مبدعين المحاورات اجمع هنا

[pink rose]

لا لا لا مدام هند الله يكرمك انا مش عاوزة في التوبيك دي احط اي صور محبطة ابدا

انا شبعانة صور تقرف كتير

انا فاتحة التوبيك دي لتصميم فني

بوسترات تحث على النظافة

فيديو كليب فني بيدعو لنفس الشئ

الفن له قدرة غريبة على التعبير

البوستر محتاجة بفوتوشوب نقعد كده قعدة نمخمخ فيه و نعمل بوستر يعبر عن الحملة و هاحطه على البيج بتاعت الحملة و نطلب من الاعضاء طباعته و كل واحد يحطه في مدخل عمارته

لان زي ما قولتي النظافة عدوى و ازن على الودان صدقيني امر من السحر

تخيلي حضرتك واحدة كاتبة يافطة كاتبة فيها الهي تتشلي في ايدك يا الي بترمي الزبالة هنا

الناس فعلا متضايقة و مخنوقة و بتعبر عن ضيقها

فا اللي انا عاوزاه مبدئيا انتشار الدعوة للحملة

زي ما تقولي كده حملة اعلانية عشان نقدر نجمع عد كبير من المتطوعين سواء للمشاركة في جمع القمامة او المشاركة في حملات توعية للناس

دلوقتي انا محتاجة بوستر عشان اختي تطبعه و توزعه على الشباب في الكلية عندها

و هاتفق مع مجموعة شباب عاملين مشروع كده بيطبعوا تي شيرتات باي تصميم انتي عاوزاه بس المهم يكون تصميم روش

و هاخليها تتفق مع اتحاد الطلبة في كليتها اللي هي عضوة فيه انهم يساعدوا في نشر الحملة

عشان بعد الامتحانات ان شاء الله هانبدأ في تكوين المجموعات دي اللي قولت لحضرتك عليها

دلوقتي محتاجة حد له في شغل الفوتوشوب

محتاجة لماضة هانم بافكار لوذعية

محتاجة الساري لانهم الاتنين بيعملوا دويتو جبار سوا

محتاجة كل حد عاوز يشارك يقدم افكار و اقتراحات

ملحوطة للاسف مش قادرة اشوف الفيديوهات اللي حضرتك ضيفتيهم لمشكلة عندي في الجهاز حاليا

و بعد اذنك انا هاطلب من الادارة حذف الصور المريعة دي

عايزين التوبيك يبقى دعوة للتفاؤل

معلش ياريمو انا اسفة انى حطيت الصور دى

بس عشان نحس بقيمة الحاجة الحلوة لازم نحط الصورتين السلبية والاجابية عشان يبان الفرق الكبير بينهم

اكيد العين طبعا بتحب الجمال لكن مش حنحط راسنا فى الرمل ونشوف الحياة البمبى بس

فى ناس حينفع معاها اسلوب الجمال

وناس تانية حينفع اسلوب التنفير من قذارة وسوء المنظر والبوستر لازم يشمل الجانبين

عندك فى البلاغة بيقولوا تضاد يظهر المعنى ويبرزه

كذلك برضه الصورة الوحشة حتبين مدى جمال الحلوة صدقينى حتفرق كتير

واكيد طبعا حضرتك حرة فى موضوعك ورؤيتك ليه دى كانت مجرد وجهة نظر مش اكتر

لو لاقيت اضافة اجابية مفيدة ان شاء الله حاحطها

مجرد مشاركة حضرتك في الموضوع دي بالنسبالي اكبر ايجابية

حضرتك عيني اللي باشوف بيها اسكندرية دلوقتي يا مدام هند بما اني برة

انا عارفه ان الناس لازم تحس بحجم المأساة

بس في نفس الوقت ممن نحط في نفس الموضوع حاجه تشجع

في ناس بتشوف كده بتحبط و اول كلمة بتتقال ما فيش فايدة

فا عشان كده عاوزين نراعي النوعيتين دول من الناس

انا اصلي بقالي يجي 10 ايام شغالة اخد في جرعات سيئة من اصحاب اختى في توبيك سياحة

جابولي هس هس بجد من الصور المقززة اللي بيحطوها سواء للزبالة اللي بقت اكوام اكوام او صور الباعة الجائلين اللي فارشين في نص الشارع

تخيلي صورة لعربيات فاكهة في نص الشارع اللي على ترام الابراهيمية قدام صفواني

مش عارفه العربيات تمشي ازاي بس و الناس بيشتروا منهم ازاي

عن نفسي ابدا ي مش لازم انفع الناس دي عشان ما تلبدش في المكان دا

يالا هاديكم خبر ايجابي

المحافظة بتدرس عمل سوق للباعة الجائلين في المنشية

يا رب يكون الخبر صحيح و الناس دي تتلم في مكان واحد

[Howayda Ismail]

مجرد مشاركة حضرتك في الموضوع دي بالنسبالي اكبر ايجابية

حضرتك عيني اللي باشوف بيها اسكندرية دلوقتي يا مدام هند بما اني برة

انا عارفه ان الناس لازم تحس بحجم المأساة

بس في نفس الوقت ممن نحط في نفس الموضوع حاجه تشجع

في ناس بتشوف كده بتحبط و اول كلمة بتتقال ما فيش فايدة

فا عشان كده عاوزين نراعي النوعيتين دول من الناس

انا اصلي بقالي يجي 10 ايام شغالة اخد في جرعات سيئة من اصحاب اختى في توبيك سياحة

جابولي هس هس بجد من الصور المقززة اللي بيحطوها سواء للزبالة اللي بقت اكوام اكوام او صور الباعة الجائلين اللي فارشين في نص الشارع

تخيلي صورة لعربيات فاكهة في نص الشارع اللي على ترام الابراهيمية قدام صفواني

مش عارفه العربيات تمشي ازاي بس و الناس بيشتروا منهم ازاي

عن نفسي ابدا ي مش لازم انفع الناس دي عشان ما تلبدش في المكان دا

يالا هاديكم خبر ايجابي

المحافظة بتدرس عمل سوق للباعة الجائلين في المنشية

يا رب يكون الخبر صحيح و الناس دي تتلم في مكان واحد

ربنا يكرمك ياريمو دى ثقة اعتز بيها

اعذريهم ياريموا لان فى مناطق النظافة فيها سوبر لوكس زى الاحياء الراقية وشوارع السفارات

ومناطق وسط البلد اللى المفروض الاهتمام بيها يكون اكبر لعلو الكثافة السكانية وكثرة اللمترددين

عليها مقصرين فيها خالص

حكاية العربيات على خط الترام ده منتشر جدا خصوصا فى الاسواق المجاورة للترام او لقطار ابو قير

وموضوع الباعة الجائلين ياريت الخبر يكون صحيح لان المنشية من اكتر المناطق المزدحمة بالباعة الجائلين

وكنت اقترحت ان يتعمل لهم اكشاك صغيرة زى بتاعة الكتب فى النبى دانيال

المسئولية ان المحافظة توفر اماكن بديلة قريبة منهم لان المحافظ عمل اماكن بديلة فى الموقف الجديد

ودى منطقة بعيدة جدا عن العمران ومكلفة للناس والباعة نفسهم من ناحية المواصلات عشان كده فشل نقلهم هناك

[Howayda Ismail]

بصى ياريمو لابد من مشاركة الجمعيات الاهلية وجمعية تنمية المجتمع

وحملات رسالة والاخوان وشباب الجامعة والمدارس

http://www.youtube.com/watch?v=U_iPvSm7cc0

[pink rose]

طبعا يا مدام هند الموضوع محتاج مشاركة مجتمعية فرد واحد او مجموعة لوحدها مش هاتعمل حاجه

انا دلوقتي بس عاوزة اكون مجموعة و نبدأ نتواصل مع الاخوان و رسالة و شباب الوسط في اسكندرية

[Howayda Ismail]

http://www.youtube.com/watch?v=VH029Vfyu1Q&feature=related

[لماضة مصرية جدا]

الو....الو....ايوة...اكلم ريمو لو سمحت

ايه ريمو...غيرت اسمها

طب اكلم...بينك روز لو سمحت.....ايه قاعدة علش شط اسكندرية

طب ادوني اي مواطن مصري اكلمه يا جدعان

الو....الو

ايه لازمة بقي كابينة سنترال البدرشين ديت....عشان انتي دوختيني عقبال ما لقيت التوبيك

التوبيك مالوش اي علاقة بالفنون يا ريمو....التوبيك يا ريت نفتح باب...نسميه..."افكار تبني مصر"....شايفة الباب اسمه يشرح الصدر ازاي بمجرد ما نقراه لازم عقلك توماتيكي توماتيكي تلاقيه بقي يفكر بوزيتف

و لا اقولك....خليه اسمه...."احلم معايا"...زي توقيعك....

بالنسبة للموضوع الالي انتي بتتكلمي عليه

هحط افكاري و نفكر بصوت عالي

1- ليه الاسكندرية.....ليه متبقاشي مصر كلها....ليه منحلمشي ان مثلا برمضان الجاي مصر تكون خالية من الزبالة....انا بحب دايما بدايات كل حاجة تكون برمضان....بعتبره الصراحة بداية السنة بتاعتي

انا مش عايزة موضوع النضافة يكون بس فكرة ان احنا نرمي الورقة في الباسكيت....انا عايزاه يبقي ان احنا نفكر ان الشارع ده بتاعي و ان الرصيف دوت بتاعي و ان اي حد يوسخ الشارع او المنطقة يبقي بيؤذيني في بيتي...يعني مصر تبقي بتاعتنا احنا مش بتاعت الناس التانيين...يعني بيتي نضيف يبقي اكيد الشارع بتاعي كمان نضيف

بفكر في التالي:

1- احنا دلوقتي داخلين علي فترة الاجازة الصيفية و ده منكن نعمل فيه مشروعات كتير اوي...زي مثلا مجموعات تحفيظ القران في الجوامع و كمان الانشطة اللي بتتعمل في الكنايس لازم ينظموا في الحي اللي متواجد فيه الحي او الكنيسة

2- ليه زي ما كان عندنا وقت الثورة لجان شعبية بتحمي بيوتنا...ليه الشباب مينظمشي نفسه في لجان برضه و نسميها لجان "الحي الاجمل"...و دي تبقي زي ما تقولي كده مسابقة.....كنا زمان لما بيجي رمضان او العيد بنتسابق مع عمارة الجيران مين راح يزين العمارة احلي....كنا بنعمل ده بورق الجرايد و بكراكريس المدارس بدل ما نرميها

و تكون جايزة الحي الاجمل....ان لجنة الشباب اللي شاركت ممكن نعمل ليهم رحلة يعرفوا بيها مصر...في نهاية الصيف مثلا

3- ليا اصحابي في بورسعيد جمعوا بعضيهم و راحوا علي المجلس المحلي و طلبوا معدات و ادوات عشان ينضفوا الشارع و فضلوا هناك لغاية ما فعلا المجلس المحلي اداهم اللي هم عايزينه....القصد...ان احنا بدل ما نستسهل و نشتري ادوات نضافة لازم ندور علي مصادر و موراد مالية موجدوة فعلا و متاحة...(يعني نتعلم نطلع القرش من بطن الحكومة ازاي...و اصلا بيبقي فيه بنود في المحليات لده)

4- شباب فنون جميلة بقي....دول لوحديهم حكاية....اولا قسم الكارتون...ممكن بقي يصمم لينا فيلم كارتوني دمه خفيف و نعمل فيه اصوات مصرية و هدف الفيلم انه يعمل حملة توعية للاطفال من سن 5 لغاية مثلا 10...من خلال حدوتة كده....ازاي تخافظ علي نظافة الشارع و مدرستك...و ازاي يكون ليك دور ايجابي....علي الفكرة اليابان بتعمل كده.....و فيلم الكارتون مش راح يحتاج اكتر من سيناريو مظبوط و ستوري بورد و نقدر نبنيه بعد كده.

قسم النحت....(الفاموليا من هونيك و شفنا ايام ملبن الصراحة).....ليه ميكونشي مشروع التخرج بتاعهم انهم يعملوا جداريات في اماكن مختلفة...و بدل ما شغلهم يفضل في التيليه و يجي الدكتور يقيمه و يمشي....ليه ميكونشي في كل حتة في الاحياء و الشوارع

5- فيه جمعية جدران بالاسكندرية و دي كنت اتعاملنا معاها من فترة...من اسمها....جدران يعني بيروحوا علي الاماكن العشوائية و بيحاولوا انهم يرسموا قصة علي الجدران...بحيث يكون المكان شكله رائع...انا شفت مدرسة في الريف كل السور بيحكي حكاية المدرسة دي و ازاي اتبنت و ازاي اهالي الرقية ساعدوا في بنائها و علي السور موجودة احلامهم و طموحات الولاد الصغيرين اللي لاول مرة بيخشوا المدرسة.

طب دلوقتي بنعمل توعية

تمام

طب دلوقتي

بنلم الزبالة

تمام

ايه الخطوة الموازية.....و بقول موازية لان كل واحدة منهم لازم تمشي في نفس الخط مع الخطوة التانية...هما تروس معشقة في بعض علي فكرة

الخطوة دي

هي تدوير الزبالة

يا جماعة المشروع ده فعلا بيكسب دهب

مش عايز اكتر من قطعة ارض.....و راس المال......"زبالة"....تخيلوا

ليه منشوفشي مثلا شركات كبيرة....زي حاويات مثلا ف اسكندرية و بورسعيد...او اتصالات و موبينيل....و نعرض عليهم موضوع تدوير الزبالة

طب مش انا في الاماارت اهوت.....بس مشروعات البيئة و تدوير الزبالة مش طبيعية....انا ورق التواليت و مناديل السفرة و اكياس الدليفري كلها من تدوير الزبالة

و دلوقتي بيعملوا اكياس تتحلل ذاتيا....عشان ميشلوش هم التلوث بتاع الحرق

و غير كده مشروع زي ده....ممكن يكون فكرة هايلة تساعد شاب لسه في بداية حياته و عايز يشتغل شغل حلال و عنده طاقة...ليه ميكونشي فيه مشروعات كده

الحاجة التانية عمالين نتكلم.....و نسينا ان احنا نعمل تخطيط لكل مدينة احنا فيها.....و البداية تكون باعلي حي فيه نسبة الزبالة عالية

ع فكرة..مبحبش فكرة ان اللي ساكن في حي راقي يروح حي فقير و كده...مش عشان حاجة....بس عشان كل واحد لازم يشارك في الحي بتاعه....لازم يحس ان ده جزء من بيته...لازم يشارك بايده

لما بتشارك بايدك بتحافظ عليه اكتر

الاحياء الفقيرة...لازم نشكل مجموعات ضغط عشان المحافظة توصل ليها الاول الخدمات زي الاضاءة و المجاري...الخطوة اللي بعديها ان احنا نتواجد هناك بس من خلال كبير الحي....لانه هيقولنا افضل طريقة نخدم بيها الحي ازاي و نخلي اهله هما كمان يقوموه علي رجليه

دخلنا مرة مساكن الايواء مينفعشي اكلمهم عن النضافة و اكياس الزبالة و اصلا المكان اللي هما عايشين فيه غير آدمي...هنا لازم الضغط علي المحافظة

رغيت كتير اوي

و يمكن تكون افكاري طالعة بتجري

بس

حبيت اساعد...و لو حتي بفكرة

و ربنا هيدلنا علي حاجات تانية كتير

مساكي.......ايد علي ايد.....و بلدنا هترجع حلوة....أكيد

[pink rose]

الو....الو....ايوة...اكلم ريمو لو سمحت

ايه ريمو...غيرت اسمها

طب اكلم...بينك روز لو سمحت.....ايه قاعدة علش شط اسكندرية

طب ادوني اي مواطن مصري اكلمه يا جدعان

الو....الو

ايه لازمة بقي كابينة سنترال البدرشين ديت....عشان انتي دوختيني عقبال ما لقيت التوبيك

الووووووووووه ............. الووووووووووه يا مصر

اني هنا اهو يا بت يا لماضة بس معلش اتأخرت عليكي كنت طول النهار باعمل محشي بتينجان فضلة خيرك كده و بطاية

التوبيك مالوش اي علاقة بالفنون يا ريمو....التوبيك يا ريت نفتح باب...نسميه..."افكار تبني مصر"....شايفة الباب اسمه يشرح الصدر ازاي بمجرد ما نقراه لازم عقلك توماتيكي توماتيكي تلاقيه بقي يفكر بوزيتف

و لا اقولك....خليه اسمه...."احلم معايا"...زي توقيعك....

معاكي في اقتراحك جدا بعمل باب خاص بالافكار و الاحلام لمصر

بالنسبة للموضوع الالي انتي بتتكلمي عليه

هحط افكاري و نفكر بصوت عالي

1- ليه الاسكندرية.....ليه متبقاشي مصر كلها....ليه منحلمشي ان مثلا برمضان الجاي مصر تكون خالية من الزبالة....انا بحب دايما بدايات كل حاجة تكون برمضان....بعتبره الصراحة بداية السنة بتاعتي

ليه اسكندرية بس دا انا رديت عليه في اول التوبيك ان اختياري دا جه كخطوة مبدئية لاسباب اني من اسكندرية و اقدر اظبط هناك المجموعات اللي هاتشتغل لان اخواتي و اصحابي و جيراني هناك و يقدروا يساعدوني في التنفيذ و لما الحلم دا يتحقق في اسكندرية اكيد هتلاقي كتير عاوزين يعمموا التجربة

عمرو خالد في مشروعه الامني بدأ ب 10 اقسام بس لما تنجح هاتتعمم التجربة

لاحظي كمان اني ما املكش الحشد الاعلامي اللي يتنبي الفكرة و ينشرها بشكل ايجابي زي ما انا باحلم

انا مش عايزة موضوع النضافة يكون بس فكرة ان احنا نرمي الورقة

في الباسكيت....انا عايزاه يبقي ان احنا نفكر ان الشارع ده بتاعي و ان الرصيف دوت بتاعي و ان اي حد يوسخ الشارع او المنطقة يبقي بيؤذيني في بيتي...يعني مصر تبقي بتاعتنا احنا مش بتاعت الناس التانيين...يعني بيتي نضيف يبقي اكيد الشارع بتاعي كمان نضيف

اللي بتتكلمي فيه دا يا ريهام خالينا واقعيين هاياخد وقت على ما الناس ترجع تصدقه من تاني

و دا محتاج مجهود كبير من المجموعات اللي هاتشتغل في حملات التوعية ان شاء الله

بفكر في التالي:

1- احنا دلوقتي داخلين علي فترة الاجازة الصيفية و ده منكن نعمل فيه مشروعات كتير اوي...زي مثلا مجموعات تحفيظ القران في الجوامع و كمان الانشطة اللي بتتعمل في الكنايس لازم ينظموا في الحي اللي متواجد فيه الحي او الكنيسة

2- ليه زي ما كان عندنا وقت الثورة لجان شعبية بتحمي بيوتنا...ليه الشباب مينظمشي نفسه في لجان برضه و نسميها لجان "الحي الاجمل"...و دي تبقي زي ما تقولي كده مسابقة.....كنا زمان لما بيجي رمضان او العيد بنتسابق مع عمارة الجيران مين راح يزين العمارة احلي....كنا بنعمل ده بورق الجرايد و بكراكريس المدارس بدل ما نرميها

و تكون جايزة الحي الاجمل....ان لجنة الشباب اللي شاركت ممكن نعمل ليهم رحلة يعرفوا بيها مصر...في نهاية الصيف مثلا

3- ليا اصحابي في بورسعيد جمعوا بعضيهم و راحوا علي المجلس المحلي و طلبوا معدات و ادوات عشان ينضفوا الشارع و فضلوا هناك لغاية ما فعلا المجلس المحلي اداهم اللي هم عايزينه....القصد...ان احنا بدل ما نستسهل و نشتري ادوات نضافة لازم ندور علي مصادر و موراد مالية موجدوة فعلا و متاحة...(يعني نتعلم نطلع القرش من بطن الحكومة ازاي...و اصلا بيبقي فيه بنود في المحليات لده)

4- شباب فنون جميلة بقي....دول لوحديهم حكاية....اولا قسم الكارتون...ممكن بقي يصمم لينا فيلم كارتوني دمه خفيف و نعمل فيه اصوات مصرية و هدف الفيلم انه يعمل حملة توعية للاطفال من سن 5 لغاية مثلا 10...من خلال حدوتة كده....ازاي تخافظ علي نظافة الشارع و مدرستك...و ازاي يكون ليك دور ايجابي....علي الفكرة اليابان بتعمل كده.....و فيلم الكارتون مش راح يحتاج اكتر من سيناريو مظبوط و ستوري بورد و نقدر نبنيه بعد كده.

قسم النحت....(الفاموليا من هونيك و شفنا ايام ملبن الصراحة).....ليه ميكونشي مشروع التخرج بتاعهم انهم يعملوا جداريات في اماكن مختلفة...و بدل ما شغلهم يفضل في التيليه و يجي الدكتور يقيمه و يمشي....ليه ميكونشي في كل حتة في الاحياء و الشوارع

5- فيه جمعية جدران بالاسكندرية و دي كنت اتعاملنا معاها من فترة...من اسمها....جدران يعني بيروحوا علي الاماكن العشوائية و بيحاولوا انهم يرسموا قصة علي الجدران...بحيث يكون المكان شكله رائع...انا شفت مدرسة في الريف كل السور بيحكي حكاية المدرسة دي و ازاي اتبنت و ازاي اهالي الرقية ساعدوا في بنائها و علي السور موجودة احلامهم و طموحات الولاد الصغيرين اللي لاول مرة بيخشوا المدرسة.

طب دلوقتي بنعمل توعية

تمام

افكار زي الفل يا رورو و ما كنتش ابدا غلطانة لما طلبت منك ان تشاركي في التوبيك دا

بس اللي اقدر فعلا اعملهم هما الفكرتين الاولى و التانية دول اللي ان شاء الله في ايدي

انما طلبة فنون صدقيني هاحاول كتير

طب دلوقتي

بنلم الزبالة

تمام

ايه الخطوة الموازية.....و بقول موازية لان كل واحدة منهم لازم تمشي في نفس الخط مع الخطوة التانية...هما تروس معشقة في بعض علي فكرة

الخطوة دي

هي تدوير الزبالة

يا جماعة المشروع ده فعلا بيكسب دهب

مش عايز اكتر من قطعة ارض.....و راس المال......"زبالة"....تخيلوا

ليه منشوفشي مثلا شركات كبيرة....زي حاويات مثلا ف اسكندرية و بورسعيد...او اتصالات و موبينيل....و نعرض عليهم موضوع تدوير الزبالة

طب مش انا في الاماارت اهوت.....بس مشروعات البيئة و تدوير الزبالة مش طبيعية....انا ورق التواليت و مناديل السفرة و اكياس الدليفري كلها من تدوير الزبالة

و دلوقتي بيعملوا اكياس تتحلل ذاتيا....عشان ميشلوش هم التلوث بتاع الحرق

و غير كده مشروع زي ده....ممكن يكون فكرة هايلة تساعد شاب لسه في بداية حياته و عايز يشتغل شغل حلال و عنده طاقة...ليه ميكونشي فيه مشروعات كده

الحاجة التانية عمالين نتكلم.....و نسينا ان احنا نعمل تخطيط لكل مدينة احنا فيها.....و البداية تكون باعلي حي فيه نسبة الزبالة عالية

ع فكرة..مبحبش فكرة ان اللي ساكن في حي راقي يروح حي فقير و كده...مش عشان حاجة....بس عشان كل واحد لازم يشارك في الحي بتاعه....لازم يحس ان ده جزء من بيته...لازم يشارك بايده

لما بتشارك بايدك بتحافظ عليه اكتر

الاحياء الفقيرة...لازم نشكل مجموعات ضغط عشان المحافظة توصل ليها الاول الخدمات زي الاضاءة و المجاري...الخطوة اللي بعديها ان احنا نتواجد هناك بس من خلال كبير الحي....لانه هيقولنا افضل طريقة نخدم بيها الحي ازاي و نخلي اهله هما كمان يقوموه علي رجليه

لا ما تقلقيش انا مش حاطة في دماغي موضوع الشباب الراقي ينزل الاحياء الفقيرة يمن عليهم و ينضفلهم

فكرتي جت لما شوفت التوبيك بتاع كلية سياحة

و عرفت ان الشباب متوزع على كل المناطق بتاعت سكنه اصلا و نازل يصور فيها

و اتأكدت من اختى انهم مش بيروحوا اماكن فقيرة بس عشان يصوروا قالتلي لا كل واحد بيصور من المنطقة بتاعته

و بالتالي خطتي معتمدة اننا نكون مجموعات من الشباب من كل منطقة

الاول هانبدأ بنشر الحملة عشان نبدأ الشغل من بعد ما يخلصوا امتحانات ان شاء الله يعني على نص 7 كده ان شاء الله

فا كل اللي معايا شهر و نص تقريبا انشر فيه الحملة

دلوقتي كنت فاتحة الموضوع دا عشان حد هناك يكون له في الفوتوشوب

نحط افكارنا اللي عاوزين ننشرها

و نظبط البوستر دا

انشره على البيج بتاعت الحملة و الشباب المشتركين ياخدوه و يطبعه و كل واحد يحطه في مدخل عمارته

غير ان اختى هاتتفق مع اتحاد الطلبة في كلية على نشر الفكرة و كمان البوستر عشان يبقى الشغل على ارض الواقع و كل واحد يصور البوستر في مدخل عمارته

دي الخطوة الاولى اللي انا شغالة عليها دلوقتي

عشان كده حطيت التوبيك في قسم الفنون عشان البوستر دا في حد ذاته محتاج فن

لحد دلوقتي ما حدش هنا قالي انا لها انا لها

كلنا دلوقتي عمالين نحط افكار

ماشي نجمع الافكار لحد ما حد يعبرني و يقولي انه هايشتغل معانا على تصميم البوستر

عارفه يا ريهام لو اتجمعتي انتي و الساري و استاذ تامر مصطفى و استاذ زوهيري و استاذ احمد( س س ) و مخمختولنا فيديو عبقري كده

و نشرناه على اليوتيوب و انتشر زي فيديوهات الفنان زوهيري

دا في حد ذاته هايكون حملة دعاية للحملة

دخلنا مرة مساكن الايواء مينفعشي اكلمهم عن النضافة و اكياس الزبالة و اصلا المكان اللي هما عايشين فيه غير آدمي...هنا لازم الضغط علي المحافظة

اظن دلوقتي حملة المليار اللي المبدع صبحي انطلق بيها هاتساعد في التقليل من الحاجات دي كتير

رغيت كتير اوي

و يمكن تكون افكاري طالعة بتجري

بس

حبيت اساعد...و لو حتي بفكرة

و ربنا هيدلنا علي حاجات تانية كتير

مساكي.......ايد علي ايد.....و بلدنا هترجع حلوة....أكيد

[Simba]

مش عاوزة اقول اسامي عشان ما انساش حد

بس مبدئيا الدعوة مفتوحة للكل

للاشتراك في ورشة عمل جامدة

مطلوب بوسترات

كليبات

كلمات معبرة

لبدء حملة عن النظافة

هاقولكم حلمي و نفسي تتخيلوه و تشتركوا معايا فيه

مدينة الاسكندرية مدينة خالية من القمامة و معدل التلوث فيها انخفض لاقل معدلاته

عاوزة الناس تعيش الحلم دا

انتوا عارفين لما واحد بيحلم و يؤمن بالحلم بيعمل كل و اي حاجه لتحقيقه

و احنا المصريين لما بنحط حاجه في دماغنا بجد بنعملها

الحملة بتاعتي عاوزاها تخرج من حيز الفيس و تويتر و الكلام

عاوزاها تنزل للواقع للشارع و تترجم لافعال

عاوزة كل بيت في اسكندرية يشوف البوستر يشوف الكليب

عاوزة اقولكم اني هاعمل تي شيرتات على حسابي الخاص فيها شعار الحملة و هاخلي اهلي هناك يوزعه مجاني

عاوزة بوسترات تملا الشوارع

عارفين نظام اللبان في الاتوبيسات اهو انا عاوزة استخدمه

عاوزة الناس تصدق في نفسها و تؤمن انها ممكن تخلي اسكندرية بلد جميلة زي ما كانت

طبعا ممكن حد يسألني اشمعنى اسكندرية بس اقولكم ان اسكندرية هاتكون خطوة اولى لو ان شاء الله الموضوع اتحقق زي ما انا باسعى له اكيد هاتتعمم التجربة في كل المحافظات

بس طبعا محتاجة مساعدتكم معايا

هل ممكن نعمل ورشة العمل دي؟

مستنية ردودكم و مداخلاتكم و اقتراحاتكم و نقدكم كمان

مع احترامي وتقديري الشديد لفكرة حضرتك

لكن مشكلة النضافة او كارثة الزبالة اللي مالية البلد مسئولية الحكومة قبل الافراد

لو الناس اتوفر لها فعلا صناديق للزبالة وعمال بجد واشراف حقيقي المشكلة هتنتهي

يعني هنا مثلا في الكويت

بين كل مجموعة عمارات صناديق كبيرة للزبالة وبتتفضي مرتين في اليوم

ليه مصر ما تكونش كده

[pink rose]

و الله يا سمبا

كان في صناديق فعلا بس للاسف اتسرقت

كان في عماراتنا صندوق مربوط بجنزير في الباب الحديد بتاع العمارة و اتسرق برضه ما تسألنيش ازاي

و الله انا عارفه ان دا دور الحكومة و عارفة ان دا مش شغلة الشعب

بس ما الشعب دا لازمله توعية جامدة هي الزبالة اللي بتترمي في الشوارع و من البلكونات مش الشعب هو اللي بيرميها

يا مؤمن تعالى عندنا اسكندرية بالذات ليلة 31 ديسمبر و اتفرج على المسخرة

الناس بترمي كل حاجة قديمة من البلكونات

مش مهم بقى توقع على مين و لا على ايه

مش في الدماغ و الحجة الغبية ان دا فلكلور و بيحصل مرة في السنة

تصبح يوم 1 يناير تلاقي اسكندرية مدينة قمامة و ازاز مكسر

يعني تخيل ناس بتبتدي السنة الجديدة بزبالة

الحكومة اللي موجودة دلوقتي عليها حمل كبير لو ما كناش احنا نساعد لحد ما نخطي الازمة يبقى صدقني ما فيش حاجه هاتتغير

في واحد على الصفحة بتاعت الحملة اقترح ان الشباب يعملوا وقفة يوم امام ادارة شركة النظافة المسؤولة عن اسكندرية

وقفة اعتراضية عشان الناس دي تنزل تشوف شغلها و تعرف ان وراها ناس هاتحاسب

و ان ما اتعدلتوش مش هاندفع فلوس النظافة اللي بتيجي على فاتورة الكهربا

المفروض كمان يكون في وقفة عشان تتلغي المهزلة بتاعت رسوم الزبالة على الكهربا دي نهائي

[Howayda Ismail]

انهاردة شفت منظرين ياريمو كنت ناوية اكلمك عنهم

الاول كنت كلمتك على الزبالة المتراكمة بجوار محكمة الحقانية بالمنشية الكلام ده كان يوم الاثنين

انهاردة نفس المكان زى الفل قلت ياكريم ابتدوا يحسوا ويشتغلوا اهو

بس وشوية عرفت سبب النظافة دى ايه طلع عربية كبدة وكشرى اه والله اصحابها نظفوا المكان واحتلوه

تخيلى عربية كشرى جنب محكمة عريقة زى دى وعلى طول سورها الامامى ماعدا باب الدخول اصبح رشاقة او علاقة

لعشرات التشيرتات ولا دولاب الهدوم وقدامهم دبابة الجيش منظر مش هو خصوصا الشارع ده مزار لالاف سياح

الترانزيت من بواخر المحطة البحرية فين الحكومة او الازالة اصبح الشارع مستباح للجميع الكل يعمل اللى هو عاوزه

المنظر التانى على الكورنيش كان زحمة وفيه العديد من محافظات اخرى كنت راكبة المينى باص بالاولاد

وبابص لاقيت عربية الجماهيرية ومااكثرها دلوقت فى اسكندرية بنفس لوح ليبيا

الورق بيتحدف منها فى الشارع على طريقة كور والقف افتكرتك ساعتها وقلت فينك ياريمو

المصيبة ان كلهم فى العربية بياكلوا ويرموا كبار وصغيرين

كنت عاوزة ابهدلهم هى كانت نقاصكم لان المنظر ده بيتكرر من مصريين برضه عربية اخر موديل واحدف

الموضوع اول عن اخر سلوك مش غنى ولافقر

يبقى تركزى فى كلامك فى الحملة على سلوك الناس وصدقينى ملوش دعوة برضه بالتعليم ولا الثقافة

يعنى يتعمل بوستر مخصوص يتعلق للناس اللى بترمى من العربيات وهى ماشية

مشكلة الناس انهم فاكرين ان الشارع ده مايخصهوش المهم بيتى نظيف خلاص

لكن صدقينى اللى مش نظيف فى الشارع عمرك متلاقيه نظيف ولامنظم فى بيته

[Howayda Ismail]

طبعا يا مدام هند الموضوع محتاج مشاركة مجتمعية فرد واحد او مجموعة لوحدها مش هاتعمل حاجه

انا دلوقتي بس عاوزة اكون مجموعة و نبدأ نتواصل مع الاخوان و رسالة و شباب الوسط في اسكندرية

انا عارفة انك مش فى اسكندرية بس قلت يمكن الاعلان ده يهمك

ولو تعرفى حد او احد اصدقاءك ممكن يوصل فكرتك