أيهما تفضل..الجير العادي ولا الأوتوماتيك..و لماذا؟

[Alattar]

بما إنني بإذن الله مقبل علي مرحلة مهمة في تاريخي..بشراء عربية لأول مرة في حياتي..

وبما أنني علي أعتاب تقديم أوراق إعتمادي للمجمتع كعفريت أسفلتي جديد

حبيت أستسفر منكم عن الموضوع اللي في العنوان ده...وهو موضوع للمناقشة..كمان أنها نصيحة أخوكم

الجير العادي..ولا الأوتوماتيك؟؟..

كل الناس هنا بتنصحني في الزحمة بتاعة الرياض .. اني آخد أوتوماتيك..و أنا شفت ناس سايقين أوتوماتيك..و بصراحة حسيت ان النيد فور سبيد أصعب منها..

لكن من وجهة نظري ما يميز العادي..اني ببقي حاسس اني متحكم في كل حاجة..واني أنا اللي بسوق العربية..مش هي اللي بتسوقني

لكن طبعا ده رأي واحد خبرته لا تتعدي أسبوعين سواقة..عشان كده منتظر آرائكم

[se_ Elsyed]

بسم الله الرحمن الرحيم

الأتوماتيك وبطل لماضه

[Alattar]

بسم الله الرحمن الرحيم

الأتوماتيك وبطل لماضه

حاضر

:blush2:

ياعم سيبني بأه..جديد بأه و لازم أتنطط شوية...قال يعني هعرف أسوق الأوتوماتيك أساسا..لما هجيب عادي

[مروان]

اوتوماتيك يا عطار

اسمع كلام اخوك الصغير انا شفت الول مع الجير العادي

وعمري ما هنسى لمة الناس علي وانا العربية بترجع مني ومش عارف اطلع حتة عالية

لحد ما جه شاب سعودي الله يكرمه وانقذني من الورطة وطلع الحتة العالية

الاوتوماتيك اديه ع الدي وعيش حياتك

نفسي لما انزل مصر اقدر اشتري واحدة اوتوماتيك بسعر معقول

ربنا يديك خيرها ويكفيك شرها

[Alattar]

اوتوماتيك يا عطار

اسمع كلام اخوك الصغير انا شفت الول مع الجير العادي

وعمري ما هنسى لمة الناس علي وانا العربية بترجع مني ومش عارف اطلع حتة عالية

لحد ما جه شاب سعودي الله يكرمه وانقذني من الورطة وطلع الحتة العالية

الاوتوماتيك اديه ع الدي وعيش حياتك

نفسي لما انزل مصر اقدر اشتري واحدة اوتوماتيك بسعر معقول

ربنا يديك خيرها ويكفيك شرها

العربية عمالة ترجع منك و انت علي حتة عالية..و ليه تستعين بشاب سعودي..كنت اديني رنة بس..كنت هجيب الرجالة و نيجي نزق العربية لحد ما تعدي الحتة العالية....

smk:

و أي خدمةيا ريس..

موضوع الحتة العالية ده بيفكرني بناس هنا كبار في السن..بيقولولي علي أيامهم كانت الامتحانات بتاعة الرخصة انك تطلع علي مطلع كوبري مثلا..و توقف العربية تماما..و بعدين تطلع بيها من غير ما ترجع لورا ولا سنتيمتر واحد

طبعا كانت حاجة بشعة..معرفش كانوا بيعذبوا الناس كده ليه

متشكرين يا ريس..وان شاء الله لما تنزل مصر ربنا يكرمك بعربية أوتوماتيك..حاجة سيات كده..ولا 128..ولا الأنواع اللي تشرح القلب دي

[herohero]

اتوماتيك طبعا

ياراجل انا كنت بسوق ف مصر اتوماتيك ولما اضطرتني الظروف لعربية جير عادي عربية الشغل بقى كنت بعاني ف الاول لكن الاتوماتيك اريح بكتيررررررررررررررر

هو يعني فيه فروق بس يعني انت مش هتحارب يعني العادي بتسحب اقوي وخاصة معدل التسارع بتعها بس احنا يعني مش ف فورميلا 1

انما الاتوماتيك اريح بمراحل وخاصه ف المناطق المزدحمة فرق كبير يا اخي توكل ع الله واتوماتيك

ع فكرة موضوع رجوع العربية ده يسقط كان ف الكويت ف حته ف الامتحان يقولك الصعده العربية ع مطلع كده والراجل قاعد جنبك لو رجعت ياريس يبقى استمارة 6 كانت ايام حاجتين كانوا بيسقطوا الناس

1-الصعده

2-الصفه

اييييييييييييه دنيا

[YOUR BROTHER]

من ناحية الرفاهية والآداء طبعا الأوتوماتيك يكسب

بس من ناحية السعر طبعا المانيوال يكسب دة على أساس لا قدر الله حصل للجير مشكلة وعايز تغيرو

[rewsha]

طبعا انا مش هاقول حاجه زياده عن اللي الاخوه هنا قالوه .

لو في استطاعتك ..يبقى توماتيكي طبعا.

عموما اسعار السيارات في السعوديه ممكن تجيب الاوتوماتيك عادي

لكن في مصر .الاتوماتيك اغلى من المانيوال في كل حاجه

ملحوظه بقى :

لو انت اتعودت على الاوتوماتيك .خصوصا انك لسه جديد في السواقه .يبقى تنسى خالص انك ممكن تسوق مانيوال بعد كده .

لانها هاتبقى متعبه جدا ليك

لكن لو اتعودت تسوق مانيوال وحولت بعد كده على الاتوماتيك .هايبق الموضوع اسهل لك

ولو ان انا كنت باسوق مانيوال .وبعدين جبت اتوماتيك (طبعا اريح جدا في السواقه)

لكن اول ماجيت اسوق الاتوماتيك غصب عني كنت باغلط.

لاني متعوده انقل الغيار وواستعمل رجلي الاتنين

الخلاصه وعلشان الزحمه بقت في مصر والسعوديه زي بعض

هات اتوماتيك

____________________________________________________

العربيه الاتوماتيك =عربية ملاهي

[ابراهيم عبد العزيز]

الاتوماتيك أفضل طبعا خصوصا فى المدن المزدحمة

لكن من يقود الجير العادى يكون أكثر احترافا للقيادة من من يستخدم الاوتوماتيك

نصيحتى لك بالجير الاوتوماتيك لراحتك وموفق ان شاء الله كعفرتيا اسفلتيا جديدا

[Alattar]

اتوماتيك طبعا

ياراجل انا كنت بسوق ف مصر اتوماتيك ولما اضطرتني الظروف لعربية جير عادي عربية الشغل بقى كنت بعاني ف الاول لكن الاتوماتيك اريح بكتيررررررررررررررر

هو يعني فيه فروق بس يعني انت مش هتحارب يعني العادي بتسحب اقوي وخاصة معدل التسارع بتعها بس احنا يعني مش ف فورميلا 1

انما الاتوماتيك اريح بمراحل وخاصه ف المناطق المزدحمة فرق كبير يا اخي توكل ع الله واتوماتيك

ع فكرة موضوع رجوع العربية ده يسقط كان ف الكويت ف حته ف الامتحان يقولك الصعده العربية ع مطلع كده والراجل قاعد جنبك لو رجعت ياريس يبقى استمارة 6 كانت ايام حاجتين كانوا بيسقطوا الناس

1-الصعده

2-الصفه

اييييييييييييه دنيا

ياراجل...عاش من سمع صوتك..كل كام شهر كده تيجي ترمي مشاركة و تجري علطول

أنا عارف طبعا ان الأوتوماتيك أحسن و أسهل بكتير..لكن أنا كنت عاوز بصراحة الرأي يكون شامل كل حاجة..يعني كل نوع و مزاياه و عيوبه..لكن طبعا في ظل الزحمة اللي عندنا..مافيش وقت لموضوع المزايا والعيوب..

[Alattar]

من ناحية الرفاهية والآداء طبعا الأوتوماتيك يكسب

بس من ناحية السعر طبعا المانيوال يكسب دة على أساس لا قدر الله حصل للجير مشكلة وعايز تغيرو

هو بصراحة فعلا سعر الأوتوماتيك بيبقي أغلي شوية..بس مش مشكلة..اللي هدفعه زيادة ان شاء الله...هوفره برضه في الحوادث و الشهداء اللي هيسقطوا بسببي لو سقت عربية عادي

طبعا انا مش هاقول حاجه زياده عن اللي الاخوه هنا قالوه .

لو في استطاعتك ..يبقى توماتيكي طبعا.

عموما اسعار السيارات في السعوديه ممكن تجيب الاوتوماتيك عادي

لكن في مصر .الاتوماتيك اغلى من المانيوال في كل حاجه

ملحوظه بقى :

لو انت اتعودت على الاوتوماتيك .خصوصا انك لسه جديد في السواقه .يبقى تنسى خالص انك ممكن تسوق مانيوال بعد كده .

لانها هاتبقى متعبه جدا ليك

لكن لو اتعودت تسوق مانيوال وحولت بعد كده على الاتوماتيك .هايبق الموضوع اسهل لك

ولو ان انا كنت باسوق مانيوال .وبعدين جبت اتوماتيك (طبعا اريح جدا في السواقه)

لكن اول ماجيت اسوق الاتوماتيك غصب عني كنت باغلط.

لاني متعوده انقل الغيار وواستعمل رجلي الاتنين

الخلاصه وعلشان الزحمه بقت في مصر والسعوديه زي بعض

هات اتوماتيك

____________________________________________________

العربيه الاتوماتيك =عربية ملاهي

واحد صاحبي هنا برضه قاللي لو سقت أوتوماتيك..وبعد فترة حبيت تسوق عادي..هتكون نسيت..بس مش مشكلة..نشوف حد ان شاء الله يعلمنا من جديد

[Alattar]

لكن من يقود الجير العادى يكون أكثر احترافا للقيادة من من يستخدم الاوتوماتيك

نصيحتى لك بالجير الاوتوماتيك لراحتك وموفق ان شاء الله كعفرتيا اسفلتيا جديدا

يا جماعة ما بحبش أمدح في نفسي..أهه..واحد لا يعرفني ولا يعرفكوا..وقال رأيه فيا بمنتهي الصراحة..

متشكرين ياعم ابراهيم..و ابقي قوللي بتروح شغلك الساعة كام..عشان أعدي عليك أخدك ان شاء الله..و ما تخافش و انت سايق معايا..ودع الأهل بس..و خليك متوضي علطول..و ما تخافش من حاجة أبدا

تم تعديل 30 مايو 2011 بواسطة Alattar

[Alshiekh]

لكن من يقود الجير العادى يكون أكثر احترافا للقيادة من من يستخدم الاوتوماتيك

نصيحتى لك بالجير الاوتوماتيك لراحتك وموفق ان شاء الله كعفرتيا اسفلتيا جديدا

يا جماعة ما بحبش أمدح في نفسي..أهه..واحد لا يعرفني ولا يعرفكوا..وقال رأيه فيا بمنتهي الصراحة..

متشكرين ياعم ابراهيم..و ابقي قوللي بتروح شغلك الساعة كام..عشان أعدي عليك أخدك ان شاء الله..و ما تخافش و انت سايق معايا..ودع الأهل بس..و خليك متوضي علطول..و ما تخافش من حاجة أبدا

لو لم تكن ستحتفظ بالسيارة لأكثر من عشر سنوات ، الاوتوماتيك يكسب لانك لن تدخل في دوامة صيانة الجير الاوتوماتيك

لو عايزها سيارة العمر وحاتنزل بها مصر ، يبقى المانيوال افضل

[Alattar]

لو لم تكن ستحتفظ بالسيارة لأكثر من عشر سنوات ، الاوتوماتيك يكسب لانك لن تدخل في دوامة صيانة الجير الاوتوماتيك

لو عايزها سيارة العمر وحاتنزل بها مصر ، يبقى المانيوال افضل

قلقتنا يا عم محمد...هو الجير الأوتوماتيك بيبوظ بسرعه ولا ايه؟

وبعدين معلش سؤال رخم حبتين...لو لا قدر الله العربية الأوتوماتيك عطلت في يوم..ازي أقدر أعمل زي ما بعمل في العادي..يعني في العادي أنا بديها أول و أنزل الفرامل و أزق العربية...في الأوتوماتيك..في حاجة زي كده؟؟

[capitshino]

لو لم تكن ستحتفظ بالسيارة لأكثر من عشر سنوات ، الاوتوماتيك يكسب لانك لن تدخل في دوامة صيانة الجير الاوتوماتيك

لو عايزها سيارة العمر وحاتنزل بها مصر ، يبقى المانيوال افضل

لو لا قدر الله العربية الأوتوماتيك عطلت في يوم..ازي أقدر أعمل زي ما بعمل في العادي..يعني في العادي أنا بديها أول و أنزل الفرامل و أزق العربية...في الأوتوماتيك..في حاجة زي كده؟؟

لا الاتوماتيك مش بتتزق

[raouf]

بما إنني بإذن الله مقبل علي مرحلة مهمة في تاريخي..بشراء عربية لأول مرة في حياتي..

وبما أنني علي أعتاب تقديم أوراق إعتمادي للمجمتع كعفريت أسفلتي جديد

حبيت أستسفر منكم عن الموضوع اللي في العنوان ده...وهو موضوع للمناقشة..كمان أنها نصيحة أخوكم

الجير العادي..ولا الأوتوماتيك؟؟..

كل الناس هنا بتنصحني في الزحمة بتاعة الرياض .. اني آخد أوتوماتيك..و أنا شفت ناس سايقين أوتوماتيك..و بصراحة حسيت ان النيد فور سبيد أصعب منها..

لكن من وجهة نظري ما يميز العادي..اني ببقي حاسس اني متحكم في كل حاجة..واني أنا اللي بسوق العربية..مش هي اللي بتسوقني

لكن طبعا ده رأي واحد خبرته لا تتعدي أسبوعين سواقة..عشان كده منتظر آرائكم

شوف يا زمل انا هاجيب ليك من الاخر

والكلام اللى هاقوله ليكى خلاصة واحد غاوى عربيات ومغير 13 عربية فى 8 سنين فى السعودية

ومن ابطال الاوتو كروس

الاتوماتيك ليه مميزات وعيوب وكذلك العادى

هابدأ بمميزات الاتوماتيك

- اسهل فى الزحمة

- مريح للناس اللى لسه متعلمة زيك او بتبدل عربيات كثير يعنى كل يوم راكب عربية شكل

طيب عيوبه :

- صياناته كثير وغالية وخصوصا لو جبت عربية محترمة زى مرسيدس او بى ام مثلا ومعظم السيارات الجديدة جيرها تريب ترونيك فيه عدة حساسات وبوردات

- لا انصح اطلاقا بجير اتوماتيك لسيارات اقل من 2000 سى سى لان العزم بيضيع وهاتحس بالنقلات وعمر الجير بيبقى قليل

- طبعا استهلاك بنزين وفحمات فرامكل اكثر

- الحاجة الاخيرة السرعة القصوى للاتوماتيك والتسارع اقل من المانيوال دائما دى دايما مهمة بالنسبة لى

- نسيت اقولك لو هتجيب عربية مستعملة صعب جدا تعرف تفحص الجير صح ممكن بعطل تانى يوم انت وحظك لانه لا يوجد فحص للحير الا يعض السيارات الحديثة التى لها كمبيوتر جير

طيب نيجى للعادى

- وحش فى الزحمة- محتاح واحد رجله حساسة وفاهم ( فى السيارات الجديدة والكبيرة العربية مش بتبطل زى القدبم او زى ما انت حكيت ) ده كان زمان فى العربيات القديمة

- بيدى عزم للعربية وتحكم وخصوصا فى السفر ومع الاحمال لو محمل مثلالانك بتتحكم فى العزم والنقلات

- شبه مالوش صيانة

- تسارع اعلى بكثير وسرعة قصوى دائما اعلى من الاتوماتيك

نصيحتى ليك لو انت عاوى سرعة وهتجيب عربية صغيره زى كرولا او صنى وامثالهم هات مانيوال

لو راجل هادى وناوى تدخل فى ال6 وال8 سلندر هات اواوماتيك

ولو احتجت اى حاجة كلمنى وانا اساعدك

[Alattar]

بما إنني بإذن الله مقبل علي مرحلة مهمة في تاريخي..بشراء عربية لأول مرة في حياتي..

وبما أنني علي أعتاب تقديم أوراق إعتمادي للمجمتع كعفريت أسفلتي جديد

حبيت أستسفر منكم عن الموضوع اللي في العنوان ده...وهو موضوع للمناقشة..كمان أنها نصيحة أخوكم

الجير العادي..ولا الأوتوماتيك؟؟..

كل الناس هنا بتنصحني في الزحمة بتاعة الرياض .. اني آخد أوتوماتيك..و أنا شفت ناس سايقين أوتوماتيك..و بصراحة حسيت ان النيد فور سبيد أصعب منها..

لكن من وجهة نظري ما يميز العادي..اني ببقي حاسس اني متحكم في كل حاجة..واني أنا اللي بسوق العربية..مش هي اللي بتسوقني

لكن طبعا ده رأي واحد خبرته لا تتعدي أسبوعين سواقة..عشان كده منتظر آرائكم

شوف يا زمل انا هاجيب ليك من الاخر

والكلام اللى هاقوله ليكى خلاصة واحد غاوى عربيات ومغير 13 عربية فى 8 سنين فى السعودية

ومن ابطال الاوتو كروس

الاتوماتيك ليه مميزات وعيوب وكذلك العادى

هابدأ بمميزات الاتوماتيك

- اسهل فى الزحمة

- مريح للناس اللى لسه متعلمة زيك او بتبدل عربيات كثير يعنى كل يوم راكب عربية شكل

طيب عيوبه :

- صياناته كثير وغالية وخصوصا لو جبت عربية محترمة زى مرسيدس او بى ام مثلا ومعظم السيارات الجديدة جيرها تريب ترونيك فيه عدة حساسات وبوردات

- لا انصح اطلاقا بجير اتوماتيك لسيارات اقل من 2000 سى سى لان العزم بيضيع وهاتحس بالنقلات وعمر الجير بيبقى قليل

- طبعا استهلاك بنزين وفحمات فرامكل اكثر

- الحاجة الاخيرة السرعة القصوى للاتوماتيك والتسارع اقل من المانيوال دائما دى دايما مهمة بالنسبة لى

- نسيت اقولك لو هتجيب عربية مستعملة صعب جدا تعرف تفحص الجير صح ممكن بعطل تانى يوم انت وحظك لانه لا يوجد فحص للحير الا يعض السيارات الحديثة التى لها كمبيوتر جير

طيب نيجى للعادى

- وحش فى الزحمة- محتاح واحد رجله حساسة وفاهم ( فى السيارات الجديدة والكبيرة العربية مش بتبطل زى القدبم او زى ما انت حكيت ) ده كان زمان فى العربيات القديمة

- بيدى عزم للعربية وتحكم وخصوصا فى السفر ومع الاحمال لو محمل مثلالانك بتتحكم فى العزم والنقلات

- شبه مالوش صيانة

- تسارع اعلى بكثير وسرعة قصوى دائما اعلى من الاتوماتيك

نصيحتى ليك لو انت عاوى سرعة وهتجيب عربية صغيره زى كرولا او صنى وامثالهم هات مانيوال

لو راجل هادى وناوى تدخل فى ال6 وال8 سلندر هات اواوماتيك

ولو احتجت اى حاجة كلمنى وانا اساعدك

ربنا يكرمك يا عم رؤوف..وان شاء الله الموضوع محل نقاش..و أنا لسه قدامي شوية..علي ما أروح معارض الراجحي..أو أي بنك تاني..و ربنا يقدم ما فيه الخير..

أهه موضوع واحد رجله حساسة ده هو اللي بيعمل مشاكل للناس الجديدة امثالي..انت عارف..كان معايا في الامتحان واحد بيسوق..العسكري بصراحة رخم عليه أوي..يقولله..اطلع..أول ما طلع..قالله اقف..وبعدين اطلع..اقف..اطلع..اقف,,كل ده في دقيقة واحدة تقريبا..و الواد ياعيني طبعا سقط..لأن الموضوع بيبقي صعب أوي علينا و احنا لسه جداد كده

أهه الموقف ده بالظبط كأنك في زحمة وكل شوية تطلع..وبعدين تقف و هكذا

[Alshiekh]

لو لم تكن ستحتفظ بالسيارة لأكثر من عشر سنوات ، الاوتوماتيك يكسب لانك لن تدخل في دوامة صيانة الجير الاوتوماتيك

لو عايزها سيارة العمر وحاتنزل بها مصر ، يبقى المانيوال افضل

قلقتنا يا عم محمد...هو الجير الأوتوماتيك بيبوظ بسرعه ولا ايه؟

وبعدين معلش سؤال رخم حبتين...لو لا قدر الله العربية الأوتوماتيك عطلت في يوم..ازي أقدر أعمل زي ما بعمل في العادي..يعني في العادي أنا بديها أول و أنزل الفرامل و أزق العربية...في الأوتوماتيك..في حاجة زي كده؟؟

لم اقصد انه بيبوظ بسرعة موضوع تكلفة الصيانة او الجير الجديد ، وانت عارف ان كل حاجة لها عمر ، ولما تستخدم العربية فى مدن زحمة يعني الجير يفضل ينقل بين الاول والثاني والثالث طالع نازل ، طبعا ده كله من عمر الجير ،

بالنسبة لى انا ركبت الاثنين ، ولما المشكلة بتوصل للجير ، على طول باغير العربية ، احيانا اسطوانة الدبرياج فى المانيوال بتكلف زى ثمن تغيير الجير.

عموما كسائق جديد وماتعودتش على المانيوال ، لو فى امكانك الاوتوماتيك حيبقى كويس ، بس لكا ترجع مصر حتقول المانيوال احسن.

فى الاوتوماتيك ماعندش مشكلة النقل العكسي ، التربية بتظبط نفسها ، لو الاشارة فى مطلع برضه ماعندكش مشكلة لان العربية بتمسك فرامل لما تقف وتسيب الفرامل بالتدريج لما تبدء تمشي

عكس كده فى المانيوال ، ممكن الفتيس يزعق منك لو ماعرفتش تعمل العكسي ، الموتور يسقف لو العربية سرعتها قلت وممكن تبطل منك ، فى المطالع لازم تبقى حريف فى استخدام رجلك اليمين ازاى تعمل توازن فى الضغط على البنزين ورفع رجلك من على الفرامل بشكل عكسي ، او العربية تبطل منك والسواقين يزمروا لك ويلخبطوك وتبقى مش عارف تعمل ايه.

فى الاتوماتيك بتبقى مشكلة لو الجو بارد والبطارية نامت ، او لو مثلا نسيت نور العربية وطلعت شغلك ورجعت لقيت البطارية فضيت ، فى الحالة دى لازم توصيلة بطارية او تتصل بميكانيكي او كهربائي يديلك بووست

فى المانيوال ، الامر اسهل طبعا زقة للعربية وتديها الثانى وبالسلامة العربية تدور على طول.

وبما انك جديد فى السواقة وفى امتلاك سيارة ، اتوكل على الله وهات الاوتوماتيك ، ولما ييجي اوان المانيوال ، ابقى اتعلم سواقة من تانى

[Alshiekh]

أهه موضوع واحد رجله حساسة ده هو اللي بيعمل مشاكل للناس الجديدة امثالي..انت عارف..كان معايا في الامتحان واحد بيسوق..العسكري بصراحة رخم عليه أوي..يقولله..اطلع..أول ما طلع..قالله اقف..وبعدين اطلع..اقف..اطلع..اقف,,كل ده في دقيقة واحدة تقريبا..و الواد ياعيني طبعا سقط..لأن الموضوع بيبقي صعب أوي علينا و احنا لسه جداد كده

أهه الموقف ده بالظبط كأنك في زحمة وكل شوية تطلع..وبعدين تقف و هكذا

مش حاتصدقوا لو قلت ان امتحان القيادة فى امريكا هو الاسهل فى الاختبار العملي

بيشوفك بتتصرف ازاي على الطريق ، بتنقل من حارة لحارة ازاي ، بتاخد بالك من علامات حدود السرعة والا لأ ، لما يقول لك اركن بتعرف تركن صح والا لأ ، بتعرف تقف فى الاشارة صح والا لأ ، بتبص فى المرايات ازاي ، بتعرف تتصرف لو وقفت فى مطلع والا لأ ، مفيش حركات تعجيزية

بتصصرف ازاي فى اشارات المرور وعلامات الوقوف

لما تعمل غلطة ينبهك لها وببعد شوية يطلب منك انك تعمل العملية تاني ، ويشوف ان التنبيه جاب نتيجة والا لآ

الامتحان الاصعب عندهم ، هو امتحان قواعد وقانون المرور ، وتصل اسئلته احيانا لاكثر من 100 سؤال ، ونسبة النجاح لاتقل عن 80%

والقاعدة الاساسية التي تقال لكل من اجتاز الاختبارات هى:

انت الآن حصلت على رخصة قيادة ، نحن لانتوقع انك خبير فى القيادة وان خبرتك الحقيقية ستأتي بممارسة القيادة ، لذلك انت تحتاج للكثير من التدرب على القيادة العملية بمساعدة الاهل والاصدقاء. حظ سعيد.

هذا ماحدث فى الولاية التي حصلت فيها على أول رخصة قيادة.

[ozoozo]

لو هاتشتري زيرو يبقي اوتوماتك لكن مستعمل يبقي مانيوال

الاتوماتك اسهل بس المشكله في صيانته لو انت هاتجيب عربيه 5 او ست سنين وتقلب يبقي تمام اوي الاوتوماتيك خصوصا انك مش هاتحرقها (انا بضرب حوالي 4 الاف كيلو في الشهر ناقصلي سوجاره ورا ودني وابقي سواق مكروباظ)

للاسف اتعرضت لموقف سخيف مع الاتوماتيك قبل كده

راجع الموضوع ده

http://www.egyptiant...pic=113640&st=0

تم تعديل 30 مايو 2011 بواسطة ozoozo