اقتراح.."تعالوا نبنيها...حتي لو بفكرة"

[لماضة مصرية جدا]

السلام عليكم و رحمة الله و بركاته

بقترح يكون عندنا باب لوحده بعيد عن اخبار الثورة...(لان الباب بتاع الاخبار بقي عامل زي الشريط الاخباري...اخبار و تحليلات)

ليه منعملشي باب و يكون لكل فكرة او مشروع ممكن ينفعنا في المرحلة الجاية

زمان كنت اقترحت ان احنا نعمل "بنك الافكار" لكل الاحلام اللي اتولدت فينا بعد الثورة

و بعديها لقيت صفحة دكتور عصام شرف بتتبني الفكرة...(من غير ما حد يستاذني في الاسم حتي...بس مش مهم)

دلوقتي بقترح ان احنا نعمل باب خاص

بافكارنا احنا

هي ش اخبار....و لا هي انجازات...هي مجرد افكار....هنطرحها و نتكلم فيها و نفكر فيها مع بعض

احنا فينا اللي بيفهم في الاقتصاد و فينا اللي بيفهم في السوق و فينا اللي بيفهم في مجالات مختلفة...و ده طبعا غير اللي بيقعد يفكر زيي و يهرش في راسه من كتر الفكر :closedeyes:

يمكن حد مننا في يوم من الايام... يطبقها في بيته...في شارعه....حتي لو في الغربة يساهم بنشرها

يمكن و يمكن و يمكن

بس الدايرة ممكن توسع و تكبر و تنور فوق ما نتخيل

بس المهم نبتدي

ده اقتراحي

و شكرا مقدما

كونوا....متفائلين.....اللحظة الجاية احلي من لحظة فاتت..

[pink rose]

باضم صوتي لصوتي لريهام في الاقتراح دا

و بارجو ان الادارة تاخده بعين الاعتبار لانه اقتراح قيم و هاتنفرد بيه محاورات المصريين فعلا

[pink rose]

ها يا جماعة ما حدش رد علينا

و لا قال حتى بندرس الاقتراح

مازلنا في الانتظار

[ابراهيم عبد العزيز]

اقتراح طيب جدا اخت لماضة

وأى انجاز كبير بدأ بفكرة أو بحلم

وعندما ننظر الى معظم الاختراعات التى حدثت عبر التاريخ وغيرت مجرى حياة البشرية نجدها قد بدأت بخاطرة أو فكرة من الشخص المخترع وكثير منها لاقى السخرية فى بدايته من الناس ولكن مع ايمان المخترع بفكرته وثقته فى نفسه استطاع أن يصنع من الخاطرة الانجاز

اضم صوتى لصوتك طبعا أخت لماضة وشكرا على الاقتراح

[pink rose]

This topic has been visited by 20 user(s) [Expand][ Collapse ]

لماضة مصرية جدا, AccOunTanT, أبوعمار, Alattar, arkan, مهندس ابو يوسف, لونا, الدكتورة أم أحمد, ابراهيم عبد العزيز, Damo, Handasah, masraweya, medomshakel, mfarag, mustafagamiel, رضوي, Om Zayd, ozoozo, pink rose, tarek hassan

للاسف الموضوع لم يدخله اي حد من اخوانا المشرفين

بارفعه تاني عشان حد يدخل يشوفه و يقولنا ايه رأي الادارة في الاقتراح

[Folana]

السلام عليكم ورحمة الله...

أنا دخلت أهو..:)

الفكرة جميلة جدا طبعا..ياريت فعلا نبدأ نساهم بأفكارنا أو خططنا اللى ممكن نطبقها على أرض الواقع للمساهمة فى إعادة البناء...

اللى مش قادرة أفهمه ، هو طلب حضراتكم بأن تقول الادارة رأيها فى الإقتراح...إذا كان الكلام يدور حول تخصيص باب لعرض الافكار ومناقشتها ، فأقول أن أكيد استاذ عادل مش حيمانع ، لكن خلونا الاول نكتب مقتراحتنا وأفكارنا وتصورنا لطريقة التنفيذ....وبعد كده مافيش أسهل من تخصيص باب بعنوان "تعالوا نبنيها "....وإلى أن يتم تنفيذ الاقتراح...وبعد أن نقرأ بعض المقترحات ...سأقوم بتثبيت الموضوع .

من رائى الشخصى أن عرض المقترحات والافكار الايجابية مش لازم يستنى رأى الادارة ومش لازم يستنى تخصيص باب للفكرة...

يالا نبدأ ونشجع بعض على الابداع الفكرى ووضع تصور لمستقبل أفضل لمصر .

وده موضوع للفاضل KLMO كان بيعرض فيه فكرته وأظنها قريبة من موضوعنا هذا

الموضوع

بنعتذر لحضراتكم عن التأخير فى الرد ونشكركم على مبادرتكم الطيبة...

ربنا يوفقنا جميعا