعترف إن الاهلي هذا العام من أسوء ما يكون في المستوى

لكن أنا مالي إذا كان مستوى الزمالك كده

وإذا كان الزمالك مُبتلى بكل من فيه

أه صحيح .. أخبار الاعمال السودا إيه والسحر والشعوذة ؟

أصل إبراهيم الأبيض قال إن هزيمة الزمالك من الجونة كانت بسبب السحر اللي محطوط في غرفة تغيير الملابس

-------------

اعتقد إن الزمالك محتاج ثورة زي الثورة الفرنسية الدامية ..

[fatfouta]

مش قولتلكم الزمالك هينزل االتحرير

رصد | خاص | ألتراس الزمالك بميدان التحرير منذ قليل #RNN

[tarek hassan]

أ.طارق

الكلام اللي مكتوب فوق ده لازمته اييييييييييييه؟

و ليه الالفاظ دي؟

انا قلت يلغوا الكورة احسن

تعديل:كويس ان المداخلة اتشالت

بجد ضايقتني جدا

أنا آسف يا أم زياد

يمكن مخدتش بالي والله من الألفاظ دي اللي أشرتي إليها لأني كنت ناقل وبحسب إنها مقالة ولم ألتفت وأدقق بكرر أسفي

حتى لو كنت ناقل المقال اللي أنا اخفيته ...

فهل هذا اسلوب محترم يا طارق ؟

يعني إحنا داخلين في موضوع خفيف وبنهزر وبنتكلم عادي

إيه لازمة الغلط من عينة

فهذا النادي القذر الاحمر

آسف للجميع

تم تعديل 27 مايو 2011 بواسطة tarek hassan

[Mr MAGED]

قال احد الحكماء...ما رأيت اتعس من ثلاثه...رجل يلبس القديم ولديه الجديد...

ورجل يريد الانتحار وعمره مديد...قيل ثم من؟

فاطرق راسه...ودمعت عيناه....وقال:

رجل في هذا الكون لا يزال يعتقد ان...الزمالك قادم من جديد...ونسى ان الاهلى طول عمره حديد

[engmido]

يا حكام الدورى سيبقى الطفل فى قلبى يعاديكم يقاضيكم .. و يعلن الزمالك بطل الدورى و الاهلى بيرشي اهاليكم .. سيبقى الطفل يعاديكم مفوزناش بالدورى بسببكم فتبت كل ايديكم.. ساكبر تارك لابنى تى شرتاتى و اعلامى .. و يبقى يشجع و يقول الزمالك بطل الدورى و الاهلى المركز التانى =))

:sad:

حلاوتك يا أزأز

والله يسامح الاهلى اللى عامل فيكو كده... بس الاهلى مالوش ذنب انتو اللى بتعملوا كده فى نفسكم

ياراجل عايزين ايه الاهلى سابلكم الدورى ...بس الدورى مش عايز يروحلكم ...ههههههههه

نصيحة: متخليش الواد يشجع الزمالك علشان نفسية الولد..... :P

[rewsha]

[rewsha]

حال المشجع الزملكاوى الموسم ده

1- احنا متصدرين ب6 نقط

2- احنا متصدرين ب4 نقط

.........

3- احنا متصدرين بنقطة

4- احنا متصدرين بفارق الاجوان

5- لازم نحافظ ع المركز التانى

6 - سنظل اوفياء والدوري الجاي أكبد بتاعنا

[rewsha]

كان ياما كان فى آخر القرن العشرين نادى اسمه الزمالك

و بعد دخول الألفية الثالثة لم يتبقى منه سوى المشجعين و بس

ربنا يستر عليهم فى الألفية الرابعة

[جسار]

قالوها زمان حكمه : ليس المهم أن تصل الى القمة بل الأهم هو أن تحافظ على بقائك عليها

وكمان قالوا زمان أن الاهلى لما بيوصل لقمة جدول الدورى صعب جدا يفرط فيها ( بيشبط فيها زى الأخطبوط )

وهذه هى مشكلة الزمالك الفعلية وهى أن الركب المرتشعة لاتستطيع ولاتقدر على تحمل الضغط العصبى لمسئولية

الاحتفاظ بالقمة ، وبينما يغفر جمهور الاهلى لفريقه بعض السقطات او العروض الهزيلة والنتائج السيئة

تجد على العكس الغالبية من جمهور الزمالك لايغفرون ولا يتسامحون مع ناديهم وتنصب اللعنات والشتائم

مما يزيد الامور تعقيدا وتتلخبط الكورة فى أرجل اللاعبين وتضيع الفرص السهلة أمام مرمى الخصوم .

والحق وبصراحة انا أطمح لأن يفوز الاهلى بالدورى هذا العام وفرصه اكبر بكثير من الزمالك الذى سيلعب

مباريات اكثر خارج ارضه ... وهذه الرغبة ليس مردها زيادة عدد دروع الدورى فى خزانة النادى الاهلى

وأن كان هذا مباحا ، ولكن السبب الحقيقى والذى يعتمر قلوب اكثرية الجمهور الاحمر هو التشفى والأنتقام

ورد اللكمات التى طالما كالها لنا الاخوة حسن واللذان اعتبرهما عارا على المناخ الرياضى فى مصر

وأستمرارهما يزيد من حالة الاحتقان بين المشجعين ويكفى ما فعلوه هم وطارق سليمان فى مباراة المصرى

مع الاهلى فى بورسعيد .!!!!

[ozoozo]

ده الزمالك طلع تاريخ

من زمان وهو بيشتكي من الاهلي ابن المحظوظه

http://www.youtube.com/watch?v=wdM9Ymprwk0