" الإفراج عن المدرس المتهم بتعذيب أطفال "حضانة زفتى"

[tarek hassan]

" الإفراج عن المدرس المتهم بتعذيب أطفال "حضانة زفتى"

قرر المستشار محمود عياد، رئيس محكمة جنح زفتى، الإفراج عن "مجدى الشاعر"، المدرس المتهم بتعذيب أطفال الحضانة بقرية كفر الديب، التابعة لمركز زفتى، مع تغريمه 200 جنيه عن التهمة الأولى، وهى استعماله القسوة مع الأطفال، و2000 جنيه عن التهمة الثانية، وهى تعريض الأطفال للخطر، و50 جنيهاً عن التهمة الثالثة، وهى التعدى بالضرب على الأطفال، مع إيقاف التنفيذ لمدة 3 سنوات.

وعقب صدور الحكم امتلأت قاعة المحكمة بالتهليل والزغاريد، وتبادل أهالى القرية التهانى، مؤكدين على فرحتهم الشديدة بقرار المحكمة، ومعلنين عن إقامة حفل كبير داخل القرية اليوم للاحتفال بالإفراج عن صاحب الحضانة.

المصدر

الظاهر إن المدرس دا له احترامه في الريف ودا دليل إن الناس وقفت معاه أنا للآن أتذكر الشيخ اللي علمني الحساب في الكتاب وكان بيضربنا بالخيزرانه والجلدة واتعملنا على إيديه القراءة والكتابة والحساب قبل دخول المدارس ودا شيء عادي عندنا أقصد مبدأ الثواب والعقاب من أجل التعليم ومنع الضرب على الإطلاق أراه غير تربوي كما أن القسوة والعنف العقد النفسية مع الأطفال خطأ كبير

[pink rose]

لو حد عمل كده في بنتي دا انا اروح اكله بسناني

مش اهلل انه افرج عنه

هي اناس جرالها ايه يا ربي

لا حول و لا قوة الا بالله

[tarek hassan]

القاهرة - دار الإعلام العربية

أعلن النائب العام المصري، الخميس 26-5-2011، إحالة مجدي عطية محمد الشاعر، مدير إحدى دور الحضانة بإحدى قرى محافظة الغربية، محبوساً إلى محكمة الجنايات بتهم استعمال القسوة مع الأطفال حديثي السن وتعريضهم للخطر والإساءة إليهم باستعمال وسائل العنف معهم وضربهم.

والمتهم هو صاحب مقطع الفيديو الذي جرى تداوله على مواقع التواصل الاجتماعي، ويظهره وهو يضرب 25 طفلاً بوحشية، إلا أن أهالي الأطفال الذين تعرضوا للضرب على يد المدرس المتهم قالوا إنهم هم الذين طلبوا استخدام الشدة في تعليم أطفالهم، وأكثر من ذلك أن الأهالي قاموا بالتظاهر برفقة أطفالهم الذين تعرضوا للضرب أمام الحضانة للمطالبة بإعادة فتحها مرة أخرى والإفراج الفوري عن المدرس المتهم، مؤكدين أنه قام بتعليم أطفال القرية لمدة 20 عاماً وأن الكثيرين من أبناء القرية تتلمذوا على يده وأنه يتمتع بسمعة طيبة في القرية.

تم تعديل 28 مايو 2011 بواسطة tarek hassan

[tarek hassan]

قرر المستشار محمود عياد، رئيس محكمة جنح زفتى، الإفراج عن "مجدى الشاعر"، المدرس المتهم بتعذيب أطفال الحضانة بقرية كفر الديب، التابعة لمركز زفتى، مع تغريمه 200 جنيه عن التهمة الأولى، وهى استعماله القسوة مع الأطفال، و2000 جنيه عن التهمة الثانية، وهى تعريض الأطفال للخطر، و50 جنيهاً عن التهمة الثالثة، وهى التعدى بالضرب على الأطفال، مع إيقاف التنفيذ لمدة 3 سنوات.

وعقب صدور الحكم امتلأت قاعة المحكمة بالتهليل والزغاريد، وتبادل أهالى القرية التهانى، مؤكدين على فرحتهم الشديدة بقرار المحكمة، ومعلنين عن إقامة حفل كبير داخل القرية اليوم للاحتفال بالإفراج عن صاحب الحضانة.

شهدت محكمة جنح زفتى، اليوم، برئاسة المستشار محمود عياد، محاكمة المدرس المتهم بتعذيب الأطفال بالحضانة "مجدى عطية محمد الشاعر"، موظف بالشباب والرياضة بقرية كفر الديب مركز زفتى وصاحب الفيديو الشهير الذى انتشر على المواقع الإلكترونية، وتناولته وسائل الإعلام، أثناء قيامه بتعذيب الأطفال وضربهم.

كانت النيابة العامة قد أسندت إلى المتهم 3 تهم، جميعها تندرج تحت نشاط وسلوك إجرامى واحد وعددت الاتهامات بتعدد نصوص القانون ومنها المادة 116 من قانون الطفل التى جرمت ما قام به المدرس، بينما قرر دفاع المتهم أن الواقعة لم تصل إلى علم النيابة أو الشرطة من خلال شكوى كتابية أو اتهام من أى ولى أمر، إلا أنها وجهت الاتهام له من خلال مقطع فيديو تناولته وسائل الإعلام، وأن ما قام به صاحب الحضانة ما هو إلا أمر يومى طبيعى يحدث فى كافة المؤسسات التعليمية الحكومية.

وأضاف الدفاع، أنه فور علم صاحب الحضانة بما أذيع من خلال وسائل الإعلام توجه المتهم بنفسه إلى مركز الشرطة ليبرر موقفه، وبصحبته جميع أولياء الأمور، الذين أقروا أنهم سمحوا للمتهم وطلبوا منه أن يضرب الصغار، لعدم أدائهم الواجبات وانحرافهم عن السلوك العام وأوكلوا له مهمة تهذيب الأطفال.

وأشار إلى أن المدرس يعتمد على مبدأ الثواب والعقاب متسائلا: "هل من يقوم بتحفيظ الأطفال القرآن الكريم ويعلمهم القراءة والكتابة يعاقب كمجرم! مؤكدا أن المادة 60 من قانون العقوبات أقرت أنه لا تسرى أحكام قانون العقوبات على كل فعل تم بحسن نية مادام يتفق مع أحكام الشريعة، وأن محكمة النقض أباحت قيام المعلم بتأديب الطلاب فى حالة وجود تفويض من ولى الأمر وأن هذا الحق يستخدم فى الشريعة والطفل إرادته عاجزة لا يستطيع التمييز بين ما هو خير وما هو غير صالح ويجب استخدام أسلوب الترهيب حتى يستقيم فى حياته.

تم تعديل 28 مايو 2011 بواسطة tarek hassan

[جويرية]

وعقب صدور الحكم امتلأت قاعة المحكمة بالتهليل والزغاريد، وتبادل أهالى القرية التهانى، مؤكدين على فرحتهم الشديدة بقرار المحكمة، ومعلنين عن إقامة حفل كبير داخل القرية اليوم للاحتفال بالإفراج عن صاحب الحضانة.

امهاتالاطفال اللي كانوا عاملين مظاهرات عشان اغلاق الحضانة ، مش حيلاقوا مكان تقريبا مجاني عشان يودوا اطفالهم فيه

تم تعديل 29 مايو 2011 بواسطة جويرية

[tarek hassan]

أغرب رد فعل للأهالي

http://www.youtube.com/watch?v=naDZKgCbamI&feature=player_embedded#at=126

[جويرية]

أغرب رد فعل للأهالي

http://www.youtube.com/watch?v=naDZKgCbamI&feature=player_embedded#at=126

صاحب الحضانة اكيد الناس دول قرايبه و جيرانه

كمان الام بتقول كلمة هوه بيخلي الحضانة لغاية الساعة واحدة احسن من حضانات تانية ، هيا طبعا موظفة و مش عايزة حضانة ترجع ابنها بدري حيروح فين لغاية ما ترجع من الشغل ، كمان بتتكلم عن النضافة و بتقول الحضانة نضيفة و مش حتلاقي بسهولة طبعا حضانة نضيفة

واكيد طبعا المصروفات اللي بتودي بيها الحضانة متزيدش عن 20 او 25 جنيه في الشهر ، و اكيد الحضان قريبة من البيت

و بالتأكيد الحضانات التانية لازم فيها ضرب

هوه الحضانات كيان يجب نسفه و مش حينفع فيه اصلاح ، و انا مستغربة من كليات اسمها رياض اطفال ، اهي كليات ملهاش لازمة

[Diab]

للأسف خبر سيء جدا

هل الرسول صلي الله عليه وسلم أمتدت يده بالضرب علي طفل؟

حاشا لله

سيدنا علي هل ضرب أحد من الحسن أو الحسين

هل حد مسك الأمام أحمد وخو صغير وشده من شعره ولا البخاري حد هراه من الضرب علي ضهره

حجج التعليم بالضرب كلام فارغ

النهي والزجر والمقصود بضرب الطفل علي الصلاة هو شيء خفيف يوصل معني انه بيعمل شيء غلط

مش تعذيب ولا كأنك في جونتنامو

عمر بن عبد العزيز وهو طفل لما تأخر علي الصلاة بسبب انه كان يمشط شعره

ماذا فعل معلمه

أمر بحلق شعره

مش بس كدة

لا وأبلغ والده

انتهي الموضوع خلاص

مش جرجره من شعره ومسح بيه البلاط

كلمة للي بيربط تعذيب الأطفال بالدين

" الهوان إدمان "

تم تعديل 30 مايو 2011 بواسطة Diab

[Om Zayd]

الاهالي دول ممكن يكونوا بيستخدموا نفس الاسلوب مع اولادهم

بالتالي هما مش فاهمين الدوشة دي على ايه

بدل ما ننتقدهم.. المفروض نفهمهم خطورة الاسلوب ده

بالنسبة لربط الضرب بالدين

تفتكروا الدين اللي نهانا ان نكذب على اطفالنا

و ضرب لنا نبينا المصطفى صلى الله عليه و سلم أرق الامثلة في تعامله مع الاطفال عموما

تفتكروا ممكن يكون فيه عنف في التعامل مع الاطفال؟؟

اذا كان التأديب على اهمال الصلاة لا يبدأ الا عند 10 سنين

و فيه شروط كثييييييرة

مش ضرب و خلاص

[جويرية]

هوه طبعا ممنوع الضرب

، بس الطفل ده المدرس في سن اولي ابتدائي مش بيعلمه الحروف و مفروض يدخل سنة اولي بيعرف يكتب حروف و جمل كمان

وزي ما مدرسة في الحضانة قالتلي ان منهج اولي ابتدائي زمان ده كان منهج سنة خامسة

يبقي هما كلفوا الحضانة بمهمة مفروض مش ليها اصلا

طيب الطفل ده مفروض يرجع كاتب الواجب ، انا اما سألت المدرسة دي و هيا مدرسة في مدرسة خاصة ، بقولها الطفل عندك في السن دي ازاي بيسمع الكلام و يرجع كاتب الواجب ، قالتلي هوه اصلا امه دافعله 8000 جنيه في الحضانة يعني ، الطفل بيرجع البيت امه بتابعه و تخليه يكتب الواجب

اما في المستوي ده من الحضانات ، المدرس عليه كل حاجة صاحب حضانة و مربي و مدرس ودادة كمان ،

و الطريقة الوحيدة ان الطفل يرجع كاتب الواجب ان هو يبقي خايف من الضرب

التعليم مش زي الماء و الهواء ، التعليم زي اي حاجة في الدنيا ليها تكلفة ، يعني لو المدرس ده عنده 5 اطفال بس في كل فصل ، حيخليهم يكتبوا الواجب قدامه ، او مش حيبقي فيه واجب اصلا ،

تم تعديل 30 مايو 2011 بواسطة جويرية

[Om Zayd]

صح يا جويرية .. في السن ده مش المفروض يبقى فيه واجب

التعليم عن طريق اللعب و التقليد

اتاحة الفرصة لمزيد من الاستكشاف و اكتساب خبرات لا تتاح لهم في اطار المنزل

[جويرية]

الاهالي دول ممكن يكونوا بيستخدموا نفس الاسلوب مع اولادهم

بالتالي هما مش فاهمين الدوشة دي على ايه

بدل ما ننتقدهم.. المفروض نفهمهم خطورة الاسلوب ده

بالنسبة لربط الضرب بالدين

تفتكروا الدين اللي نهانا ان نكذب على اطفالنا

و ضرب لنا نبينا المصطفى صلى الله عليه و سلم أرق الامثلة في تعامله مع الاطفال عموما

تفتكروا ممكن يكون فيه عنف في التعامل مع الاطفال؟؟

اذا كان التأديب على اهمال الصلاة لا يبدأ الا عند 10 سنين

و فيه شروط كثييييييرة

مش ضرب و خلاص

لو بنطبق دينا فعلا ، يبقي نلغي 99 % من الحضانات الموجودة في مصر

لأن الطفل لغاية سن 7 سنين مفروض يلعب و بس ، وطبعا الحضانات مش مجهزة للعب الأطفال

[fatfouta]

مش ممكن ده يكون رد فعل أم ابنها اتضرب كده...أنا مش مصدقة الناس دى

فيه واحدة بتقول هو فيه ايه هو ضربه ببندقيه؟؟؟ الاعلام ماله بينا احنا راضيين :protest:

http://www.youtube.com/watch?v=naDZKgCbamI&feature=share

[جويرية]

صح يا جويرية .. في السن ده مش المفروض يبقى فيه واجب

التعليم عن طريق اللعب و التقليد

اتاحة الفرصة لمزيد من الاستكشاف و اكتساب خبرات لا تتاح لهم في اطار المنزل

طيب ومن غير واجب الطفل حيتعلم ازاي ، يبقي العيب طبعا علي وزارة التعذيب وزاارة التربية و التعليم ، اهي الوزارة دي زي الامن المركزي و مجرمين الشرطة بس علي صغير ، منيي اجرام عشان يتناسب مع سن الاطفال