الفتنة الطائفية .. عبارة عن قذارة إعلامية

[se_ Elsyed]

أنا عاوز أفهم يعني

هو اللي جوه دماغ كثير من الإعلاميين ده إيه ؟

مخ ولا جزم قديمة ؟؟؟؟

بٌصوا على الخبر ده على موقع جريدة الوفد منذ قليل

إصابة 5 فى مشاجرة بين مسلمين وأقباط بفيصل

الثلاثاء, 31 مايو 2011 12:12

كتب:جمال عبد المجيد

أصيب مساء أمس الإثنين 5 أشخاص فى مشاجرة بين عدد من المسلمين والاقباط بشارع الريحان بمنطقة كفر طهرمس بفيصل. وسيطر على الأحداث عدد من أفراد القوات المسلحة والشرطة بحضور مدير امن الجيزة اللواء عابدين يوسف .

وعلمت "بوابة الوفد" ان المشاجرة وقعت بين مسلم ومسيحى بسبب النزاع على قطعة ارض بشارع الريحان وضع الأول يده عليها واتضح ان الثانى يملكها.

اقرأ المقال الأصلي علي بوابة الوفد الاليكترونية إصابة 5 فى مشاجرة بين مسلمين وأقباط بفيصل

أقسم بالله لو أنا من المجلس العسكري لأهبد الصحفي ده ورئيس تحريرة 5 سنين سجن

عنوان قذر ومحتوى ولا له اي لازمه

إتنين بيتخانقوا على حته أرض وواحد سرقها من التاني أو بينهم خلاف والله العظيم على ما وصلت لأخر الخبر نسيت مين الأول مين التاني

إيه اللي دخل الدين والعقيدة والنفخ في النار في الموضوع ده ؟

وهل خلاص بقى نتوقع عناوين الأيام الجايه من عينة :

- مسلم ينشل مشحفظة مسيحي في أتوبيس أمبابة- رمسيس

- غسيل مسيحي ينقط على غسيل مسلم فتنشب معركة حامية الوطيس

- مسلم يصدم مسيحي أثناء عبورة الطريق

- مدرس كيميا مسيحي يضرب تلميذ مسلم عشان ما عملش الواجب

هو في إيه والناس دي عاوزه إيه ؟

ولما الجهلاء يقرأوا أخبار زي دي ..تتوقعوا يكون حالتهم عامله إزاي ؟

[pink rose]

أنا عاوز أفهم يعني

هو اللي جوه دماغ كثير من الإعلاميين ده إيه ؟

مخ ولا جزم قديمة ؟؟؟؟

بٌصوا على الخبر ده على موقع جريدة الوفد منذ قليل

إصابة 5 فى مشاجرة بين مسلمين وأقباط بفيصل

الثلاثاء, 31 مايو 2011 12:12

كتب:جمال عبد المجيد

أصيب مساء أمس الإثنين 5 أشخاص فى مشاجرة بين عدد من المسلمين والاقباط بشارع الريحان بمنطقة كفر طهرمس بفيصل. وسيطر على الأحداث عدد من أفراد القوات المسلحة والشرطة بحضور مدير امن الجيزة اللواء عابدين يوسف .

وعلمت "بوابة الوفد" ان المشاجرة وقعت بين مسلم ومسيحى بسبب النزاع على قطعة ارض بشارع الريحان وضع الأول يده عليها واتضح ان الثانى يملكها.

اقرأ المقال الأصلي علي بوابة الوفد الاليكترونية إصابة 5 فى مشاجرة بين مسلمين وأقباط بفيصل

أقسم بالله لو أنا من المجلس العسكري لأهبد الصحفي ده ورئيس تحريرة 5 سنين سجن

عنوان قذر ومحتوى ولا له اي لازمه

إتنين بيتخانقوا على حته أرض وواحد سرقها من التاني أو بينهم خلاف والله العظيم على ما وصلت لأخر الخبر نسيت مين الأول مين التاني

إيه اللي دخل الدين والعقيدة والنفخ في النار في الموضوع ده ؟

وهل خلاص بقى نتوقع عناوين الأيام الجايه من عينة :

- مسلم ينشل مشحفظة مسيحي في أتوبيس أمبابة- رمسيس

- غسيل مسيحي ينقط على غسيل مسلم فتنشب معركة حامية الوطيس

- مسلم يصدم مسيحي أثناء عبورة الطريق

- مدرس كيميا مسيحي يضرب تلميذ مسلم عشان ما عملش الواجب

هو في إيه والناس دي عاوزه إيه ؟

ولما الجهلاء يقرأوا أخبار زي دي ..تتوقعوا يكون حالتهم عامله إزاي ؟

جيش ايه بس اللي يهبد الصحفي دا حكم كام سنة

فين حرية الصحافة

فين حرية الاعلام

فين حرية البتنجان

بكرة تلاقي مظاهرة عشان الصحفي دا و حد يطلع يقولك اخويا اسير

بجد بقت حاجه تقرف

[fatfouta]

الخبر ده رجعوا كذبوه امبارح وقالوا مش صحيح

مش عارفة من مصلحة مين انه يعمل فتنة طائفية بان المسحيين والمسلمين بيقتلوا فى بعض!!!

[ابراهيم عبد العزيز]

والله صدقت فى كل كلمة قلتها يا اخ سى السيد

الخبر المفترض ان يكون عنوانه ((إصابة 5 فى مشاجرة بسبب قطعة ارض بفيصل ))

اما ذكر أن هذا مسيحيى وهذا مسلم فهو كلام سخيف

وقسما بالله العظيم لا يمكن ان تكتمل الثورة وتحقق نجاحها بدون ان يحدث تطهير شامل وكامل للاعلام المصرى

ولا ننسى ان نهج البعض من الاعلامين فى مصر هو من ساعد على تضليل الرئيس السابق بنقل صورة غير واقعية عن مصر والتهليل عمل للحكومة حتى ولو كان لا يستحق

فهناك العديد من المنتسبين للاعلام المصرى لا يفقهون شيئا فى الاعلام ووصلوا لمناصبهم فى غفلة من الزمن وهم يضرون مصر بشدة سواء داخليا او فى علاقاتها مع الغير خارجيا

تم تعديل 31 مايو 2011 بواسطة ابراهيم عبد العزيز

[pink rose]

الانيل من كده الاخبار من نوعية جه يكحلها عماها

يتنشر خبر اهبل في رأيي

4 مسلمين ينقذون فتاة مسيحية من تحرش شباب مسيحين بها

نعم يا سيدي

انت كده هاتخلينا نحب بعض؟

الخبر المفروض صيغته تكون اربع شباب انقذوا فتاة من التحرش و خلصنا على كده

لا الشباب دول قصدوا ينقذوها عشان مسيحية و تظهر علامة التعايش و لا التانين عاكسوها عشان هي مسيحية زيهم و نظام زيتنا في دقيقنا

الا هو ما ينفعش يطلع قرار من اي حد بقى سواء الجيش اوالحكومة المهم كل الجرايد و التليفزيون يتقفلوا لمدة سنة على الاقل و الله حياتنا هاتبقى احلي من غيرهم كتير على الاقل مش هانكون فاضيين هانبقى بنشتغل

تم تعديل 31 مايو 2011 بواسطة pink rose