موعد محاكمة مبارك 3 اغسطس امام محكمة جنايات شمال القاهرة

[Simba]

جملة قريتها وعجبتني

إلي دعاة العفو لا يوجد ما يسمي بالعفو عن بريء حاكموه اولا حتي يعرف العالم جرائمه

[rewsha]

تصدق بالله يا عطار

انا كنت قاعده باحتسي شوية شاي وانا باقراْ كلامك ده :coffeenews:

اقسم بالله من كتر الضحك lo:: شرقت وكان هايجرى لي حاجه

وكنت هاخبط محمد الغنام بنقطه حمراء ,بس بعد الضحك ده ....تراجعت

وكنت انت السبب في ان عدد نقاطه الحمراء مازادش واحده

خد انت بقى ال... ....حمراء دي

يابت الايه ياروشة

انتى بتفكرى بدالى ولا ايه

بس انا مرضتش اديه سالب عشان انا اطمنت زى استاذ العطار

اعدااااااااااااااااااااااااااااام ان شاء الله

تتوقعي حكم الاعدام ده يبقى لمبارك وله للشعب ؟؟؟؟ :blink:

وله ل.........................

محمد الغنام؟؟؟؟؟؟؟؟؟؟؟؟ wst::

[capitshino]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

ممكن حضرتك تقولنا إيه إلي انت كتبته في القضية بتاعت مبارك ؟؟؟؟

http://www.youtube.com/watch?v=eTbm4auoHWE

[محمد حامد الغنام]

هههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههه

ههههههههههههههههههههههههههههههههههههههه

- عجبانى اوى الفيدوهات الى فيها المرافعات دية

ههههههههههههههههههههههههههههههههههه

هههههههههههههههههههههههههههههه

هههههههههههههههههههه

هههههههههههههههههههههههههههههههههه

انتوا اجمل ناس فى الدنيا والله

دمكم عسل اوى

هههههههههههههههههههههههههه

-

[capitshino]

هههههههههههههههههههههههههههههههههههههههههه

ههههههههههههههههههههههههههههههههههههههههههههههههههههههه

ههههههههههههههههههههههههههههههههههههههه

- عجبانى اوى الفيدوهات الى فيها المرافعات دية

ههههههههههههههههههههههههههههههههههه

هههههههههههههههههههههههههههههه

هههههههههههههههههههه

هههههههههههههههههههههههههههههههههه

انتوا اجمل ناس فى الدنيا والله

دمكم عسل اوى

هههههههههههههههههههههههههه

-

انت اللى عثل يا عثل

بس بجد _ ممكن تكتب لنا بعض الامثلة للى بعته للاستاذ الديب

وماتخفش مش هابعتها لابو شقة

[شرف الدين]

جملة قريتها وعجبتني

إلي دعاة العفو لا يوجد ما يسمي بالعفو عن بريء حاكموه اولا حتي يعرف العالم جرائمه

إلى عزيزي سيمبا

قال سيدنا يوسف عليه السلام لإخوته الذين ألقوه في الجب بعد أن مكنه الله منهم ( لا تثريب عليكم اليوم يغفر الله لكم )...

فلم يعقد لهم سيدنا يوسف محاكمة أولا حتى يعرف الناس جرمهم قبل أن يقول لهم هذا ... بل قال لهم ( لا تثريب ) .. أي لا لوم ولا توبيخ ولا تجريح ولا عتاب لكم .. ثم دعا لهم قائلا ( يغفر الله لكم )

إذا ما فائدة العفو بعد الإهانة والإذلال والفضيحة .!!!

واأسفاه ..

يقول الإمام ابن القيم

" يابن ادم إن بينك وبين الله خطايا وذنوب لا يعلمها إلا هو وإنك تحب أن يغفرها لك الله فإذا أحببت أن يغفرها لك فاغفر أنت لعباده وإن أحببت أن يعفو عنك فاعف أنت عن عباده فإنما الجزاء من جنس العمل "

وأنا أقول لك عزيزي سيمبا .. إن أحببت أن يسترك الله فاستر أنت عباده.

والسلام عليكم ورحمة الله وبركاته

تم تعديل 1 يونيو 2011 بواسطة شرف الدين

[shawshank]

سمعت ان القضاة بياخدوا اجازة فى شهر اغسطس من كل سنة

صحيح الكلام ده ؟؟؟؟

أنا معلوماتي إن أجازات المحاكم من 30 يونية لحد 1 أكتوبر. بس دي على ما أعتقد أجازة عرفية مش رسمية. يعني ممكن عادي تصدر أحكام في الفترة دي.

.. لإن مبارك مش هايحضر اول جلسه ... فهايقعدوا يبعتوا له إخطارات بالحضور ... وأجل ياللي بتأجل ....

يا سيدي ماهو مش مهم يحضر. لو حضر محاميه يبقى ماشي. لو حتى ماحضرش محاميه، المحكمة بتنتدب له محامي.

وبما أنه هناك ثلاثة ضوابط تحكم تحديد مكان محاكمة مبارك

هي محل إقامة المتهم أو مكان ارتكاب الواقعة، أو مكان ضبطه.

وبما أن جرائمه في جميع مصر من مشرقها لمغربها .. فممكن ألاقي خبر يفيد بأن محاكمة مبارك هتكون فوق سطوح بيتنا

كنت هقولها! طب ما الراجل ليه وقائع في كل مصر. هيحاكموه فين واللا فين؟

ولي استفسار بسيط ياريت لو أحد الأعضاء من الأطباء يجيب عليا فيه .. هوه فيه حاجة اسمها [ سكتة قلبية مفاجئة ] وسكته قلبية بتخبط على الباب وغير مفاجئة ؟؟؟؟

تمام. لأ والظريف برضه يقولك إنه حالته النفسية ساءت بعد ما عرف إنه هيروح طرة أو إنه هيتحاكم. طب ماهو أي متهم طبيعي إنه يحصل له كده، ايه المختلف هنا؟ لو كل متهم اتحجز في المستشفى لحد ما يخف لأن حالته النفسية ساءت عشان عرف إنه هيتحاكم، كان كل المساجين بقوا في المستشفى، وكانت السجون مليانة غربان وبوم وممكن نعملها متاحف أو حدائق ومتنزهات!

[MOOOM]

فيه إعترافات خطيرة جداً يا جماعة عايز أعترف بيها ..

- أنا السبب في حادث الطائرة عام 99 لأني كنت راكب معاهم وشايل كام كيلو عسل ودكر بط وزلعة مش ووزن زايد كثير .

- أنا السبب في تدمير الحياة السياسية بمصر وذلك من خلال ترشيحي عضو باتحاد طلاب الجامعة عام 2000م .

- أنا السبب في تصدير الغاز المصري لإسرائيل لأن البواب مرة باعلي أنبوبة البوتوجاز بعشرين جنيه وهيا ساعتها كانت ب15 جنيه بس .

- أنا السبب في إدخال المبيدات المسرطنة لمصر لأني عندي مزرعة والعامل الشغال فيها كان مطلع عيني فعلشان كدة حبيت أعاقبه .

- أنا السبب في الخصخصة لأني دخلت مرة عمر أفندي ولاقيت واحدة بتبيع وردت عليا بقرف لما سألتها [ عندكم أيس كريم بالبطيخ ] ؟؟

- أنا السبب في بيع أراضي الدولة للأجانب لأن ليا واحد صاحبي خليجي عزمني مرة على مكبوس بالهامور والتمر .. فحبيت أعمل معاه واجب في مصر .

- أنا السبب في تزويد انتخابات مجلس الشعب لأنه كان فيه واحد داخل أصادي والراجل ده كان بيضرب كولا .

- أنا السبب في تدمير الاقتصاد المصري لأني كنت عايز أدخل ابني وبنتي شركاء في مصانع البامبرز والشيبسي والآيس كريم علشان يفكو عن دماغي من المصاريف دي .

- أنا السبب في قتل المتظاهرين .. لأن واحد منهم كان بيركن عربيتو تحت بيتي ومكنتش بلاقي مكان أركن أنا فيه .

- أهم حاجة بقة .. أنا إلي بلغت عن بن لادن .. لأني كنت بدور على سلاح 9 مللي .. ومكنش فيه طريقة غير أني أبلغ عنو لأمريكا مقابل سلاح 9 مللي ومدفع رشاش

بس أرجو العفو والمغفرة من الشعب لأني بصراحة حالتي الصحية متدهورة جداً وبيجيلي صداع مزمن وصباع رجلي الصغير فيه ودنه تعباني من الصبح .. وبما أن لي أخ طبيب من زمان .. فهو قال لي .. هعملك تقرير طبي ميخرش المية علشان تصعب على الناس وأكيد هتطلع براءة من كل جرائمك دي .. وهذكر في التقرير أنك ساعات كثير ولا بتسمع ولا بتشوف لما تكون نايم ، وقلبك بيقف لحظات لما بتعطس .

[Handasah]

- انا كلمت مكتب استاذ فريد الديب

وبعتلهم على البريد كل حاجة انا كتبها فى القضية بتاعه مبارك

يمكن تفيد استاذ فريد الديب فى القضية

والله انت مشكله يامحمد انت مبتبش ياراجل بجد ربنا يهديك ومتبقاش الشريك المخالف على طول ....