موعد محاكمة مبارك 3 اغسطس امام محكمة جنايات شمال القاهرة

[fatfouta]

من على تويتر ومن المصرى اليوم فى الاخبار العاجلة

RT @AlMasryAlYoum_A: عاجل: محاكمة مبارك 3 أغسطس أمام المستشار أحمد رفعت بمحكمة جنايات شمال القاهرة. #Egypt #Jan25 #Mubarak

[fatfouta]

3 اغسطس يعنى 3 رمضان ان شاء الله

يااارب بحق الشهر الكريم انصر الحق

تم تعديل 1 يونيو 2011 بواسطة fatfouta

[محمد عبدالعزيز]

3 أغسطس؟!!!

ومستعجلين كده ليه, ماحنا قاعدين يا جماعة مع بعض, خلوه يرمضن معانا كده ويشوف المسلسلات وفوازير رمضان, وبعدين يديها شوية كحك وبسكوت فى العيد وكل سنة وانتم طيبين.

هو كان إيه اللى حصل بالظبط وبيتحاكم ليه؟

[fatfouta]

محاكمة مبارك ونجليه وحسين سالم 3 أغسطس أمام «جنايات» شمال القاهرة

المصري اليوم

Wed, 01/06/2011 - 15:06

حددت محكمة استئناف القاهرة 3 أغسطس المقبل لبدء أولى جلسات محاكمة الرئيس السابق حسني مبارك ونجليه علاء وجمال وصديقه رجل الأعمال حسين سالم في الاتهامات الموجهة لهم بقتل المتظاهرين والفساد المالي.

ومن المقرر أن يمثل المتهمون أمام المستشار أحمد رفعت، رئيس محكمة جنايات شمال القاهرة، إلا أن مكان انعقاد المحاكمة لم يُعلن حتى الآن، ومن المنتظر تحديده بحسب الظروف الأمنية والحالة الصحية للرئيس السابق الذي يرقد الآن في مستشفى شرم الشيخ الدولي.

http://www.almasryalyoum.com/node/460218

[Alattar]

هو القاضي بيمشي جوه الجزمة الأول؟؟..

يااااااااااااااااه..ده السكة طويلة بشكل

و طبعا هيتأجل من 3 رمضان..لتسعة ذو الحجة..وبعدين تتأجل عشان العيد طبعا..ماهو مش معقول هيسيبوا الخرفان و يروحوا يحاكموا مبارك في العيد

وبعد ده كله مستنيين ان هيبة الدولة ترجع؟؟..لما يبقي فرد..مجرد مواطن عادي عمالين يأجلوا في محاكمته بالشكل ده..يبقي أكيد طبعا أي واحد سرق كام ألف..ولا شنطة..ولا سلسلة ذهب..ده المفروض ما يتحاكمش..و يتصرفله تعويض كمان

[محمد عبدالعزيز]

لا وكانوا زعلانين من مطالب 27 مايو اللى من ضمنها تسريع المحاكمات عشان عاوزين محاكمات عادلة وكل واحد ياخد حقه.

عليه العوض ومنه العوض.

[rewsha]

طبعا طبعا واكيد وحتما ان القضيه هاتتاْجل

اولا: لان شهر 7 و8 بيبقوا اجازات

والمحاكم بتشتغل بعد كده في شهر 9

كمان اي قضيه المحامي بيطلب فيها التاجيل مره للاطلاع ومره لتامين المحكمه ومره ....ومره...ومره....

ربنا يدينا ويديكم طول العمر

ااااااه ويدي مبارك كمان طول العمر .

[محمد حامد الغنام]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

[Alattar]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

يااااه..الحمد لله..طمنتني

[rewsha]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

يااااه..الحمد لله..طمنتني

تصدق بالله يا عطار

انا كنت قاعده باحتسي شوية شاي وانا باقراْ كلامك ده :coffeenews:

اقسم بالله من كتر الضحك lo:: شرقت وكان هايجرى لي حاجه

وكنت هاخبط محمد الغنام بنقطه حمراء ,بس بعد الضحك ده ....تراجعت

وكنت انت السبب في ان عدد نقاطه الحمراء مازادش واحده

خد انت بقى ال... ....حمراء دي

[fatfouta]

سمعت ان القضاة بياخدوا اجازة فى شهر اغسطس من كل سنة

صحيح الكلام ده ؟؟؟؟

[fatfouta]

مصدر قضائي: ثلاثة ضوابط تحكم تحديد مكان محاكمة مبارك

أكد مصدر قضائي أنه يجوز لمحكمة استئناف القاهرة إرسال ملف قضية محاكمة مبارك ونجليه علاء وجمال ورجل الأعمال الهارب حسين سالم إلى محكمة شمال القاهرة، حيث أن تحديد مكان انعقاد الجلسات -طبقا للقانون والإجراءات المنظمة لعمل المحاكم- يكون حسب ثلاثة ضوابط أساسية، هي محل إقامة المتهم أو مكان ارتكاب الواقعة، أو مكان ضبطه.

وأضاف المصدر أنه بناء على ذلك يجوز لمحكمة استئناف القاهرة إرسال ملف القضية إلى محكمة شمال القاهرة، وانعقاد جلسات المحاكمة أمام الدائرة الخامسة تحديدا، برئاسة المستشار أحمد رفعت، لكون هذه الدائرة هى المسئولة عن نظر القضايا، التي تقع بمنطقتي النزهة ومصر الجديدة، وهي منطقة سكن المتهمين من الأول حتى الثالث.

http://gate.ahram.org.eg/News/77565.aspx

[Alattar]

سمعت ان القضاة بياخدوا اجازة فى شهر اغسطس من كل سنة

صحيح الكلام ده ؟؟؟؟

وحتي لو ما بياخدوش..السنة دي بأه بالذات هياخدوا

[se_ Elsyed]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

جباررررررررررررررررررررررررررررررررر

بس كده مبروك عليه الأعدام يا رجالة

----------

نيجي للجد بعيداً عن تهريج الغنام

كده مبارك في البخ ومش هايتحاكم .... واللي هايلبسها هو عياله واهو اللي خلف ما ماتش ... لإن مبارك مش هايحضر اول جلسه ... فهايقعدوا يبعتوا له إخطارات بالحضور ... وأجل ياللي بتأجل .... وقبل كل جلسه يقعد المشير طنطاوي وهو لابس الجلابية ويدعي إن السر الألهي يطلع عشان يرفع عنه الحرج

[MOOOM]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

ممكن حضرتك تقولنا إيه إلي انت كتبته في القضية بتاعت مبارك ؟؟؟؟

[Alattar]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

ممكن حضرتك تقولنا إيه إلي انت كتبته في القضية بتاعت مبارك ؟؟؟؟

http://www.youtube.com/watch?v=b2MD4-1I8D4&feature=player_embedded

[MOOOM]

شهر أغسطس إجازات المحاكم .. والموضوع كله مماطلة في مماطلة ..

وبما أنه هناك ثلاثة ضوابط تحكم تحديد مكان محاكمة مبارك

هي محل إقامة المتهم أو مكان ارتكاب الواقعة، أو مكان ضبطه.

وبما أن جرائمه في جميع مصر من مشرقها لمغربها .. فممكن ألاقي خبر يفيد بأن محاكمة مبارك هتكون فوق سطوح بيتنا

من الآخر يا جماعة .. الراجل ده مش هيتحاكم ولو عملنا فيها قرود .. وهيفضلوا يماطلو كدة في القضية لغاية لما يطلع السر الآلهي أو ربنا يرزقة بفنجان قهوة مسمومة .

ولي استفسار بسيط ياريت لو أحد الأعضاء من الأطباء يجيب عليا فيه .. هوه فيه حاجة اسمها [ سكتة قلبية مفاجئة ] وسكته قلبية بتخبط على الباب وغير مفاجئة ؟؟؟؟

مهو أي واحد في الدنيا ممكن يرتفع ضغط دمه وتجيلة سكته قلبية مفاجئة .. ولا كلامي غلط ؟؟؟

وعلى هذا الأساس المفروض خروج جميع المساجين من سجونهم لاحتمال إصابتهم بسكته قلبية مفااااااااااجئة .. ولا هما واخدين تعهد على نفسهم بعدم حصولهم على سكته قلبية مفاجئة ؟؟؟؟

[fatfouta]

هو المستشار احمد رفعت ده هو هو اللى حكم براءة ممدوح إسماعيل فى العبارة ولا واحدة تانى

حد يعرف عنه حاجة؟؟ :unsure:

[Howayda Ismail]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

جالكوا كلامى

محمد الغنام بيختار اللى على مزاجه على طريقة الخيار والفاقوس

طيب هنا اخبار الاعلام مبتصدقوش كمان قرار النيابة مش جاى على هواك

يارب اعداااااااااااااااااااااااااااااااااام عشان فضيحة الطايرة الاخيرة

[Howayda Ismail]

تصدق بالله يا عطار

انا كنت قاعده باحتسي شوية شاي وانا باقراْ كلامك ده :coffeenews:

اقسم بالله من كتر الضحك lo:: شرقت وكان هايجرى لي حاجه

وكنت هاخبط محمد الغنام بنقطه حمراء ,بس بعد الضحك ده ....تراجعت

وكنت انت السبب في ان عدد نقاطه الحمراء مازادش واحده

خد انت بقى ال... ....حمراء دي

يابت الايه ياروشة

انتى بتفكرى بدالى ولا ايه

بس انا مرضتش اديه سالب عشان انا اطمنت زى استاذ العطار

اعدااااااااااااااااااااااااااااام ان شاء الله