مبدعين المحاورات اجمع هنا

[pink rose]

مش عاوزة اقول اسامي عشان ما انساش حد

بس مبدئيا الدعوة مفتوحة للكل

للاشتراك في ورشة عمل جامدة

مطلوب بوسترات

كليبات

كلمات معبرة

لبدء حملة عن النظافة

هاقولكم حلمي و نفسي تتخيلوه و تشتركوا معايا فيه

مدينة الاسكندرية مدينة خالية من القمامة و معدل التلوث فيها انخفض لاقل معدلاته

عاوزة الناس تعيش الحلم دا

انتوا عارفين لما واحد بيحلم و يؤمن بالحلم بيعمل كل و اي حاجه لتحقيقه

و احنا المصريين لما بنحط حاجه في دماغنا بجد بنعملها

الحملة بتاعتي عاوزاها تخرج من حيز الفيس و تويتر و الكلام

عاوزاها تنزل للواقع للشارع و تترجم لافعال

عاوزة كل بيت في اسكندرية يشوف البوستر يشوف الكليب

عاوزة اقولكم اني هاعمل تي شيرتات على حسابي الخاص فيها شعار الحملة و هاخلي اهلي هناك يوزعه مجاني

عاوزة بوسترات تملا الشوارع

عارفين نظام اللبان في الاتوبيسات اهو انا عاوزة استخدمه

عاوزة الناس تصدق في نفسها و تؤمن انها ممكن تخلي اسكندرية بلد جميلة زي ما كانت

طبعا ممكن حد يسألني اشمعنى اسكندرية بس اقولكم ان اسكندرية هاتكون خطوة اولى لو ان شاء الله الموضوع اتحقق زي ما انا باسعى له اكيد هاتتعمم التجربة في كل المحافظات

بس طبعا محتاجة مساعدتكم معايا

هل ممكن نعمل ورشة العمل دي؟

مستنية ردودكم و مداخلاتكم و اقتراحاتكم و نقدكم كمان

[Howayda Ismail]

فكرة جميلة اوى ياريمو بس الاول نشوف الخلل فين وبعدين نحط حلول

انا مش عاوزة احبطك ولاحاجة بس الفيديو ده والصور حتبين ان المشكلة اكبر ماانت متخيلة

لكن ممكن نبتدى واحدة واحدة والنظافة عدوى برضه

http://www.youtube.com/watch?v=SG9jyAg-ncw

لو لاحظتى الفيديو اكتر الاماكن اللى فيها زبالة بجوار المدارس والمصالح الحكومية والاسواق

والاحياء الشعبية والمناطق المحرومة من الخدمات والرعاية ودى اللى محتاجة شغل واهتمام اكبر

تم تعديل 31 مايو 2011 بواسطة Hend ali

[Howayda Ismail]

[Howayda Ismail]

المشكلة الاساسية ياريمو هى مشكلة سلوك المواطنين والاهالى

يعنى الصندوق يكون موجود وفاضى والاطفال وحتى الكبار بيحدفوها وزى ماتيجى

تانى مشكلة قلة الصناديق لان كتير منها اتسرق واضطرت شركة النظافة تكلبشها فى عواميد الانارة بجنزير وقفل

تالت مشكلة عمال الخردة وتجار الزبالة اللى بيجمعوا الكراتين والزجاجات الفارغة والمعادن لما بيفرزوا الزبالة

بيقلبوا الصناديق فى الارض او يخرجوا اللى فيها وياخدوا اللى عاوزينه على عربيات كارو ويسيبوا الباقى

على الارض ويمشوا واحيانا الكارو يتملى يفضل يوقع على الطريق وهو ماشى من غير ماياخد باله

كمان عربيات نقل الزبالة بتتأخر والنتيجة الصناديق تتملى والناس تضطر ترمى على الارض

لازم كل المشاكل دى يتحط لها حلول والا اى مجهود او اى دعاية مش حتجيب نتيجة

الاهم الحملة دى توصل لمسئولى المحافظة والمسئولين عن عمال النظافة بتوع الشركة يشوفوا شغلهم صح ويراعوا ربنا

المسئولية مشتركة بين الاهالى وشركة النظافة وعمالها

[Howayda Ismail]

ده اخطر مافى الموضوع

نفايات وزبالة المستشفيات والمراكز الطبية وحتى العيادات المنتشرة فى كل شارع

احيانا تلاقى شاش او قطن ملوث وكثير سرنجات ملاقاة على الارض ودى خطرها على الصحة اكبر خصوصا مع الصيف

والحر وانتشار الذباب

[Howayda Ismail]

بصىهى الناس خدتها الحماسة وقت الثورة وكان فى شغل جميل جدا من الافراد وبعض الجمعيات وفى منها

مازال مستمر زى جماعة الاخوان المسلمين قاموا بحملة طلاء ودهان كثير من الاسوار والمناطق خاصة المدارس

بجانب تنظيف الشوارع واخر منطقة لهم كانت ابو سليمان

ودى مجموعة صور ياريت تتكرر والحملة تجيب نتيجة

اعضاء جمعية الرسالة الخيرية بالاسكندرية

طلاب احدى المدارس الخاصة

الشباب ايام الثورة منطقة العجمى

[Howayda Ismail]

افكارجميلة جدا فى الكليب ده لتحفيز الشباب والاحياء على تنظيف وتجميل شوارعهم

http://www.youtube.com/watch?v=jPipkCSu77w

[Howayda Ismail]

فكرة تصنيف الزبالة من البيت

بمعنى ست البيت تضع النفايات الصلبة فى كيس والبلاستيكية فى كيس والنفايات العادية فى كيس

ويوضع كل كيس فى الصندوق المخصص له فى الشارع زى اللى فى الصورة كده

وبكده نسهل لجامعى الجماعة عملهم وميحصلش بهدلتها فى الشارع زى مابيحصل

وحاجة تانية من مدة خصصوا حوالى 76 فدان بالاسكندرية لتدوير القمامة وتحويلها لطاقة

[pink rose]

لا لا لا مدام هند الله يكرمك انا مش عاوزة في التوبيك دي احط اي صور محبطة ابدا

انا شبعانة صور تقرف كتير

انا فاتحة التوبيك دي لتصميم فني

بوسترات تحث على النظافة

فيديو كليب فني بيدعو لنفس الشئ

الفن له قدرة غريبة على التعبير

البوستر محتاجة بفوتوشوب نقعد كده قعدة نمخمخ فيه و نعمل بوستر يعبر عن الحملة و هاحطه على البيج بتاعت الحملة و نطلب من الاعضاء طباعته و كل واحد يحطه في مدخل عمارته

لان زي ما قولتي النظافة عدوى و ازن على الودان صدقيني امر من السحر

تخيلي حضرتك واحدة كاتبة يافطة كاتبة فيها الهي تتشلي في ايدك يا الي بترمي الزبالة هنا

الناس فعلا متضايقة و مخنوقة و بتعبر عن ضيقها

فا اللي انا عاوزاه مبدئيا انتشار الدعوة للحملة

زي ما تقولي كده حملة اعلانية عشان نقدر نجمع عد كبير من المتطوعين سواء للمشاركة في جمع القمامة او المشاركة في حملات توعية للناس

دلوقتي انا محتاجة بوستر عشان اختي تطبعه و توزعه على الشباب في الكلية عندها

و هاتفق مع مجموعة شباب عاملين مشروع كده بيطبعوا تي شيرتات باي تصميم انتي عاوزاه بس المهم يكون تصميم روش

و هاخليها تتفق مع اتحاد الطلبة في كليتها اللي هي عضوة فيه انهم يساعدوا في نشر الحملة

عشان بعد الامتحانات ان شاء الله هانبدأ في تكوين المجموعات دي اللي قولت لحضرتك عليها

دلوقتي محتاجة حد له في شغل الفوتوشوب

محتاجة لماضة هانم بافكار لوذعية

محتاجة الساري لانهم الاتنين بيعملوا دويتو جبار سوا

محتاجة كل حد عاوز يشارك يقدم افكار و اقتراحات

ملحوطة للاسف مش قادرة اشوف الفيديوهات اللي حضرتك ضيفتيهم لمشكلة عندي في الجهاز حاليا

و بعد اذنك انا هاطلب من الادارة حذف الصور المريعة دي

عايزين التوبيك يبقى دعوة للتفاؤل

تم تعديل 31 مايو 2011 بواسطة pink rose

[pink rose]

بصىهى الناس خدتها الحماسة وقت الثورة وكان فى شغل جميل جدا من الافراد وبعض الجمعيات وفى منها

مازال مستمر زى جماعة الاخوان المسلمين قاموا بحملة طلاء ودهان كثير من الاسوار والمناطق خاصة المدارس

بجانب تنظيف الشوارع واخر منطقة لهم كانت ابو سليمان

ودى مجموعة صور ياريت تتكرر والحملة تجيب نتيجة

اعضاء جمعية الرسالة الخيرية بالاسكندرية

طلاب احدى المدارس الخاصة

الشباب ايام الثورة منطقة العجمى

اهي دي صور تدعو للتفاؤل و الامل

بس سؤال هو الرصيف بيلونوه احمر ليه؟

مش الرصفان في مصر يا ابيض يا اسود و ساعات اصفر في اسود

هو انا غيبت عن مصر كتير اوي كده :happy:

[عطر الجنة]

انا حقولك على فكرة وصدقينى صداها حيكون كبير جدا

اختارى يوم يكون مثلا بعد شهر و ادعى فيه كل المؤسسات و الجمعيات الاهليةبكل طرق الدعوة و يكون لها شعار جذاب

الكل ينزل فى اليوم ده ينظف فى المدينة فى جزء يكون مخصص له بحيث المدينة تاخذ طابع النظافة ليوم واحد

بكده كل الناس حتشعر بالنظافة و قيمة المكان النظيف و حاولى تزرعى اماكن تجمعات الزبالة لتشعرى الناس بقيمة الجمال

وكل واحد بعد كده حيفكر قبل ميرمى كيس زبالة او حتى ورقة

- لكن قبل كده لازم وجود ورشة عمل بالجهد الذاتى تجمع من كل بيت حتى 5 جنيه لشراء صناديق زبالة مغطاة توضع بجانب كل بيت مربوطة بسلسلة حتى لا يتم سرقته

تحياتىا

[Howayda Ismail]

اسفة انى طولت عليكى

دى بعض النكت والتعليقات على مشكلة الزبالة

[rewsha]

فكرة تصنيف الزبالة من البيت

بمعنى ست البيت تضع النفايات الصلبة فى كيس والبلاستيكية فى كيس والنفايات العادية فى كيس

ويوضع كل كيس فى الصندوق المخصص له فى الشارع زى اللى فى الصورة كده

وبكده نسهل لجامعى الجماعة عملهم وميحصلش بهدلتها فى الشارع زى مابيحصل

وحاجة تانية من مدة خصصوا حوالى 76 فدان بالاسكندرية لتدوير القمامة وتحويلها لطاقة

تصدقي يا هند اني كنت لسه داخله علشان اكتب الفكره دي .بس انتي سبقتيني

تخيلي ان انا باعمل كده من زمان في موضوع الزباله ده .

عارفه باعمل ايه ؟

دايما عندي كيسين واحد للورق والاكياس والحاجات الناشفه

والتاني بيبقى لبقايا الاكل (بصراحه باستحرم اني ارمي الاكل في الزباله )

فباجمعه في كيس لوحده .ولو حد عنده طيور بياخده مني للطيور

ولو مافيش حد جنبي هاياخده .بارميه بس بيكون لوحده اْملاً مني في انه ينفع اي حيوان في الشارع ياْكل منه

يعني قطط او كلاب اهو الواحد ياخد ثواب

وكنت باتكلم مع بنت خالي وانا في السعوديه وباقول لها الواحد يسكن في يت يكون له سطوح علشان يربي طيور ويحط لها بقايا الاكل دي (كنت بافكر بصوت عالي )

لاني باعمل كذا كذا وحكيت لها عن موضوع الزباله

لقيتها هيه كمان بتقول لي انا كمان باعمل كده لاني باستحرم ارمي باقي الاكل مع الزباله

ياريت ننشر الموضوع ده .على الفيس

وكل واحد يعلم اولاده ولو مدرسه تعلم الطلبه في المدارس

بحيث ان الفكره تنتشر في الاول والناس تتعود انها تفصل بين بقايا الطعام و باقي الزباله كل واحد في كيس

وده هايسهل للناس اللي بتاخد البلاستيكات من الزباله انها ما تدورش.

[أبوعمار]

[

اهي دي صور تدعو للتفاؤل و الامل

بس سؤال هو الرصيف بيلونوه احمر ليه؟

مش الرصفان في مصر يا ابيض يا اسود و ساعات اصفر في اسود

هو انا غيبت عن مصر كتير اوي كده :happy:

فعلا المنظر أيام الثورة ومابعد الثورة بأيام كان حاجة تفرح

بس الحماس بدأ يقل تدريجيا

جزاكي الله خير على أفكارك البناءة .... فعلا انتي كده بتعبري عن حبك لمصر بالأفعال مش بالكلام بس

ياريت نلحق الحماسة والوطنية اللي جوا نفوس المصريين قبل ماتنطفي تاني

وأيا كان المنظر مش حلو

وأيا كانت الظاهرة السلبية اللي بنعالجها دي منتشرة

ومع العزيمة والروح القتالية والأفكار المبدعة ...إن شاء الله هانعمل كل اللي في نفسنا

اليابان عدت الأزمة مرتين..... والمرتين كانت أزمة نووية .... يعني مش أي أزمة

أنا معاكي ولي عودة إن شاء الله باللي هأقدر عليها

بالنسبة لموضوع لون الرصيف ...أعتقد كانوا بس بيلونوا بألوان العلم .... مش تغيير في نظام الأرصفة خالص

تقبلي تحياتي

[pink rose]

دخلت على السايت بتاع الجمعية دي

لقيت شركاءهم المعونة الامريكية جمعية السيدات الزنجيات

الصراحة اشائمت منهم

احنا عاوزين نعمل الموضوع دا بجهودنا احنا لا معونة و لا زنجيات

بالنسبة لموضوع فصل الزبالة دي الاكل لوحده و الحاجات الصلبة لوحدها فكرة تستحق النشر فعلا

ادي كده اول سطر في حملة التوعية

هااااااااااااااا ايه تاني

بالنسبة لموضوع جمع تبرعات عينية لشراء صناديق الزبالة دي حاجه اساسية اصلا لازم الناس تحس انها بتشارك مش مجرد متفرج

[rewsha]

المفروض بقى ان الناس اللي ليها مصلحه من موضوع فصل الزباله عن بعضها هيه اللي تساهم في كده

يعني مثلا بدل ما الزباليين يفصلوا الزباله ممكن تتعمل اعلانات ان كل يوم سبت مثلا الزبال هايعدي على العمارات وكل شقه تكون محوشه في كيس البلاستيكات اللي هاترميها

والزبال ياخد الكيس ويعطي للشقه جنيه مقابل الكيس ده

بكده هايوفر اللف بتاع كل يوم وفي نفس الوقت كل شقه هاتجمع البلاستيكات علشان تاخد المقابل

معليش يابينك روز مش عاوزه احبطك واقول لك ان ناس كتير مش هاتعمل الا لما تلاقي مقابل او تلاقي عقاب

يعني يا ياخدوا فلوس مقابل تجميع البلاستيك

يااما يكون في عقاب لو حد رمى حاجه في الشارع (ودي صعيه شويتين)

زي اقتراحي ان يوم الجمعه يكون عمل بنصف اجر كده .لان الناس لسه ما اتاتعوديتش انها تعطي ولا تاخذ مقابل

طبعا مش كل الناس لكن كتير منهم

الشعب لسه ما اتعودش

[Howayda Ismail]

لا لا لا مدام هند الله يكرمك انا مش عاوزة في التوبيك دي احط اي صور محبطة ابدا

انا شبعانة صور تقرف كتير

انا فاتحة التوبيك دي لتصميم فني

بوسترات تحث على النظافة

فيديو كليب فني بيدعو لنفس الشئ

الفن له قدرة غريبة على التعبير

البوستر محتاجة بفوتوشوب نقعد كده قعدة نمخمخ فيه و نعمل بوستر يعبر عن الحملة و هاحطه على البيج بتاعت الحملة و نطلب من الاعضاء طباعته و كل واحد يحطه في مدخل عمارته

لان زي ما قولتي النظافة عدوى و ازن على الودان صدقيني امر من السحر

تخيلي حضرتك واحدة كاتبة يافطة كاتبة فيها الهي تتشلي في ايدك يا الي بترمي الزبالة هنا

الناس فعلا متضايقة و مخنوقة و بتعبر عن ضيقها

فا اللي انا عاوزاه مبدئيا انتشار الدعوة للحملة

زي ما تقولي كده حملة اعلانية عشان نقدر نجمع عد كبير من المتطوعين سواء للمشاركة في جمع القمامة او المشاركة في حملات توعية للناس

دلوقتي انا محتاجة بوستر عشان اختي تطبعه و توزعه على الشباب في الكلية عندها

و هاتفق مع مجموعة شباب عاملين مشروع كده بيطبعوا تي شيرتات باي تصميم انتي عاوزاه بس المهم يكون تصميم روش

و هاخليها تتفق مع اتحاد الطلبة في كليتها اللي هي عضوة فيه انهم يساعدوا في نشر الحملة

عشان بعد الامتحانات ان شاء الله هانبدأ في تكوين المجموعات دي اللي قولت لحضرتك عليها

دلوقتي محتاجة حد له في شغل الفوتوشوب

محتاجة لماضة هانم بافكار لوذعية

محتاجة الساري لانهم الاتنين بيعملوا دويتو جبار سوا

محتاجة كل حد عاوز يشارك يقدم افكار و اقتراحات

ملحوطة للاسف مش قادرة اشوف الفيديوهات اللي حضرتك ضيفتيهم لمشكلة عندي في الجهاز حاليا

و بعد اذنك انا هاطلب من الادارة حذف الصور المريعة دي

عايزين التوبيك يبقى دعوة للتفاؤل

معلش ياريمو انا اسفة انى حطيت الصور دى

بس عشان نحس بقيمة الحاجة الحلوة لازم نحط الصورتين السلبية والاجابية عشان يبان الفرق الكبير بينهم

اكيد العين طبعا بتحب الجمال لكن مش حنحط راسنا فى الرمل ونشوف الحياة البمبى بس

فى ناس حينفع معاها اسلوب الجمال

وناس تانية حينفع اسلوب التنفير من قذارة وسوء المنظر والبوستر لازم يشمل الجانبين

عندك فى البلاغة بيقولوا تضاد يظهر المعنى ويبرزه

كذلك برضه الصورة الوحشة حتبين مدى جمال الحلوة صدقينى حتفرق كتير

واكيد طبعا حضرتك حرة فى موضوعك ورؤيتك ليه دى كانت مجرد وجهة نظر مش اكتر

لو لاقيت اضافة اجابية مفيدة ان شاء الله حاحطها

[pink rose]

[

اهي دي صور تدعو للتفاؤل و الامل

بس سؤال هو الرصيف بيلونوه احمر ليه؟

مش الرصفان في مصر يا ابيض يا اسود و ساعات اصفر في اسود

هو انا غيبت عن مصر كتير اوي كده :happy:

فعلا المنظر أيام الثورة ومابعد الثورة بأيام كان حاجة تفرح

بس الحماس بدأ يقل تدريجيا

جزاكي الله خير على أفكارك البناءة .... فعلا انتي كده بتعبري عن حبك لمصر بالأفعال مش بالكلام بس

ياريت نلحق الحماسة والوطنية اللي جوا نفوس المصريين قبل ماتنطفي تاني

وأيا كان المنظر مش حلو

وأيا كانت الظاهرة السلبية اللي بنعالجها دي منتشرة

ومع العزيمة والروح القتالية والأفكار المبدعة ...إن شاء الله هانعمل كل اللي في نفسنا

اليابان عدت الأزمة مرتين..... والمرتين كانت أزمة نووية .... يعني مش أي أزمة

أنا معاكي ولي عودة إن شاء الله باللي هأقدر عليها

بالنسبة لموضوع لون الرصيف ...أعتقد كانوا بس بيلونوا بألوان العلم .... مش تغيير في نظام الأرصفة خالص

تقبلي تحياتي

اهلا بيك استاذي معانا و منتظظرين افكار و مقترحات حضرتك

اما بالنسبة للون الرصيف ادي دي حاجه تحزن و قلة تخطيط و ادراك

العلم معمول عشان يرفرف في السما مش يتلون بيه الرصيف

[Howayda Ismail]

تصدقي يا هند اني كنت لسه داخله علشان اكتب الفكره دي .بس انتي سبقتيني

تخيلي ان انا باعمل كده من زمان في موضوع الزباله ده .

عارفه باعمل ايه ؟

دايما عندي كيسين واحد للورق والاكياس والحاجات الناشفه

والتاني بيبقى لبقايا الاكل (بصراحه باستحرم اني ارمي الاكل في الزباله )

فباجمعه في كيس لوحده .ولو حد عنده طيور بياخده مني للطيور

ولو مافيش حد جنبي هاياخده .بارميه بس بيكون لوحده اْملاً مني في انه ينفع اي حيوان في الشارع ياْكل منه

يعني قطط او كلاب اهو الواحد ياخد ثواب

وكنت باتكلم مع بنت خالي وانا في السعوديه وباقول لها الواحد يسكن في يت يكون له سطوح علشان يربي طيور ويحط لها بقايا الاكل دي (كنت بافكر بصوت عالي )

لاني باعمل كذا كذا وحكيت لها عن موضوع الزباله

لقيتها هيه كمان بتقول لي انا كمان باعمل كده لاني باستحرم ارمي باقي الاكل مع الزباله

ياريت ننشر الموضوع ده .على الفيس

وكل واحد يعلم اولاده ولو مدرسه تعلم الطلبه في المدارس

بحيث ان الفكره تنتشر في الاول والناس تتعود انها تفصل بين بقايا الطعام و باقي الزباله كل واحد في كيس

وده هايسهل للناس اللي بتاخد البلاستيكات من الزباله انها ما تدورش.

انا باعمل زيك كده برضه ياروشة

لان بيطلع من عندى بواقى عيش واكل كتير ودى نعمة حنتحاسب عليها بجمعها على اد مااقدر واديها

لناس عندها طيور وبرضه القزايز باجمعها فى كيس وابعتها لهم

لانى باشوف مهازل من العيال اللى بتدور على الحاجات دى فى الزبالة

تعرفى ان تجار الزبالة عندنا فى اسكندرية عائلات فيها مليونيرات من الشغلة دى لانها تجارة مربحة جدا جدا

ياريت الحكومة تهتم بموضوع تدوير النفايات زى الدول الاجنبية

اهو منها تنظف البلد ومن جهة تانية تشغيل عمالة ومن جهة تالتة استفادة من المخلفات دى فى اعادة التصنيع

واخيرا اللى ملهوش لازمة يستخدم فى توليد الكهرباء

[Howayda Ismail]

اهلا بيك استاذي معانا و منتظظرين افكار و مقترحات حضرتك

اما بالنسبة للون الرصيف ادي دي حاجه تحزن و قلة تخطيط و ادراك

العلم معمول عشان يرفرف في السما مش يتلون بيه الرصيف

دا كان مجرد حماس واجتهاد من الشباب ايام الثورة لكن حملة الاخوان لتنظيف اسكندرية

دهنت الارصف بنفس الوانها السابقة