خواطر حول الأسماء المصرية

[أبو محمد]

عزيزى عبده بيه

فهمت إنك عاوز إسم يمشى عربى وغربى .. يعنى بال/سيكام .. :sad:

إسم بنت .. لميس .. ويعنى "ناعم الملمس"

إسم ولد .. سامى .. وطبعا إنت عارف إن معناه "عالى أو رفيع المستوى"

الإسمين سهلين فى النطق بالنسبة لغير العرب

دعواتنا للمدام إنها تقوم بالسلامة ولكما بالذرية الصالحة

[Folana]

السلام عليكم ورحمة الله ......

أحدث ما وصلنى من اسماء البنات

لين.....النخل الصغير...مفردها لينة

ماسة.............( الفيرجن الجديد بتاع جواهر..وجوهرة :sad:)

شمائل...الخصال الحميدة :sad:

الاولاد بقى....ما اعرفش

بس فيه صهيب...أويس ....

ونشوف لك تانى

[Siwa]

لقيت الموقع الأجمل لمعاني الاسماء........ أتفضلوا

:sad:

اسماء المواليد

تم تعديل 19 مارس 2007 بواسطة Siwa

[deemuck]

السلام عليكم ورحمة الله وبركاته،،،

اعتب على كل المشاركين في هذا الموضوع بعد تنشيطه لأني طلبت أسماء بنات وكان الرد كله موجه للأستاذ "عبده بيه" هناك حق عرب.لكن الحمد لله استفدت برضه من أسماء البنات التي قدمتموها داخل الموقع وعملت قرعة واخترت اسم بنت بصراحة على مستوى وفي الأخر إيه..."جاني ولد!!"

ديم مق

[عبده بيه]

الله عليكم يا هل المحاورات الحلوين فعلا لمستوني من جوايا وبحبكم والله بحبكم في الله جميعا

اولا الاخ ديم موق حقك عليا والف مبروك لسلامة المدام وتشريف البرنس ربنا يجعله صالح وفالح ويبارك لك فيه

العزيزة نورا الله يحفظك ويبارك فيكي

اولا الاسم الاول جميل والتاني غلطة فعلا وشكرا لكي

العزيزة اليكسلوفر شكر لك الاسم فعلا جميل جدا وشكرا لانه فعلا معلومة جديد لي

العزيز والجميل اوي سكربيون باشا

طاب مساؤك يا اخي الاسامس فعلا جميلة لكن مكررة عندنا في العيلة

وشكرا لك يا غالي

العزيزة ميمو الناجحة

شكرا يا عزيزتي الله يحفظك يبارك فيكي

العزيز ابو محمد الله يبارك فيك ويحفظك ضحكتني علي البال والسيكام دي شكرا فعلا الاسم الاول جميل

العزيزة اماني حيرتيني في الاسامي كلها وشكرا لكي يا غالية

العزيزة فولانة هانم الشكر لكي يا عزيزتي الله يحفظك ويبارك فيكي

العزيزة سيوة الله عليكي منورة المحاورات الله يبارك فيكي انتي حيرتيني في الاختيار انا عايز اسم يكون مش يكون سهل فقط ولكن يكون له اصوله العربية وكمان يعطي اللمحة الفرنسية علشان اولاد في المدارس بيتعرضوا لبعض العنصرية من بعض الناس مش الكل طبعا فانا بحاول اتعدي هذه النقطة لو صدفتهم يوما ما مش اكتر

الشكر كل الشكر للجميع وانا عايز منكم اسم ولد بقي لان في بشاير خير علي اسم البنوته يعني في حكم الاختيار النهائي الموضوع فعلا مش سهل

احسن حاجة اني بفكر واسيب المدام هي اللي تختار وده اللي حصل في اثناء ولادة ياسمين وعلي فكرة بالفرنسية بالجيم العربية جاسمين وفي العربي ياسمين

شكرا لكم وفي انتظار الرد ادمنا شهر لمعرفة ولد ولا بنت وعايز مساعدتكم الله ما يوقفكم في اسم حد

تحياتي

[Scorpion]

أولآ .. ألف ألف مبروك للفاضل deemuck وصول ولي العهد .. ربنا يطرح فيه البركة و يجعله دائمآ باعثآ للرضا و الفخر لوالديه ...

و الف حمد لله علي سلامة المدام ....

ثانيآ ... لعبده باشا اسمحلي بمحاولة تانية .. مين عارف يمكن

رامي ..... Rami ou Remi

أمين ...... Amine

آدم ....... Adam

يانيس ( و ده تفصيل ) ....... Yanis

جبريل ..... Gabriel

:wub:

[se_ Elsyed]

ما تتكلم عِدل يا جدع انت

يانيس ايه ودبابيس ايه ؟

ترضى انت تكون ماشي في الشارع وواحد يقوم جاي وقايلك يا : يانيس ؟

عبدو بك .. سيبك من سكوب اصله لما بيتقل عيار المكرونة بيبقى مش طبيعي

ادخل برجلك اليمين وعيش :

- عبد الرحمن

- عمر

- حمزه

- عبد الله

- يوسف

وخد الاسم ده مابطلعوش غير للحبايب

- عز الرجال ...... فكر فيه وقولي رايك على الخاص

[deemuck]

الله يبارك فيك دة ان شاء الله ولدي التاني. سميته "باسل" ايه رأيكم؟

[se_ Elsyed]

باسل .... مش بطال

بس برضوا عز الرجال حلو

[عبده بيه]

العزيز سكربيون شكرا لتواصلك يا غالي وده شيم الرجال الكرماء وانت عزالرجال

العزيز سي السيد المحترم ماشاء الله عليك ذوقك جميل الله يبارك لك لكن الاسماء دي فعلا موجودة في العائلة فعلا الموضوع ممتع ومتعب ايضا الله المستعان

ابو باسل ماشاء الله اسم جميل الله يبارك فيه ويجعله زخرا لك ان شاء الله

والله يا جماعة ساعدوني الله يفتحها عليكم

مع تحياتي

[deemuck]

قول ايه رأيك في دول

مريم - سارة - هاجر - كندة - ليان - لين - رهف - رغد

انا كنت منشن على مريم بس جاني باسل

[عبده بيه]

شكلي هقولك اديني باسل

[عبده بيه]

الحمد لله الموضوع ظهر شوية واتضح ان المولود القادم ان شاء الله في اغسطس بنوتة الحمد لله ولكن مازال البحث مستمر عن اسم يمكن ان يشتغل بال سيكام كما قال العزيز ابو محمد يعني اسم يشتغل عربي واجنبي فارجوا المساعدة ولكم التحية

[Abdulaziz Omar]

والله يااخ عبده بيه زي ماقالوا الاخوة : مريم و سارة هي اكثر الاسماء اللي ممكن تمشي سواء في مصر او في اوروبا واميركا......وربنا يبارك ويخللي

[عبده بيه]

شكرا اخي الفاضل عمر ولكن المشكلة ان الاسامي لما بتتكرر بتبقي مش كويسة وده انا رأي الشخصي وكمان لازم يكون فيه تغير علشان نكتر نفسنا سوية امام الجاليات الاخري

ومازال البحث مستمر علي اسم بنوته يمشي عربي وفرنسي وايضا يهمني اصوله العربية او الاسلامية وادمنا 3شهور ام شاء الله

ولكم كل التحية وعايز مساعدتكم وخصوصا اني تعبت في البحث علي المواقع المتخصصة في الاسامي

[رايا]

فى موضة الايام دى وهى الا سماء القديمة

فى الولاد تجد موضة الاسماء : عمر - على - معاز - زياد - يوسف - ياسين - ادهم - يحي

فى البنات : مريم - سارة - خديجة - فاطمة - هاجر - سلمى

هى عامة ظاهرة ايجايبية ان نعود الى تراثنا العربى والاسلامى حتى فى اختيار الاسماء

[عبده بيه]

هتشرفنا بنوتة خلال اسبوع او اسبوعين وان شاء الله بدء العد التنازلي لاختيار الاسم

ومن بينهما نور ملك جوري روان لين ترتيل

واللي عنده اسم اخر يضيف الينا اهلا وسهلا يتفضل

[badroora]

الف الف مبروك ننربي فى عزك ان شاء الله

وحمدالله عالسلامة مقدما

بص يا سيدي عندك مثلا :

نجفة

رانا

فاطمة

منة الله

ندي

هاجر

رحاب

مشاعل :shutup:

زينب

امنية

امانى

زولفا

روفيدة

هند

حوسنه

ست ابوهم

ست اخواتها

ست الحلو

كيداهم

فرساهم

الزهراء

روفية

احلاهم

حور الحين

حورية

عائشة بس عشان خاطر عائشة كررتونه بلاش

هى الاسامى تبان قديمة شوية بس والله بركة ولما البنت تكبر وتبقي فى منصب كبير هتدعيلك على الاسم دا :wub:

دول اللى حاضرين فى دماغى لو خطر على بالى حاجة تانى هابقي اكتبها

[wagdi]

بما إنك عايز إسم عربي؛ وقديم وبروحين عربي إفرنجي سميها :

ليلى

و أوعى تغلط علشان أنا بنتي إسمها ليلى...

ربنا يبارك لك فيها وألف مبروك مقدمأ...

[tahereyad]

بسم الله ما شاء الله,,

كل الأسماء دي و محدش اختار اسم "أفنان"

أفنان و آلاء و جنى (و تنطق جنا),, كلهم من سورة الرحمن

و علي فكره افنان دي بنتي