خواطر حول الأسماء المصرية

[tahereyad]

نور ملك جوري روان لين ترتيل

أعتقد والله أعلم أن اسم "جوري" ده أصله "جويريه" و هو اسم احدي زوجات الرسول,, و معناه مصغّر جاريه,,,

لو كان للأسم معني تاني يا ريت حد يقولهولي

[محمد عبدالعزيز]

ممكن برضه ريم على اسم بنتى :wub:

هو اسم سهل وبسيط جداً وجميل فى نفس الوقت, وأعتقد إنه سهل النطق للمتحدثين باللغات الأخرى.

بس عانيت من الجهل باللغة العربية عندنا أول ماختارت الاسم ده, ﻷن فى ناس تعتقد إن اسم ريم ده معناه زبد البحر أو الرغاوى اللى بتبقى على وش الميه, وهاتك يا تقطيم... اللى يقول لى يابنى مالاسماء الحلوة كتير انت مالقتش غير الاسم ده!!!

وكلام من ده كتير.

والأظرف بقى كان فى واحدة من أقاربنا كانت زعلانة جداً من اختيار الاسم ده بس كانت كاتمة فى نفسها وساكتة, ولكنها لما فتحت المعجم وعرفت المعنى الصحيح فرحت جداً واتصلت بينا تهنينا على الاختيار وقالت لنا انها كانت زعلانة ﻷنها اعتقدت إن الاسم معناه وحش.

بصراحة بقى أنا مش عارف ليه وجع الدماغ بالشكل الرهيب ده فى الوقت الحالى عند اختيار الأسماء. فعلاً الأسماء الحلوة كتير وأنا مش شايف إن الموضوع يستحق المجهود والوقت ده كله

بس الظاهر فيه ناس غاوية موضوع الأسماء ده وبتحب تخترع أسماء جديدة, زى واحد صاحبنا سمى بنته "شنا" :shutup:

والله العظيم ماعرف "شنا" يعنى إيه عشان ماحدش يحرجنى ويسأل.

يمكن هما كان قصدهم جنا بس اللى بيسجل سمع الاسم غلط؟

[badroora]

مامعنى اسم ريم ؟

[se_ Elsyed]

مامعنى اسم ريم ؟

يعني غزال .... Deer

ما سمعتيش طقطوقة " أشرقت يا ريم الفلا " يعني إنت جيت يا غزال الصحرا ؟

[mffaswan]

هههههههههههههه

الموضوع جاااااااامد

و للمشاركة .. أحب أقولكم إن اللي عاوز يشوف العجب في الأسامي .. يفتح صفحة الوفيات (الله يحفظنا جميعاً) .. و من النمازج العجيبة ..

أنتقلت للأمجاد السماوية .. الأم الرؤوم

وديدة يسى فلتس برغوت

(حد يقولي دي كانو بيدلعوها ازاي !!!!!!!!!!!!!!) :blink:

انتقل لرحمة الله تعالى

المعلم سر الختم حجازي عبد الصمد

(مات من غير ما يقول لحد على السر !!!!!!!!!!) :sad:

انتقلت للأمجاد السماوية

سوسة خفرع قلدس السنطيس

( نعم !!!!!!!) :blink: :blink:

و شكراً على الموضوع الجااااااااااامد

mff

[محمد عبدالعزيز]

مامعنى اسم ريم ؟

يعني غزال .... Deer

ما سمعتيش طقطوقة " أشرقت يا ريم الفلا " يعني إنت جيت يا غزال الصحرا ؟

وما سمعتيش قبل كده قصيدة "ريم على القاع بين البان والعلم *** أحل سفك دمى فى الأشهر الحرم"؟

:blink:

[الطيار المصرى]

عبده بيه....الف مبروك مقدما...و ان شاء الله تتربي في عزك و تشوفها مهندسة كبيرة و هي واقفة في الصيدلية بتكشف علي المرضي.....

و انا عندي اسمين ان شاء الله يعجبوك.....

شوري....

رؤي....(جمع رؤية)

ايه رأيك....اظن مفيش بعد كده...

و لك تحياتي....

الطيار المصري

[Diab]

سميه ديـــــاب أحسن

:sad: :blink: :blink:

حتي شوف

:sad:

[se_ Elsyed]

شوري....

إزاي ؟!!!!!

[بنت الشاطئ1]

الموضوع جميل فعلا

لكن انا جاي في حاجة تانية هوتفصيل اسم نعم تفصيل اسم لابني او بنتي

يكون بينطق بالعربية والفرنسية بسهولة

ويكون له معني

ويكون اكيد له ناحية اسلامية

انا كده فتحت المزاد

وفي انتظار الردود واتمني ان اشوف شيء مختلف عما فكرت فيه انا والمدام

ولكم تحياتي

جودي : الجبل الذي استوت عليه سفينة نوح عليه السلام

لجين ..الفضة البراقة ..لجين ..بضم اللام وفتح الجيم

لمى..سمرة تستحسن في الشفة

لينة..{ما قطعتم من لينة أو تركتموها قائمة على أصولها فبإذن الله}. سورةالحشر

المقصود بها النخلة والله اعلم

ندى.. = حبات الماء او الكرم

بالنسبة للاولاد ادم ..زيد ..اياد..

انا استبعدت الاسماء التى تشمل حرف الراء.. لأنه فى فرنسا سينطق غ

اتمنى ان تنال اعجابكم

وطمنونا

[عبده بيه]

ماشاء الله عليكم والله ما تأخرتم علي الرد والتنوع في الاراء والافكار

وفطصتوني من الضحك الله يبارك فيكم

ما زال باب مفتوح وعليكم التقديم بكلما عندكم من افكار

كله كوم والانسة كيدهم دي كوم تاني

تحياتي لكم جميعا

[عبده بيه]

ملحوظة خاصةبالنسبة لاسم جوري وهو زهرة الجوري وهي من احلي الورود في الشام والجزيرة العربية وايضا اصله في العراق

ده معني اسم جوري

تحياتي

[فوس فوس]

كل عام وانتم جميعا بخير

حد يعرف ما معنى اسم ((ليان)) وما هو اصل الكلمة وكيف يكتب بالانجليزية؟؟

وشكرا لكم مقدما

[فوس فوس]

كل عام وانتم جميعا بخير

حد يعرف ما معنى اسم ((ليان)) وما هو اصل الكلمة وكيف يكتب بالانجليزية؟؟

وشكرا لكم مقدما

[Damo]

مامعنى اسم ريم ؟

يعني غزال .... Deer

ما سمعتيش طقطوقة " أشرقت يا ريم الفلا " يعني إنت جيت يا غزال الصحرا ؟

انا المره الوحيده اللي سمعت كلمة ريم في جمله مفيده لما مامتي قلتلي حطي ملح على البيض و هو بيتسلق عشان ميطلعش ريم على الوش

[Damo]

وماذا عن تسمية الذكور باسماء جرى العرف على ان تتسمى بها النساء مثل صباح و

وهناك بعض الاسماء ال...غير مناسبة مثل الحيوان والبغل و غيرها ... ليه ?

انا حسب معلوماتي اللي بيسموا البغل و الحيوان و علبه الخ بيبقى هدفهم يبعدوا الحسد عن المولود. مثلا لو ناس فضلوا يجيبوا بنات و بعدين جابوا الولد اللي نفسهم فيه فيخافوا يتحسد. او مثلا لو لا قدر الله كل مره البيبي يموت و يحصل حاجة في الحمل فلما يخلفوا يخافوا يتحسد بردو

تم تعديل 6 ديسمبر 2009 بواسطة Damo

[DR SALLEY ABAZA]

طيب انا عايزه رأيكم ياجماعه وبصراحه . انا احب انا ان إبني يبقى اسمه مميز فأ نا بأفكر اذا جاء ليا ولد تالت هاسميه اباظه

تم تعديل 8 ديسمبر 2009 بواسطة DR SALLEY ABAZA

[DR SALLEY ABAZA]

انا باأقول كده بمناسبة ان ليا صديقه سمت ابنها اللذي لم يتمم ربيعا واحدا كشك تيمنا بإسم جد زوجها

[moheltohamy]

طيب انا عايزه رأيكم ياجماعه وبصراحه . انا احب انا ان إبني يبقى اسمه مميز فأ نا بأفكر اذا جاء ليا ولد تالت هاسميه اباظه

بس معلش... أباظة دي كبيرة شوية على طفل... هيشيلها ازاي لوحده؟! :lol:

ممكن لما يكبر شوية.

ثم ، هيبقى إسمه أباظة سالي أباظة؟! :lol:

تعرفي فكرتيني بواحد صاحبي من أيام الكلية ، كان بيكلم صاحبنا التالت ، ويقول له (بقى انتا هتيجي في يوم وتبقى جد؟ ويندهولك: جدو هاني؟!)

واللي زيه (جدو تامر) :lol:

فيه أسماء كده ما ينفعش تكبر.. وفيه أسماء ما تنفعش تصغر...

بصي... أنا باهزر كتير ، ما فيناش من زعل :wub: