خواطر حول الأسماء المصرية

[بنت شعنونة]

ليا طبيب زميل اسمه محمد بـــصـــــــــــل :P

وفيه عائلات في المنصورة اسمائها غريبة

زي المكباتي؟ الشماشرجي؟! وعيلة البغل اللي قولتوا عليها

وفيه اسماء كانت منتشرة كتييييييييير زمان

زي

صافيناز

نازك

ملك

كريمان

ناريمان

شاه " زي اسم ماما :) "

ولكن الملاحظ انه في اسماء كتير من دي ابتدت ترجع كمان تاني؟

اعرف واحده اسمها

افيات ها اموت واعرف معنى اسمها :)

[se_ Elsyed]

اعرف واحده اسمها

افيات  ها اموت واعرف معنى اسمها :o

دي حاجة من تلاتة ..

1 - يا إما جمع أفيا ... زي ما واحد بيدخل للتاني أفيا كده .

2- يا إما لفظ إستفهام ... زي واحد مش عارف ماركة العربية اللي قدامه فبيقول لصاحبه " افيات هذه ام فولكس ؟ "

طب إيه رأيك بقى يا شعنونة إني لو صادفت في واحده إسمها كده هاضربها من النرفزة .. ده إيه ده ؟

في الاجازة دي وانا بأتمشى في الزقازيق .. بلدي وبلد الجدود .. ومن عادتي إني احب أقرأ اليافطات بتاعت المحلات والدكاترة والمحامين والناس دي .. فلقيت واحد محامي إسمه .. .كذا كذا الضاني... كذا كذا مش إسمه الاولاني احسن حد ذكي يسأل ويقول إيه الإسم ده .. يعني إسم عيلته عيلة الضاني .. فبالله عليكم ده مش هايشبع تريقه .. ضاني ولا بتلو ؟ طب وحياة أبوك إقطع لي كيلو من بيت اللوح .. حاجة تكسف بصراحة .

- هنا في السعودية عيادات الدكاترة نادرة جداً فكله شغال على المستشفيات والمراكز الطبية .. ففي عيادة دكتور هنا صاحبها إسمه الدكتور .. كذا كذا ( تشابه أسماء مع الأولاني ) أبو شعر .. إسم عيلته أبو شعر ... طب عرفنا يا سيدي وبلاش بقى إحراج للقرع .

- هناك أسماء أخرى تدل على الإجرام مع إن صاحبها مالوش ذنب وممكن يكون ملاك وراجل طيب .. زي شَكّل ( فاكرين الله يرحمه محمد يوسف اللي كان بيقوم بدور المعلم شَكّل في ساعة لقلبك ) .... في كمان اللومانجي ... وفي اللبط .... ولو دخلنا على الصنف هانلاقي أفيونة ( لا مؤخذه يا معلم ) ... وكفاية كده أحسن حشيش يضربني stnd::

- واحد صاحبي ربنا رزقه ببنت فراح سماها " ريتاج " فطبعاً انا ماسبتوش في حاله ولحد دلوقت مخليه يكره حياته .. ففي الأول قال لي إن ريتاج ده إسم مفتاح الكعبة ... فقلت له يعني حرام عليك إنت كده هاتخلي بنتك تعلق يافطه على ضهرها طول ماهي ماشية عشان تشرح للناس معنى إسمها .. ده إيه الأسامي اللي محتاجة كاتلوج دي ؟.

- وفي ناس بقى عشان يبينوا إنهم أرستقراط وثقافتهم واسعه .. يروح مسمي إسم زي بسنت ... وده معناه إيه يا عم المهراجا ؟ يقولك ده إسم فصل الربيع في اللغة الهنديه ...طب شكريات يا صديج .. أو إسم مايا .. وده أعتقد يعني ثعبان ( مش متأكد بالظبط ) ولكنه إسم منتشر بين الهندوس وبنسمعه هنا كثير ...

[فــيــروز]

انا كمان كان بيعجبنى اسم "مى" :o لحد ما عرفت ان معناه "قرد صغير" على ما اظن taz::

[Cleo]

الشىء الغريب إن فيه ناس غاوية تسمى بناتها أسماء غريبة وخلاص بغض النظر عن معناها... فنجد بعض الأسماء التى تنتمى لديانات وثنية تخالف عقيدتى الشعب المصر...

- إيزيس - هاتور أسماء ألهة فرعونية..!!

- نيرفانا: النيرفانا هى قمة الصفاء الروحى فى الديانة البوذية وهى إحدى الدرجات الدينية الرفيعة فى تلك الديانة..

[Cleo]

ليا طبيب زميل اسمه محمد بـــصـــــــــــل

وفيه عيلة كبية اسمها ملوخية

[Cleo]

وبعد سفر العديد من الأسر المصرية للإقامة بدول النفط، انتشرت بين المصريين بعض خليجية مثل: فهد.. فهر.. طلال

أو بسبب اختلاطهم بالشوام فى هذه البلاد نجد أسماء مثل : زياد، ميسون، عنود، رغد، رغدان، مروان...إلخ

[MuslimaEgyptian]

2- يا إما لفظ إستفهام ... زي واحد مش عارف ماركة العربية اللي قدامه فبيقول لصاحبه " افيات هذه ام فولكس ؟ "

حلوه يا أخ سى السيد :P:)

~*~*~*~*

كان فيه موضه أسامى غربيه للناس اللى إتولدت فى السبعينيات...مثل نانسى وسوزان وسالى وماجى.... متهيألى فى الفتره دى نصف بنات مصر إتسموا سوزان ونانسى ... بلاش أقول رأيى فيهم علشان منغلطش فى حد

stnd::

يلا مش مهم الإسم، المهم ما وراءه :o

[R.M.G.]

ومن أغرب الأسماء التي سمعتها في عمري بنت كان إسمها"الصلاة على النبي" عليه الصلاة والسلام

وظهرت ايضا في مصر موضة اسماء الأصوات وأولها كان (هديل) صوت الحمام ثم (هدير) الموج والأخير بصراحة لاأرى فيه أي جمال

وقابلت واحد اسم جده (نهطاي) وكان متعقد من عيشته بسبب هذا الأسم الذي لم يكن هوشخصيا يعرف له اي معنى

[فــيــروز]

هناك كذلك الاسماء المتعلقه بالحلوى تحديدا !! زى سكر مثلا .. وده للرجال و النساء .. و شربات .. :P

كان عندنا دكتور ينتمى لعائله اسمها "زيتون" !! و آخر كان اسمه فلان "زغلول" :o

وكان يحلو لكثير من الطلبه الحديث عنهم مجتمعين بالقابهم .. فيقف الطالب ليتحدث عنهما فيقول :

يعنى الدكتور زغلول و الدكتور زيتون قالوا ..

وطبعا الخبثاء من الطلبه يبتدوا فاصل من الضحك stnd::

[deemuck]

السلام عليكم ورحمة الله وبركاته،،،

انشاء الله بيجيني مولودة جديدة واحب اعرف من حضارتكم بعض الاسماء العربية الجديدة بمعانيها.

ديم مق

[عبده بيه]

الموضوع جميل فعلا

لكن انا جاي في حاجة تانية هوتفصيل اسم نعم تفصيل اسم لابني او بنتي

يكون بينطق بالعربية والفرنسية بسهولة

ويكون له معني

ويكون اكيد له ناحية اسلامية

انا كده فتحت المزاد

وفي انتظار الردود واتمني ان اشوف شيء مختلف عما فكرت فيه انا والمدام

ولكم تحياتي

[عبده بيه]

اشرح مميزات الاسم الذي تريده يعني ادينا اختيارات يا اخي

يعني اسلامي ولا عربي

[nora]

عبدو بيه بيقولو اسماء غريببه هو حضرتك عايز اسم غريب لابنك ولا حاجه

انا اغرب اسم قابلتو في حياتي اسمين والاتنين لبنات

وحده قابلتها مرة في طيارة وانا ريجعه الكويت وعماله اعيط فدي حبت تهديني فبتتكلم علشان تغيرلي مودي فبتقولي اسمك ايه فرديت وسالتها وانت فقالت مش ضروري تعرفى

طبعا ادايقت ايه دي ارد عليها وترفض تقولي اسمها فاصريت فقالت اصل هقولك اسمى هضطر احكي قصة حياتي المهم قلت قولي متخفيش بس طلع اسمها أشندل بفتح النون والالف وشد الشين واللام وكسر الدال

ومعناها القلب الصافي ده يوناني ده الي قالتو والله اعلم clwn:

اما الاسم التاني لوحده معرفه من بعيد مرات احد اصدقاء زوجي

اسمها عجب

اسمها فوتيه مش كرسي لاه بضم الفاء وشد التاء و فتح الياي :ninja: :lol:

ولما سالتها ليه يعني

فقالت تقريبا ان كانو هيسموها فدوة والي راح يسجل ليها اسمها سمعو غلط :lol:

[Alex Lover]

عندك اسم ريتاج يعني باب الكعبة المشرفة

كان نفسي اسميه لبنتي

[واحد تاني]

كان عندي معيد أيام الكلية اسمه فلان (طرابية)

في البحرين في اسماء عائلات غريبة شوية زي (الشاخوري) و (الشنخنخ)

كانت واحدة زميلتي اسمها (أفنان) أعتقد يعني أغصان الشجر

وسمعت ان كان في الكلية واحدة تانية اسمها (بسيمة) بس افتكر دي كانت بتيجي الكلية في المواسم بس :wub:

تم تعديل 18 مارس 2007 بواسطة واحد تاني

[Scorpion]

عبده باشا

ايه رأيك في

سارة أو ليلي أو فاطيما

و

شريف أو نادر أو يوسف

[امانى]

بسم الله الرحمن الرحيم

اسماء بنات ومعناها فى اللغة العربيه

الاسم .................... المعنى

ايمان.......................... تصديق

الهام........................... وحى

الاء............................. نعم

اية............................. علامة

ابتهاج......................... فرح

اروى........................... انثى الوعل

افنان......................... جمع فن وهو الغصن

امتثال........................ طاعه

امل........................... رجاء

اميمة......................... تصغير ام

انيسة........................ مانوس بها

بدور........................... جمع بدر وهو القمر

بسمه........................ ضحكه بدون صوت

بثينه.......................... ارض سهله

خديجه....................... مولوده قبل تمام ايامها

خنساء....................... بقره وحشيه

زينب......................... شجر حسن المنظر

زينات......................... نوع من الزهر

داليا .......................... اسم زهره

بسنت ....................... اسم زهره

ضحى........................ وقت الشروق

شيماء ...................... من ظهرت عليها شامه

شاديه....................... منشده الشعر

سوسن..................... اسم زهره

سهى....................... احد الكواكب

سمر......................... حديث الليل

سحر......................... اخر الليل

سندس..................... نوع من الحرير

ريهام ....................... امطار خفيفه

رنين ........................ صوت حزين

راندا......................... شجره طيبه الرائحه

رضوى ..................... اسم جبل

شكراا

[memo2007]

حضرتك ليه عاوز اسماء غريبه

أيه رأييك لو ولد سميه محمد على أسم الرسول "ص"

ولو بنت سميها إيمان

ما تتخيلش أنا بحب الإسمين دول قد أيه

:wub: :D

[Siwa]

أخي العزيز عبده بيه.....

ربنا يقوم المدام بالسلامه إن شاء الله.....

ويرزقكم بالذرية الصالحه إن شاء الله.....

شوف حضرتك دا موقع خلاصه فيه معاني الأسماء العربية والأعجمية اللي بنستخدمها كمان....... في مواقع تانية هأحاول الأقيها لحضرتك كنت جبتها لصديقة عزيزة هنا قبل ما تجيب ابنها الجميل اللي ربنا يباركلها فيه إن شاء الله........

اسماء المواليد

أنا متفقه مع أستاذ سكوب في الأسماء اللي أخترها لأنها عربيه ومعانيها جميلة وسهلة النطق ودا اللي محتاجينه في أي دولة أجنبيه...... اللغه فيها مش عربي.......بس في أسماء نطقها سهل ومعانيها جميله بس الأطار الثقافي ممكن يغير المعنى......زي هنا حضرت مناقشه حول الموضوع ده ومن ضمن الاسماء اللي أتناقشت سيف ولقينا إن الأطفال هناممكن يعيروا الولد بيه لإن هنا في سلسلة محلات بتاع أكل أو بقاله لو ترجمنها حرفيا أسمها Safeway سيف-ويي.......

من الأسماء الجميله اللي أعرف ناس سموها هنا هادي للولاد

و طبعا اسم مريم للبنات.....

تقبل خالص تحياتي :wub:

[deemuck]

اخر الاسماء اللي وصلنتي مريم وكندة