فتيات مشوهات..!!

[بنت شعنونة]

كان يصعب عليا كثيرا ان اكتب هذا الموضوع

اعتقادا مني اني ابالغ فيه.. لكن للأسف بعدما تكررت المشاهد معي مع اكثر من شخصية وجدت انه لابد ان اكتب عنه بما انه اصبح مثل الظاهرة..

كنت اتوقع انه مهما يحدث من متغيرات الحياة ومهما تاثر بها الأنسان فانه لابد عائد الى اصله الذي نبت منه

ندخل في الموضوع

1- فتيات مشوهات...

عند بداية وصولي لعملي في مطروح تعرفت على فتيات هناك اجبرتهم ظروف الحياة على الأبتعاد عن اهله بداية من الجامعه ونهاية بالعمل حيث كانوا يقيمون في بيوت الطالبات ثم بعد ذلك في السكن في مطروح

يعني تقريبا غربة ما يعادل 9 سنين عن اهلهم لايرونهم فيها الا مرة في الشهر ويمكن اقل..."نقول بمعدل 4 ايام كل شهر"

وبعد عودة زميلاتي الى بيوتهن شاء القدر اني التقي معهم بعد قضائهن فترة 4 شهور في العمل الجديد حيث يسكنون في بيوت اهاليهم ويذهبن للعمل ك أي كائن حي طبيعي..

كانت اول شكوى لهم لما شفتهم

احنا مش عارفين نتاقلم مع اهلنا ولا مع البيت؟؟؟!

احنا عاوزين نرجع السكن تاني؟؟؟؟؟؟؟

f((:

الصراحا صعقت

هل فيه حاجا في الدنيا كلها ممكن تخلي الأنسان مش مرتاح في بيته اللي كان بيتمنى انه يرجعله!!

هل ممكن كتر البعد يخلي الانسان يتعود على السيء ويكره الكويس!

2- ازواج غائبون..

كتير من الأزواج بيسافروا ويسيبوا زوجاتهم بالشهور او السنين

وكتييييير جدا برضه سمعت من زوجات واحيانا والله من ازواج

" امتى بقى يرجع للسفر تاني"

!!!

كل دا لمجرد انها اتعودت تعيش من غيره وهوا اتعود يعيش من غيرها

مع انهم بيحبوا بعض جدا؟؟

انما هيا اسبوع واحد وتبتدي اعراض النرفزة تبان على الطرف اللي مش متعود؟؟

3- سن المعاش

زوجات كتيييييير تحذر من الرجل الذي يحب عمله وفجأة يسيبه او يحول للمعاش وان وجودة في البيت بيكون زي اسد ثائر في بيت اليف!!

هل شوهتنا الحياة لهذه الدرجة

هل اصبحت نفوسنا سريعة التاثر بظروفنا التعيسة؟

وما هوا الحل؟ :unsure:

[se_ Elsyed]

بس الموضوع كده يا دكتوره لم يعُد متعلقاً بالفتيات المشوهات فقط ...

أنا اول ما قريت العنوان قلت يا عيني بنات بقى اللي محروقة واللي طالع لها كلو وكده يعني ..

لكنه طلع موضوع يمس وتر حساس جداً ويتحدث عن أثر الغربة النفسي سواء عند المغترب أو عند اهله الذي تركهم وتغرب من اجلهم ..

وانا عن نفسي لسه شايف الموضوع ده على الطبيعة عند أحد أقربائي الذي تغرب لمدة 25 سنة متواصلة عن أولاده وبعد ان عاد هذا العام أصبحوا غرباء عن بعضهم فلا هو متأقلم معهم ولا هم متأقلمين معه وأصبح الجميع في معاناة ....

وبالتالي إذا لم يتكيف الإنسان ويتأقلم مع الظروف التي يوضع فيها فسوف يُعاني نفسياً ... وبالتالي فهو مجبر على أن يتأقلم معها .

الأسبوع الماضي تلقيت مكالمة هاتفية من احد الأصدقاء عمل بالخليج لمدة 15 عاماً وكان طوال هذه الفترة يمدد اجازته التي بدون مرتب في احد الجهات المرموقة في مصر ولما لم يوافقوا في المرة الاخيرة على التمديد رجع إلى مصر منذ عامين .. والآن يلح علي في أن أبحث له عن فرصة عمل هنا مرة آخرى لأنه لا هو ولا اولاده أستطاعوا التأقلم مع الظروف في مصر وهو لا يقصد الظروف المادية على الإطلاق ولكنه يتحدث عن المجتمع والبيئة المحيطة وأصبح تحت ضغط نفسي وإلحاح من اولاده بأن يرجعوا للعيش هنا ...

الموضوع كبير يا شعنونة وله أبعاد كثيرة .

[بنت شعنونة]

طب يا س س الاثر اللي انت قلت عليه دا اهون واااااااحد

لآنهم مجموعة مع بعض

عيلة واحدة حاسا بالغربة عن مجتمع

ف سهل اوي انها تغير المجتمع كله وتسافر تاني

انما مابالك لما نفس العيلة تنقسم وتبقى غريبة عن بعضها وهما في نفس البلد او اتغربوا جوا نفس البلد؟؟؟؟؟

قمة الرعب

ايييييييه اللي وصلنا كدا؟

مش عارفة :unsure:

[al_barad3y]

اللى اتغرب فتره بعيد عن زوجته او اهله يشعر بحريه اكبر فى الحركه

كذلك استقلاله المادى والمعنوى رغم تحمله كل المسؤليات التى كانت عليه اثناء اقامته معهم تعطيه ثقه اكبر بالنفس

ولاصحاب الفترات الطويله مغتربين فهم يتعودن على نظام معين فى التعامل مع الاخرين ولا يستطيعون التعايش مع نظام جديد

ولى اكثر من صديق بعد فتره طويله من السفر قرر انه يرجع مصر ويعمل مشروع ( على قده ) يعيش منه واغلبهم ضيع فلوسه

ورجع تانى للغربه لعدم استطاعته "" التعامل "" مع الاخرين بنفس اسلوب الغربه

محلاها عيشه الحريه :unsure:

[seastar44]

هناك مثل يقــول .. البعيد عن العين .. بعيد عن القلب ...

[فــيــروز]

المشكله فى رايى ترتيب اولويات

لا يمكن ان يكون جنى عائد مادى من الغربه هو الهدف الاوحد للاسره فتفرط فى التئام شملها معا باكبر قدر ممكن !!

كثيرون لا يحددون الهدف من الاغتراب قبل القيام به !! هل هو بناء بيت !! الحصول على سياره !! طيب بعد كده شاليه فى الساحل الشمالى .. وكل هذه اشياء مشروعه ولا غبار على الرغبه فى الحصول عليها بشرط الا يكون هذا على حساب وجود افراد الاسره معا !! ينبغى ان يكون للكيان الاسرى الاولويه القصوى و تاتى بعده الاعتبارات الماديه .. لكن كيف يمكن لفرد او افراد كانت كل اهتماماتهم لمدة 15 او عشرين سنه اهتمامات ماديه بالدرجه الاولى ويتخيلون ان الترابط الاسرى الذى اهملوه سيظل كما هو !! كيف وهو لم يقدموا له ما يحتاجه من رعايه و اهتمام؟

[بنت شعنونة]

شخوص مشوهة رقم 4

كتير من العائلات رغم انهم يعيشون تحت سقف واحد وبين ذات الأربع جدران

تجد ان كل واحد منهم له ملكوته الخاص به

كنموذج

الأب يعمل فترتين

الأم تعمل فترتين

فترة الغداء فقط هيا وقت الملتقى.. وغير كدا بالصدفة عشان يتقابلوا لآن الأبناء في الكليات او المدارس

وبعد 9 مساء كله بيكون مرهق واللي وراه حاجا بيخلصها وانتهى اليوم على كدا؟

حتى في المصيف الشاب مع اصدقائه الشباب والبنت مع صديقتها واحيانا مع العائلة ولا يتبقى مع الأب و الأم الا الاطفال! f((:

ترى كيف سيكون شكل النشيء القادم

اذا كان جيلنا الحالي بقى كدا

ها يعمل ايه الشاب دا في بيته

وها تعمل ايه البنت دي في بيتها بعد كدا؟ :unsure:

[Bero]

بسم الله الرحمن الرحيم

انا ليا تعليق بسيط

كانت اول شكوى لهم لما شفتهم

احنا مش عارفين نتاقلم مع اهلنا ولا مع البيت؟؟؟!

احنا عاوزين نرجع السكن تاني؟؟؟؟؟؟؟

المشكله ديه مترتبه على الحاله اللي انتي قلتيها دلوقتي كل ده بيرجع للبيت والتربيه في الاساس ده العامل الاول والمهم العامل التاني اللي بيخلي الاهل يضطروا للعمل فترة واتنين المشاكل الماديه لان في تصورهم كل مشاكل ولادهم الفلوس من دروس خصوصيه للبس لاكل لكل حاجه بس الحكاية اكبر من الفلوس

يبقى من رايي ان المشكله في الاساس بترجع لحاجتين

التربيه

والظروف الماديه الصعبه جدا

[Bero]

بالنسبه لسؤالك هتعمل ايه البنت ديه في بيتها بعد كدا هيا حاجه من اتنين

ياما هتحاول تعوض نفسها وبيتها وولادها ظروف احسن من اللي اتربت ونشات فيها

ياما الحال هيبقى صوره متكرره من اللي عاشته قبل كدا

[بنت شعنونة]

يبقى من رايي ان المشكله في الاساس بترجع لحاجتين

التربيه

والظروف الماديه الصعبه جدا

طيب

يبقى عشان نلاقي الحل

وبما انه الظروف المادية ها تبقى من سيء الى اسوأ ومالهاش حل

يبقى ايه الحل؟

وخلو بالكم انه اول نموذج اتقال مالوش ايييييييي دعوة بالفلوس

ليه دعوة بالتنسييييييييييق بسسسسسس

يعني في جزء كبير غير مادي :unsure: