انا ليه نزلت يوم 27 ؟؟

[abobakr]

انا عارف ان ممكن الموضوع متأخر لك اسف عشاني مش دايما الدخول على المحاورات رغم انه احلى منتدى شوفته بجد

انا هاجيب الموضوع كوبي من صفحتي على الفيس لاني كنت نزلته في صقحة تبع الاخوان المسلمين لانهم كانوا بيدعوا لعدم النزول واتا قلت انزله من باب الراي والراي الاخر لكن للاسف اتمسح خلال 10 ثواني :protest:

بعد اذن الادمن اكتب ليه انا هانزل يوم 27 عشان يكون فيه الراي والراي الاخر

1- الريس لسه قاعد بيستجم في شرم الشيخ في مستشفى سبع نجوم

2- ماما سوزان رجعت 24 مليون جنيه وطلعت براءة رغم ان الكل عارف ان دي مش فلوس بالنسبة ليهم

3- تم الافراج عن زكريا عزمي وفتحي سرور ولما الكل دعى لمليونية رجعوهم تاني

...4- احمد عز فتحي سرور جمال وعلاء مبارك كلهم تم القبض عليهم يوم الخميس عشان الناس بتكون عاملة مليونية يوم الجمعة عاوزين يسكتونا

5- الشرطة لسه موجودة رغم انهم بياخدوا رواتبهم يعني بياخدوا الرواتب من ضرايبنا عشان يقعدوا في البيت

6- ممكن أي واحد يعمل صفحة ويقول انه نازل عشان كذا لكن دي مش هدف الكل يعني لو انا عملت صفحة اقول انا نازل عشان اقول ارجع ياريس ده طبعا مش هايكون هدف المليونية

7- اخر حاجة انا نازل عشان القصاص عشان العدل

8- لو مش عاوز تشوف اللي ظلموك وظلموا غيرك وقتلوا ناس كتير بيتحاكموا خليك في بيتكSee More

[Om Zayd]

يا مرحب بحضرتك معانا

بصراحة مليش تجربة مع موقع الإخوان .. نادر لما بدخل عليه .. بس كونهم يحذفوا تعليقك اللي مفيهوش إساءة بدل ما يناقشوه .. أكيد مش حاجة ترضيني

حضرتك نزلت عشان أهداف معينة .. أغلبنا متفق عليها

لكن الإعلام صور نزول الناس لاهداف أخرى .. لم يكن عليها اجماع

و ده اللي كثييير كانوا خايفين منه

عموما .. خلونا في دلوقت و بكرة

قانون الانتخابات و فردي و القائمة و الاهم .. نوقف بلدنا تاني على رجليها