امنعوا الضحك: الزمالك يقهر الـ141 مليون بعقد رعاية تاريخي لمحل فول وطعمية

[Diab]

موقع جماهير الاهلي

حصل نادي الزمالك على عقد رعاية تاريخي مع أحد محلات الفول والطعمية وفقاً لما تم ذكره في برنامج كورة النهاردة الذي يقدمه الاعلامي أحمد شوبير على قناة مودرن كورة.

وقد تم الكشف عن الدعوة التي تلقاها الصحفيين لحضور افتتاح الموقع الرسمي لنادي الزمالك والذي سيقوم برعايته أحد محلات الفول والطعمية ولكن لم يتم ذكر اسم الراعي.

ويأتي الاعلان عن العقد التاريخي الزملكاوي عقب يوم واحد من اعلان النادي الأهلي عن حصوله على عقد رعاية جديد مع وكالة الأهرام للاعلان بقيمة 141 مليون جنيه خلال ثلاث سنوات.

وكان عقد الرعاية الجديد للنادي الأهلي قد أثار حفيظة المسئولين بالنادي الأبيض الذين أبدوا اعتراضهم على القيمة التاريخية لعقد النادي الأهلي التي تمثل نقلة غير مسبوقة في عقود الرعاية المصرية.

http://www.youtube.com/watch?v=F8Lw9ahACoc&feature=player_embedded

عاوز اقول حاجة واحدة بسسسسسسس

الزمالك مش بتاع بطولات الزمالك بتاع سندويتشااات

cl: cl: :lol: :lol: :lol:

تم تعديل 1 يونيو 2011 بواسطة Diab

[se_ Elsyed]

بطولات الزمالك برعاية

فول وفلافل " الجحش "

[الغريب]

عاوز اقول حاجة واحدة بسسسسسسس

الزمالك مش بتاع بطولات الزمالك بتاع سندويتشااات

cl: cl: :lol: :lol: :lol:

أمنعوا الضحك مين بس ، دا ضحك السنين

الهتاف الجديد لمشجعي الزمالك بعد توقيع عقد الرعاية مع محل فول وطعمية :

يا زمالك يا مدرسه .. يا قدره فول مدمسه :lol:

[الغريب]

[tarek hassan]

من الفلول

[ابو محمد بن مصطفي]

امبارح شوفت علي زووووم اسبورت برنامج ستوديو 2 بيقدمة الصحفي عصام شلاليت (شلتوت) ابو شنب زي المقشة

مدير موقع الزمالك ناوي يقدم بلاغ للنائب العام ضد النادي الاهلي (مش فاكر اسم الباشمهندز)

قال ايه عقد الرعاية الجديد للاهلي مستفذ للشعب المصري

[capitshino]

الزمالك مش بتاع بطولات .... الزمالك بتاع سندوتشات !

[ابو محمد بن مصطفي]

بطولات الزمالك برعاية

فول وفلافل " الجحش "

الزمالك تغزل برجل حمار (عفوا للمثل)

[se_ Elsyed]

من الفلول

ولا قصدك من الفول ؟

إنت واخد الأمور عادي كده .. ولا خلاص أستسلمت ؟

على كده بقى لو حب يروح النادي النادي يشجع .. لازم ياخد السلطانية معاه ... ويرجع بقرطاس طعميه حلاوة الفوز ...

ياااااااه .. ده أحنا هانلاقي أُمم على باب النادي

وهانغير شعار النادي عشان يتواكب مع تلك المرحلة .. ليكون

" إن خِلص الفول .. أنا مش مسئول "

" وإن خلصت البليلة ... ما باليد حيله "

ما هو ممكن النادي برنا يكرمه ويتوسع ويعمل فرع 6 أكتوبر للبليلة ... وياخد مقر في التجمع الخامس ويقدم بقى فيه بابا غنوج .. وبطاطس مهروسة .. وبطاطس صوابع كمان

[se_ Elsyed]

ويا ترى هايتقدم مع الماتشات " طُرشي " ؟

طبعاً أومال هانبلع العك ده إزاي

لأ وتلاقي جلال إبراهيم داخل علينا وهو لابس المريلة بتاعت الشغل .... وعمال يقلي قي اللعيبة اللي لعبهم كله بقى نص سوا وخلوا الجمهور يغلي ز.. والأمور كها بقت سلطة في النادي ... والظاهر ماحدش حاسس بالمسئولية ولا عاوز ياكل عيش ... ومش حاسين خالص بطوابير الجماهير اللي جعانه بطولات من سنين ... وفعلاً كل زملكاوي " خس " النص من القهر .. لإن أي أهلاوي بيقابله بقى يفلفل له ... هيييه . فين أيام الصنايعية الكبار حسن شحاتة وفاروق جعفر وشطه ... خلاص الدنيا أتقل زيتها .. قصدي خيرها ...

بس كده فعلاً الزمالك أثبت إنه نادي الشعب .. يا راجل بلا كنتاكي بلا بتاع

ومن الماتش الجاي التيشرتات هاتتغير ويترسم على الفانله قدرة فول ظريفة

وعلى ضهر اللعيب نرسم " طعمياية "

يااااااااه ز.. دول هايفتحوا نفس الفرق التانية على اللعب

بس أنا متوقع الزمالك ياخد دفعة ويكسب الدوري السنة دي

وساعتها جمهوره هايهيص ويعملوا حفل ساهر بقى وياكلوا للصبح

[ozoozo]

الاخوه الاهلاويه برجاء مراعاه مشاعر اخوانكم الزمالكاويه

والا

[Howayda Ismail]

زعلانين ليه

ماهو دلوقت الثقافة مبتوكلش عيش

لكن الفول والفلافل بتكسب دهب

واللى معاه الكعوب قصدى الفلوس يلعب

على كده بقى العضوية برغيف عيش وقرص طعمية

[ابو محمد بن مصطفي]

الاهلي و الزمالك

قلب واحد

وطن واحد

ستة واحد

تلاتة واحد

[ابراهيم عبد العزيز]

النادى الاهلى الفترة الأخيرة قفز قفزات غير مسبوقة فى مجال الاستثمار الرياضى وتحولت كرة القدم فى الاهلى الى مؤسسة استثمارية بمعنى الكلمة واصبحت بدلا من ان تدر خسارة اصبحت تدر ربحا يدعم ميزانية النادى ,وهذه النقلة جاءات بعد تخطيط ولم تكن شيئا ارتجاليا وبدأت الخطة منذ سنوات بانشاء ادارة التسوسق والاستثمار برئاسة عدلى القيعى .

وبكل صراحة شتان الفارق الادارى والتنظيمى بين النادى الاحمر من جهة وباقى الاندية المصرية من جهة اخرى

كل التوفيق للنادى الاهلى وادارته المحترمة ونتمنى أن تنتهج كل الاندية المصرة نهج الاهلى فى تدبير موارد للاعتماد على الذات حتى لا تكون الأندية ومصروفاتها عبئا على الدولة المصرية .

تم تعديل 1 يونيو 2011 بواسطة ابراهيم عبد العزيز

[dongol]

:P حسام حسن علي كده لازم يغيروا اسمه من المدير الفني لطعمجي مصر الأول

تم تعديل 1 يونيو 2011 بواسطة dongol

[Ahmed Anwer]

حال المشجع الزملكاوى الموسم ده

1- احنا متصدرين ب9 نقط

2- احنا متصدرين ب6 نقط

...

3- احنا متصدرين ب4 نقط

4- احنا متصدرين ب3 نقط

5- احنا متصدرين بنقطة

6- احنا متصدرين بفارق الاجوان

7- لازم نحافظ ع المركز التانى

8 - سنظل اوفيا

[tarek hassan]

خطة الأهلي

- طرد لاعب منافس

- احتساب ضربة جزاء على المنافس

- مد الوقت حتى يحرز الأهلي الأهداف

- عدم احتساب أهداف المنافس

- قرارات عكسية طوال النمباراة لصالح الأهلي

- احتساب أهداف غير مشروعة

إيقاف المنافسين بأي طريقة

- إعلام أهلاوي عامل حملة دائمة على الزمالك تشبه الحملة على السلفيين والإخوان

رعب من الحكام الأجانب

تم تعديل 1 يونيو 2011 بواسطة tarek hassan

[se_ Elsyed]

خطة الأهلي

- طرد لاعب منافس

- احتساب ضربة جزاء على المنافس

- مد الوقت حتى يحرز الأهلي الأهداف

- عدم احتساب أهداف المنافس

- قرارات عكسية طوال النمباراة لصالح الأهلي

- احتساب أهداف غير مشروعة

إيقاف المنافسين بأي طريقة

- إعلام أهلاوي عامل حملة دائمة على الزمالك تشبه الحملة على السلفيين والإخوان

رعب من الحكام الأجانب

أه إحنا بلطجية .. بس مش بتوع فول وطعمية

يا راجل ده أنتوا خليتوها خل والسوس إبتدى ينخر في عضم النادي .. بس ده قدركم هاتعملوا إيه .. أنا رأيي نحضر لكل زملكاوي " طاسة الخضة " أو نخلي حد يقرصة .. بس عارف يا طارق في الماتشات الجايه .. الزمالك لو لعب كرات عرضية كتير .. ممكن يجرجر أي فريق قدامه نحو الهزيمة .. بس إنتو محتاجين مُدرب أجنبي . إيه رأيك في المدرب كزبره وف راجل كان بتاع شطرنج وبيفهم ودماغه متكلفة وعنده تشكيل حلو دايماً .. وياما هرس فرق عن طريق صواريخ كروية .. بس ماحدش يفول عليه ولازم تدوا له فرصته .

[Om Zayd]

مش كان الدوري اتلغى أحسن؟؟؟؟

بدل ما رجعوا الناس يتناقروا تاني

و يتلهوا بالتحليلات و القرارات و الماتشات

فقط أذكركم

"يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ"

[se_ Elsyed]

يادي الفضيحة ام جلاجل .. يادي الجُرسة أم حناجل

الزملكاوية شكلهم كانوا مكترين في الفول والطعمية وفضحونا قدام العالم والناس

في يوم افتتاحه: عطل فاضح في موقع الزمالك يمنع الكشف عن راعي الفول والطعمية!

2011/06/01 22:27كتب : إسلام أحمد368Shareفاجأ نادي الزمالك جماهيره عندما أعلن عن افتتاح موقعه الرسمي في حفل بهيج بينما كانت المفاجأة الصادمة عندما ظهر عطلاً مفاجئاً في الموقع وظهر ذلك بوضوح على الشاشة الكبرى للحفل!

وفي مشهد غريب وطريف كشف الحفل عن عطب الموقع الرسمي الذي كان افتتاحه هو الفقرة الرئيسية للحفل الذي أقيم في أحد الفنادق الكبرى.

وعقب انتهاء كلمة الإعلامي خالد لطيف مقدم الحفل كان من المقرر أن تكشف الشاشة عن الواجهة الرئيسية للموقع الرسمي قبل أن يتفاجأ الجميع بعدم وجود أي صفحات الكترونية علي الشاشة في إشارة إلي وجود عطل فاضح في لحظات الافتتاح الرسمي.

وكانت أكثر اللحظات إحراجاً عندما أشار مقدم الحفل إلي شاشة العرض ليكشف عن شكل الموقع الجديد قبل أن يتفاجأ مع الجميع بأن الموقع غير متاح حالياً!

وكان الموقع الرسمي للنادي الأبيض قد شهد خطئاً فادحاً في كلمات الترحيب باللغة الإنجليزية في الواجهة الرئيسية له قبل أن يعدلها مسئوليه.

طب عدم اللامؤخذة الطعمجي اللي مسئول عن الموقع .. لما الفضيحة دي حصلت من يومين تلاتة ... إيه لحد دلوقت مش عارف العيب في المواسير الداخلية ولا الماسورة الان والموقع اللي لسه بيقول يا هادي لسه واقع وحالته كرب ؟

http://www.elzamalek.org/