الزمالك يطالب بحكام أجانب لباقى مبارياته بالدورى على نفقة المجلس الأعلى للرياضة

[YOUR BROTHER]

لا حول ولا قوة إلا بالله العلى العظيم

الناس دى مش معانا فى البلد ولا ايه...والله حاجة ترفع الضغط وتحرق الدم

الزمالك يطالب بحكام أجانب لباقى مبارياته بالدورى على نفقة المجلس الأعلى للرياضة

اليوم السابع

[tarek hassan]

المفروض إن الزمالبك يطلب حكام أجانب لماتشات الأهلي مش ماتشاته بس

[Mr MAGED]

طيب ما يكون علي نفقة النادي الاهلي احسن

هما مش لاقيين حاجة يعملوها وبيدوروا علي اي حجة يحللوا بيها القرشين اللي بياخدوهم

[Alattar]

علي فكره .. النادي المصري البروسعيدي لما طلب قبل كده حكام أجانب..جابهم علي حسابه الشخصي..و رئيس النادي هناك كان بيدفع من جيبه..

و حتي لو الزمالك كمان عاوز يجيب حكام أجانب علي حسابه..أقولله..وفر فلوسك أحسن..و اعملوا بيها أي حاجة للبلد اللي انتوا خدتوا منها كتير أوي..

و بعدين يا عم طارق حكام للأهلي ايه بس؟؟..بصرف النظر عن المبدأ و اللي أنا شخصيا أرفضه .. فالكلام عن الحكام أصبح كلام مستهلك جدا..و شماعة سهلة جدا يعلق عليها أي نادي أخطائه..

ياراجل ده فيه ناس زماكاوية كانوا بيقولوا ان الأهلي لما أخد المركز الثالث في بطولة العال,,خدها بالحكام؟

:blink:

وبعدين ياريت علي التحكيم و بس..ما شاء الله..مسئولي الزمالك ما بيبطلوش حجج..مرة حكام و مرة رشاوي..ومرة سحر و شعوذة..ومرة شكاوي من تعامل حسن شحاته مع اللعيبة الدوليين..و ما بنخلصش

ما احنا كنا مستريحين من الكلام في الكورة..ايه اللي رجعنا لوجع القلب ده تاني

[mustafagamiel]

ياجماعة ارحموا عزيز قوم

[Mr MAGED]

رفض الناقد الرياضي حسن المستكاوي بشكل قاطع التحقيق مع ياسر محمود حكم مباراة الزمالك والمقاصة في ختام الجولة الـ23 من الدوري المصري الممتاز بدعوى الأخطاء الجسيمة بعدم احتساب ركلة جزاء واضحة وهدف سليم للزمالك، وطالب ساخراً بأنه في حال التحقيق معه فيجب العمل بمبدأ تكافؤ الفرص باعلان التحقيق أيضاً مع عدد من الحكام لأخطاء مشابهة منهم حمدي شعبان الذي أدار مباراة المقاصة والزمالك لكن في الدور الأول والذي تغاضى عن ركلة جزاء صحيحة للمقاصة واحتسب هدفا من تسلل واضح لأحمد جعفر في المباراة التي انتهت بفوز الزمالك 4-3.

وتابع المستكاوي تصريحاته لبرنامج "كورة مصر" على قناة "مودرن كورة" أيضاً بالتحقيق مع فهيم عمر الذي حكم مباراة الزمالك والإسماعيلي بعد احتسابه هدفا من تسلل واضح لأحمد جعفر وفاز الزمالك 3-2 وحصد الثلاث نقاط ، مضيفا وفتح تحقيق أيضاً مع مدحت عبد العزيز الذي احتسب هدف تسلل في لقاء الزمالك والمقاولون العرب لصالح المهاجم الجزائري محمد أمين عودية وفاز الزمالك بالمباراة 3-2.

وختم الناقد الرياضي بالتأكيد على أن مقولة أن أخطاء الحكام جزء من كرة القدم صحيحة وأن طلب مسئولي الزمالك بإعادة مباراة المقاصة غير منطقي لأنه الأولى وقتها هو المطالبة بإعادة مباراة منتخبي فرنسا وأيرلندا في تصفيات كأس العالم 2010 والتي تأهلت فيها فرنسا للمونديال بلمسة يد شاهدها الجميع من تييري هنري واقر بها اللاعب نفسه.

[ابوهنا]

انا زملكاوى قديم بس اتمنى ان الزمالك يتغلب من طوب الارض علشان الاتنين الصلع اللى ماسكين الزمالك يرحلوا

الاخلاق اولا